Transcription
اعوذ بالله السميع العليم من الشيطان الرجيم. بسم الله الرحمن الرحيم. الحمد لله. والصلاة والسلام على رسول الله. وعلى آله وصحبه ومن والاه وبعد النهاردة هو الدرس الثاني من الدروس المعينة على ان احنا نخشع في الصلاة. ودرس النهاردة في غاية الاهمية فارجو من حضراتكم بقى - 00:00:01ضَ
ان انتم تركزوا معي لان ان شاء الله ظني ان شاء الله في لو فهمنا الدرس ده كويس هيفرق معنا كثير جدا واحنا ما بنصليش الدرس باختصار بيدور في حتة ماذا يحدث في الكون وانت جاي تصلي - 00:00:38ضَ
ايه اللي بيحصل في عالم الغيب اللي انت مش شايفه وانت جاي على ربنا عشان تصلي في خير؟ تعالوا من البداية نشوف هو ايه اللي اول حاجة الله سبحانه وتعالى يحب اذا اتيت اليه ان تكون طاهرا مبرأ من كل ذنب - 00:00:58ضَ
لو انت بتتوضأ يغفر الله لك كل ذنب وقعت فيه. علشان يقول لك انت جاي تقابل الملك فلان لازم تكون متطهر من كل شيء ظاهرا وباطنا. حضرتك وانت بتتوضا سيدنا رسول الله صلى الله عليه وسلم بيقول في الحديث ان - 00:01:18ضَ
العبد اذا قام يتوضأ فغسل يديه. خرجت الخطايا الذي ارتكبها بيديه مع الماء او مع اخر قطر الماء. فازا غسل وجهه خرجت الخطايا التي ارتكبها بوجهه بالسمع وبالبصر بالكلام مع الماء او مع اخر قطر الماء. وهكذا في كل - 00:01:38ضَ
اعضاء الوضوء علشان تطلع من وضوء وانت بفضل الله تطهرت ظاهرا بالماء وتطهرت باطنا بمغفرة الله عز وجل لك ادي واحدة اتنين انت وانت جاي تصلي وانت خارج من البيت انت مش متخيل فرحة - 00:01:58ضَ
ربنا عز وجل بك فمن اكتر الاشياء اللي تفرح ربنا انه يراك خارج من بيتك جاي تصلي في المسجد حتى ان النبي صلى الله عليه وسلم يقول ما من مسلم يتوضأ فيحسن وضوءه ثم يأتي الى المسجد - 00:02:18ضَ
الا تبشبش الله له يعني يفرح الله به ويضحك له الا تبشبش الله له كما بشبش اهل الغائب بغائبهم. عارفين عشان نفهم الحديث اكتر انا ابني سافر قاعد في السعودية اربع خمس ست - 00:02:38ضَ
سنين جم السنتين بتاع كورونا بقوا سبع سنين. وبعد ما ربنا رفع البلاء ده ابني خلاص نازل خدت العربية وخدت وزوجتي وخدت اولادي رايحين نقابل ابني اللي ما شفتوش بقى لي قد ايه ؟ سبع سنين. اول ما تشوف ابنك طالع من بوابة المطار كده ولا من بوابة الصالة اللي - 00:02:58ضَ
منى وصلاها وطالع بالشنط بتاعته. انت بتقابله ازاي؟ شفت الحفاوة بتاعتك؟ شفت فرحتك في استقبالك شفت سعادتك وانت رايح تقابل ابنك ودي اعلى درجة من درجات السعادة اللي ممكن تصيب الانسان فالنبي يقول لنا ان من - 00:03:18ضَ
اكتر اللحظات التي يفرح الله بها يفرح ربنا بك وهو يراك. قد خرجت من بيتك او من محلك او من اي مكان. وانت جاي المسجد يفرح بك قوي وخدوا بالكم في الحديث حاشية صغيرة كده سيدنا النبي يقول ومن ضحك الله له فلا حساب عليه في الاخرة - 00:03:38ضَ
يبقى انت كده ربنا بيفرح بك وانت جاي للمسجد فرحة ربنا لك تديك عطية جميلة قوي انك ان داومت على ده يوم القيامة تخش الجنة بلا حساب. ما تنسوش دي. مش كده وبس. لك ان تتخيل - 00:03:58ضَ
ان الجمال ده في الدنيا واستقبال ربنا لك في الدنيا ده يقابله استقبال اخر في الاخرة. والله الناس اللي ما بتجيش المسجد محرومة محروم من خير كبير اوي. من اتى الى المسجد من غدا الى المسجد او راح اعد الله له نزلا - 00:04:18ضَ
في الجنة كلما غدا او راح اتفرج على انت وانت جاي بس ربنا سبحانه وتعالى بيعد لك ايه في الجنة؟ تيجي بقى حضرتك وتخش المسجد وتقف في الصف الاول. انا مش عارف ايه اللي بيحصل. ما هو بقى نظرتنا للغيب اللي احنا مش شايفينه ده يفرق كتير - 00:04:38ضَ
وصلتنا. تيجي بقى حضرتك بدري وتخش في الصف الاول. سيدنا رسول الله يقول لنا ايه؟ ان الله وملائكته ليصلون على الصف الاول. انت واقف في الصف الاول وربنا سبحانه وتعالى عن من يثني عليك في الملأ الاعلى. ويغفر لك - 00:04:58ضَ
شفت عبدي جاي بدري وساب كل حاجة عشان ييجي يصلي. مش كده وبس بل ويأمر الله عز وجل ملائكته انها تأتي بكل ذنوبك لا تغادر ذنب لا كبير ولا صغير. هاتوا كل ذنوب عبدي. وحطوها على راسه وعلى عاتقيه - 00:05:18ضَ
علشان عبدي كل اما يركع ويسجد لي ذنوبي دي تغفر. قال صلى الله عليه وسلم ان العبد اذا قام يصلي اوتي بالذنوب فكانت على رأسه وعلى عاتقيه. فكلما ركع وسجد تساقطت ذنوبه. مش كده وبس. يقرب منك - 00:05:38ضَ
يقرب منك. يقرب منك جدا. وشوف يعني ناس كتير جدا مسلا في الماتشات. لما شوفوا نجم مسلا من نجوم الكورة الكبار يبقى اكتر غاية عنده انه يروح يجري جنبه كده وياخد صورة ولا ياخد معه سيلفي مثلا ويحس ان هو قريب ويقول له - 00:05:58ضَ
شوفوا يا جماعة انا لك ان تتخيل احنا المرة دي مش بنقرب من لاعب كورة ولا من مغني ولا من ممثل ولا بتاع المهرجانات. خالص ده المرة دي مش انت اللي بتقرب. ده هو اللي بيقرب سبحانه وتعالى. هو اللي بيقبل عليك. سيدنا رسول الله - 00:06:18ضَ
بيقول لنا في الحديث ان العبد اذا قام يصلي اقبل الله عليه. ربنا بيقرب منك. اقبل الله عليه بوجهه يناجيه وفي رواية حتى ينصب الله وجهه لوجه عبده ايه الجمال ده! والله العظيم فعلا فعلا يا رب يا رب اهدي ولادنا واهدي احبابنا للصلاة ولحب الصلاة يا رب. شف - 00:06:38ضَ
انت المرة دي النبي يقول لنا اقرب ما يكون العبد من ربه وهو ساجد فانت هو قرب منك الاول. سبحانه وتعالى واقترب عشان يسمعك بتقول ايه ويناجيك ويتكلم معك سبحانه وتعالى. مش كده وبس. يفتح لك ابواب السما. والله - 00:07:08ضَ
والله العظيم زي ما بقول لكم كده تخش الصلاة يفتح لك ابواب السماء ويقول لك عبدي ادعي بقى بما شئت. انا فتحت لك الابواب خلاص سيدنا رسول الله بيقول لنا في الحديث. لما سمع عبد وهو بيكبر الله اكبر الله اكبر كبيرا والحمد لله كثيرا - 00:07:28ضَ
وسبحان الله بكرة واصيلا. سيدنا رسول الله بيقول يا جماعة مين اللي قال الكلام الحلو ده بعد تكبيرة الاحرام؟ فالراجل خاف يكون غلط في سكوت ما تكلمش. يا جماعة مين سكت ما تكلمش فاعاد النبي ووالله ما قال الا خيرا. قال له بس انا انا اللي قلت - 00:07:48ضَ
قال عجبت لكلماتك. الكلمات الجميلة اللي انت قلتها دلوقتي. الله اكبر كبيرا. والحمد لله كثيرا. سبحان الله بكرة الكلمات الجميلة دي عجبت لكلماتك فتح الله لكلماتك ابواب السماء. عارفين يعني ايه فتح الله - 00:08:08ضَ
كلماتك ابواب السماء يلا شد حيلك ادعي ربنا عز وجل. ادعي ربنا وانت بتصلي تكون النتيجة خلاص الدعوة مش هترد ترد ازاي وربنا يفتح لك ابواب السماء ترد ازاي يعني؟ استشعار المعاني دي تفرق كتير جدا معك وانت بتصلي - 00:08:28ضَ
استشعار بالفعل قد ايه ربنا سبحانه وتعالى بيبقى فرحان وان ربنا سبحانه وتعالى بيعد لك ما لا تتصور وانت جاي لك جاي له عشان تصلي حاجة مش كده وبس. بل وانت بتصلي يكون في حاجة جميلة قوي ربنا يعملها معك - 00:08:48ضَ
سيدنا النبي صلى الله عليه وسلم يقول من اتى الى بيت الله فهو ضامن على الله. يعني كيف هو ضامن على الله؟ ربنا سبحانه وتعالى يعلم انت كمدرس عندك دروس دلوقتي ودخلة امتحانات سبت كل حاجة جيت عشان تصلي - 00:09:08ضَ
ربنا يعلم ان انت عندك محله وسبت ده كله وجيت عشان تصلي. ربنا يعلم ان انت جاي من شغلك فعلا تعبان. وعايز تنام تريح وسبت ده كله وجيت عشان تصلي. ربنا سبحانه وتعالى يرى ده فيقول لك خلاص انت ضامن علي. يعني ايه ضامن بقى؟ يعني انت في زمتي - 00:09:28ضَ
يعني انت في حماية انت في حفظي. انت في رعايتي. انت في كلائتي. ما لا يصيبك ضر ولا مكروه ولا سوء ليه؟ ده انت في حفظ الاية. ده انت في حفز الله. ده انت في رعاية ربنا. عشان كده ده بيفسر الناس دايما اللي قريبة من الصلاة وقريبة من - 00:09:48ضَ
ازاي دايما ربنا عز وجل بيجعل لها من كل ضيق مخرج؟ وازاي بيجعل لها دايما في كل ازماتها؟ الف حل مش حل واحد بس. كل ده ربنا بيعدوا لك بس وانت جاي وانت جاي على بيت ربنا سبحانه وتعالى. في ذمته وفي ضمانه وفي رعايته سبحانه وتعالى. حافظ عليه - 00:10:08ضَ
داوم عليه وشوف ربنا سبحانه وتعالى بيكرم العبد ازاي. استشعار دايما المعاني الغيبية دي بتقرب العبد من ربنا عز وجل قوي شعار ان ربنا سبحانه وتعالى يديك عطية جميلة في الصدر. يعني بالله عليكم اللي استشعر ان النبي صلى الله عليه وسلم بيقول لنا اقرب ما يكون - 00:10:28ضَ
العبد من ربه وهو ساجد فاكثروا من الدعاء وانتم سجود. ده معناه ايه؟ ده معناه ايه؟ ده معناها ان ربنا سبحانه وتعالى لانك بقيت غالي عنده. ولك مكان عنده. قال لك عبدي وانت ساجد؟ ادعي باللي انت عايزه - 00:10:48ضَ
وانا ساعطيك لما طلبت لأ فوق ما طلبت. اكتر من اللي انت طلبته بزيادة كمان. لانه كريم سبحانه وتعالى طب اللي يستشعر ان ابواب السماء بتفتح وهو ساجد. وبدأ يجتهد وهو ساجد انه يدعي ربنا كتير بقى. ويبقى محضر الدعوة بتاعته وهو بيصلي بقى - 00:11:08ضَ
محضرها كويس عشان لما انزل السجود ادعي ربنا سبحانه وتعالى. ده ممكن يسرح في الصلاة؟ لأ ده قلبه وعقله وفكره كله شغال مع هذا ملكي العظيم اللي عمال يفيض عليه من كرامته ومن جوده ومن احسانه. هيبقى مشغول ساعة السجود. هيبقى مشغول قوي. الانسان - 00:11:28ضَ
منا لما يستشعر ان ربنا فعلا بيتكلم معك وبيرد عليك وبيناجيك. مين ده اللي ممكن يكون سرحان في الصلاة هختم معكم بالحديث ونكمل في درس بكرة ازا شاء الله عز وجل. سيدنا النبي صلى الله عليه وسلم يقول ان الله عز وجل يقول قسمت الصلاة بيني وبين عبدي نصف - 00:11:48ضَ
بيني ولعبدي ما سأل. فاذا قام عبدي فقال الحمد لله رب العالمين. ربنا في السما يقول للملايكة حمدني عبدي مش ده اللي انتم كنتم بتقولوا عليه؟ هيسفك الدماء ويفسد في الارض. حمدني عبدي. فاذا قال الرحمن الرحيم قال الله اثنى - 00:12:08ضَ
يا عبدي فاذا قال ما لك يوم الدين قال الله مجدني عبدي. فاذا قال اياك نعبد واياك نستعين قال الله هذه بيني وبين عبدي ولعبدي ما سأل اهدنا الصراط المستقيم صراط الذين انعمت عليهم غير المغضوب عليهم - 00:12:28ضَ
ولا الضالين ربنا يقول دي بقى بتاعة عبدي اعطيه ما طلب واعطيه ما اراد. ان اللي بيكلمك المرة دي مش اي حد. ده اللي كلمات المرة دي ملك الملوك ورب العباد سبحانه وتعالى. من الحاجات الجميلة قوي اللي عملها معنا سيدنا رسول الله صلى الله عليه وسلم. انه كشف لنا الحجاب - 00:12:48ضَ
علشان نشوف الحاجات دي بعنينا علشان الحاجات دي لما بنستشعرها تكون النتيجة ان احنا قلوبنا تزداد خشوع وتزداد طمأنينة واحنا واقفين بين ايدين ربنا سبحانه وتعالى نكمل في درس بكرة ان شاء الله. ايه الاسباب اللي تعبنا على الخشوع في الصلاة؟ هذا وصلى الله على نبينا محمد وعلى اله وصحبه وسلم - 00:13:08ضَ
الله اكبر الله اكبر - 00:13:28ضَ