Baheth

السلام عليكم ورحمة الله وبركاته. اهلا بحضراتكم في المقطع رقم سبعمية ستة وستين من مقاطع حظر التجول والحلقة الثامنة من حلقات تدبر سورة ال عمران ارجو من حضراتكم تجيبوا المصاحف. والحقيقة الكلام اللي انا قلته امبارح وجع ناس كتير منكم. طب ما انا اتكلمت عن الناس اللي - 00:00:01ضَ

كلمني منزعجين من عدم استجابة ربنا للدعاء آآ بالرغم انهم ما بيعملوش حاجة غلط وانهم ناس يعني طيبين ومواظبين على العبادات واعمال الخير وكده جالي كم آآ كم كبير الحقيقة من التعليقات ومن الرسايل - 00:00:29ضَ

وبيثبت ان الكلام كان مؤلم. بالنسبة لناس كتير الناس اللي حست بان الكلام وجعها امبارح لازم يعني بصراحة انا انا انا سعيد بها جدا لان انا قلت لكم نوبين نوجين - 00:00:47ضَ

ما فيش وجع ما فيش استفادة اذا سمعتوا خطبة او درس وطلعت منها مطمئن على نفسك اعرف انك ما استفدتش اي حاجة آآ انا لو اقول لكم الطرق اللي احنا كنا يعني بنتعلم بها وبنتربى بها مش هتصدقوا يعني انا فاكر انه - 00:01:06ضَ

المربي بتاعي في مرة من المرات كده عرف ان انا معي عربية وان انا لسة خريج جديد ومع زلك معي عربية وعربية كويسة اداني آآ امر ان انا اقعد اسبوع من غير عربية - 00:01:21ضَ

جيت بعد اسبوع قال لي عملت ايه وصلت طيب كويس. طبعا يعني ما اعرفش فيكم ناس كتير مصريين بس مش عارفين يعني ايه. زمان انك تركب الاتوبيس ما كتش حاجة يعني آآ سهلة قوي يعني. انت ممكن تبقى راكب برة - 00:01:36ضَ

اتوبيس اصلا وايدك بس جوة الاتوبيس ماسك متشعبط يعني. فكانت كت حاجات يعني ما بيركبش كان النوع ده من المواصلات الى الناس يعني الايه الفقراء يعني. دلوقتي لأ دلوقتي الحمد لله بقت الاتوبيسات احسن الناس بتركب واقفين ميكروباصات ما كانش فيه ميكروباصات زمان - 00:01:50ضَ

المهم يعني فجيب بعد اسبوع قال لي عملت مواصلات طب كويس ركبت منين بقى من هنا منين قال لي كنت بتركب منين ؟ كنت بتركب في المحطة اللي قدام بيتكم؟ ولا كنت بتمشي للمحطة البعيدة عشان جيرانك والناس اللي في الحتة ما يشوفوكش وانت مستني الاتوبيس على المحطة اللي قدام بيتكم - 00:02:07ضَ

وبصراحة كنت بمشي محطة كده اعمل نفسي قال لي انا عايز اتمشى وبصراحة ما كنتش بستنى على المحطة القريبة من بيتنا عشان اه فعلا لا ما ينفعش. اسبوع بقى تاني وهتركب من هناك. ودي النقطة انه - 00:02:29ضَ

لازم تتوجع لازم يكون فيه نوع من انواع التربية طيب السؤال الحقيقة اللي جا لي امبارح انه طيب ما الصحابة ايضا استبطأوا اجابة الدعاء هم كمان وقالوا متى نصر الله - 00:02:42ضَ

هو احنا هنبقى احسن من الصحابة يعني؟ لا انتم بقى نسيتوا الاية متين واربعتاشر في سورة آآ البقرة لما تدبرناها الاية بتقول مثل الذين خلوا من قبلكم مستهم البأساء والضراء وزلزلوا - 00:02:58ضَ

حتى يقول الرسول والذين امنوا معه متى نصر الله الا ان نصر الله قريب. قلت لكم الرسول له قول والذين امنوا معه لهم قول قول الذين امنوا متى نصر الله - 00:03:23ضَ

امتى بقى النصر ييجي بقى بقى لنا عشرين سنة بندعي بقى بقى لنا مية سنة بندعي بقى. اللي هو الشعور اللي عند كتير مننا قول النبي ايه الا ان نصر الله قريب. يعني ما تستبطئوش - 00:03:40ضَ

اجابة الدعاء النبي صلح لهم اللي يتدبر القرآن هيجد ان سنة الانبياء جميعا. هي الدعاء دون انتظار تحقق الاماني. ما باقولش دون انتزار استجابة الدعاء لان ربنا بيستجيب الدعاء ربنا بيستجيب له ومش بالضرورة بيحقق لك اللي انت بتدعو به - 00:03:55ضَ

ممكن تتمنى شيء فيه دمارك وانت مش عارف ان ده فيه الدمار لك. وانت مش عارف. فربنا بيستجيب استجابة ربنا انه استجيب لنيتك انت نيتك ان انت كنت عايز تحقق السعادة. وفاكر الشيء ده هيحقق لك السعادة. ربنا يعلم - 00:04:20ضَ

وهو العليم الحكيم الخبير. ان فيه دمارك في الموضوع ده. فما بيحقق لكش الامنية ودي استجابة ربنا للدعاء. استجاب لنيتك. انت كنت عايز سعادتك. سعادتك مش في الموضوع ده. ده هيدمرك - 00:04:37ضَ

لما سيدنا زكريا دعا يجي له ولد قعد يجري لغاية ما سنه كبر دعى كتير لما ربنا استجاب الدعاء وحقق الامنية وبشر بيحيى تعجب وائل قال ربي انا يكون لي غلام وقد بلغني الكبر وامرأتي عاقر - 00:04:55ضَ

انت مستغرب ليه! مش انت اللي كنت بتدعي ربنا امبارح انت اللي كنت بتدعي ربنا. ايوة لكن الانبياء بيدعوا ربنا ولا يجعلوا نصيبهم من الدعاء هو التحقق الاماني الانبياء بيدعوا ربنا لان الدعاء عبادة عبادة جديدة عبادة لطيفة غير باقي عبادة مختلفة عن باقي - 00:05:17ضَ

العبادات بصوا في سورة غافر وتدبرناها برضو. وقال ربكم ادعوني استجب لكم ان الذين يستكبرون عن عبادتي ما قالش عن دعائي والنبي عليه الصلاة والسلام بيشرح بيقول الدعاء هو العبادة - 00:05:41ضَ

حديس شريف صحيح آآ ان الذين يستكبرون عن عبادتي سيدخلون جهنم داخرين سيدنا ابراهيم والسيدة سارة دعوا ربنا عشرات السنين لغاية ما كبروا في السن والسيدة سارة ما خلفتش وفي الاخر خالص الملائكة جت تبشرها باسحاق - 00:05:58ضَ

وشفناها في سورة هود وامرأته وامرأته قائمة فضحكت. فبشرناها باسحاق وقلت لكم ان باللغة العبرية آآ الاسم يعني يضحك فضحكت فبشرناها باسحاق. الملايكة سمته لها اسحاق. يعني الضحكة اللي هي ضحكتها - 00:06:18ضَ

ومن وراء اسحاق يعقوب لما بشروها ان يجي لها ولد قالت يا ويلتا االد وانا عجوز وهذا بعلي شيخا ان هذا لشيء عجيب. الله ما انت كنت الله! ليه الانبياء بيستغربوا لما ربنا - 00:06:43ضَ

بيحقق الامنية اللي بيدعو بها بتفكروا ليه؟ الذاريات. سورة الذاريات. فاوجس منهم خيفة قالوا لا تخف وبشروه بغلام عليم فاقبلت امرأته في سرة فصكت وجهها وقالت عجوز عقيم ازاي ؟ ضربت على راسها ازاي ؟ ده انا عجوز وعقيم. وهي بتدعي ربنا - 00:07:02ضَ

ما فيش حد ما دعك. قل الدعاء عبادة. لكن ما حدش من الانبياء استبطأ استجابة الدعاء وقال مع ان انا نبي وباعمل اعمال خير كتير وبقى لي سبعين سنة بدعي - 00:07:27ضَ

ده مش عشرين سنة بقى. سبعين وتمانين وتسعين سنة بيدعوا وبيدعوا بامر عظيم جدا يعني شبه مستحيل لكن على ربنا ما فيش مستحيل. فالدعاء في حد زاته عبادة. لا تجعلوا نصيبكم من الدعاء هو انتزار تحقق الاماني - 00:07:42ضَ

دي علاقة العيال ببابا. اللي هو بابا عايز لبان. عايز لبان. عايز لبان يا بابا. بابا بابا بابا عايز لبان لأ فاستجابة الاستجابة الوحيدة انه يجيب لك لبان لكن هنا لأ - 00:08:00ضَ

هنا العلاقة بربنا دي نوع مختلف. ليه بقى هل في حد يحب الالحاح عليه؟ لأ. ده شيء مزعج جدا ما فيش حد يحب ان حد يلح عليه في طلب انما ربنا لأ - 00:08:12ضَ

ربنا هو اللي بيقول لك تطلب منه وبيقول لك تلح عليه في العبادة كمان العلاقة مختلفة مختلفة ربنا يحب انه يسمع صوتك. ده من ضمن وسائل الاستجابة ان ربنا لما يحب عبد ويحب يسمع صوته لا يعطيه ما يريد عشان يفضل يسمع صوته - 00:08:26ضَ

انت تحب ايه في دول ؟ لو ربنا ما اخر ما اخر تحقق امنيتك. علشان عشان بيحبك ويحب يسمع صوتك. انهو افضل؟ لو انت مؤمن بهزا الكلام انهو افضل؟ خلونا نبدأ - 00:08:47ضَ

بس انا سعيد ان هو واجعكم على فكرة ده معناه احنا نستفيد ان شاء الله نبدأ من اي تمنتاشر احنا مش هناخد غير الاية تمنتاشر النهاردة بس نقراها ونقرا معها الاية تسعتاشر. اعوذ بالله السميع العليم من الشيطان الرجيم - 00:09:04ضَ

شهد الله انه لا اله الا هو والملائكة واولو العلم واولو العلم قائما بالقسط. لا اله الا هو العزيز الحكيم ان الدين عند الله الاسلام. وما اختلف الذين اوتوا الكتاب الا من بعد ما جاء - 00:09:19ضَ

العلم بغيا بينهم ومن يكفر بايات الله فان الله سريع الحساب احنا هناخد النهاردة العيال تمنتاشر كفاية شهد الله انه لا اله الا هو والملائكة واولو العلم قائما بالقسط. لا اله الا هو - 00:09:47ضَ

هو العزيز الحكيم الشاهد هو الذي رأى بعينه شاهد بعينه فنقول احنا بنجيب اتنين شهود اتنين شهداء يشهدوا على العقد يعني يشوفوا بنفسهم الطرفين بيوقعوا يبقوا كده هم ايه شهدوا او شهدوا - 00:10:10ضَ

على العقد طب انت لما تقول انت بتقول اشهد ان لا اله الا الله. شفتها ازاي قال لك انك لما بتشهد بان فلان وقع العقد يعني انت شفته بعينك فنتيجة الرؤية دي اللي انت شفتها بعينك حدث عندك العلم اليقيني انه وقع العقد. فانت لما بتشهد انت بتشهد ان هو اللي وقع - 00:10:35ضَ

عقد. انت بتشهد بعلمك اللي حصل عن طريق الرؤية بالمشاهدة بالعين اذا الشهادة عبارة عن الاخبار الاخبار المقرون بالعلم يعني مش بتقول اشاعة. مش قريت حاجة على فيسبوك وبتحكيها دي ما اسمهاش شهادة - 00:11:03ضَ

لكن شفت واحد بيوقع العقد مع واحد تاني فبتشهد يعني بتخبر الناس انك تعلم علم اليقين ان الراجل ده وقع تمام لما نقول بقى شهد الله انه لا اله الا هو - 00:11:26ضَ

يبقى ربنا بيخبر عن علم انه لا اله الا هو والملائكة يعني والملائكة تشهد ايضا ان الله لا اله الا هو يبقى الله يشهد والملائكة تشهد واولو العلم يشهدون انه لا اله الا الله - 00:11:46ضَ

لا اله الا هو طب الملائكة عرفوا ازاي ؟ ربنا اخبر الملائكة مصدر الملائكة الوحيد في العلم هو الله ربنا اعلم الملائكة. فالملائكة شهدت بما علمها الله. طب واولوا العلم - 00:12:10ضَ

اولو العلم يعني العلماء من الناس على مختلف درجاتهم. منهم رسل وانبياء ومنهم الصحابة بتوع الانبياء اللي هم التلاميز بتوعهم اللي هم منهم مفكرين وعلماء اي حد عنده علم هنا - 00:12:28ضَ

وهناك تفسير بيقول ان شهد معناها ان الله سبحانه وتعالى خلق الادلة على وجوده ووحدانيته لما اقول ربنا شهد ان لا اله الا هو يعني خلق الادلة اللي تجعل اولوا العلم يستدل بها على - 00:12:50ضَ

عدم وجود اله غيره ابلغ الملائكة بالادلة دية والملائكة ابلغت الرسل اللي ابلغوا العلماء طيب فبكده شهد الملائكة واولوا العلم. طب ممكن واحد يقول ايه تعالوا بقى نتكلم معلش بقى منطقيا كده يا جماعة. منطقيا بس - 00:13:08ضَ

هل من المقبول ان واحد يشهد لنفسه ده تضارب مصالح يعني ربنا بيشهد لنفسه ان لا اله الا هو امال يعني هيقول ايه تاني هيقول فيه غيري نقول له وهل ثبت غير ذلك - 00:13:29ضَ

ادي احنا في سنة الفين اتنين وعشرين اهو. ده بعد الميلاد يعني ده اللي هو يعني من بعد مولد السيد المسيح والف وربعمية تلاتة واربعين بعد الهجرة وقبل عد بقى قبلها بقى سيدنا موسى قبل المسيح بالف وخمسمية سنة والالف وسبعمية سنة. وسيدنا ابراهيم قبل سيدنا موسى بالف وخمسمية سنة. عد بقى. كل الاف - 00:13:51ضَ

في السنين دي هل ثبت في كل الزمن ده ان في اله اخر غير الله هل ادعى احد على مر التاريخ انه الخالق ما باقولش انه اله. فيه ناس ادعت الالوهية. زي النمروذ زي فرعون. ماشي - 00:14:12ضَ

بس هل فيهم حد ادعى انه خالق لم يدعي احد ابدا في التاريخ انه الخالق ليه ما حدش ادعى دي لان الخالق لازم يكون ازلي منذ الازل. لما حد يدعي ان هو اللي خلق الشمس - 00:14:29ضَ

نقول له يا ابني انت مجنون! انت اصلا عمرك اربعين سنة او خمسين سنة يعني من خمسين سنة كنت بتعمل على روحك في اللفة وما كانش فيه بامبرز فكانوا بينضفوا لك الوساخة ويغيروا لك الكافولة - 00:14:46ضَ

مين بقى يبقوا الشمس من قبل من اكتر من خمسين سنة؟ يبقى انت ازاي اللي خلقت الشمس؟ فلم يدعي احد ابدا على مر التاريخ ان هو الخالق ما حدش جاره يقولها. الناس هتضحك عليه - 00:15:00ضَ

ابو خمسين ولا ابو ستين ولا ابو سبعين سنة ده! طب وقبل كده مين اللي خلق! طيب ازا الدعاء ما لوش معنى. او بالنسبة لصفة الحي القيوم حد ادعاها كل من ادعى الالوهية مات - 00:15:13ضَ

فين فرعون مات ده الواد ده اسلم ده اعلن اسلام وربنا ما قبلش منه النمروذ مات كل اللي ادعوا الالوهية ماتوا اذا لم يستطع احد ابدا ان يثبت انه اله - 00:15:29ضَ

شهد الله انه لا اله الا هو لم يستطيع مدعي ان يثبت غير ذلك التدبر اللي في الاية دي بقى وان هذه الشهادة التي يشهدها الله وتشهد بها الملائكة ويشهد بها اولو العلم بما فيهم الانبياء والرسل - 00:15:44ضَ

هي هي دي المطلوب منك تشهدها عشان تخرج نفسك من النار وتدخل نفسك الجنة يعني ربنا لم يطلب منك انك تشهد زور لم يطلب منك تشهد بشيء يقلل من قدرك او تشهد بشيء غلط او شيء غير منطقي - 00:16:10ضَ

يكفيك فخرا ان ربنا طلب منك تشهد بالحق بنفس الشهادة اللي هو نفسه. بيشهد بها والملائكة تشهد بها واولوا العلم يشهدون به ادي اول اول نقطة يعني دي حاجة بتوري لك قيمة لا اله الا الله - 00:16:30ضَ

اللي بتخرجك من من النار وتدخلك الجنة دي. ما هيش حاجة غير منطقية مش حاجة صعبة ده هو ده الصح يعني يعني لو لو شهادة لا اله الا الله لا بتخرج من النار ولا بتدخل الجنة برضو المفروض تشهدها. دا دا الطبيعي. دا الشيء المنطقي الوحيد - 00:16:52ضَ

الامر التاني هو انه ربنا لم يذكر الانبياء والرسل في الاية ذكر اولو العلم بس وبالتأكيد لم يتجاوز الانبياء والرسل لكنه ادخلهم في عداد اولو العلم طبعا ده شرف كبير لاولي العلم - 00:17:13ضَ

انهم يعدوا مع الانبياء والرسل. ولكن وان الانبياء والرسل يوصفوا بانهم اولوا علم ولكن ايضا ليه بقى ؟ ربنا ما يزكرش الانبياء والرسل هنا لان الاية هنا الموضوع بتاعها هو الشهادة بعلم - 00:17:33ضَ

احنا قلنا الشهادة هي الاخبار بعلم فالمقام هنا مقام شهادة. يعني ايه؟ يعني كل من يشهد في هذه الاية يشهد بعلم. الله سبحانه وتعالى شهد في علمه انه لا اله الا هو - 00:17:52ضَ

الملائكة وهي نوع من المخلوقات له صفات خاصة مسيرين مش مخيرين لا يعصون الله ما امرهم لن يحاسبوا يوم القيامة شهدوا بعلمهم الذي اعلمهم به الله. انه لا اله الا هو. ثم النوع التالت هو اولو العلم - 00:18:09ضَ

المختلفين بقى عن الملائكة اللي هم مخيرين من الخير والشر آآ لكن بسبب العلم اللي عندهم تميزوا عن باقي النوع بتاعهم. وربنا شرفهم بانه ذكرهم في الاية معه ومع الملائكة. انهم - 00:18:27ضَ

يشهدون بوحدانيته فما فيش داعي للتفريق بين الانبياء وبين العلماء في النقطة دي لان الفرق بين الانبياء والعلماء في مسألة اخرى وهي تلقي الوعي تلقي العلم من الوحي. والمقام هنا يخص الشهادة يعني الاخبار بعلم وليس مصدر العلم - 00:18:42ضَ

فهمتوا دي المقام هنا الموضوع اللي بنتكلم عنه هو الاخبار فيدخل الانبياء والرسل في عداد اولوا العلم اللي بيخبروا بعلمهم. لكن ايه مصدر العلم بقى؟ هنا يبقى ايه؟ يبقى لازم يبقى فيه تفريق بين الرسل والانبياء وبين العلماء - 00:19:06ضَ

ان مصدر العلماء هو النبوة. مصدر الانبياء الوحي. طيب والمقام هنا يخص الشهادة بلا اله الا الله عن علم وعن يقين. وده يجمع بين الانبياء والعلماء على اختلاف درجاتهم طبعا - 00:19:27ضَ

احنا محتاجين الوحي عشان نعرف تفاصيل الدين يعني بعض العقائد بعض صفات الله ايه الحلال وايه الحرام؟ ازاي نصلي؟ ازاي نصوم؟ الشرائع بتاعتنا ايه؟ الشريعة ايه لكن وجود الله سبحانه وتعالى وانه واحد احد لا تحتاج الى وحي عايزة عقل بس - 00:19:44ضَ

تحتاج انك تفكر بطريقة صحيحة وجود الله يعني طبعا اللي هو يعني يعني ادلة كثيرة جدا. دليل الاثر دليل حاجات كتيرة قوي. حتى احنا في الجيم بتاع الاطفال احمد بيقول ليوسف - 00:20:09ضَ

ايه دليل انه آآ ازاي يؤمن بحاجة وهي وانا مش شايفها قدامي فبيقول له انت لو شفت بيضة ومش شايف طائر. هل البيضة دي مش دليل وجود طائر بيضها ولا البيضة دي لوحدها؟ - 00:20:24ضَ

ازا اثر الشيء يدل على وجوده حتى لو انت مش شايفه ومش حاسس به لكن اثره البصمات وفي نفس الفيديو برضه يعني الاسئلة اللي بتيجي بعديه هل لو حصل حادث سرقة في بيت - 00:20:40ضَ

والبوليس وجد اثار بصمات شخص مش من اهل البيت وما بيخشش البيت ده هل من حق البوليس يوجه الاتهام بالسرقة لهذا الشخص بناء على وجود بصماته؟ ايوة طبعا. لان اثر اثر الشخص يدل على وجوده - 00:20:56ضَ

ازا تحتاج بس تفكر بطريقة صحيحة طيب هل ينفع يكون في اكتر من اله؟ طبعا لأ ليه؟ لان يعني ايه اله؟ الصفات اساسية لازم الاله ده يكون كلي القدرة يعني على كل شيء قدير - 00:21:16ضَ

لو في الهين كل اله بيعمل حاجة زي الالية الاغريق كده يبقى السبب هو ان كل اله فيهم مش قادر لوحده يشيل الشغل كله مش قادر لوحده غير قادر على كل شيء - 00:21:34ضَ

فبيقسم الشغل مع اله تاني وتالت ورابع ايا كان ولو فيهم اله واحد قادر على كل شيء يعني بيحقق اه اه الصفات الاساسية بتاعة الاله اللي هي كلي القدرة لو فيه اله منهم قادر على كل شيء يبقى الالهة التانية ما لهاش لازمة - 00:21:51ضَ

وما فيش حاجة اسمها اله ما لوش لازمة اله ما حدش محتاجه تبقى اله هزيمة مش اله ما بينفعش اله. ازا اولو العلم يؤمنون بانه لا اله الا الله بالعقل - 00:22:16ضَ

يوصل له بالعقل لكن باقي تفاصيل الدين. باقي تفاصيل حتى صفات الله ما تقدرش توصل لها بالعقل. انت تحتاج هنا الى الوحي النقطة التانية بقى هي الشهادة بايه؟ بيشهدوا بايه - 00:22:30ضَ

بالوحدانية فقط؟ لا الله سبحانه وتعالى والملائكة واولو العلم شهدوا بانه لا اله الا هو قائما بالقسط قائما بالقسط يعني ايه يعني ما حدش اتقتل ودمه هيروح هدر انسوا الكلام ده. ما حدش اتسرق واللي سرقه مش هيتحاسب. انسوا - 00:22:44ضَ

ما حدش اتخاض في عرضه واغتابوه الناس الا ولازم هيتحاسبوا عليه. حتى لو كل الجرايم دي مرت في الدنيا دون عقاب الجناة المجرمين العصاة لانهم كانوا اقوياء لانهم كان عندهم علاقات لان القضاء كان فاسد ايا كان بقى السبب - 00:23:09ضَ

ربنا قال في سورة الانبياء ونضع الموازين القسط ليوم القيامة. فلا تظلم نفس شيئا وان كان مثقال حبة من خردل اتينا بها. وكفى بنا حاسبين ربنا وضع موازين يحقق بها القسط بين الناس يوم القيامة - 00:23:29ضَ

ما حدش قال ان الدنيا فيها عدل مطلق. العدل العدل يتحقق يوم القيامة. ما تجيش تقول لي فين العدل بتاع ربنا اللي بيحصل في الدنيا انت كانك هنا بتلوم القاضي - 00:23:59ضَ

وقت وقوع الجريمة. لا ده لسه ده لسة البوليس هييجي ويقبض على الراجل ويدخله ويخش السجن ويروح المحكمة ويحضر كزا جلسة. وبعد كده القاضي هيحكم بالعدل. هي دي النقطة بقى. احنا هنا - 00:24:13ضَ

في الدنيا احنا في مسرح الجريمة العدل بيتحقق القسط بيتحقق يوم القيامة ربنا وضع موازين ليحقق القسط بين الناس يوم القيامة وامر الناس اللي عاوزين ينجوا برقابهم من النار انهم يتعاملوا في الدنيا بالقسط - 00:24:26ضَ

قال لهم وزنوا بالقسطاس المستقيم. يبقى الناس في الدنيا هي اللي لازم تتعامل بالقسط عشان في الاخرة مش هيبقى فيه الا القسط فاللي ييجي في الاخرة مقدم اعمال صالحة وعنده اعمال او او ذنوب قليلة هو ده الايه؟ هيقدر ينجو. طيب - 00:24:49ضَ

شهد الله ان لا اله الا هو والملائكة يعني والملائكة يشهدون ان لا اله الا هو. واولو العلم يشهدون ان لا اله الا هو قائما بالقسط لا اله الا هو العزيز الحكيم. يشهد تاني ان لا اله الا هو. تاني العزيز الحكيم. لانهم علماء - 00:25:12ضَ

اقاموا الحجة على الملاحدة في وحدانية الله ولانهم علماء. علموا بيقين ان ان الله هو العزيز الذي لا يغلب فلم يدعي احد الالوهية الا واذله الله الانسان ادعى الالوهية يا جماعة في اخر عشرين سنة. وعمل ديانة جديدة اسمها الانساناوية - 00:25:38ضَ

يعني والخطاب في اخر عشرين سنة كله كان كده ان الناس هي التي خلقت الله يعني خلقت فكرة الاله. ليه؟ قال لك لان الطب كان متخلف يعني ما كنش فيه كان فيه يعني يعني امراض كتيرة ما لهاش علاج. ما لهاش لقاح - 00:26:07ضَ

بس بعد التقدم الطبي الهائل اللي اصبح الناس ما فيش ما فيش مرض ما لوش علاج الكلام ده مكتوب في الكتب اللي كانت بتطبع لغاية من سنتين ما فيش مرض ما لوش علاج. ما فيش فيروس ما لوش لقاح. التقدم الطبي الهائل ده بيوجه رسالة للناس انتم لستم في حاجة - 00:26:31ضَ

الى الله انتم في حاجة الى طبيب شاطر فقط. والله طب خدوا بقى كورونا يلا داخلة على تلات سنين بنلف حواليها نفسنا مئات الالاف من العلماء في عشرات الالاف من المعامل في الاف الجامعات في جميع القارات بيحاولوا يجدوا - 00:26:53ضَ

وحل ومش لاقيين لا لقاح جايب نتيجة ولا دواء جايب نتيجة. والوفيات وصلت وانا باكلمكم النهاردة ستة وربع مليون وفاة ستة وربع مليون ووصلت عدد الاصابات خمسمية وعشرة مليون يعني اكتر من نص مليار بني ادم - 00:27:13ضَ

الانسان الجاهل لسة بيجادل في وجود ربنا برضو فاكرين في اول اسبوع يعني من سبعمية وستين يوم واحنا بنتدبر سورة يونس قلت لكم يا جماعة لو الكورونا دي درس من ربنا - 00:27:34ضَ

يبقى ربنا مش هيرفعها قبل ما الناس تتعلم الدرس والا هيبقى ايه يعني الدرس هيبقى ايه لزومه منكم ناس ارسلت لي رسايل موجودة عندي لحد دلوقتي اهدى شوية وما تغامرش بمصداقيتك حضرتك. لان كلها اسبوعين تلاتة والقصة دي هتتحل - 00:27:52ضَ

وهيلاقوا لقاح وهيخترعوا دواء وبتاع فاهدى بس شوية. فين احنا في تالت سنة تالت سنة قربت تنتهي والموجة في الصين دلوقتي. شنجهاي بقى لها اسبوعين الناس محبوسة في بيوتها. بقى لهم عشر تيام ما بينزلوش حتى يجيبوا اكل - 00:28:08ضَ

لسة اول امبارح في امتى البني ادم هيفهم حال الناس لن ينصلح حتى يفهموا معنى لا اله الا الله. لانها مش مجرد كلمة لا اله الا الله بتحرر الانسان من الخوف - 00:28:25ضَ

لا اله الا الله يعني لن اخاف الا من الله لا اله الا الله يعني لن اطلب الا من الله. ولن ارجو الا الله. ولن اشكو الا الى الله. ولن احب الا الله وما يحب - 00:28:44ضَ

بالله ولن اكره الا ما يكره الله ولن اقول الا ما يحب الله ان يسمعني اقول. ولن افعل الا ما يحب الله افعل ولن اذهب الا لما يحب الله ان اذهب اليه. عبوديتي لله بتحررني من العبودية للناس - 00:28:58ضَ

والعبودية للشهوات. لا اله الا الله هي مركز الدنيا. مركز حياة الانسان كله هي لا اله الا الله. لكن لما الانسان ينحي في جانبا لا اله الا الله من حياته. ويجعل نفسه هو المركز زي ما حصل. تخرب الدنيا - 00:29:18ضَ

وينتشر الفساد وينعدم الامن ونتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب - 00:29:36ضَ

اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب. اللهم اجعلنا نحبك بكل قلوبنا. ونرضيك - 00:29:58ضَ

بكل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:30:28ضَ

اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم - 00:30:57ضَ

واحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين - 00:31:17ضَ

اللهم سدد رميهم وخيب رمي عدوهم. وكن مع اخواننا في تركستان الشرقية وفي الشام وفي كشميرا وفي سريلانكا وفي الهند وانصر كل من نصرهم واخذل كل من خذلهم وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن - 00:31:37ضَ

اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا مريضا به او حاملا له البس ثوب الصحة والعافية عاجلا غير اجل. ومن لم يصب به فقه شره وابعده عنه ولا تسلطه الا على اعدائك واعدائك - 00:31:58ضَ

دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها - 00:32:19ضَ

وادي مدها واهدها سبلها واملأها بنورك الذي لا يخبو واشرح صدورها بفيض الايمان بك وجميل التوكل عليك واحيها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير - 00:32:39ضَ

صل اللهم وسلم على محمد وعلى اله وصحبه ومن تبع هداه. والسلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:32:58ضَ