Transcription
بسم الله الرحمن الرحيم. السلام عليكم ورحمة الله وبركاته. بسم الله الرحمن الرحيم. الحمد لله والصلاة والسلام على رسول الله. صلى الله عليه واله وصحبه وسلم وبعد امبارح كان بيكلمني اه حد من اخواننا التجار ربنا يا رب يبارك فيهم ويحفظهم يا رب. اه من الناس اللي انتم عارفين طبعا - 00:00:00ضَ
موضوع الجنيه والدولار والعلوم والارتفاع بيقول لي انا واخويا اتعرض علينا قروض علشان نمشي آآ كل واحد يمشي التجارة فانا رفضت وقلت اخد قرض والقرض ربا والربا حرام وربنا يمحق الربا وبيحارب اهلها. فانا رفضت - 00:00:20ضَ
ان الدنيا كانت زنقة شوية بس رفضت. واخويا خد قرض قرض كبير علشان يجيب بضاعة ويزود التجارة والدنيا تغلى الدنيا يزيد والفلوس تزيد يقول لي سبحان الله مع نهاية السنة مع نهاية السنة انا بصفي وهو بيصفي انا طلعت كسبان - 00:00:40ضَ
ربنا مراضيني والامور عندي بفضل الله والله وقام قايل لي كده غير البركة اللي ربنا سبحانه وتعالى اعطهاني. واخويا التاني اللي واخد قرض قد كده المفترض المفترض بالورقة والقلم ان احنا ايه آآ آآ ان احنا يعني هو يبقى آآ يعني مصفي اكتر مني بكتير - 00:01:00ضَ
لا والله مشاكل وازمات وبدل الخسارة خساير وطالع في النهاية خسران خساير كبيرة جدا يعني. فافتكرت اية من كتاب الله سبحانه وتعالى. آآ قال الله سبحانه وتعالى وهي اية واحدة جمعت لنا صورتين من البشر - 00:01:20ضَ
صورة الانسان اللي عرف الحلال جري عليه وعرف الحرام جرى بعيد عنه. ونموزج اخر للانسان اللي عرف الحرام جرى عليه وشاف الحلال هرب منه. فالنموزج الاول ربنا قال لنا دي نهاية طريقه والنموزج التاني دي نهاية طريقه - 00:01:40ضَ
قال الله سبحانه للذين استجابوا لربهم الحسنى. للذين استجابوا لربهم الربا حرام. خلاص انا بعيد ما ينفعش تغش في تجارتك. خلاص انا مش هاعمل كده. ما ينفعش في يوم من الايام تروح تجيب فاتورة لزبون عندك - 00:02:00ضَ
كله الفاتورة اتكلفت علي الف جنيه وهي انت جايبها بستمية ولا بسبعمية عشان تاخد الباقي ده غلط لازم الوضوح والبيان تقول له انا جبت دي بكزا ما تزودش جنيه غير لما يكون اللي هيدفع عارف. اوعى في يوم من الايام زبون يطلب منك حاجة وتغشه فيها. ففي - 00:02:20ضَ
واحد قال انا عمري في حياتي ما هغش. ولا عمري في حياتي هكذب. ولا عمري في حياتي ادخل في بيتي قرش حرام. ولا عمري في حياتي اخالف امر ربنا سبحانه وتعالى ربنا وعده بكلمة واحدة بس. ربنا وعده بايه؟ كلمة واحدة بس. للذين استجابوا - 00:02:40ضَ
تابوا لربهم الايه؟ بس ايه الحسنى؟ ايه الحسنى؟ اول قول من اقوال المفسرين قول الرزق الحسن والحياة الكريمة. اول حاجة ربنا سبحانه وتعالى يضمنها لهذا الانسان. رزق وحياة طيبة. سبحان الله! ممكن الانسان اللي يدور على القرش الحرام ويجيب من حرام! عايز يضمن لنفسه حياة كريمة - 00:03:00ضَ
ربنا يقول له لأ مش مش هتاخدها. لان الحياة الكريمة ربنا وضعها للي استجاب لامر ربنا سبحانه وتعالى. فبعضهم قال الرزق الحسن الحياة الكريمة. بعضهم قال الحسنى هي الجنة. وما اعده الله عز وجل فيها. بعضهم - 00:03:30ضَ
قال الحسنى هي الاحسن في كل شيء. طول ما انت مستجيب لامر الله ربنا هيديك الاحسن في كل شيء. الابن هيكون الاحسن وسط الناس. الزوجة هتكون الاحسن وسط الناس. الصحة تكون الاحسن وسط الناس. سمعتك الاحسن وسط - 00:03:50ضَ
بس طول ما انت مستجيب لامر ربنا سبحانه وتعالى. وتخيلوا كلمة الحسنى فيها كل هذه المعاني. طب والجهة التانية والذين لم يستجيبوا له للذين استجابوا لربهم الحسنى خلاص. والذين لم يستجيبوا له - 00:04:10ضَ
شغال في مستشفى من المستشفيات وهو مندوب المبيعات. انت هتجيب لنا الجركن المطهر اللي هنطهر به مكنة الغسيل الكلوي. ماشي. الجركن الامريكي تلتميت جنيه. خلاص هنكلم واحد يضرب لنا جركن زي الجركن الامريكي بالزبط. ونحط مادة كده من عندنا مطهرة نص نص كده. وبدل ما كنا هندفع - 00:04:30ضَ
تلتميت جنيه في الجركن نبقى عملنا مصلحة زي الفل. والجركن كله تكلفته يعني بيقولوا توتو على كبوته. كله على بعضه كده هيكلفنا سبعين تمانين جنيه. واحنا اولى بالباقي. وبارك الله فيما رزق. بس انت بتاكل حرامي - 00:05:00ضَ
المريض يا عيني اللي بيغسل كلى ده نظرا لان المطهر مش كويس مطهر مضروب. المرض اللي كان عنده لما جه واحد تاني يغسل بعديه كانت النتيجة اتنقلت الامراض بين الناس. انت حرام عليك. انت حرام عليك كده اللي انت عملته. لا بس اهم حاجة نعمل المصلحة - 00:05:20ضَ
طيب ده بيطلع فلوس قد كده علشان في النهاية يعيش حياة كريمة طيب تعال بقى نشوف ربنا سبحانه وتعالى قال له انت قدامك اربع مشكلات. المشكلة الاولى والذين لم يستجيبوا له. واحد لو ان - 00:05:40ضَ
لهم ما في الارض جميعا ومثله معه لافتدوا به. الناس دي يوم القيامة لو الدنيا كلها هم مالكينها ومعهم دنيا كمان. يعني لو الدنيا كلها بفلوسها بدولاراتها وملايينها وعقاراتها واراضيها. هم مالكين ده كله مقابل ان هم ينجوا في اليوم ده مش هينجوا - 00:06:00ضَ
اللي اخته بعد الميراث لما ابوه مات والله العظيم جاي بيسألني بيقول لي انا اختي يعني وبيحكي عن اخت زوجته وزوجته ورثة من ابوها فهي لها مثلا ميراث لا يقل مسلا عن تلاتين مليون - 00:06:30ضَ
يقول لي يقولوا لها انت اخرك معنا هتاخدي لك مليون وتمضي لي عن تنازلات. والا اثبتي ان فيه حقوق اصلا. ايه ده! ايه ده ايه اللي انت بتعمله ده ؟ اهو ده بقى والذين لم يستجيبوا له يوم القيامة يقف بين ايدين اخته. يقف بين ايدين اخته تقول له يا رب - 00:06:50ضَ
خد حقي بغير حق. اعمل ايه؟ ساعتها الاخ اللي خد الفلوس بغير وجه حق ده لو يملك الدنيا كلها. ومعه دنيا فوق الدنيا علشان يفتدي من الموقف ده صعب عليه. علشان يفتدي ان العذاب مش مش هيوفي - 00:07:10ضَ
لو ان لهم ما في الارض جميعا ومثله معه لفسدوا به في فيه الفداء ولا يوم ينفع تقول خلاص انا بدل ما كنت هدي لاختي تلاتين هديها ميت مليون ما عدش ينفع في ده. ادي واحدة. التانية اولئك - 00:07:30ضَ
لهم سوء الحساب. يعني ايه بقى سوء الحساب؟ الناس اللي ما استجابتش لاوامر ربنا في الدنيا. يعني ايه اولئك لهم سوء الحساب لها اربع معاني. المعنى الاول لا يغفر الله لهم ولا يتجاوز عنهم - 00:07:47ضَ
ربنا لما اتكلم على المؤمن في حسابه اليسير يقول ربنا عز وجل اولئك الذين نتقبل عنهم احسن ما عملوا. نقبل منهم الحسنة تجاوزوا عن ايه؟ سيئاتهم. ده الحساب اليسير. عندك حسنة مقبولة. عندك سيئة؟ غفرتها لك. اولئك لهم سوء الحساب - 00:08:07ضَ
اول حاجة هو حساب لا مغفرة معه. طب مين هيتحمل ده؟ يعني مين هيتحمل انه يلاقي ذنوب كثيرة جدا كده ولا تقبل ولا تغفر له. ادي المعنى الاول. طب والمعنى التاني؟ قالوا ابطال الحسنات - 00:08:27ضَ
سادات ياه سوء الحساب ان انا جاي ومعي حسنات كتير جدا وفي احضر عارف قول الله سبحانه وتعالى وقدمنا الى ما عملوا من عمل فجعلناه ايه حسناتهم هباء منثورا دي حسناتهم. حسناتهم راحت فين ؟ اه ما هي اخته وهي واقفة بين ايدين ربنا قالت لربنا - 00:08:47ضَ
انا عايزة حقي النهاردة ايه ؟ حسنات. فشاف اخته عمالة تسحب ايه ؟ تسحب كل حسناته في لحظة راحت حسناته. لا يا حبيبي ده فيه مظالم دنيوية اتعملت زمان المظالم دي هتوصل في النهاية ان كل الحسنات راحت. ضاعت - 00:09:17ضَ
فيقف العبد بين ايدين ربنا سبحانه وتعالى يبص على حسناته راحة الحسنات. طب والقول التالت في قول الله اولئك لهم سوء قالوا امر خطير اوي. قالوا مناقشة الحساب مع التقريع والتوبيق - 00:09:37ضَ
النبي صلى الله عليه وسلم يقول من نوقش الحساب ها عذب اللي ربنا هيناقشه يوم القيامة هيتعذب. فتخيل بقى ان يوم القيامة وربنا سبحانه تعال شف المؤمن يقول له لأ خلاص انا عفيت عن دي ما يناقشهوش فيها. انما الصعب بقى ان ربنا يقول له تعال. انت ليه ظلمت اختك - 00:09:57ضَ
انت مش عارف ان الظلم حرام؟ انت مش عارف ان ده حق واجب؟ انت مش عارف ان انا هددت اللي هيأخذ ميراث بغير وجه حق بروح حد بغير وجه حق. انا هعذبه عذاب شديد. يبدأ ربنا يناقشه في هذا. تعال. انت ليه في وقت السر - 00:10:27ضَ
عصيت ربنا سبحانه وتعالى. ليه وانت ماسك تليفونك وقاعد في البيت لوحدك اتفرجت على حاجات مش كويسة؟ الم تعلم انني ناظر اليك لما جعلتني اهون الناظرين اليك؟ دا بيسميه العلماء التقريع على الحساب. التقريع - 00:10:47ضَ
على الايه؟ على الحساب. طب والمعنى الرابع في قول الله اولئك لهم سوء الحساب؟ قالوا حساب بلا ستر. ايه حساب بلا الستر ده قال لك ما هو ربنا بيقول في المؤمن يوم القيامة ان الله يدني عبده المؤمن منه يوم القيامة ويضع عليه كنفه - 00:11:07ضَ
هو يستره. فحسابه حد شايفه انما التاني قدام الناس كلها. تعالوا انت عملت في يوم كذا كذا وكذا وفي يوم كذا عملت كذا وكذا. والناس يسمعون يسمعون ويرون بقت فضيحة. الامر بقى فعلا بفضيلة - 00:11:27ضَ
ده اولئك لهم سوء الحساب. فكانت العقوبة الاولانية هو هيتمنى يفتدي ولا وقت للفداء العقوبة التانية عند الحساب اولئك لهم سوء الحساب. العقوبة الرابعة ومأواهم جهنم. وقصاد كل انما ظلمها الحد يروح النار. ويعذب في جهنم بقدر هذه المظالم. وبئس - 00:11:47ضَ
يا رب سلم وادي الرابعة اسوأ مصير واسوأ عقاب ان الانسان يكون مأوى جهنم ان الانسان يكون مأواه هذا المكان اللي يحرم فيه من الجنة. ويحرم فيه من رؤية الله عز وجل. ويحرم فيه من مصاحبة النبيين - 00:12:17ضَ
الجنة خلاص. لذا الانسان مننا محتاج بالفعل قصاد كل قرار هو بياخده. انا لو ماشي في الشارع سمعت اذان هو انا من قول الله للذين استجابوا لربهم الحسنى ولنا من قول الله والذين لم يستجيبوا له ولا في الشارع - 00:12:37ضَ
انا كموظف بروح اشوف شغلي وبتقي الله في شغلي فاكون من الذين استجابوا لربهم ولا انا ما بروحش وبخلي يمضي لي في الضفة فادخل في قول الله عز وجل اولئك لهم سوء الحساب. انا كصنايعي انا ميكانيكي ولا مبيض - 00:12:57ضَ
محارة ولا انا بالفعل امين مع راجل اللي استأمنني على شقته ولا استأمني على عربيته فادخل في قول الله للذين استجابوا لربهم الحسنى ولا انا بغش وبخون وبضحك على الناس فادخل في قول الله عز وجل ومأواهم جهنم. احنا مع مين - 00:13:17ضَ
كل انسان منا ربنا ادى له حرية الاختيار اما انه يختار انه يكون من الذين استجابوا لربهم فتكون النتيجة حياة طيبة وحياة جميلة الدنيا وحياة طيبة في الاخرة. واما ان الانسان يختار ان يكون من الذين لم يستجيبوا لله سبحانه وتعالى. فينالوا العقوبات الاربع اللي ربنا سبحانه وتعالى - 00:13:37ضَ
ذكرهم. ارجو ان تكون الاية دي قدام عنينا في كل موقف من مواقف حياتنا. الناس اللي قطعت ارحام الاية دي تكون قدام عينيها. تعاملنا مع على الاباء والامهات تكون الاية قبلهم قدام عنينا. الناس اللي اللي خدت فلوس الناس على سبيل الديون يكون الكلام ده قدام عينينا - 00:13:57ضَ
علشان نعرف كويس جدا احنا بنحدد مصيرنا ازاي؟ احنا بنحدد مصيرنا ما بين للذين استجابوا لربهم الحسنى وما بين قول الله عز عز وجل والذين لم يستجيبوا لهم. اسأل الله عز وجل ان يجعلني واياكم ممن يستجيبون يستمعون القول فيتبعون احسنه. اللي ساكن - 00:14:17ضَ
عند واحد من سنة سبعين. بعشرة جنيه خمستلاف جنيه. وصرف على الشقة عشرة خمستاشر الف جنيه. وآآ حلال ولا حرام؟ طيب حاضر. حاضر. شكلك عندك عمارة وعايز تمشي الناس. طيب. صح كده؟ والله العظيم. طيب. طيب - 00:14:37ضَ
اه بسم الله الرحمن الرحيم. اولا اولا اه بالنسبة لعقود الايجار القديمة. اه لا يخفى ان عقد الايجار الشرعي هو من ضمن شروطه انه يكون محدد بمدة. انا مأجر منك الشقة دي سنة مأجرها سنتين مأجرها - 00:15:07ضَ
تلاتة آآ لما نزلت الشيوعية مصر وخلت الناس كلهم شركاء في كل حاجة. وخلت ساوت ما بين صاحب المال واللي ما عهوش عملت قانون من القوانين في الايجار اللي هو اسقاط المدة فخلت فخلت آآ انا كمستأجر عند عمتي - 00:15:27ضَ
متولي انا هفضل قاعد في الشقة لحد ما اموت وولادي لما اجي اموت ولادي ييجوا يقعدوا عندي ايام مرض يقعدوا معي اسبوعين تلاتة شهر اتنين تلاتة علشان يبقوا مسيطرين على الشقة ويفضلوا على هذا الوضع. وطبعا آآ هذا الشرط الديمومة المستمرة او العقد - 00:15:47ضَ
المستمر عقد منافي للعقد الشرعي تماما. وفيه من الظلم وفيه من الظلم لصاحب العقار ما لا يعلمه الا الله. انا الناس اعرفها ساكنين على المشاية. الشقة بتتأجر المفترض في الوقت ده في المكان ده بتمن تلاف وتسع تلاف وعشر تلاف. هو الايجار بتاعه نص جنيه - 00:16:07ضَ
في الشغل. فمما لا شك فيه ان ده ظلم بين ظلم بين لصاحب العقار. ده الجانب الاول. الجانب التاني لو طبقنا الشرع النهاردة على الناس في ظل الظروف اللي الناس فيها النهاردة. وصل بعض اصحاب العقارات فعلا لظلم غير - 00:16:27ضَ
طبيعي في مسألة الايجارات وكل سنة هضيف عليك مش عارف قد ايه. فاصبح في ظلم كمان واقع على المستأجر. طيب احنا المفترض تعمل ايه؟ في الامر اللي زي ده في الامر اللي زي ده انا هقول للمستأجر اقعد مع صاحب الايجار صاحب المحل صاحب الشقة - 00:16:47ضَ
اتراضوا مع بعض على مبلغ وسط لا يكون فيه ظلم له ولا ظلم لك. لا في ظلم لك ولا ظلم لصاحب الايجار صاحب العطاء ده الامر الاول اللي نراعي فيه العدل والوسطية ما بين ده وما بين ده. ده الامر الاول المتعلق بالايجار - 00:17:07ضَ
طيب انا اذا مت واحنا متفقين على هذا الامر والحمد لله يعني انا انا عملت كده والله في الشقة اللي ابويا اجر فيها. انا قلت له كده اقعد مع اصحاب البيت وارتضى ارتضوا مبلغ وسط. بينكم وبين بعض. والحمد لله الامور ماشية على كده. طيب - 00:17:27ضَ
هل انا بقى من حقي بعد عمر طويل في طاعة الله اسأل الله ان يبارك في ابائنا وامهاتنا جميعا بعد عمر طويل لي الحق نروح اقعد بقى وافضل قاعد في لأ مش حقي خالص - 00:17:47ضَ
مش حق خالص. الكلام ده غير صحيح تماما. دي الحاجة التانية. الحاجة التالتة خلو الرجل. خلو الرجل. هل انا كمستأجر هل انا كمستأجر آآ زي ما شفنا الفترة اللي فاتت دي قبل تلات سنين بتوع كورونا دول ؟ كان العمارات - 00:17:57ضَ
على اللي على الجلاء هنا او على الشوارع العامة مسلا اي شارع عام مسلا هو عمارة قديمة بينزلها ويطلع بها برج. فطبعا انا ايجار قديم فطالما دور قديم انا ايه انا مش طالع طب انا عايز اطلع بالبرج لا مش طالع طب اعمل ايه؟ تديني مليون جنيه - 00:18:17ضَ
والشقة في البرج. هل ده صح؟ هل ده صح؟ الاجابة هذا من اكل الناس من اجل اكل اموال الناس بغير وجه حق. هو مش من حقه تماما بحال من الاحوال ان انا اخد المال ده. تاخد المال ده على اي اساس - 00:18:37ضَ
اي حق تستحل الفلوس بتاعتي فانا مش من حقي ان انا اخد فلوس كمستأجر. طيب انا والله زي ما عم متولي بيقول انا صرفت مسلا انا كواحد بقى خلاص انا - 00:18:57ضَ
خلاص احنا قاعدين في الشقة على طول عملت سيراميك وعملت مش عارف ايه وعملت ايه وعملت ايه وعملت ايه وجددت الشقة وركبت الشقة وزبطت ودفعت فلوس اه ممكن في هذه الحالة لو كان صاحب العقار هيمشيك ان انه يدفع لك ايه؟ التكليفات دي. يدفع لك تمن التكليفات دي - 00:19:07ضَ
بس. احمد انا كان عندي ساكن. طب بيني وبينك بقى بيني - 00:19:27ضَ