السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله. وبعد فاسأل الله سبحانه وتعالى ان يرزقنا واياكم العلم - 00:00:00

النافع والعمل الصالح واسأل الله سبحانه وتعالى ان يأخذ بقلوبنا اخذ الكرام اليه ويوفقنا واياكم لحسن الوفادة اليه في امن وامان وسلم واسلام. واسأل الله ان يثبتنا على التوحيد حتى نلقاه - 00:00:23

واتباع النبي صلى الله عليه وسلم ومحبة آآ عنون لهذا اللقاء بهذه الامسية التي اسأل الله سبحانه وتعالى ان يكتب فيها القبول وما ينفع القلوب يوم غير عادي بيوم غير عادي - 00:00:42

بنسمع كتير تقول لواحد اخبارك طمني عامل ايه النهاردة في جديد عندك؟ يقول لك لا عادي. مش جديد عملت ايه النهاردة؟ يقول لك والله ما كانش فيه حاجة. كان يوم عادي النهاردة صحيت وبعدين رحت مش عارف الجامعة رحت الشغل وبعدين رحت زرت والدتي جيت مش عارف ايه جيت - 00:01:04

للطلبات وانا جاي وعادي ونمنا عادي اسأل وحدة بتروح الجامعة ايه الاخبار؟ والله يا ماما عادي يعني زي كل مرة رحت الجامعة وركبت العربية وحضارة السكاشن وحضارة المحاضرات وقابلت زمايلي واتغدينا وجينا وكان يوم عادي - 00:01:25

العادي ده هو حقيقته مش عادي بس انت شايفه عادي انت شايفه عادي لان الف النعمة انساك الف النعمة الالف انساك الالف انك يكون بينك وبينها الف ومحبة ومودة اليوم العادي اللي انت صحيت فيه ونمت فيه - 00:01:46

النبي صلى الله عليه وسلم بيقول لك في ناس كتير مش شايفين العادي ده ومحرومين من العادي من اصبح منكم امنا في سربه. امن وسط عشيرته وسط اهله امن عنده امان - 00:02:13

في ناس النهاردة قرأت خبر لواحد كان هارب في الصين آآ من سنة اتنين وتمانين اعمال مشكلة الخبر ده نشر امس او اول امس الراجل ده عمل مشكلة فهرب وغير اسمه - 00:02:32

فزل اربعين سنة ما حدش عارف هو ايه مكانه آآ اتمسك الاسبوع ده تقريبا. فمن ضمن الكلام اللي قاله قال ايه قال انا في الاربعين سنة دي رغم ان انا مغير اسمي وكل حاجة بس ما كنتش عارف اعيش يوم واحد بامان - 00:02:55

طول ما انا ماشي في الشارع قاعد امال التفت يمين وشمال ابص اشوف يا ترى في حد يتتبعني ولا لأ؟ اسمع اي سرينة شرطة كنت ارتعب اشوف زابط ارتاب اشوف حد من الجهات الامنية ماشي هيكون عندي رعب - 00:03:18

ليه؟ هو ليس آمن في سربه في ناس بتنام على ازيز الطائرات وفي ناس تلتحف السماء وفي ناس تنام على الغبراء فرشها التراب وتلتحف بالسماء في ناس في الوقت اللي انا بدي فيه الدرس ده - 00:03:40

حاول يفر بدينه ودنياه بلجج البحار وجن عليه الليل الان والامواج ترعبه ويخشى من الغرق في ناس اللي احنا بنسمع عنهم كل شوية يقول لك ده في مش عارف مين كانوا مهاجرين وناس غرقوا - 00:04:01

الناس اللي بيكونوا مهاجرين هجرة غير شرعية والكلام اللي انتم بتسمعوه عن البيئات اللي بيكون فيها الكوارس والطرد والكلام ده فده مش حاسس بالامان في سربة اللي هو عادي عندك. انت عايش بامن وامان - 00:04:23

في واحد مطلوب وهو مزلوم فمش عارف يعيش بالامان انت امن في سرك فمن اصبح منكم امنا في سربه معافى في جسده. جسمك تمام؟ اه عادي جدا. رايح تصلي الفجر رايح شغلك. الدنيا جميلة وماشي - 00:04:40

عنده قوت يومه يعني اكل النهاردة موجود واعتقد النهاردة في اللفظ اللي انا في الوقت اللي انا بتكلم فيه الان الان ان لم يكن مائة في المائة فهنقول تمانية وتسعين ونص - 00:05:05

من اللي سامعيني عندهم قوت يومه يعني ايه عند قوة اليوم؟ يعني عنده عيش عنده جبنة ممكن يعمل بها سندوتش عنده آآ يعني لو عنده رز هيحطه في مية بس مجرد ما يدفيه كده وهياكله - 00:05:21

وما عنده ما يسد جوعه عنده قوت يومه. طب يا رسول الله اللي عنده التلاتة دول اصبح امنا معافى عنده قوت يومه. دي عادي ولا مش عادي؟ دي في عرف الناس حاجات عادية ولا مش حاجات عادية - 00:05:41

الحاجة دي عادي ولا مش عادي؟ ما هو ده العادي ده العادي اللي في بيت كل اخت متجوزة. ده العادي اللي في بيوتنا كلنا صح محمد صلى الله عليه وسلم يقول - 00:05:59

اللي عنده التلاتة دول فكأنما حيزت له الدنيا الدنيا بقت في حيز لك انت ياه طيب اللي حيزت له الدنيا هو محتاج ايه تاني على فكرة يا جماعة احنا شغلنا كله - 00:06:12

كله الكبد بتاع الحياة والسعي بتاع الحياة عشان التلات حاجات دول يكون عندك امان حاسس بالامان الوزيفي وامان الرزق والكلام ده. انك تكون معافى امال تجري وبتاع ولو حصل اي خدش تجري على الدكاترة - 00:06:32

عنده قوته يوميا مش عنده الرزق اليوم ومش محتاج لحد هي الدنيا كلها لو خدتوا بالكم بتدور على التلاتة دول لك ان تتخيل ان ما يقرب من نصف سكان الارض - 00:06:50

ما عندهمش التلات حاجات دول كلامك ده مش صحيح ربما لكن حاول تزور المستشفيات اللي في الشارع او في الحي بتاع حضرتك وانزل على العيادات شف كم عيادة لكم دكتور - 00:07:02

للمدينة بتاعتك حاول تتخيل كده عندك كم عيادة في الحي بتاعك بالمدينة بتاعتك ما تقدرش تحصيها طيب روح شوف العيادات دي مين اللي طالع ومين اللي نازل وطالع ازاي ونازل ازاي - 00:07:21

معافى في جسده عنده قوت يومه. في دكتورة اسمها شيماء بتقول انا قابلت اللي كل امنياتهم وكل امنيتها انها تدخل الحمام تقضي حاجتها بمفردها لانها محرجة من اللي بيسندها شفت بقى - 00:07:39

طب دي نعمة انت شايفها ان هي عادي دلوقتي انت بتعملها مما حفزني على هذا الامر اللي حفزني حاجتين قدرا انا سمعت مقطع دقيقة كده لواحد انا ما اعرفوش. لكن يعني من باب آآ - 00:08:00

بركة انه ان الانسان يشتغل في الدعوة ربما هو لا يعلم ان جملة انا سمعتها عادي برضو بالمناسبة وعابر جدا واحد كان مشغل حاجة قدامي كده فلقط جملة كده فسمعت حوالي دقيقة - 00:08:23

فاصار عندي فكرة هذا اللقاء فاول حاجة ربما هو واخد الاجر ده كله بتاع اللقاء ده وهو قاعد في بيته بس لان دي بركة الدعوة الى الله سبحانه وتعالى ان بركة ان الانسان يدعو الى الله. لان دي من خيرية هذه الامة. يدعون شغالين دعوة الى الله سبحانه وتعالى - 00:08:39

الامر الساني ان في حد عزيز علينا طبيب هذا الاخ اللي اسأل الله ان يرفع عنه ويقدر له العفو والعافية والعناية والرعاية اصيب بضمور الاعصاب هذا الاخ المبارك فقد وانتم عارفين طبعا هذا المرض ظاهر ام طبيا بيكون المسألة - 00:09:02

كحد اقصى خمس سنوات هكذا يقول اهل الارض آآ بيحصل ضمور ضمور فاعضاؤه الاربعة لا ما فيش حركة فيها فلا يفعل اي شيء الا انه يتكلم الا انه يتكلم لا يستطيع ان يدخل الخلاء لا يستطيع لا يستطيع الاستطاعة - 00:09:33

ثم مؤخرا ضعف الكلام والكلام صار لا يخرج ده امنية امنية سقف الحياة يا جماعة احد يعني اللي زي دول يبقى سقف الحياة عندهم وبسقف الطموحات مختلف تماما عنك سقفوا الطموحات انه ياخد العادي بتاعك - 00:10:00

انك انك تفك الحزام بتاعك انك اه يعني تستطيع ان تخلع ثيابك منفردة يعني في شاب مرة كان مريض قال لي والله العزيم ان فتح السوستة ده نعمة من نعم الله انك تعرف تفتحها - 00:10:26

وتقضي حاجتك. ياه يعني قالها بعفوية كده انك مجرد بس تعمل الحاجة دي ده موضوع مش سهل الله سبحانه وتعالى هو الذي اعطاك وهو الذي ارشدك انا سبحان الله طول - 00:10:46

مهما كنت اسمع او كنت اسأل عنه الاخبار كل اللي كان شاغلني حاجة واحدة بقول الاخ ده لو عاوز حاجة هيقول ايه؟ بيعبر عنها ازاي؟ فبسأل المقرب منه قال لي دي اصعب حاجة في الوجود - 00:11:05

حاليا انك ما تعرفش اللي قدامك عاوز ايه نبيت اللي هيكتب بايده لان ايده خلاص فقدت التحرك ولا هيكتب برجله ولا هيشاور بعينه ولا هيتكلم بلسانه طيب عاوز عاوزك يقول لك مسلا - 00:11:25

انا عاوز اهرش هتلقطها ازاي دي بقى اللعن الشراب هتقولها هيقولها لك ازاي طب ده بقى ايه؟ سبحان الله ده يوم عادي عندك تعمل الحاجات دي كلها في واحد ببلاد ما - 00:11:48

وظلم ودخل السجن فترة فكان كاتب مقال من الحاجات اللي شدتني في المقال ده بيقول ايه بيقول ان في نعم لا ينتبه لها الناس ايه من ضمن النعم؟ طبعا انا عارف بقى ان هو هيقول نعمة انك مش عارف تعمل ايه ونعمل ايه فانا مستني ان هي عدد النعم اللي انت عارفها - 00:12:15

فاذا هو يقول نعمة ما خطرت لي على بال ايه هي النعمة يقول ان النعمة انك عما تصحى من النوم تنزل من على السرير وتتحرك هل النعمة دي احنا كنا محرومين منها. انك تصحى من النوم اتدنك في المكان اللي انت نايم فيه - 00:12:40

قال انا كنت بصحى من النوم عادي اطلع اقعد في الصالة شوية ابص في البلكونة او بعدين ادخل الحمام وبعدين ااجل شوية دخول الحمام واقعد انا افرك في عيني كده واتنطى ومش عارف ايه - 00:13:04

وغير السرير للكنبة ومن الكنبة للصالة فوجئت ان دي ما كانتش موجودة فقلت يا على النعم ده موضوع كبير اوي كنت اتكلم مع اخونا اخينا الدكتور ده نسأل الله سبحانه وتعالى ان - 00:13:17

وسلم قلبه ويشفي جسده بقول له ايه اكتر حاجة خرجت بيها اياك الاستفادة استفدتها؟ قال لي نعمة التفكر لان حواسي وقفت فلم يبقى الا عقلي بنعمة التفكر. وببص في كل حاجة حواليا - 00:13:36

وانتم بتتكلموا انا يعني انا عيني على قطة لسة معدية وانتم بتتكلموا لمحت وردة كده لونها جميل فقاعدة عمال اتفكر في بديع صنعها بيقول سبحان الله اعطاني نعمة التفكر وما ذقت مثلها التأمل والتفكر والصمت - 00:13:58

فالدكتورة شيماء دي بتقول انا قابلت ناس كتير قابلت اللي امنيتها ان هي كانت تدخل الحمام لوحدها وآآ قابلت اللي كان عنده ضمور في العضلات وخلاص رجليه ما بقاتش شايلاه - 00:14:22

انا اعرف حد بيغسل كلى من الحاجات الصعبة جدا عليه وهو نازل من السلم ان انت تساعده فساعدك يا عمو يرفض لا لا لا عشان ما يحسش ان هو ايه ضعيف - 00:14:40

درجة السلم انت ممكن تجري على السلم اما تلاقي زوجن جه باباك جه اخوك جه في ريحانة زمايلك تحت فبتمدي السوق بسرعة كده آآ ان هو ينزل من درجة لدرجة او يصعد من درجة لدرجة ممكن تاخد تلات دقايق - 00:14:57

دقيقتين تلاتة كده عشان ايه؟ يغير من درجة لدرجة شفتها دي قبل كده؟ هي عادي عندك. لكن هي مش عادي عندي. ناس تانية بتقول الدكتورة دي انا قابلت الاخ اللي كانت عاوزة تروح مصلحة ضرورية كانت بتنادي من الشباك بتاع بيتها على اربعة من اصحاب المحلات. يا فلان يا فلان يا فلان يا فلان - 00:15:14

عشان ايه بقى؟ عشان يطلعوا لها بكرسي ينزلوها ويركبوا وتركب التاكسي. ولما تنزل تروح للمصلحة اللي هي رايحاها تطلب من المارة ان يشوفوا لها كرسي ويشيلوها ويطلعوها لمصلحة ياه وبتقول قابلت اللي فقدت عقلها بعد ما خلفت عشر عيال خمسة مبصرين وخمسة - 00:15:42

مكفوفين قابلت اللي عيالها واحد ورا التاني كانت بتفقدهم قدام عنيهم وقلبها محصور كان عندها سبع اطفال سبحان الله وبتقول انا قابلت اللي خلفت ولد سليم وبعد كده حصل سقط خمستاشر مرة - 00:16:07

طيب والولد السليم حصل له ايه؟ وقع على راسه جا له شلل رباعي وبقى طول بعرض شقيانة في شيله وحاطه وبتقول قابلت اللي ابنها عنده نقص في انزيم مجرد انزيم مركب كيميائي عادي خالص - 00:16:38

خلى عملية الهضم والتمسيل الغزائي فيها اضطراب وحياتهم اتحولت لالام ومرض وبكاء وسهر وبتقول انا قابلت اللي قضت في المستشفيات اكثر من اللي قضته في بيتها من يوم ما وقعت على الدنيا - 00:16:59

بتقول هي قعدت واحد واربعين سنة في المستشفى بتقولها يعني ايه ان دي قايمة المفترض كلنا نكتبها يا جماعة الكلام اللي انا بقوله دي والمواقف دي اكتبوا القايمة دي وحطوها - 00:17:20

كل عام تلاقوا ان الدنيا قفلت معكم تعملوا ايه؟ طلعي القايمة كل اما تلاقي الدنيا داءت واتخنقت وبدأت تفكري في جدول اشياء وان ما فيش فايدة الحل ان احنا نموت ننتحر - 00:17:38

وقاعد امال تبكي على النعم المفقودة بحساباتك البشرية القاصرة تعملي ايه على طول فوقي لنفسك كده وابدأي حركي اصابعك كده وقولي ما شاء الله ده انا بحرك صوابعي فانا بسمع دا انا بقرأ - 00:17:56

وابدأي تاملي بقى لان التفكر في النعم من اجل علاج الاكتئاب انا في يوم من الايام بعد رمضان اللي فات آآ عندي اشكال كده في الحلق والزور فالدكتور قال لي انت محتاج ما تتكلمش لمدة شهر - 00:18:16

تتكلم بالراحة جدا جدا وقلت له طيب لو انا كملت؟ قال لي الصوت هيروح فقلت سبحان الله انك ممكن تصحى من النوم تلاقي الصوت قطع فسبحان الله مرة واحدة ما تلاقيش صوت - 00:18:41

آآ التفكر في النعم ده حاجة كبيرة قوي لانه علاج الاكتئاب كتير قوي عشان كده الله سبحانه وتعالى يا جماعة قال لنا اذكروا نعمة الله عليكم ذكر النعم ده مطلب شرعي - 00:19:04

مش حاجة كده مطلب شرعي ويلخص كل الدورات والكتب بتاعة الايجابية واللي مش عارف الايه والقصص دي كلها مطلب شرعي لابد انك تحققه بيكون بالقلب استحضار وانك تنسب النعمة للمنعم - 00:19:25

وانك تتكلم بلسانك فحدس وابنك تقوم بجوارحك فيما تقتضيه هذه النعم ربنا قال لنا كده ازكروا نعم. لان النعم قد تزول بالجحود والنسيان والكفران صح الله سبحانه وتعالى حتى في الحاجات البسيطة - 00:19:46

الذي خلق الازواج كلها وجعل لكم من الفلك والانعام ما تركبون. لتستوي على ضرر ثم تذكروا نعمة ربكم طب انتي اما تركبي العربية وانتي رايحة الجامعة رايحة الشغل مدركة ان دي نعمة - 00:20:06

ربنا خطب عيسى لما قال له وهو نبي من الانبياء عليه السلام وعزمي من اولي العزم اذكر نعمتي عليك وعلى والدتك ان ايدتك ياه لو ربنا بيخاطبك الان وهيقول لك ازكري نعمتي عليك. كملي انت بقى - 00:20:22

دوسي بقى وقولي اذ سترتني واز انتشلتني مما لو علمه الناس لعابني الكل ولذلك كم ذكر الله بني اسرائيل وهم ناس من اهل الاصطفاء ان هم يزكروا نعمة الله وكان خاطب الله سبحانه وتعالى اهل الايمان - 00:20:49

انه يزكروا نعمة الله. يزكرون نعمة الله عليكم يا سلام! ولزلك الانبياء الباب ده ركزوا جدا فيه حث الاقوام ان هم يزكروا نعم الرحمن هود صلى الله عليه وسلم بيقول ايه؟ واذكروا اذ جعلكم خلفاء من بعد قوم نوح وزادكم في الخلق بسطة فاذكروا الاء الله - 00:21:11

ياه كل الانبياء مشغولين ان اقوامهم ياخدوا بالهم من الكلام ده صالح صلى الله عليه وسلم بيقول واذكروا اذ جعلكم خلفاء من بعد عاد وبوأكم في الارض تتخذون من سهولها قصورها قصورا وتنحتون الجبال بيوتا وبعد - 00:21:38

اذكروا الاء الله يا سلام وقال شعيب صلى الله عليه وسلم اذكروا اذ كنتم قليلا فكثركم. انتم كنتم خمسين تلاتين اخت في الحلقة بقيتم كتير كنتم عشرين واحدة كده بتشرفوا على عمل خير بقيتم كتير - 00:21:58

اذكروا اذ كنتم قليلا فكثركم. انت كنت انت وزوجك وتقولي يا رب نرزق اي حاجة. رزقك توأم. قاعدة تقول ايه توأم ومصدعيني سبحان الله سيدنا موسى بيقول لقومه اذكروا نعمة الله عليكم اذ انجاكم - 00:22:16

ومرة يقول لهم جعل فيكم انبياء وهكذا فذكر النعم يا جماعة مهم اوي اوي اوي. حتى وانت بتذكر النعمة نعمة والله. لانك بتحمد ربنا مش دي نعمة لك الحمد مولانا على كل نعمة. ومن جملة النعماء قولي لك الحمد - 00:22:35

اصلا من الحمل اللي انا بقوله لك الحمد سبحان الله ابو بكر المزني بيقول كلمة جميلة قوي بيقول اذا اردت ان تعلم فاعلم قدر ما انعم الله عليك فاغمض عينيك. بس - 00:22:54

الجماعة بتوعية التربية ومش عارف ايه فجايين يقول لك ايه دلوقتي خل غم ابنك وخليه يمشي. شف ابو بكر المزني سابق الدنيا كلها. بيقول لهم يا جماعة غمي عينك وامش كده - 00:23:14

بعد المحاضرة اعملوا التمرين ده كلكم كاسرة كله يغمي عينه وكل واحد لمدة ربع ساعة يتصرف هتضحكوا وتهزروا بس هتعرفوا نعمة يعني ايه عينك تبقى مفتوحة وشايف جربوا جربوا كده افصلوا النور - 00:23:27

اعلن ليه؟ عن الشقة وكله يسلم اي موبايل ولا حاجة. عيشوا ربع ساعة كده وامشوا واتحركوا نعمة الهرش سهلة انك تهرش دي. دي سهلة صح؟ مم لأ مش سهلة عبدالله با نعمة - 00:23:47

كانوا واضعين في الانبوب بتاع التغزية ده عافانا الله واياكم وكان طبعا هو مشلول شلل رباعي. وان كان قلبه محلق. تحليق رباعي ودفع رباعي نحسبه الله حسيبه مكان في المستشفى - 00:24:11

والدته تقعد معه تمن تسع ساعات وتمشي مسكينة عاوزة تروح تنام بقى ولا حاجة عشان تيجي بكرة تقول طول الليل اعيط فاللي جاي يفتكرني اللي انا عاوز ايه؟ عاوز اكل. فيجب لي اكل. وانا اعيط اكتر لاني مش محتاج. هياكلك في وقت انت مش محتاج تاكل - 00:24:29

وتبقى نفسك تاكل وهو مش فاهم فما يأكلكش قولوا كل الممرضين ييجوا والدكاترة ييجوا ما حدش فاهم انا عاوز ايه الوحيدة امي كانت تيجي تهرش لي بافايا من ورا لان السلك بتاع - 00:24:48

الحاجة دي كان في بقي لافف حوالين رقبتي فعامل حز. فعاوز حد يهرش لي الوحيدة امي اللي كانت فاهمة سبحان الله نعمة الهرش سهل الهرش ده في اخ بيقول كان ليه اخ حرم من الهرش كان بياخد ادوية اعراضها الجانبية بتعمل التهاب في اعصاب القدم والساق - 00:25:07

كات رجله بتؤلمه كلما لمسها. كان نفسه يهرش بس مش عارف لان لو هرش هيتعبوا جدا جدا. تحس بالام رهيبة قل بعد فترة بدأ يهرش. ياه عما هرش وعرف يهرش - 00:25:38

فرح جدا وراح نازل ساجد وبكى بيبكي على ايه انه هرش انا كنت في المستشفى في يوم من الايام بزور حد ومتابعه فالدكتور بعد ما خلص الحالة قال ايه هل من علامات نجاح العملية - 00:25:56

انه يخرج يخرج ريح ويخرج منه ريح كل شوية بقى خمس ست ساعات بتلاقي الناس جاية تسأل. خرج منه ريح يقولوا لسه. اصبروا ان شاء الله خير ان شاء الله. خير ان شاء الله - 00:26:14

ومرة في يوم من الايام داخل انا المستشفى ولقيتهم فرحانين وبيحضنوا بعض وبتاع ايه اللي حصل؟ قال لك خرج منه ريح. ياه تشوف الحاجة ديت لو حصلت في زرف عادي الناس ممكن تحس بالاحراج والناس متضايقة - 00:26:29

وهنا الناس كلها قاعدين يدعوا يقولوا ادعوا لبابا انه يخرج منه ريح. ادعوا لماما انه تخرج منها ريح يا على الانسان وضعف الانسان فهذا الانسان اما عرف يهرش سجد لله سبحانه وتعالى - 00:26:47

الناس اللي اتجبست عارفين الكلام ده كويس يبقى محتاج تهرش تحت الجبس او مش عارف تطول اي حاجة فتقعد بقى ترقص زي الصمدة كده عشان ايه استريح ومش عارف تستريح - 00:27:08

الاخ ده بيقول ان ابني مرض في يوم من الايام مرض جعله صامتا بيقول ابني مرض مرض خليها صامت ما بتكلمش حتى انه لا يبكي عارف ما بيبكيش وكان لا يتكلم الا نادرا - 00:27:21

والدته بدل ما كانت بتغير له خمسة بامبرز في اليوم اصبح اتنين بيقول فانا كنت كاي والد اتأفف من كسرة استخدام البامبرز وهي بتتأفف من كسرة البكاء كاي ام بيقول في غمضة عين - 00:27:43

اصبح علامات الشفاء بتاعه انه يعيط ويعمل حمام فكنا نتمنى ان يبكي ابني وان يزعج امه كما كان يزعجها وانا اشتري له عدد لا محدود من البامبرز سبحان الله بيحكي عن تلاتة من اصدقائه من الاكيلة بيقول من اكتر الناس الاكيلة على وجه الارض - 00:28:02

تعرفنا على بعض في محل اكل خليجي بيقول لدرجة ان احنا طلبنا مع بعض تيس كامل فبيقول لك لك ان تتخيل بقى احنا كنا اكيل قد ايه بيقول التلاتة عملوا - 00:28:31

عمليات تكميم للمعدة تحويل مسار والكلام ده بيقولوا صاحبتهم اللي الامراض عفا الله عن الجميع فبدأوا بياكلوا لقمة من كل طبق او معلقة من كل صنف وفي يوم من الايام في واحد منهم قال لي كلمة غريبة جدا. ياه! الكلمة ديت طب ممكن كل يوم تعملها. لكن هي كانت طموح عالي - 00:28:46

قال له سبني اطلب كتير وكل انت. انا هطلب وانت تاكل. انا واحشني ان انا اقف اطلب عشرين سندوتش مشكل زي الاول مش مهم ان انا اكل بس نفسي اطلب - 00:29:10

يا ربي شوفتوا احنا ممكن ناخد الكلام ده بهزار بس شف قد ايه التعب سلوا المحرومين من اكل الملح اعرف واحد كان عنده كبد وكان مدرس الفيزيا بتاعي رحمة الله عليه - 00:29:22

ففي يوم من الايام آآ خدوه المستشفى وقعد تلات تيام السبب ان هو ممنوع من اكل حاجات معينة فخان اولاده كان جايب اكل. عم اولاده كان جايب اكل معين. خلاهم ناموا ودخل من وراهم واكل - 00:29:43

الاكل الممنوع منه ده فراح تلت تيام المستشفى في العناية شفت طب ايه الاكل اللي كان بياكله؟ الجبنة القريش وحاجات بقى اتنين تلاتة كده زيهم. دي حياته. يصحى ينام هو ده التراك اللي هتعيش فيه - 00:30:04

فسلوا المحرومين من اكل الملح ايه شعورهم اسألوا المحرومين من السجود عن اغلى شيء نفسهم يعملوه هيقولوا لكم نفسنا نسجد مرة واحدة بس. مرة واحدة بس المرض كسر ضهره نعمة الالم يا جماعة - 00:30:26

نعمة الالم مرة في برنامج جابوا فيه طفلة لا تشعر بالالم لا تشعر بالالم كمية المعاناة التي عانتها امها. ليه؟ عشان البنت ما تتعرضش لاي اصابة لان كل جسمها مهما هيتعرض للالم هي ما بتحسش به - 00:30:45

فحد يعورها تتخبط مش هتحس وكان كل جسمها مزرق من الخبطات كانوا بيلبسوها نضارة السباحة عشان يحافظوا على عينها عشان ايه ما يحصلش فيها حاجة. فشوفتوا بقى نعمة الالم اه يا ضهري اه تروح تكشف هيقول لك ده في مشكلة كده فيحلها لك - 00:31:12

لك بقى انك ما تتخيلش فكروا في كل حاجة كده بتعملوها في حياتكم بتشعروا معها بالملل. واحمدوا ربنا والله. لانكم ممكن جدا في يوم ما تعرفوش تعملوها وتتمنى انه لو بس تعرفوا تعملوها مرة واحدة. نزول السلم - 00:31:33

في كنت مرافق لحد من الاقارب ليه في مرض وبعدين بعد ما عمل العملية ومروح وطالع السلم راح دنه يبكي طب قل له ما يبكيك؟ قال لي اول مرة اتكسر الكسرة دي - 00:31:54

انا عادي طول عمري بطلع عادي ياه انت ما تحسش بالكلام ده انت عادي بتطلع السلم وعادي بتنزل السلم نزول السلم الاتوبيس التاكس انك تمشي في الشارع تمشي في الشارع النهاردة شايف واحد - 00:32:11

بيعدي الشارع بيعدي ببطء شديد الناحية التانية انا عارف ان في طبيب بتاع لوكيميا وكده ربنا يعافينا وهو بيعدي الطبيب. فالطريق كله وقف عشان الراجل ده يعدي مع بنته ياه على البطء - 00:32:31

وياه على الانكسار اللي كان في عينه وهو حاسس ان هو عامل يعني ازي الناس لان هو بيعدي عطل طريق وانت ممكن كل اللي انت ايه تعلق عليه تقول ايه؟ الله يهديها. ما كانت عدت الناحية التانية. الله يهديها. مكان التاكسي خلاها تلف - 00:32:50

انت والله الله يهديك بعت لك الرسالة قدام عينك عشان تشوفها للاسف ما شفتهاش. فغالبا هتكون انت الرسالة اللي الناس هتشوفها فنزول السلم ركوب الاتوبيس المشي في الشارع العرق ده يا جماعة نعمة - 00:33:10

التبول نعمة الهرش نعمة البكاء بصوت نعمة والله البامبرز نعمة احمدوا ربنا لو لو حرمكم منه هتتمنوا الطفل يستخدم بكل اموالكم بامبرز لاجله انه ايه يشفيه الله الخلاصة احمدوا الله على النعم التي تتأففون من وجودها فقد تتأففون من زوالها - 00:33:29

واحذروا من مل النعمة اوعوا تملوا النعمة انما حواليكم ممكن تملوها ما تحسوش بقيمتها باباكي مامتك اخواتك ان ربنا ساترك ان ربنا ساترك هي دي نعمة ياه وفي حاجة اكتر من كده - 00:33:58

واحد بقول له عملت ايه السنة دي حققتي السنة دي في دخلة الايه؟ السنة الهجرية. هو عنده كده تخطيط بيعمله كل سنة وبيمشي عليه وكده. بقول له ايه الاخبار في اعلى انجاز حققته فابتسم كده وقال لي اعلى انجاز انه سترني - 00:34:23

بقول ان السنة دي دي السنة دي اعدت بدون فضايح ياه شفتوا بقى ده بطل ده بطل عارف ايه فين الطموح الحقيقي فاوعوا تملوا النعمة زي الناس اللي ملوها او ما سبق - 00:34:41

لما قالوا ربنا باعد بين اسفارنا وظلموا انفسهم الاية دي يا جماعة روحوا اقرأوا في تفسيرها تستمتعوا فقالوا ربنا باعد بين اسفارنا عاوزين نستمتع كده بالتعب ربنا بيقول ايه؟ وظلموا انفسهم. ياه على ما ظلموا انفسهم. تحس ان فيه خطر سكينة حامية - 00:34:59

دخلت قطعت الاورطي وانت بتقرأ وظلموا انفسهم فجعلناهم احاديس خلاص بقوا حدوتة. تعالوا احكي لكم حدوتة قوم سبأ ومزقناهم كل ممزق اوعى تمل لي النعمة لان النعمة لو سبتك قلما تعود اليك كما كانت - 00:35:24

نعمة ان يكون في لقاء علم ان في واحدة بتيسر لك الطاعة ان في واحدة بتعيينك ان في واحد بيدعمك ان في في في دي نعمة لو سابتك انت مسكين نعمة اللمس - 00:35:47

لو فقدت نعمة اللمس والاحساس تقدر تعرفي ان ابنك درجة الحرارة بتاعته عليت. هتعرفي ازاي ان انت مش بتحسي هتعرفي ازاي انك قاعدة دلوقتي جنب آآ براد مليان ماية غالية - 00:36:01

حسي عشان كده مريض الجزام بيفقد الاحساس بيكون كأنه تحت تخدير ما بيشعرش عشان كده كل المخاطر ممكن تدمره احد الشباب في وقت كورونا ده بيحكي ان هو فقد نعمة الشم لمدة اسبوعين - 00:36:18

ولا انا كنت بحط اشد انواع العطور قوة عند انفي ولا اجد لها رائحة بيقول الغريب في الامر ان انا قمت بعمل تحليل ولم اجد عندي اي شيء الامر جدا جدا - 00:36:37

لكن عندها تزكرت قمة هذه النعمة. شوفوا بيقول ايه بقى التي لم اشكر الله عليها في حياتي مرة انت قلت لنفسي معاتبا كم انت ظلوم جهول؟ بضع وثلاثون سنة لم تشكر ربك على نعمة الشم مرة واحدة في حياتك - 00:36:56

ياه بقى لك خمسة وتلاتين سنة قاعد عمال تشمشم مستمتع وما قلتلوش مرة شكرا لك ان تتخيل ان في دخان بيخرج من مكان ما يكاد يحرقك وانت لا تشعر به. انك ما شمتش ريحة غاز في البيت - 00:37:20

تسربت وانت عندك كورونا في بيتك تكاد تهلكك وانت ومن معك وانت لا تعلم طعام فاسد ضارب ريحته ضاربة تدركه بحاسة الشم قبل ان تتزوقه ومع ذلك لا تستطيع. لو فقدت النعمة دي - 00:37:45

تاكل طعام ما تشمش ريحته كأن الطعام كله واحد عملت ايه بقى دي نعمة تانية اه طبعا انا مش جاي اتكلم على ايه واعدد النعم لكن كما قال المنعم وان تعدوا - 00:38:03

فمهما عديت مش هتحصي اخ بيحكي احد الدعاة قصة حفيدة راحت زارت جدتها عشان يحكي لك يعني ايه نعمة الانس جول زات زيارة لجدتها العجوز في بيتها العجوز اللي بتسكنه وحدها - 00:38:23

الحافلة دي فزعت من فقر سخيف قفز بين قدميها البنت قاعدة مع ستها وفي فار عدى. عادي جدا ما فيش مشكلة جه بعض الناس دلوقتي بيقول لي عادي ده انا قمت مفزوعة دلوقتي لما انت قلت - 00:38:42

افتكرت ان هو تحت رجلي فالجدة قالت لها ايه ده الكائن الوحيد اللي له حس هنا ياه يعني ايه الكلام ده يا جماعة اللي مش فاهمين تيتة عاوزة تقول ايه بيقول تيتة مأفورة - 00:39:02

ده يا جماعة الست دي فقدت الانس وعايشة مرارة الوحشة عشان كده حروف اللسان بتاعتها لا ما بترجمش ما يحس حلقها من غصص لو الداعي ده بيقول انا في غرفة اويت اليها مطاردا. بيحكي بقى يعني ايه الانس؟ بيقول كان النمل يجتمع على بقايا الخبز وما اليه - 00:39:22

بيقول كان انا كنت قاعد في اوضة كده اضطريت اقعد فيها. كان في جنبي نمل بيقول لا اذكر ان قلبي قوي مرة على قتله او خطر عليه. على بالي ليه - 00:39:54

قال بل وجدتني على الليالي اوفر له الطعام وقد اجمع النمل من زوايا الغرفة بمنديل فاجعله في مكان الطاعة وقد اضع له بعض السكر وارقب وارحب ما اكل منه وما بقي. ليه تعمل كده - 00:40:09

قال لم يكن صنيعي الى النمل باكرم من صنيعه الي انني لا ازيد على تغذية جسمه الضئيل شيئا وهو ان لم اطعمه انا اطعمه الله الذي لا يضيع خلقه بسبب غيري - 00:40:28

اي بسبب غيري يعني. ليه بقى؟ لكنه كان يعمل عملا جليلا. ايه يا عم اللي كان بيعمله؟ كان يؤنس قلبا علم الله ما فاته من الانس فكان يؤنس قلبا باحاديثه وحركته. فاينا احق بالحمد ان كنتم مقسطين - 00:40:48

كده يا جماعة الناس اللي قاعدة تتزمر دي من اوضاعها دول لم يحسنوا ان يشكروا نعمة الله عليه عملك الشاق هو حلم كل عاطل ابنك المزعج هو حلم كل عقيم - 00:41:16

بيتك الصغير هو حلم كل مشرد ما لك القليل هو حلم كل مدين عافيتك هي حلم كله مريض ابتسامتك هو حلم كل مفضوح كل مهموم وستر الله عليك هو حلم كل مفضوح ومهموم - 00:41:37

اجعل الحمد والرضا منهاج الحياة وهجيرك وخليك عندك نعمة فن التحويل فن التحويل دي نعمة يا جماعة انك تشوف الحاجة حولها الاخت شيماء سعد بتقول يعني بتقول انا ارى ان احتياج غرفة المعيشة للكنز والتنظيف - 00:42:03

شوفوا التحويل عمل معها ايه احتياج لغرفة المعيشة للكنز والتنزيف يعني اننا اجتمعنا فيها. اللهم ادم هذا الجمع تقول ان الغرفة محتاجة معنى كده ان كان في اجتماع هنا فبتقول اللهم ادم اجتماعنا - 00:42:39

وترتيب غرف الصغار يعني انهم في صحة جيدة دوما اصحاء يا رب وان وقفة المطبخ تعني ان عندنا ما نطبخه فلا تقطع الخير منا امين وبتقول ان امتلاء الحوض بالاطباق والاواني يعني اننا لم نبت جوعا - 00:42:56

الحمد لله نسأل الله ان يديمها نعمة ويحفظها من الزوال وتنزيف غرفة استقبال الضيوف يعني ان ضيفا شاركنا الوقت واللقمة اللهم ازرع مزيدا من حبنا في قلوب خلقك فكل تعب بارجاعه الى اصله هو تجلي لنعمة - 00:43:21

عشان كده يا جماعة تعودوا انكم تثمنوا ما عندكم من النعم ادوها تمن ادوها تمن احد السلف لقى واحد بيشكي فقال له ايه؟ ايسرك انك اعمى ولك عشرة الاف درهم؟ قال لا - 00:43:47

ايسرك انك اخرس ولك عشرة الاف درهم؟ قال لا قال ايسرك انك اقطع الايدي والارجل ولك عشرة الاف؟ قال لا قال يسرك انك مجنون ولك عشرة الاف؟ قال لا. قال له عليك عروض بالملايين واعطاك عروض بالملايين عندك ثم جئت - 00:44:11

لتشكوه وكان في واحد برضو متضايق وعنده زمجرة كده ويعني متضايق كل شوية يشكي. يقول فدخلت انام اسمعت في المنام من يقول لي اتود ان انسيناك سورة الانعام ولك الف دينار - 00:44:37

يا ربي ده ما حدش هيفهمه الا اهل الشوق يقول له اتود انا انسيناك سورة الانعام ولك الف دينار قال لا قال انسيناك سورة هود ولك الف دينار؟ قال لا - 00:45:02

قال انسيناك سورة يوسف ولك الف دينار؟ قال لا فقال معك قيمة مائة الف دينار وانت تشكو والسماك لما كان قاعد مع هارون الرشيد وبيتكلموا مع بعض فجه يشرب هارون - 00:45:26

قال له لو منعت يا امير المؤمنين من هذه الشربة الشوربة دي اللي هتشربها دي شربة القطرة الماء دي لو منعت منها حتى تعطيهم نصف ملكك اكنت فاعلا؟ قال نعم - 00:45:51

قال اشرب هنيئا مريئا فشرب فلما فرغ هارون الرشيد قال له ارأيت لو منعت منعت خروج هذه الشربة قطرة الماء دي خلاص دخلت بطنك ومش عارف تطلعها الا بنصف ملكك الساني. اكنت تخرجه؟ قال نعم - 00:46:08

قال فما تصنع بشيء شربة ماء خير منه وفي رواية فاتق الله في ملك لا يساوي عندك قطرة ماء وبولة سبحان الله وطبعا هارون الرشيد ده مش واحد كان عنده حتة قد مصر يعني - 00:46:30

لا يا جماعة هذا الرجل يعني كنز كزي القرنين في الملك فتعودوا انكم تتمنوا ما عندكم من النعم اختنا الشيماء تقول تعلمت ان التنظيف خلف صغار البيت امر شاق. نعم - 00:46:52

لكنه لن يكون اشق علي من مرض يمنعهم من صنع الفوضى. يا سلام التنضيف خلف الصغار صعب لكن اللي اصعب منه انك تلف عليهم من مرض عشان يشفوا من مرض منعهم من صنع الفوضى - 00:47:13

ان وقفة المطبخ قد تؤلم الزهر لكن عدم امتلاك ما اطبخه سيؤلم روحي ان وقفة حوض المطبخ قد تتعب جسدي لكن نزافة الاطباق والاواني ستؤلمني اذ لم تستخدم لايام. يا سلام! يعني ايه - 00:47:36

عادي مطبخك جميل قوي وما فيش حد بيجي عندك لا في زوج ولا في عيال ولا في اي حاجة فانت هتطبخي لمين ان وقفة حوض المطبخ قد تتعب جسمي. لكن نزافة الاطباق والاواني ستؤلمني - 00:47:59

اذ لم تستخدم لايام تعلمت ان البيت الذي لا يحتاج تنزيفا وشغلا هو البيت الذي ليس فيه الانس واللمة تقول ان احدى جداتي كانت لا تتعب في تنظيف بيتها الا مرة كل اسبوعين - 00:48:15

لانها كانت تعيش وحيدا الخلاصة يا سادة تسمين النعم اولى بالعد الشكور من تعداد الاتعاب التذمر هو نوع من الجحود للنعمة لا يحل ولا يستجلب الا الفقر واحسنوا دائما القراءة - 00:48:39

بتقديرات الله عليك اليوم يوم جمعة ويشرع قراءة سورة الكهف. ففي سورة الكهف السفينة التي لو لم تسقب لسلبت فيبتلي الله بالصغيرة لينجي من الكبيرة والغلام الذي لو لم يقتل - 00:49:12

لاشقى والديه ففي اخذ الله عطاء والجدار الذي لو لم يقم لضاع مال اليتيمين اي وفاء هذا يا رب الخلاصة مع كل ثقب وكل فقد وكل نعمة ردد اللهم صبرا على ما لم نحط به خبرا - 00:49:38

عطيته اذا اعطى سرور وان اخذ الذي اعطى اثاب فاي النعمتين احق شكرا واحمد عند منقلب ايابا انعمته التي اهدت سرورا ام الاخرى التي اهدت ثوابه بل الاخرى وان نزلت بكره اعم لصابر فيه احتسابا - 00:50:06

ابو حازم كان ليه كلمة حلوة اوي ذو النعمة نعمة الله فيما زوى عني من الدنيا اعظم من نعمته علي فيما اعطاني منها اني رأيته اعطاها قوما فهلكوا الناس دي رايقة اوي - 00:50:35

ابو عبدالرحمن عبدالله ابن يزيد بيقول ايه؟ بيقول سمعت عبدالله بن عمرو بن العاص وسأله رجل فالراجل ده بيقول له ايه؟ السنا من فقراء المهاجرين؟ يعني احنا من الفقراء اللي هيخشوا الجنة بقى قبل الاغنياء بسنوات كتيرة قوي - 00:51:01

عبدالله بن عمرو بن العاص بيقول له ايه؟ الك امرأة تأوي اليها؟ قال نعم جميل الك مسكن تسكنه قال نعم قال انت من الاغنياء يا حاج انت من الاغنياء فقراء ايه دول - 00:51:17

قرأت دولة لاقين سكن ولا لاقيين زوجة راجلي لما قال له انت من الاغنياء؟ الراجل اتخض قال فان لي خادما. قال انت من الملوك؟ هذا في صحيح مسلم بقول له يا عم ده انت ملك يا عم - 00:51:34

فقرائي الله يهديك سبحان الله وبسبب ان الكتير بيمد عينه ويقع في منشغل بامداد العين المنهي عنه لا تمدن عينيك قاعدة طول اليوم تبص على صاحبتها فقاعدة شايفاها لابسة حزاء جميل ده جابت كوتش جميل ده لابسة حزاء اه شوفي يا ماما ده شوفي بخس انت طولت ما - 00:51:52

مش عارف ايه ده عاملة ريجيم ده واكلة مش عارف ايه ده ده شكلها ده هيئتها احلى مني ده زوجها اجمل ده مش عارف ايه ده راكبين عربية ده جددوا مش عارف ايه - 00:52:19

الضغط ده بيخلي الانسان ايه؟ يحصل له تسخط على ما معه قعدت تبص على الشهادات ودي ابنها جاب ايه وبنتها جاب ايه وزوجها جاب لها ايه الحاجات ديت عشان كده سبحان الله - 00:52:30

انا قلت قبل كده الرجال ربنا امرهم بغض البصر. عشان هم ممكن بيبصوا على النساء طب والنساء؟ بيبصوا على النساء فهما مأمورين بغض البصر عن الرجال والنساء اكتر. بيبصوا لبعض اكتر - 00:52:45

سبحان الله المشكلة ان مع الحاجات دي وضغط السلطة سلطة السقافة الغالبة الجماعة بقى بتاعت الطموح وتحقيق الزات ومش عارف ايه وانت مش عارف سوبر ايه وبتاع والكلام البريطاني الهندي - 00:53:01

ده خلى الناس ما عادتش راضية على نفسها وبدأ يسأل سؤال انا عمري بيعدي وما عدش عندي انجازات. وحسبي الله ونعم الوكيل في بابا في ماما في اخويا في زوجي. اللي - 00:53:16

حرمني من الانطلاق وكنت زماني دلوقتي حققت حاجات كتيرة قوي كنت هتحققي ايه في جناح البعوضة اللي احنا فيه ده كنت هتعملي ايه يعني كان جود زمني دلوقتي يعني حاجة كبيرة قوي يعني على الاقل على الاقل كنت جبت حرف الدال وكنت كسرت الدنيا وكنت وكنت وكنت وكنت - 00:53:31

فانا ما عملتش انجازات خارقة ادهم الشرقاوي بيرد عليك وبيرد عليك فبيقول ايه بقى بيقول ليست الانجازات هي فقط التي تدون في كتب التاريخ ويتحدس عنها الناس ورسلا لم نقصصهم عليك - 00:53:49

ففي رسل لم نقصصهم عليك ربنا لم يقص ان ايه؟ رسل كتير على النبي صلى الله عليه وسلم فبيقول ايه؟ من قال ان علينا جميعا ان نكون مخترعين او فقهاء او ادباء او ساسة او اثرياء او مشاهير حتى نكون من اصحاب الانجازات - 00:54:08

ركزوا في الكلام ده لانه احسبه كلام عميق وانا بقوله بالعافية فيعني عاوز اوقف الدرس بس خلاص بقى ايه اتدبست في الحتة دي فاخلص الفقرة دي فبيقول يكفي ان يكون المرء انسانا فهذا بحد زاته انجاز عزيم - 00:54:30

نحن ابطال يا صاحبي وان لم نقض الجيوش ونحقق النصر او نخترع دواء او نكتشف قانونا في الفيزياء او نعثر على مركب جديد في الكيمياء او نضع قاعدة في الرياضيات في الرياضيات - 00:54:53

او بحرا جديدا من بحور الشعر او نفوز بجائزة نوبل نحن ابطال ركزوا بقى في الكلام العالي ده حين نجاهد انفسنا كل يوم كي لا نعصي الله سبحانه وتعالى وابطال حين نعصيه فنعود اليه مستغفرين مكسورين - 00:55:09

نحن ابطال حين نجبر خواطر الناس وحين نختار مفرداتنا بدقة غير كي لا نؤذي احدا يعني احنا نختار كلماتنا بدقة دي بطل بطولة نحن ابطال حين نمر بالبائع المتجول المسكين فنشتري منه - 00:55:31

ونتغاضى في السعر قليلا ونحسب هذه الصفقة صدقة خفية نحن ابطال حين نصل الى اخر الشهر بمرتباتنا الهزيلة ونستر فقرنا عن الناس نحن ابطال حين نربي اولادنا كي يخافوا الله - 00:55:54

ونلاحقهم على حفظ جزء عمة كما نلاحقهم على حفظ جدول الضرب نحن ابطال يا صاحبي. حين نبر اباءنا وامهاتنا وحين نحسن الى جيراننا ونساعد زوجاتنا ونصل ارحامنا. نحن ابطال حين نجاهد على مقاعد الدراسة ونقتلع رغيف الخبز لاولادنا من الصخر - 00:56:19

دون في خانة انجازاتك يا صاحبي. قيامك لصلاة الفجر دون ايضا امساكك بيد احبائك رغم كل شيء فمن اعطاك قلبه فقد ائتمنك عليه والله يحب ان تؤدوا الامانات الى اهلها - 00:56:47

دون في خانة انجازاتك تلك اللحظة التي فرحت فيها بنجاح غيرك فهذا يعني ان لك قلبا طيبا ودون ايضا دعاءك بالبركة لكل صاحب نعمة فهذا يعني انك تربيت جيدا ورضيت بقسمة الله - 00:57:11

دون في خانة انجازاتك كل دمعة مسحتها لمحزون وكل كلمة كلمة حلوة قلتها قلتها لمجروح وكل تربية او كل تربيطة ربطتها على كتف مكسور دون في خانة انجازاتك غيرة احرقتك فكتمتها - 00:57:34

كي لا تفلت يدك في منتصف الطريق والسلام لقلبك ولزا نصحت كلام جميل انك تنكسر دايما لله وانك دايما ما تنشغلش بايه فهم عملوا ايه واحنا عملنا ايه وهم وصلوا فين - 00:58:05

فلا شيء احب لله من انكسار عبده بين يديه. فانكسر له يأتيك الجبر كل يوم بين السجدتين بتقول له واجبرني. ليه واجبرني بانك بتتكسر يوميا كتير فمحتاج حد يجبرك ناده بانكسار اخوة يوسف - 00:58:26

يا ايها العزيز مسنا واهلنا الضر وجئنا ببضاعة مزجاة فاوف لنا الكيل وتصدق علينا ان الله يجزي المتصدقين. فاذا اردت ان تعز فعليك ان تذل نفسك لله تأمل يا ايها العزيز - 00:58:49

جميل ان تتذكر انه رحيم ولكن تذكر اولا انه قادر كيف امر الارض ان تتفجر عيون نصرة لنوح عليه السلام فتفجرت كيف امر العصا ان تصير حية فصارت كيف امر الجبل ان يصير ذل ذلة - 00:59:12

وظلل وكيف امر البحر ان ينشق ويصير طريقا يبثا فكان كيف امر النار الا تحرق فمات لهيبها وكيف امر السكين الا تذبح فذهبت حدتها وكيف امر الحوت الا يهضم فتعطلت شراسته - 00:59:35

هذا هو العزيز اللي هتنادي عليه وتقول له يا ايها العزيز هذا هو العزيز الذي ينبغي عليك ان تدعوه وهو القادر كسيرا ودائما وابدا تأمل مسنا واهلنا الضر عندما تشكو للناس - 00:59:59

فلن تنال الا مشاعر التعاطف في احسن الاحوال. ونظرات الشفقة في اسوأها لكنك حين تشكو الى الله حين تأتيه مكسور الجناحين ترجع محلقا وحين تأتيه مكسور الخاطر ترجع مجبورا وحين تأتيه مكسور القلب - 01:00:22

ترجع وربما فبث شكواك الى ربك واستعمل معه اخلاق الاطفال فان الطفل اذا اراد شيئا بكى حتى يأخذها ابكي بين يدي ربك. تسول على بابه تسول الفقير الذي لا يجد لقمة - 01:00:50

تمرغ بين يديه تمرغ تمرغ الموجوع على باب المستشفيات. ان الله يحب ان يسأل تأمل وجئنا ببضاعة مسجاة. اياك ان تنظر بعين العجب الى طاعتك. انظر اليها نظرة العبد المقصر - 01:01:10

علم من الملائكة ادب العبادة فما من موضع شبر في السماء الا فيه ملك راكع او قائم او ساجد وقيل في الاسر الزي حسن اسناده ابن كثير انهم يبعثون يوم القيامة يقولون سبحانك - 01:01:31

ما عبدناك حق عبادتك يا صاحبي حين تشعر بالتقصير في العبادة ارجو انها مقبولة ان شاء الله وحين تنظر اليها بعين الكمال المتمنن على الله فاعلم انها مردودة عليك. عبادتنا بضاعة مزجة رثة - 01:01:49

وانما يقبلها الله منا تكرما وتفضلا علينا وما استقام عبد لله بقوته ولكن الله اصطفاه ومن صرف احد عن باب الله بخاطره ولكن الله استغنى فاحمد ربك على الاصطفاء فانك تحتاجه ولا يحتاجك. انت الفقير اليه - 01:02:15

فاوف لنا الكيل يا صاحبي. سل الله القبول ورب قائم ليس له من قيامه الا النصب والتعب. ورب صائم ليس له من صيامه الا الجوع والعطش ولن يدخل احد الجنة بعمله الا ان يتغمدنا الله برحمته - 01:02:45

وتصدق علينا يا صاحبي هكذا سؤال الفقير الذي يعرف انه ليس له عند الغني الذي يسأله ضربة لازم عندما يستعطفه ويرقق قلبه عليه وليكن هذا سؤالك لربك. سؤالي الذي يطلب المنة ويعرف انه ليس له على ربه شيء - 01:03:06

انما يسأل من اذا حرمه لم يزلمه شوفوا يا جماعة وانت بتدعي ربنا كده فاي نعمة مفقودة مستحضر المعنى ده انت تسأل الذي اذا حرمك لم يظلمك. ياه عما تنطلق من النقطة دي - 01:03:29

تسأل الذي ازا اعطاك فقد تكرم وتحنن عليك الخلاصة بلاء يجعلك تقبل على الله بقلبك وجوارحك خير من نعمة تطغيك ولعله اراد ان يعطيك فمنعك. ومتى انفتح لك باب الفهم في المنع فقد اجتباك - 01:03:50

فنسأل الله ان يرزقنا شكر النعمة اختم بما بدأت به نحن كل يوم يمر علينا ليس يوم عادي ولكن ابليس جعله عندنا يوم عادي لا ليس يوم عادي كل يوم بيمر علينا مش عادي - 01:04:16

ده احنا في عطاءات مدهشة ومش عارفين نشكر ازاي ايماني نعمة. هشكره ازاي حرم منها الكتير وما اكثر الناس ولو حرصت بمؤمنين الصلاة نعمة اتحرم منها كتير لاذكار نعمة اتحرم منها كتير. القرآن نعمة - 01:04:45

فالصوم نعمة الحج نعمة الزكاة نعمة. ان يحبب اليك الايمان نعمة ان يكره لك الكفر والفسوق والعصيان نعمة كل النعم دي بل من النعمة انك تشكره ورؤوس النعم تلاتة الاسلام ان لا تتم النعمة الا بها. اي نعمة معك بدون الاسلام لم تأخز تمام النعمة - 01:05:09

والعافية لانه لا تطيب الحياة الا بها. والغنى لا يتم العيش الا به ملبسك ملبسك الطعام بتاعك الشراب بتاعك من اين يؤتى به؟ ربما يؤتى به من اماكن لا تلبس - 01:05:39

نجيب اللبس بتاعك والاكل بتاعك من ناس مش معها فلوس تشتريه تبيع بس سبحان الله احد الحكماء بيقول لاخوه يا اخي فقد اصبح بنا من نعم الله ما لا نحصيه مع كثرة ما نعصيه. فما تدري ايهما نشكر؟ جميل ما ظهر ام قبيح ما ستر - 01:05:56

سبحان الله! كم من الملابس اللي بيمتلئ بها الدولاب بتاعكم دلوقتي كم مرة في العام بتروح تشتري كم من النعم في بيوتنا بتزل لغاية ما تتلف واسبغ عليكم نعمه ظاهرة وباطنة. الظاهرة كل ما ظهر. والباطنة كل ما هي - 01:06:20

عشان كده يوم القيامة اول ما يسأل عليه العبد من النعم الم نصح جسمك ونرويك من الماء البارد مش كان جسمك كويس كده وكنت بتاكل وبتشرب مين فيكم في يوم من الايام وهو ساجد قال له يا رب انا بشكرك على نعمة انك مديني عقل - 01:06:43

يا سلام وانه بيديك عقل راجح سبحان الله نعمة الحرية انك تقوم كده وتتحرك الهيئة بتاعتك شكلك ده تشوف شكلك دارى وربنا غيره وانت ماشي في الشارع لو عاوز تدخل الحمام ياه موال كبير هم كبير - 01:07:04

شكرت نعمة الله ان عندك حمام في البيت نعمة الهداية يا جماعة والله يا اهل هذه النعمة لو توسدوا التراب وافترشوا الحصى وناموا على الجمر ما شكروا نعمة الله عليهم - 01:07:31

انه يكون هاديهم نسأل الله ان يرزقنا واياكم حسن العمل وحسن الخلق وحسن الختام. اقول قولي هذا واستغفر الله لي ولكم - 01:07:50