Baheth

السلام عليكم ورحمة الله وبركاته. اعوذ بالله السميع العليم من الشيطان الرجيم. بسم الله الرحمن الرحيم. قربوا كده. الحمد لله رب العالمين والصلاة والسلام على اشرف المرسلين سيدنا محمد وعلى اله وصحبه ومن تبعهم باحسان الى يوم الدين اما بعد. آآ درس اليوم ان شاء الله هو عبارة عن - 00:00:04ضَ

مقدمة الاستسناء ان شاء الله ان احنا هنبدأ بها فيها الفترة اللي جاية ان شاء الله. آآ محتاجين جدا الفترة الجاية نهتم بالقرآن يعني الاهتمام بالقرآن شيء ممتاز جدا. ولكن انا اعني سلسلة ان انا اهتم بتدبر القرآن والتفكر في معانيه اللي هو ده - 00:00:24ضَ

الاساس اه بصوا يا احبابي حقيقة فعلا احنا بالنسبة لنا يعني ممتازين جدا في اعمال الابدان يعني كلنا بفضل الله درسنا احكام الصلاة ودرسنا احكام الصيام. آآ اللي يجي يصوم مننا وده كعمل بدن عارف كويس جدا ايه الاحكام المتعلقة - 00:00:44ضَ

والصيام ايه الحلال؟ ايه الحرام؟ ايه المفطرات؟ ايه اللي ينفع؟ ايه اللي ما ينفعش؟ كلنا ان شاء الله في الصلاة ممتازين جدا. عارفين ايه اللي بيتقال في ركوع؟ ايه اللي بيتقال في السجود؟ عارفين ايه القيام - 00:01:04ضَ

ازاي الركوع شكله ازاي؟ ولكن حقيقة احبابي احنا غايب عننا قوي ازاي القلب ده يشتغل؟ كيف يعمل هذا القلب مع ان الاصل عندنا دايما ان القلب ده لو اشتغل كل حاجة في حياتك اتزبطت. القلب ده لو تحرك كل حاجة في حياتنا بقت عالية جدا - 00:01:14ضَ

جدا ممتازة جدا جدا. ده اللي لازم احنا ناخد بالنا منه. ده اللي لازم احنا دايما نفكر فيه. يا اخواني علامة صلاح الانسان في الدنيا وعلامة نجاته في الاخرة ان القلب - 00:01:34ضَ

ده يشتغل صح. قال الله سبحانه يوم لا ينفع مال ولا بنون الا من اتى الله بايه؟ بقلب سليم. وقال صلى الله عليه وسلم ان في الجسد لمضغة اذا صلحت صلح الجسد كله. واذا فسدت فسد الجسد كله الا وهي القلب. احنا محتاجين فعلا الفترة القادمة نبدأ نحرك القلوب - 00:01:44ضَ

ونحركها بالاعمال الصحيحة بتاعتها. زي ما ربنا سبحانه وتعالى جعل للعين عمل وعملها اللي هي تنظر في كتاب الله سبحانه وتعالى تنظر في الاء في السماوات وفي الارض ربنا سبحانه وتعالى جعل للسمع عمل ان الانسان يسمع به القرآن يسمع به المواعظ يسمع به دروس العلم. زي ما - 00:02:04ضَ

ربنا جعل للسان عمل يقرأ القرآن يذكر الله يذكر الناس ينصح الناس يأمر بالمعروف ينهى عن المنكر وغير ذلك. زي ما ربنا جعل العمل ان انا اتصدق به وان انا انفق به على اهلي وعلى اخواني وعلى اصحابي واطعم الطعام واتصدق وابحس عن الارملة وعلى المسكين وعلى الفقير - 00:02:24ضَ

الله سبحانه وتعالى جعل للقلب عمل. الله سبحانه وتعالى جعل للقلب عمل. ووالله يا اخواني صدقوني حقيقة آآ التفاضل بينا عند ربنا سبحانه وتعالى بعمل القلب ده. يعني ابقى هضرب لكم مثال. كلنا الان صلينا المغرب مع بعض. صح؟ بس حقيقة - 00:02:44ضَ

اعلى الناس قدرا عند ربنا سبحانه وتعالى. في صلاة المغرب بس. يعني احنا كلنا نصلي المغرب. انا مش هقول مين احسنا عند ربنا سبحانه وتعالى؟ بيصلي قيام ليل تسعى الارامل والمساكين والفقراء وبيعمل وبيصنع. ما بتكلمش في ده. انا بتكلم دلوقتي على عمل كلنا اشتركنا فيه مع بعض. كلنا الان صلينا مع بعض صلاة - 00:03:04ضَ

بس حقيقة مين اللي شأنه بقى عند ربنا عالي قوي ومين اللي طلع من الصلاة والصلاة دي عليه مش له اللي قلبه كان حاضر لان البدن كل واحد. احنا كلنا ركعنا مع بعض كلنا سجدنا مع بعض. سمعنا الايات كلنا مع بعض. بس حقيقة احبابي في واحد طلع من الصلاة - 00:03:24ضَ

ومنزلته عند ربنا فوق اوي وفيه واحد طلع من الصلاة ومنزلته عند ربنا تحت اوي. الفرق بين ده وبين ده ايه؟ الفرق بين الاتنين حقيقة ده حضر الصلاة بقلبه وده حضر الصلاة ببدنه. ايهما اعلى عند الله؟ يقينا اللي حاضر الصلاة بقلبه - 00:03:44ضَ

صح؟ عشان كده بنقول احنا محتاجين نبدأ نشغل القلب. هناخد النهاردة عمل هو آآ المقدمة للسلسلة بتاعتنا. آآ عمل ربنا سبحانه وتعالى ذكره في القرآن كثير جدا جدا جدا جدا. وامر به بصورة دايمة وربنا حذر ان العمل دا يتخلف - 00:04:04ضَ

ده مش هعمله بايديا ولا برجليا ولا بعيني ولا وبسمعي ولا ببصري. لا لأ العمل ده انا هعمله بقلبي. العمل ده هو التفكر انك تتفكر انك تتدبر انك تتأمل انك تتذكر سواء في ايات الله المقروءة اللي هو القرآن او في ايات الله سبحانه وتعالى - 00:04:24ضَ

اللي حوالينا آآ امبارح حصل موقف امبارح كان يوم عصيب جدا على الواحد بصراحة. آآ وهيبقى عصيب على اي انسان لو عاش معه بالمعنى ده. من قيمة شهر ونص شهرين شهرين ونص بالكتير قوي. في احد الشباب هنا في المنطقة - 00:04:44ضَ

في غرق عمرو شعلان. آآ آآ وكانت مشكلة عمرو انه مات وغرق ولما غرق ما طلعش مرة واحدة يعني مش غرق وجسمه طلع لأ ده قعد في المية فترة ولما طالع يعني ربنا يا رب ربنا يا رب يرحمه رحمة واسعة. طالع بصورة صعبة جدا يعني. فده كان عبارة عن الاية اللي اصحابه بسرعة فاقوا - 00:05:04ضَ

وتفكروا وتدبروا كده احنا ممكن نكون كده فتلاتين اربعين واحد منهم جو لي هنا المسجد واحنا عايزين نرجع لربنا واحنا عايزين نتوب واحنا مش عارف ايه فقلت لهم اول حاجة قلتها لهم بصوا لازم نتفكر شوية. ربنا سبحانه وتعالى بعت عمرو شعلان لنا رسالة - 00:05:24ضَ

ممكن تكون انت الرسالة اللي بعد كده. طبعا الفجأة بتاعة وهول المصيبة اللي حصلت الكل جه بس بعد فترة بدأ كل واحد ايه يترك وما عدش بيجي والكلام ده لم يسبت منهم الا خمسة. خمسة بس اللي سابته منهم - 00:05:44ضَ

كان اللي دايما بيجمعهم اتنين. واحد اسمه محمود وواحد اسمه محمد. وقالوا لي احنا عايزين نحفظ قرآن بدأنا نحفز قرآن مع بعض. بدأنا ان احنا ما شاء الله يعني نجتهد - 00:06:04ضَ

شوية مع بعض في الطاعة والكلام ده. وسبحان الله! آآ جيت من الحج ما علش اتواصل معهم فكلمت والد واحد منهم اللي هو الدكتور احمد شوقي وقلت له انا عايز رقم محمود علشان عايز اقابله ونجمع الشباب تاني بعد وسبحان الله خدت الرقم واتصلت - 00:06:14ضَ

على زميله اللي هي تحاول تتصل على محمود ما عرفتش اتصلت على زميله. وما عرفش برضو اوصل له. تاني يوم الصبح قلت هاكلمهم الصبح. وانا باكلمهم يعني انا لسة باكلمهم - 00:06:34ضَ

يعني بتصل لقيت الشبكة مشغولة كان في واحد بيتصل علي. فوانا بفتح سماعة التليفون فبقول السلام عليكم. يا شيخ احمد يا شيخ احمد خير اخ زميل اسمه محمد انت انت عارف المجموعة بتاعة عمرو شعلان؟ قلت له ايوا. قال لي انت عارف محمود؟ محمود ده اللي انا باكلم والده بالليل علشان اقابله تاني يوم. انت عارف محمود؟ قلت له اه - 00:06:44ضَ

قال لي ده مات دلوقت. مات دلوقت؟ مات ازاي؟ ده انا كنت قبله العصر. ده انا كنت هقابله العصر. ده انا كنت برتب موعد ان انا اروح له العصر قال لي ده مات دلوقتي جت له سكتة قلبية ومات فورا - 00:07:04ضَ

والده راح يجيبه ويوديها المستشفى مات. مات في الطريق. فسبحان الله ممكن موقف يعدي على اي حد بس المواقف دي ما تعديش عليكم انتم. المؤمن دايما قلبه شغال. بيتفكر موقف زي ده ما يعديش - 00:07:18ضَ

سبحان الله! واحنا في الجنازة في مسجد نصر قيادات المنصورة كلها في كل المجالات موجودة. القيادات الامنية موجودة. القيادات الطبية موجودة حودة كل القيادات موجودة يعني مسجد ناصر كان مليان امبارح. وانا قاعد في حالة صدمة غير طبيعية. انا عمال افكر اقول يا رب - 00:07:40ضَ

طب والده بمكانته الطبية العالية دي ؟ ووالده آآ مدير مستشفى الكلى. دكتور احمد شوقير ودكتور عالمي معروف والده بمكانته العلمية دي وصف الاطباء صحاب والده. ممكن الان يغنوا عن محمود شيء ممكن؟ ممكن لما نروح - 00:08:00ضَ

طلعت ممكن الاستاف الطبي الرهيب ده اللي هو كلهم دكاترة عالميين يعني. ممكن يرجعوا له الروح تاني؟ آآ ممكن الامن الرهيب ده احنا كان آآ رئيس المباحس هناك ومش عارف مين ومين ومين ومين. ناس كتير جدا. ممكن الناس دي تبعت مسلا كده ايه - 00:08:20ضَ

مأمورية كده لبتوع الامن المركزي ابعتوا لنا عشرين تلاتين اربعين عربية امن مركزي. آآ يقفوا حوالين القبر بتاعه بحيس آآ يعني القبر لما ييجي ينضم عليه كده القبر ما ينضمش ممكن؟ طب ممكن بالمعارف والقرايب والناس اللي في الكهربا نقول لهم ابعتوا لنا كده وصلة كهربا - 00:08:40ضَ

خش جوة القبر بدل ما القبر ده فيه ظلمة ينوره لنا ممكن الواحد فعلا لما تفكر في حاجة زي كده ده مش ممكن. حقيقة والله يا اخواني ده ده مش ممكن. ساعتها في الوقت ده - 00:09:00ضَ

انا عمال اقول يا نهار ابيض! ده الواحد في الدنيا دي ما يسواش اي حاجة الا ازا كان له عمل صالح. بس نقطة ومن اول السطر والله العزيم عنيا دي ما شافت النوم طولت الليل امبارح. خالص. ليه ؟ دماغك شغالة. ازا كان الواحد الحمد لله اللهم لك - 00:09:15ضَ

ربنا يديمها علينا النعمة. في ورد شوية من القيام دا زاد جدا امبارح. ازا كان الواحد هيعمل معصية قال لأ خلاص من النهاردة ما عادش انتهت واي معصية هتيجي انا هتعامل معها بعنف لان خلاص ده انا ممكن في لحظة انتهت. خلاص - 00:09:35ضَ

يا اخواني هي دي بقى قيمة التفكر. انك تتفكر وتتأمل والله امبارح في الجنازة انا سبحان الله اختي كانت بتعمل عملية يعني في نفس اليوم. آآ يعني قلت لها معلش دقايق اروح - 00:09:55ضَ

خد الجنازة وارجع. صل عليه ان هو يرجع على طول. فطالع بقى بعد بعد الجنازة كده طالع ماشي بالعربية بلف اللي كانوا قاعدين دلوقتي قدام الجثة هنا اهو. قاعد قدام جسته. وشايفه ميت وصلى عليه. طالع - 00:10:15ضَ

بعد الصلاة عادي العربية اللي كانت جنبي. آآ طالع وهو طالع معي قام مشغل الاغاني ومولع السيجارة ولا كأن في حاجة. ده بقى الفارق ربنا يا رب ربنا يهديه ويهدينا ويصلح من احوالنا جميعا ويقربنا منه. هو ده الفارق - 00:10:35ضَ

بقى بين واحد يتفكر وواحد ما يفكرش. التفكر كده ده نور ربنا بيقذفه في قلبك. بيوريك الامور على حقايقها. فارق كبير جدا جدا. بين واحد هيعيش مع الموقف ده ويفكر فيه امبارح. فكر فيه النهاردة - 00:10:55ضَ

هو يفكر فيه بكرة ويفكر فيه زي ما محمود فكر. ده انا اعجب حاجة انت فكرت فيها. محمود ده زات نفسه قل لي يا شيخ ده انا عملت وسويت وربنا هداني وانا - 00:11:15ضَ

بتكلم زي اللي يقولوا لي محمود من بعد ما ربنا سبحانه وتعالى قبض عمز شعلان محمود اتغير تماما. كل حاج كان بيعملها في حياته سابها. هي دي قيمة التفكر. علشان كده ربنا لما بيختم له بيختم له كده. انه على طول كان كان ماشي مش صح - 00:11:25ضَ

صاحبه مات قلبه اشتغل بدأ يفكر صح بدأ يوزن الامور صح. بقى كويس. احنا محتاجين نتفكر محتاج الانسان مننا كل يوم زي ما كان شيخ الاسلام ابن تيمية ان يجب على كل انسان مننا يجعل لنفسه وقتا يخلو فيه بربه - 00:11:45ضَ

فكروا فيه في حاله ويتفكر فيه في عمله ويتفكر فيه في ذكره ودعائه. ويتفكر في وقوفه بين يدي الله عز وجل انه يقف فكر يا اخي. فكر فكر كده انا هو انا لو كنت محمود امبارح - 00:12:05ضَ

انا دخلت مسجد النصر شباب كتير جدا قاعدين دواير حوالين يا عيني محمود كده اللي عمال يقرأ قرآن واللي عمال يدعي واللي عمال قلت يا ترى ده هل ده يعني آآ شيء كده وقتي ولا هيدوم ورجعت بسرعة جاوبت على نفسي قلت - 00:12:26ضَ

اللي هيشغل قلبه في موتن زي ده هو ده اللي هيكمل. هو ده اللي هيعيش. صح ويقابل ربنا سبحانه وتعالى صح عشان كده كان دايما سلفنا بيحثونا على مسألة التفكر. يقول لك احنا عايزينك تعيش شوية انك تتفكر وتتأمل. انك تحاول دايما - 00:12:46ضَ

تشغل قلبك. قلبك ما يقفش. مش عايزين القلب يقف. بصوا يا حبايبي طبيا القلب لو وقف ايه اللي يحصل اهو الانسان هيموت. تربويا القلب لو توقف عن التفكر برضه القلب بيموت. علشان كده سبحان الله - 00:13:06ضَ

كان سفيان ابن عيينة يقول التفكر نور يقذفه الله في قلبك نور يقذفه الله في قلبك. النور ده لما ربنا بيقذفه في قلبك بتشوف كل حاجة صح. بتشوف كل حاجة صح. كان آآ واحد من السلف بيقول من مر على القبور - 00:13:26ضَ

كلنا بنطلع من على الكوبري بتاع مدينة السلام ده وبنشوف القبور حوالينا والكلام ده. اللي بيتفكر ويقول انا ممكن في يوم من الايام اجي هنا والله لو اجمل جميلات الدنيا بقت قدامه مش هيشوفها. لانه تفكر لما يتحط هنا النظرة دي ممكن تعمل فيه ايه - 00:13:56ضَ

واللي عدى من على القبور دي وما تفكرش هتلاقيه سبحان الله عادي بيبرطأ عادي يبص هنا ويعمل هنا عادي خالص عشان كده كان واحد من السلف بيقول من مر على القبور فلم يتفكر فقد خان نفسه. ودي اعظم خيانة انك تخون نفسك. انك - 00:14:16ضَ

نفسك بايديك. كان اه كان سفيان بن عيينة بيقول والله ما من مفتاح للرحمة اعظم من التفكر هو ده حقيقة مفتاح الرحمة بتاعتنا. لو عايز ربنا يرحمك تفكر. فبيسألوا سفيان ايه العلاقة بين التفكر وان التفكر ده يكون مفتاح للرحمة - 00:14:37ضَ

فقال رحمة الله عليه قالت الا ترى الرجل يتفكر؟ فيتوب؟ فيتوب الله عليه وهي دي الرحمة انك ترجع لربنا. مفتاح الرحمة انك تتفكر. اللي عايز اللي فعلا ربنا سبحانه تعالى يرحمه دنيا واخرة. اللي اللي ينظر لموقف زي بتاع امبارح. ويشوف شاب ما شاء الله مال معه بالهبل. مكانة اجتماعية - 00:14:55ضَ

هي موجودة معارف وسلطات موجود. ويجد في لحظة ان كل ده ما بينفعش ما بينفعش للعمل. تلاقي الواحد بسرعة بسرعة يتوب. الواحد مننا النهاردة لما انا على معصية وانا اعترف - 00:15:25ضَ

ولكن لما ادخل واشوف واحد في يوم من الايام كان بيقعد معي في الاوضة بيحفز معي قرآن ويقول لي انا عايزك تدلني على ربنا. وفي لحظة كده في لحظة انا برتب موعد اروح له العصر اروح ازوره العصر في بيته برضه رحت له العصر. بس مش عشان ازوره ومش في بيته. ده انا رحت له في بيت ربنا عشان اصلي عليه - 00:15:45ضَ

تبص لموقف زي ده ان ممكن ممكن تكون انت ما هو كنت انت في بعض الاوقات كان بيجي لي ويقعد يفضفض معي كنت ببقى انا وهو لوحدنا في ويشاء الله ان روح ده تقبض وروح ده تفضل موجودة. ساعتها انت وعلى ذنب تقول لأ خلاص. وتقولها وتعلنها - 00:16:08ضَ

علشان الكل يسمع. خلاص من النهاردة ما عادش من النهاردة خلاص. ما فيش زنوب. فكان التفكر دايما ان عقل حد يتفكر ان قلب الواحد يتفكر هو ده فعلا مفتاح رحمة من ربنا سبحانه وتعالى لنا - 00:16:29ضَ

ان الانسان مننا يخش مستشفى من المستشفيات ويرى واحد زميله في نفس دفعته كان معه بيقعد معه على بنش واحد او في وفي لحظة يفاجأ ان زميله ده مريض وخلاص بيموت يقف كده ويقول يا نهار ابيض - 00:16:46ضَ

فاول معنى من معاني التفكر ان هو مفتاح الرحمة. احفزوا بقى نحفز مع بعض كده. اول معنى من معاني التفكر لان الكلام ده انت هتنقله لقرايبك ولصحابك ولزمايلك في الجامعة فاحنا عايزين نحفز. عايز اغرس جواك النهاردة معاني وافكار. اول معنى في معاني التفكر ان التفكر ده مفتاح - 00:17:07ضَ

قال ايه؟ مفتاح الرحمة لانه دايما بيدعو لايه؟ بيدعو لتوبة. بيدعو للتوبة. المعنى التاني ان المفتاح ده مش علشان تتوبوا بس ده علشان تشتغل كمان في طاعة ربنا سبحانه وتعالى - 00:17:27ضَ

زي ما قلت لكم ده امر حصل معي انا امبارح. ده موقف حصل معي امبارح. انت لو عندك ورد الورد زاد. لو عندك طاعة الطاعة زادت ليه؟ اصل انت شفت بعينيك وتفكر قلبك. فهنا انت انتفعت. علشان كده كان ابن عباس رضي الله عنه آآ كان يقول - 00:17:42ضَ

التفكر في الخير يدعو اليه. هتتفكر في حاجة صالحة تدعوك اليها. وكان يقول وهب والله ما طالت فكري احد قط الا فهم ولا يفهم احد الا عمل. ولا يعمل احد الا اورث الجنة يوم القيامة - 00:18:02ضَ

هي قواعد مترتبة على بعضها. ما فيش حد هيتفكر الا وتلاقيه بسرعة يفهم. هيفهم الدنيا ماشية ازاي وما فيش حد ابدا هيفهم الا وهيعمل هيشتغل. وما فيش حد ابدا هيشتغل ويعمل الا ويورث الجنة. ان تلكم الجنة اورثتموها - 00:18:22ضَ

فكنتم بما كنتم تعملون. هي كده يبقى مفتاح الجنة فكرة. مفتاح الجنة في فكرة انت بتفكرها ما تنساش الكلام ده. فالتفكر هو مفتاح الرحمة. والتفكر هو مفتاح الجنة. حقيقة التفكر مفتاح للجنة - 00:18:42ضَ

تاني اقول كلمة وهب يقول والله ما طالت فكرة احد ابدا الا فهم. الا فهم ما هي الدنيا عبارة عن ايه؟ واحد دخل مات وادفنه. خلصت الدنيا. النهاردة احنا قبل الدرس بدقائق احد اخواننا - 00:19:02ضَ

طيب بيقول لي يا شيخ انا كان معي فلوس وعملت وسويت ودخلت في معاملة حرام ودخلت في معاملة حرام لقيت الفلوس بتضيع بعد ما كان عندي رصيد في البنك وعربيات - 00:19:22ضَ

كل حاجة ضاعت وكل حاجة اتباعت وبقيت مديون. يا شيخ انا انا انا حاسس ان التعامل ده حرام. ولما قعدت افكر كده قلت ان هو ده اللي حرام فانا انا عايز اتوب اتوب ازاي ؟ هو ده. هو ده. هو ده بقى مفتاح الرحمة. وهو ده مفتاح الجنة. انك تفكر - 00:19:32ضَ

شوية. اتأمل شوية ما تعديش كده. ما تعديش الاحداس اللي بتمر عليك كده لأ اقف معها. والله حتى الرؤية اللي انت بتشوفها في منامك اقف وتفكر فيها. شف ربنا سبحانه وتعالى ماذا يريد من وراء هذه الرؤيا؟ ما هي الرؤية دي من ربنا سبحانه وتعالى. ربنا يريد ان يوصل لك رسالة معينة تفكر - 00:19:52ضَ

فيها بقى تفكر فيها تنفعك اوي. انتم عارفين ما لك بن دينار العابد. طب ازاي؟ ابن ابن آآ الذهبي كان بيقول لي ان الراجل ده ما كانش بيفوق من سكره اصلا. مدمن مخدرات. مدمن خمرة في الوقت ده. شاف بس رؤية بعد ما بنته ماتت - 00:20:12ضَ

يعني بنته ماتت ما تفكرش ولا تأمل. ففضل على ما هو عليه. شاف رؤيا ان هو بيجري وفي ثعبان عظيم بيجري وراه. لحد لقمة جبل عايز ينزل من على الجبل لقى تحت الجبل نار. فسأل الناس يا جماعة هي الرؤية دي تهويلها ايه؟ قالوا له يا مالك اما الثعبان فهو عملك - 00:20:32ضَ

والعمل ده بيدفعك دفع انك ترمي نفسك في النار. آآ تفكر في رؤية تأمل وتدبر وعاش كده رجع بقى عابد من العباد بقى رجل من الصالحين. هو ده بقى مفتاح الجنة. انك تتأمل حتى في رؤيا اللي ربنا سبحانه وتعالى بيبعتها لك. تتأمل حتى في كل صغيرة وكبيرة ده - 00:20:52ضَ

كان حال النبي النبي ما كانش بيمر عليه حاجة غير لما بيقعد يفكر فيها. انتم عارفين حديث النبي حديث علي رضي الله عنه آآ كنا في جنازة مع النبي صلى الله عليه وسلم - 00:21:13ضَ

فلما انهى الجنازة شف بقى التفكر جلس النبي صلى الله عليه وسلم وفي يده عود واخذ آآ يرسم به على الارض. النبي عمال بقى بيعلم به على الارض كده. عارفين الحديس - 00:21:23ضَ

قسم النبي خطا وعلى الخط ده على يمينه وشماله كده خطوط ورسم حواليه مربع كده والخط ده طالع من المربع فالنبي قعد يفكر في صحابه يقول ايه يا رسول الله؟ ايه ده؟ قال الخط ده هو امل الانسان - 00:21:33ضَ

امل امانيه بس حقيقة العمر بتاعه هو المربع ده وهو طالع برة المربع ده امانيه دي عايزة مسلا خمسمية ستمية سنة شغل وهو مش كده هييجي عليه كل الاماني دي مقطوعة كده بخط اللي هو الموت. النبي احمد يفكر. السيدة عائشة بتقول رضي الله عنها كانت السماء اذا اصابها غيم. السما لما كان - 00:21:48ضَ

الغيم كده ادوني بقى ايه مالت غيم كده والسحاب اسود كده والريح هاجت النبي صلى الله عليه وسلم كان يرى ذلك في وجهه ايه المشكلة؟ ما احنا من قيمة كم يوم آآ الدنيا مرة واحدة اسودت والشمس كسفت وقبلها بيومين الدنيا اسودت ونزل مطر المنصورة كلها وقفت - 00:22:11ضَ

عدت احداس بتعدي على الناس عادي خالص. السيدة عائشة بتقول ان الكلام ده لو كان حصل قدام النبي. النبي كان يرى ذلك في وجهه مرعوب خايف ومرعوب صلى الله عليه وسلم ومؤمن اشرف خلق الله خايف يترعب ملعوب خايف - 00:22:31ضَ

فقل له يا رسول الله انه الخير. قال يا عائشة ومن يؤمنني؟ بتقول فيرى ذلك في وجه النبي صلى الله عليه وسلم فيقوم ويقعد ويدخل ويخرج مضطرب ويقول يا عائشة ومن يؤمنني؟ وهو نبي. ومن يأمنني؟ ان اقوام عذبوا في مثل هذا - 00:22:51ضَ

في ناس اتعزبت في حاجة زي كده. وتلى قول الله عز وجل في شأن قوم عاد فلما رأوه عارضا مستقبل او يتيم. شافوا السحاب جاي بقى استقبل الوادي من بعيد كده السحاب مغطي الدنيا كلها والهوا شديد وبيشد وبيزق الرياح كده قالوا هذا عار ممطرنا. ربنا يقول لهم لأ - 00:23:11ضَ

بل هو ما استعجلتم به ريح فيها عذاب اليم. تدمر كل شيء بامر ربها. فاصبحوا لا يرى الا مساكنهم. كذلك نجزي القوم المجرمين. النبي يفتكر دي هو ده نوع اخر من انواع التفكر. زي ما هيتبين لنا التفكر في مصارع السابقين - 00:23:31ضَ

النبي شاف الناس اللي فات دي هلكت ازاي؟ فكان الكلام ده كان دايما قدام عينيه. صلى الله عليه وسلم. فالتفكر هو مفتاح للرحمة. لانه يخليك تتوب. التفكر هو مفتاح للجنة. لان التفكر بيخليك تفهم. شايف الامور صح. ولما تفهم هتعمل. ولما تعمل تخش الجنة - 00:23:51ضَ

لان مفتاح الجنة هو العمل. الجزئية التالتة التفكر التفكر بيملى قلبك عظمة لله التفكر بيملى قلبك خوف من ربنا سبحانه وتعالى. فبيخليك دايما كده ماشي بتعمل لكل كلمة حساب ولكل فعل حساب. ودي من اعظم يعني ما يتعلق بالتفكر. زيادة لعظمة - 00:24:11ضَ

في قلبك ولكن العظمة هنا مش معنى الكبر. العظمة هنا بمعنى تعظيمك لله سبحانه وتعالى. كان بشر الحافي يقول والله لو الناس في عظمة الله ما عصوه ابدا. اللي يتفكر في عظمة ربنا عمره ما يعصاه - 00:24:41ضَ

اللي يتفكر في عقوبة ربنا لمن عصاه يخاف يترعب يا اخواني امريكا كل تلات اربع سنين يجي لها اعصار. اعصار كاترينا. وبعد اعصار كاترينا مش عارف اعصار ايه. وبعد كده مش عارف اعصار ايه. بكل جبروت - 00:25:00ضَ

ما بتقدرش تعمل حاجة. وكل سنة بنشوف نفس المشهد. يقول لك احنا هنجري الناس كل اللي نقدر نعمله دلوقتي هنيجي للناس يقف قدام بس ظاهرة بس كده جند من جنود ربنا وهو عاجز مش عارف يعمل حاجة. وبعد كده امريكا تخضع وتذل. اللي الدنيا كلها مرعوبة منها. قدام - 00:25:17ضَ

بس جندي بسيط كده من جنود الله عز وجل تخيل بقى ازا كان ده جند واحد من جنود ربنا سبحانه وتعالى. ولله عز وجل مثل اعلى فما قوته سبحانه فما قوته سبحانه وتعالى؟ اذا رأى امر واحد من اوامر الله عز وجل للارض ان هي تتزلزل تجعل عالي الارض سافلها - 00:25:37ضَ

فاكرين يا اخواني اللي حصل في في اندونيسيا كان اسمه ايه؟ اعصار ايه؟ تسونامي! تسونامي! آآ زلزلة بسيطة كده بس في المحيط. زلزلة بسيطة كده بس. الماية قرفت مش مش هاقول لك بقى مدن في بلد ده جرفت بلاد كاملة - 00:25:57ضَ

جرفت بلاد كاملة. فمن تفكر في عظمة الله ما عصاه. اذا تفكر دايما في عظمة الله عز وجل وقدرة الله عز وجل عليه عمره ابدا ما يعصيه. النهاردة في درس العصر كنت آآ يعني كان دايما - 00:26:17ضَ

النبي بيذكر كده يا جماعة وخدوا بالكم كان دايما بيأمرهم بالتفكر في قدرة الله وعظمة الله وقدرة الطلاق عليك. انا لا شيء انا لا شيء ولا حاجة اه ابومسعود البدري رضي الله عنه لما كان بيعاقب غلام له عبد عنده. فواخده تحت رجليه كده وبيرفع الصوت ويضربه. فقال اعلم ابا مسعود اعلم - 00:26:37ضَ

مسعود قال فمن شدة الصوت انا الكرباج اللي في ايديا وقع. فنظرت ورائي فاذا هو النبي صلى الله عليه وسلم. فقال اعلم مسعود ان الله اقدر عليك من قدرتك عليه. خد بالك فوق - 00:26:57ضَ

قلت يا رسول الله هو حر لوجه الله. قال اما والله لو لم تفعل لفحتك النار انتهت فكان بشر الحافي يقول والله لو تفكر الناس في عظمة الله ما عصوه ابدا. اللي يتفكر في عصف ربنا ما يعصهوش - 00:27:13ضَ

اللي تفكر ان ممكن ربنا سبحانه وتعالى يأخذه في عز ما هو بيعصيه عمره ابدا ما يعمل كده. عمره ابدا ما يعمل كده. ولا عمره ابدا يعصي. عشان كده كان - 00:27:31ضَ

حاتم الاصمي كان يقول بكثرة الذكر يزيد الحب. طول ما انت بتذكر ربنا كتير قلبك يحب ربنا اوي الذكر دايما مهيج للحب في القلب. بكثرة الذكر يزيد الحب. وبكثرة الفكرة وبكثرة التفكر - 00:27:41ضَ

تزداد الخشية. كل ما الانسان مننا يتفكر اكتر آآ آآ الخوف من الله عز وجل يزداد في قلب اخت. هي علاقات زي ما قلت لكم. تذكر ربنا كتير تحبه اوي - 00:28:01ضَ

تتفكر في في قدرة الله وفي عظمة الله كتير تخاف منه قوي. تخاف منه قوي. يبقى اذا التفكر هو مفتاح للرحمة التفكر هو مفتاح للجنة؟ التفكر هو مفتاح الخشية. عايز قلبك فعلا يخاف ربنا وعايز فعلا وانت في الجامعة يبقى - 00:28:14ضَ

ما تجيش تقول انا اصل انا عمال انظر هنا وانزل. لا انا خلاص انا ما فيش اصلا يعني انا مش شايف حد قدامي. تفكر كتير الامر الرابع آآ تفكر في في سرعة القضاء العمر - 00:28:34ضَ

عايزك دايما في سرعة انقضاء العمر عمرك بيجري بسرعة اوي اوي اسرع مما تتخيل. يعني العمر ده لما بينقضي بتخش القبر. فتفكر في ده ان عمرك بيخلص بسرعة ولا بيخلص بسرعة بتخش القبر؟ طب وانا في القبر بعمل ايه ؟ كان ابن شريح يقول - 00:28:58ضَ

آآ بعدما كان جالسا ذات يوم مع اصحابه ومرة واحدة قعد يبكي. فسألوه يا ابا شريح ما يبكيك؟ انت بتبكي ليه؟ فقال تفكرت في ذهاب عمري وقلة عملي واقتراب اجلي. تلات حاجات - 00:29:32ضَ

انت فكرت في ايه يا مصطفى؟ انت فكرت في ذهاب عمري. عمري بيخلص. تفكرت في ذهاب عمري وقلة عملي واقتراب اجلي. تفجرت ان عمره بيخلص وعمله قليل وقربت اللي يوسف فين الثوري في يوم كان قاعد بيحدث الناس كان قاعد يحدثهم بالليل في بيته. فمولع المصباح - 00:29:52ضَ

فالزيت اللي في المصباح خلص فتكون النتيجة المصباح ايه؟ هينطفى. فانطفأ المصباح قام وجابوا الزيت والكلام دون عشان يولعوا المصباح. على ما ولعوه وجدوه رضي الله عنه قد وضع رأسه بين يديه - 00:30:22ضَ

آآ قد خنقته العبرة من قدس ما هو بيعيط من جواه حاسس انه هيتخنق حاسس انه مخنوق فقال له يا سفيان وما يبكيك قال تذكرت ظلمة القبر انت كم مرة النور قطع عندك؟ - 00:30:42ضَ

كل حاجة آآ الله المستعان وكل حاجة حسيت ان هي ضلمة. ودخل في قلبك وحشة كده. كم مرة قلت اموال القبر شكله ايه امال القبر بقى شكله ايه؟ ظلمته عاملة ازاي؟ ده دي ظلمة الدنيا. امال ظلمة القبر شكلها عامل ايه - 00:31:08ضَ

كم مرة حقيقة تفكرت في نعم الله. وده مفتاح جديد. انك تتفكر في نعم ربنا عليك فيكون التفكر ده مفتاح الشكر. انك تشكر ربنا كتير. آآ معزمكم الشباب لسه ما تتزوجش - 00:31:33ضَ

فيمكن آآ هقول لكم مسالين ابدأ بالمثال يكون قريب منك شوية. ربنا يا رب يشفيكم ويعافيكم من امراض القلوب وامراض الابدان. اسأل الله ان يشفي مرضى المسلمين. ممكن الانسان مننا في لحظة في لحظة يسلب النعمة اللي ربنا ادى له اللي هي نعمة الصحة - 00:31:53ضَ

في لحظة فما تنساش انك تتفكر في نعم ربنا عليك. آآ ابو سليمان الدراني كان يقول والله انني لاخرج في بيتي فلا تقع عيني على شيء الا ورأيت نعمة الله فيه. ابقى خارج كده اشوف واحد فقير قاعد - 00:32:13ضَ

الشارع كده وما عهوش فلوس. وهدومه مقطعة. ابص لنفسي كده ان شاء الله لبس جميل وربنا اداني المال. اللهم لك الحمد. امشي شوية الاقي واحد بيزك على رجليه اعرج. فاقول ياه الحمد لله ان ربنا اداني رجل سليمة. آآ تروح تزور مريض - 00:32:33ضَ

شوفوا بيتألم من المرض تقول الحمد لله ياه على نعمة الصحة. اخونا احمد سعيد دكتور معنا في المسجد جاي في يوم بيسألني سؤال انا بقول القصة دي عشان تتفكر انت قد ايه ربنا من عليك. وانت قد ايه محتاج فعلا انك تتفكر في نعم ربنا عليك. بيسألني سؤال بيقول لي انا كنت في يوم - 00:32:53ضَ

في المستشفى جه صلاة الضهر جت صلاة الضهر فقمت اتوضيت وصليت بالناس امام. وبعد ما صليت امام لقيت واحد بيقول لي الدكتور احمد البالطو بتاعك مش نضيف فببص عليه لقيت فيه غائط. قلت له لأ دم. قال لي لأ غائط. براز. فهو دكتور. فهو يعني دم - 00:33:13ضَ

مش محتاج مش سباك. والسباك ماشي. يبقى ده دكتور. فبقول له آآ بعد ما اديته الحكم الفقهي انا وقفت قلت له يا دكتور احمد طب وايه العلاقة بين ده وده ؟ ايه العلاقة ان ده ييجي على البالطو بتاعك يعني؟ قال لي ما فيش جات لنا امبارح حالة متأخرة جدا جدا جدا - 00:33:33ضَ

ربنا يعافيكم وقنصر في في الامعاء في الامعاء اتسدت. فالبراز عايز يخرج فمش لاقي مخرج فاخراجه من فمه فاخراجه من فمه. انسى بقى لو بتخش الخلاء وتطلع كم تساوي هذه النعمة احد اقاربي من زوي الرحم اصيب بهذا المرض فكانوا عاملين له فتحة هنا في الجنب كده وكان معروف بيتلبس حزام كده والحزام - 00:33:53ضَ

كان بينزل منه كيس طبي كده. الاخراج بيطلع من هنا. هو مات بس مش بالمرض. ولكن مات لانه خلاص ما عدش طايق نفسه فما بالك ان ده لما بيجي يخرج يخرج من فمه. كان بعدها بايام مات - 00:34:23ضَ

ده يخليك تقف ياه ده دخول الحمام والخروج ده بقى نعمة لا تقدر بمال والله لا تقدر بمال. انك تنظر الى المرضى كده فتقول ياه اللهم لك الحمد. تتفكر فتلاقي التفكر ده فتح لك رحمة. مفتاح رحمة فعلا - 00:34:43ضَ

كنت في يوم بدي درس في دمياط. آآ وانا اسناء الدرس دخل اخ من اهل البلد وشايل بنت ما شاء الله لا قوة الا بالله في الجمال. ماشي ان شاء الله عشر سنوات بنت ما شاء الله بياض وشعر اصفر وعينيه ملونة حاجة جميلة رائعة. ما شاء الله لا قوة الا بالله. بس اللي يلفت نظرك - 00:35:03ضَ

ان البنت لابسة جهاز في رجلها وبوقها فيه عوجة يسيرة كده. وبقها فيها عوجة يسيرة كده. فيه عوجة يسيرة كده. فالمهم خلصت درس بس حقيقة انا من جوايا قلبي واجعني على على البنت دي. اقول سبحان الله الجمال ده كله فعلا يعني سبحان الله - 00:35:23ضَ

بعد الدرس كنا في بيت اخ زميلنا اه كان عازمنا على العشاء وبيجمع الدعاة وبنرتب امور الدعوة في دمياط وكده. فالمهم دخل الاخ ده ومعه فطبعا انا بحب الاطفال جدا. فناديت على البنت وخدتها قمت شلتها كده وقعدت الاعبها والكلام ده. فابوها جاي كده وعينيه مغرغرة لما لقاني بيلعب مع - 00:35:43ضَ

فما يلي على فكرة يا شيخ احمد والله مريم كانت سليمة مية في المية. مريم ما كانش عندها حاجة خالص. ولكن سبحان الله يعني هي في يوم حرارتها عليت شوية آآ وما بتنزلش جمادات ومش عارف نعمل ايه والكلام ده ما فيش خالص فعلى ما انا - 00:36:03ضَ

انتهى المستشفى آآ كان مش عارف ايه الغشاء ايه اللي في المخ المسئول عن النطق واللي مسئول عن الحركة؟ آآ ضرب فما عدتش عارفة تتحرك ولا بتعرف تتكلم لما ابنك بقى بيتحرك ويتنطط قدامك يمين وشمال وبيروح ويجي ويجي يتشقلب فوقك كده ويلعب معك - 00:36:23ضَ

كم تساوي هذه النعمة؟ تساوي عندك ايه؟ بس اللي يتفكر بقى بس اللي يتفكر بقى فالتفكر ده مفتاح الشكر مفتاح للشكر لما تقعد تتفكر كده ياه ياه تلاقي انت من جواك العشاء العشاء ايه ده - 00:36:43ضَ

معقول! سبحان الله! طيب! لحظة! فالتفكر ده عشان اختم بس الجزئية دهي! التفكر ده مفتاح لشكر النعم افتح لي شكر النعم كل ما الانسان يقول يتفكر اكتر تلاقي سبحان الله ربنا بيفتح قلبه على نعم عمره في حياته تخيلها. والله يا اخواني لما تشوف - 00:37:03ضَ

واحد بيغسل كلى نشوف واحد بيغسل كلى ويغسل تلت مرات في اليوم ويجي يشتكي لك كده الحقن وهي عمالة تقطع في جسمه خدت بالك؟ تقول ياه وانا في نعمة عزيمة ان انا آآ ان انا كليت سليمة وشغالة. والله يا اخواني كنت بشوف عم ماجد هنا - 00:37:23ضَ

بيجي عليه اوقات مش عارف يتنفس يركب جهاز كده وتلاقيه هيموت. ويجيب جهاز مش عارف قد ايه ويجيب بخاخة قد ايه. ويجي يقول البخاخة خلصت عايز فلوس عشان اجيب بخاخة مش ما بيعرفش يعيش من غير بخاخة. عشان يتنفس. شف بيدفع قد ايه عشان عشان يتنفس وانت بتتنفس ازاي؟ عشان تعرف - 00:37:43ضَ

قد ايه ربنا سبحانه وتعالى اداك نعم انت مش واخد بالك منها. ان ربنا يديك نعمة زي نعمة الاسلام. ربنا يديك نعمة زي نعمة الاسلام دي اتسوى قد ايه؟ ان ربنا يديك نعمة انك قاعد هنا دلوقت. غيركم يا شباب في نفس سنكم وياخد بنت عمال يبص فيها ويحضن فيها هنا على الشارع على اول الشارع - 00:38:03ضَ

ربنا يتوب علينا يا رب. ربنا يتوب علينا يا رب ويتوب على عصاة المسلمين. غير اللي بيعصي ربنا هنا على قفاه. على المشاية هنا. في نفس المكان في نفس الشارع - 00:38:23ضَ

كونك ان انت هنا وهو هنا ده دي نعمة محتاجة لشكر. كون ان قلبك ان ان ربنا سبحانه يا جماعة فاكرين اختم بالحديس دهون؟ فاكرين حديس النبي لما كان قاعد في مجلس في حلقة وجه تلاتة واحد منهم لقى فرجة فدخل قعد والتاني ما لقاش مكان فقعد ورا الحلقة والتالت لقى المنزر كده قام ماشي - 00:38:33ضَ

النبي قام قايل اما الاول فاوى الى الله فاواه الله. واما الثاني فاستحيا فاستحيا الله استحى انه يمشي فقعد في الحلقة رغم انه قاعد ورا. فاستحيا الله منه اي اتاه الله الاجر كاملا كاملا. واما الثالث فاعرض فاعرض الله عنه ان انت تكون الاول - 00:38:53ضَ

وغيرك هنا قاعد يكون هو التالت. واحد هو جه هنا ربنا جه هنا اوى الى الله فتكون النتيجة ان ربنا يؤويه وينصره ويسدده ويعينه ويوفقه ويكرمه. والتاني اعرض ربنا يعرض عنه. دي كلها نعم محتاجة مننا ان احنا نتفكر فيها. فلو تفكرنا فيها تلاقي التفكر ده يفتح لك بالشكر - 00:39:13ضَ

وده المعنى الاخير اللي حبيت اختم به درس النهاردة. ان التفكر هو مفتاح الشكر. مفتاح شكر نعم ربنا سبحانه وتعالى. ربنا يا رب ان شاء الله يوفقنا بازن الله هنبدأ بقى بازن الله الاسبوع القادم ان شاء الله هنحتاج برضو الاربع القادم. هنحتاج برضو احنا نكمل ما يتعلق بامور التفكر. ونخش على طول بقى على اه سلسلة - 00:39:33ضَ

تدبر القرآن ان شاء الله السلسلة تكون كلها متعلقة بالقرآن. هنتدرس فيها ان شاء الله بازن الله الجزء التالت يعني لسة بستخير ربنا. الجزء التالت آآ الجزء آآ تمانية وعشرين او جزء تسعة وعشرين. هي جزء قد سمع يا جزء تبارك ان شاء الله. ده باذن الله يعني ربنا ييسر كده ونحاول كده نعيش مع القرآن الفترة القادمة. اسأل الله - 00:39:53ضَ

سبحانه وتعالى ان يوفقنا واياكم لما يحب ويرضى وصلى الله على نبينا محمد وعلى اله وصحبه وسلم. سبحانك اللهم وبحمدك اشهد ان لا اله الا انت. استغفرك واتوب اليك - 00:40:13ضَ