Baheth

هو زاد امة بسم الله الرحمن الرحيم. الحمد لله رب العالمين والصلاة والسلام على سيد الخلق نعيم سيدنا محمد صلى الله عليه وعلى اله وصحبه وانصاره وجنده. ومن تبعه باحسان الى يوم الدين - 00:00:00ضَ

ونسأل الله سبحانه وتعالى مخلصين ان يجعل عملنا كله خالصا لوجهه الكريم وحده لا شريك له. وان يرزقنا صدق النية واخلاص العمل. ايها الاخوة كلمتان ابدأ بهما سريعا. اما الكلمة الاولى - 00:00:30ضَ

فانه في الايام الاولى دائما من شهر صفر وبعد ان يشعر الانسان بان الاشهر الحرم قد انقضت. وان كانت الاشهر الحرم في هذا العام قد هتكت فيها حرمات كثيرة في ميدان التحرير وما حوله على الاقل وفي البيوت وما الى ذلك. انما يبدأ الانسان في معاملة - 00:00:50ضَ

جزء العادي كما قلت لكم من العام. فاذا ما بدأ يعامل الجزء العادي اللي هو الشهور اللي ليس فيها احد حديث فضل خاصة بها احاديث صحيحة يعني ليست شهر رمضان ليست شهر شعبان ليست شهر رجب ليست شهر المحرم - 00:01:20ضَ

ليست اشهر الحج. فان الانسان يبحث يفتش حثيثا عن مواقع فضل وعن مواضع البركة في هذه الاشهر العادية تعظم عنده ايام كتلك الايام الثلاثة التي نحن فيها. اللي هي الايام البيض من الشهر - 00:01:40ضَ

لما تيجي تقول لي ان الصيام تلتاشر واربعتاشر وخمستاشر سنة في شهر شعبان اقول لك ياه ده انا اكتر من كده في شعبان. اما تيجي تقوله لي في شهر مثلا في الاشهر الحرم اقول لك الاشهر الحرم السنن الصيام فيها اوسع - 00:02:10ضَ

اما تيجي تقول لي في شهر رمضان اقول لك لأ بصوم اكتر من كده في رمضان. انما لما تيجي في شهر تنبلج فيه ثلاثة ايام ويقاتل وتنبلش دي من الابلج وهو الابيض الازهر الذي يظهر في وسط الاقران مضيئا - 00:02:30ضَ

مشرقا فتشعر بان هذه الايام النهاردة وبكرة وبعده دول ما يتسابوش ما يتسابوش لانها ايام تمثل عشرة في المية من الشهر. في سبعة وعشرين في المية من الشهر. اللي هو سبعة وعشرين يوم في الشهر - 00:02:50ضَ

آآ ده يبقى كم؟ يبقى تسعين في المية كمان. دي تمثل ها اتلخبطنا ولا لسه؟ عشرة في المية. يعني فترة بسيطة جدا من من الشهر تلاتة من تلاتين عشرة في المية من الشهر فقط. وبعد كده في سبعة وعشرين يوم حوالي تسعين في المية من الشهر. ليس فيها هذا - 00:03:07ضَ

اشراق لذلك ارجو ان تعاملوا هذه الايام معاملة الذي يعرف حق ربه اذا ما تجلى بفضله على بعض الزمن فجعله مشرقا. فنلتقي بهذا الاشراق. نفس المسألة تأتي عندما يمضي الوقت ويبدأ الثلث الاخير من الليل. الثلث الاخير من الليل في كل - 00:03:29ضَ

سنة له نفس الفضل. لكن تلاقي الانسان يأتي مثلا في العشر الاوائل او في العشرة الاوائل من ذي الحاجة او في العشر الاواخر من رمضان او طول رمضان عارف ان الليل كله له فضل كبير. انما الحقيقة كون ان يمر عليك - 00:03:59ضَ

اليوم وانت عارف ان دولة رمضان ولا المحرم ولا ذو القعدة ولا اشهر حرم ولا حاجة. لكن فيه وقت خصه الله بفضل انه سبحانه ينزل الى سماء الدنيا لينادي في العباد فتقول بس هو انا عندي وقت غير الوقت ده ؟ ده وقت اترصد له. اتربص له - 00:04:19ضَ

وكما ورد عن بعض ائمة الصالحين في امتنا انه الشتاء ده لقطة بالنسبة لنا فرصة ذهبية الا انه طويل. الليل طويل جدا. طويل يعني اقدر انام فيه ساعتين تلاتة ان شاء الله جزء من النوم. في الاول عايز تنام الساعة مسلا - 00:04:45ضَ

سبعة تمانية ستة تنام ساعتين تلاتة وتسهر او العكس انما غالبا حاولوا ما تفقدوش هذا ثلث الاخير من الليل. لانه في وقت زي ده بقية اليوم بقية اليوم مليان فضائل - 00:05:05ضَ

انما الثلث الاخير من الليل ينزل فيه ربنا عز وجل الى سماء الدنيا وينادي. ها ما حدش عايز حاجة يا جماعة حد عايز حاجة واتخيل وانا انتم عارفين يعني واحد يدخل مسلا موقف اتوبيس يخش محكمة تلاقي الراجل ماشي - 00:05:25ضَ

بتاع الحاجة الساقعة والشاي يقول للناس كده ما حدش عايز حاجة شاي حاجة ساقعة بسكويت كده طول ما هو ماشي فان يقول رب العالمين رب العالمين بجلاله وعظمته ان هو سبحان الله العظيم يعني يعني الصورة الواردة في الحديث - 00:05:45ضَ

افعالك تستدعي هذا انه حد عايز حاجة؟ هل من سائل فاعطي والحديث التاني يذكر نفس المعنى سبحانك يا رب. نفس المعنى يقول ايه؟ يقول ان الله الله يبسط يده. طب اللي بيمد ده الشحات هو اللي يمد ايده كده المفروض اللي احنا عارفينه يعني انه السائل هو اللي ييجي يقول لك اعطني مما - 00:06:15ضَ

اعطاك الله فان يقول الله عز وجل ان الله يبسط يده بالليل ليتوب مسيء النهار ويبسط يده في النهار ليتوب مسيء الليل معناها ده الواحد بقى يستحي. يستحي من الله عز وجل وهو يتعامل مع - 00:06:41ضَ

حركة الايام والاحوال وانا الحقيقة من المعاني التي تؤثر جدا في طوال العمر رواية صحابي. صغيرة كده كلمة صغيرة. يقول لك كان اذا حصل حاجة في السما شوية هوا سحاب غيمة - 00:07:01ضَ

سحابة عدت من تحت الشمس حاجة يقول لك كنا نرى التغير في وجه النبي عليه الصلاة والسلام. يعني مش كلام حتى تحس ان قسمات الوجه اتغيرت عارف لما واحد يتفاجئ بحاجة انت بتلاحزه يقول لك فوشه اتغير. مش انتم بتقولوا كده دايما؟ يقول لك حصل كزا فبصيت لفلان - 00:07:21ضَ

لقيت وشه اتغير. دي مسألة بتبقى في غالب الظن تلقائية غير غير مقدور عليها. ما حدش قاصدها فان ان يصل تعامل النبي عليه الصلاة والسلام مع مع الحوادث والاحوال ان وشه يتغير علشان سحابة عدت من تحت الشمس ولا شوية هوا معناه انه وبلغ في تعامله - 00:07:41ضَ

مع الايات مبلغ ضخم انتم عارفين لما واحد ناس شافت آآ شافت سحاب استبشروا. فقالوا لهم لأ يعني في ناس قبلكم لما شافوه قالوا هذا عارض ممطرنا. فرد رد عليهم بل هو ما استعجلتم به ريح فيها عذاب اليم. تدمر كل شيء باذن رب - 00:08:11ضَ

بها فاصبحوا لا يرى الا مساكنهم الله! فيبقى خايف حتى من من يعني اللهم اه اه غيثا نافعا اللهم صيبا نافعا وبعدين يعني تشعر بان القلب المسلم قلب مش زي ما بيقولوا جلده تخين ما بيحسش. لا - 00:08:41ضَ

ومرة انا بصفتي الحمد لله من الناس اللي ما عندهمش خبرة في في البانجو والمخدرات فباقول للناس اومال الولاد يقول لي اصل ده ما بيحسش زابط زابط مباحث يقول لي ما بيحسوش. هو بيبقى واخد حاجات وهو مش حاسس بيحصل ايه. فهو حاسس وهو بيضربه انه ما بيعملش - 00:09:07ضَ

معصية ولا حاجة ده مش تعزيب ولا حاجة هو مش حاسس اساسا فالفكرة انه لأ المسلم بقى مش جلده تخين مش احساسه بليد لأ دقيق الشعور ولو سمحت تتربى على كلمة دقيق الشعور دي. دقيق الشعور. احساسه دقيق حيي. كريم - 00:09:27ضَ

لدرجة ان الصفة اللي تقال عن النبي عليه الصلاة والسلام هي كده. حاجة والله يا اخي سبحانك يا رب رسول الله الجليل الكريم الحلو يعني الطيب الطهور سبحان الله! صلى الله عليه وسلم الطاهر الكريم. يقول لك كان - 00:09:51ضَ

اشد حياء من البنت الصغيرة بنت الصغيرة وهي في السرير لو دخل عليها واحد غريب طبعا يمكن ده كان زمان شوية دلوقتي تكون خفتت لا قدر الله يا رب. انما فعلا العذراء في خدرها تستحي حتى - 00:10:12ضَ

وهي متغطية تحس انها يعني حتى ساعات من خالها وعمها لو متربية كويس تشعر الحياء ده فيقول كان يا اخي سبحان الله! الراوي جاب منين التعبير ده؟ تعبير غريب يعني للدرجة دي الرسول عليه الصلاة والسلام كان يعطي هذا الانطباع - 00:10:35ضَ

انه حيي جدا لدرجة انه مش عارف يرفع عينه في عين اللي قدامه. ليه يا اخي؟ ده رسول الله يا شيخ. انما ده مش شف انا بقول لك مش عارف يرفع عينه في عين اللي قدامه. الراوي يروي يقول كده. يقول لك كان جل نظره - 00:10:55ضَ

معظم نظري الملاحظة. عارف يعني ايه الملاحظة؟ يعني اللحظ زي ما بترمش كده. تبص كده علشان بيبص للي قدامه عشان ما يفتكرش اللي ان هو منصرف عنه. بس بيبص له يعني. يقوم يرفع عينه كده ثم يصرف بصره يخفضه. عشان ما يبقاش بيحد اليه البصر - 00:11:15ضَ

يبقى حاجة قاعد كده ها يعني ما فيش الكلام ده في الاسلام ما فيش المنزر ده طب لو لو ما بيرفعش نزره خالص وعامل كده؟ ييجي الجماعة بتوع الغرب يسميك ان فيه حاجة حتى يعلموها لبتوع التسويق - 00:11:35ضَ

وحتى الاعلام وحاجة يقول لك لازم في حاجة اسمها اتصال العيون اللي هي سميها الاي كونتاكت تواصل العيون عشان يحسسك بحاجة. فالنبي عليه الصلاة والسلام ما كانش عنده الايكونتاكت بتاع الغرب ده كان عنده انه يعطي لك رسالة انه منتبه اليك ولكنه لا يحد ايه ده - 00:11:51ضَ

ايه العزمة دي ؟ ويروى انا انا مش انا الحقيقة مش متأثر بالصفة نفسها. انا متأثر بان الصفة الغت منه لدرجة ان هو ده اللي يروى. هو ده اللي يتحكي عنه. يعني بقى انطباع مش الصادق الامين وبس مش القوي مش لا - 00:12:21ضَ

الادب البالغ الرقة البالغة ولعلي حكيت لكم يا اخواني من قبل المسألة بتاعة ان هو آآ ان هو صلى الله عليه وسلم آآ في اكثر من مرة يعني الراجل مسلا اللي راح - 00:12:41ضَ

يدي له هدية مرة الهدية دي انا عايز اقول لك ان في الرواية الاخرى انه كان يفرح ويكافئ اذا اهدي اليه ورك ارنب ورك عارف ورك الارنب ده حاجة يعني ما فيش دي عاملة زي دبوسة يعني حتى مش فرخة حتى الفرخاية ربع الفرخة ده - 00:13:05ضَ

ربع ارنب حقيقي مش ربع ارنب اللي هو يفرح. فده الراجل ده راح اهدى اليه شيء فالرسول عليه الصلاة والسلام اعتذر قال له لأ مش هاخده. فالراجل مشي خلاص فاذا بالرسول عليه الصلاة والسلام ينادي هذا الشخص. تعال - 00:13:33ضَ

تعال يا فلان على فكرة انا اللي خلاني ما اخدش منك الهدية دي ان انا هاصور ها؟ قلت ايه؟ ايوا. ان انا تحرم كان محرم عليه الصلاة والسلام في الاحرام. واللي انت جايبه لي ده من صيد البر - 00:14:00ضَ

وشف دقة الامام البخاري وروعته. وهو يترجم هذا علشان ما يبقاش لانه صيد البر كونه يهدى للمحرم يعني بعض الفقهاء يرى لأ ما دام مش انت اللي صايد وخلاص فقال ان هو ترجمها على على الحيوان ده - 00:14:34ضَ

فهو قال فالراجل بعد ما مشي كان هيبقى ماشي مدايق ان الهدية رفضت شعر ان النبي عليه الصلاة والسلام حتى بيطيب خاطره يقول له بس عشان الشيء الفلاني. بس. عشان انا محرم. انما هاتوا لي بعد الاحرام وشف هيحصل ايه. جميل - 00:14:54ضَ

فلا تجد احدا ومع زلك لما ييجي تنتهي حياته شف الحاجة اللي مؤرقاه انا ما يهمنيش برضو اللي حصل بالزبط انا يهمني الشعور اللي ورا اللي حصل ده. اللي جواه بيفكر ازاي. اللي اللي وراه طول - 00:15:14ضَ

حياته قال لاحسن اكون ضايقت حد يوم من الايام. يكون في حد يعني دايقته ولا حاجة يعني هو دي الحاجة اللي انت بتفكر فيها يا رسول الله ده فضلك على الناس يشيل مليون الف حاجة. انما هو دقة شعور تبلغه - 00:15:34ضَ

انه جايز يكون ضايق حد فيقول يا جماعة اللي له حاجة عندي يعني انا جاهز يا ريت يا اخواني نشيل والحمد لله انتم كلكم على خير يا رب العالمين. لكن يعني ازا كان قد وصل الينا - 00:15:54ضَ

من تربية الاجيال آآ شيء من البرودة. واحد بارد شوية. شيء من التبلد شيء من من من من عدم رقة الشعور ودقته شيء من كده يا ريت يبتدي ياخد باله ان يكون دقيق الشعور - 00:16:10ضَ

تحقيقا حلوا سمحا كريما. دقة الشعور جعلت النبي عليه الصلاة والسلام ينظف اسنانه لتكون بيضاء لامعة. ويطيب نفسه بالطيب لتكون رائحته حلوة. وازا وجد انسان كل آآ فصل حتى في السلطة يقول له عندك اعفاء من حضور المسجد. والعجيب انه ما يقولوش ما تاكلش بصل. سبحان الله - 00:16:30ضَ

بس لو كلت البصل ما تجيش المسجد ما فيش حاجة. طبعا ما فيش واحد بقى يروح قبل الاذان بخمس دقايق يقول لك انا تعبان النهاردة بصلة خلاص انما من اكل ثوما او بصلا خلاص ده ده بعيد عن علشان ما يؤذيش الناس - 00:17:00ضَ

ما يؤذيش الناس. فالفكرة دائما ان الواحد دقة الشعور دي دقة الشعور. رقته آآ نظافة الانسان حتى في البسمة. فاسأل الله سبحانه وتعالى يا رب العالمين ان ياخذ بايدينا اليه اخذ الكرام عليه - 00:17:20ضَ

الموضوعات بقى العامة علشان برضو ما اطولش كتير على حضراتكم. وخصوصا اه يعني اتأخرنا شوية في البدء الحقيقة الاسبوع اللي فات ده الاسبوع الحالي ده حصلت فيه شوية حاجات صعبة جدا بالنسبة لي. اولا - 00:17:41ضَ

استقبلت مجموعة من الطلبة السوريين. الحقيقة يصبون جام غضبهم على آآ جامعة الدول العربية والامين العام لجامعة الدول العربية وما الى ذلك بشأن سوريا. وبيقولوا انه هذه السياسة تعتبر فيصل او فاصل بتفصل بتعمل زي سياج يحمي سياج - 00:18:01ضَ

النظام السوري من الثورة الموجودة في سوريا. انا عايز اكلمكم ايه يا منقوصة شوية معلش لكن نفس الحكاية كانت حصلت لما ليبيا بدأ فيها الثورة ضد القذافي ساعتها تصريحات الجامعة العربية وامين الجامعة العربية كانت في الحقيقة في منتهى الخطورة ايضا لانها كانت بتتكلم - 00:18:31ضَ

عن تدخل الجامعة لاحداث المصالحة بين الشعب الليبي والقذافي وتجاوز المحنة والازمة فاعتبرها ثوار ليبيا في في هذا الوقت انها نوع من انواع حماية يعني بقت الجامعة العربية بتقوم بدور حماية النظام الليبي. ودلوقتي الجامعة العربية - 00:19:01ضَ

نقوم بدور حماية النظام السوري. وفي احداث اليمن المبادرة الخليجية وتأييد الجامعة العربية لها اصبحت مسألة ايه حماية علي عبدالله صالح والنظام اليمني. هذا الكلام الحقيقة نقطة في منتهى الخطورة - 00:19:21ضَ

صورة وانا مش عايز اربط ما بين بدء الجامعة العربية وما بين نهايتها وما بين دلوقتي. لان الرابط مش مباشر قوي بس عايز اقول لكم ان جامعة الدول العربية لما تشوفها بدأت ازاي تستغرب جدا. تستغرب جدا ان الاستعمار - 00:19:41ضَ

اعطى بعض الدول استقلال مش احنا كنا كلنا دول محتلة. ده بيحتله انجلترا ودي بتحتله فرنسا راح مدي بعض الدول استقلال في الوقت ده. انت مش عارف ادها لها ليه - 00:20:01ضَ

يعني ما فيش حاجة قوية قوي كانت تقول الاعتراف باستقلال الدولة الفلانية. وبعض الدول وبعض الناس يحط مصر في ضمن دول يقول لك يدوا لها استقلالها ليه واعلنوها مع ان الاحتلال مستمر انما اعتبروها دولة مستقلة؟ انما بعد شوية اذا بنا نفاجأ - 00:20:19ضَ

ان جامعة الدول العربية نشأت بين مش كل البلاد العربية بين سبع دول عربية عربية هي الدول المحيطة بفلسطين المحتلة معهم دولة واحدة بعيد شوية هقول لكم ليه؟ لان طلع ان لها دخل بالموضوع. الله! جمع الدول العربية اذا - 00:20:39ضَ

المقصود بها ان انها لما تنطق يبقى ده الرأي العربي بيجهز ناس لما ينطقوا يبقى دول الحق العربي يبقى ده قصدي المعبر عن الصوت العربي. ويطلعوا هم اللي حوالين بحيس ان لو حد حب يعمل مقاومة ضد آآ اسرائيل - 00:21:06ضَ

الدول دي تبقى حلوة جدا خلاص الرأي العربي قال كده. نفس الحكاية حصلت قبل ما يحصل عدوان على المسجد الاقصى بسنتين الكلام اللي بقوله لكم ده في الصميم عشان تعرفوا لانه دائما جامعة الدول العربية وانا بقول الكلام ده بقول لهم دايما انقزوا نفسكم انتم حرين - 00:21:27ضَ

احنا بنقول الكلام ده وانتم اللي لازم تعبروا عن انكم لأ مش تحت مش شغالين بتنفزوا اهداف ولا حاجة. انتم حرين اسبتوا لنا عشان نسعد بكم ان نفسنا نسعد بكم ونفسنا نسر. لما اضربت القدس - 00:21:50ضَ

واحتلوا القدس وخدوا المسجد الاقصى واصبح المسجد الاقصى اسير برضو بنفس المدة الزمنية السنتين اياهم. قبلها بسنتين اعلنوا قيام كان فيه طبعا قبل كده مقاومة فلسطينية مقاومة وكان فيه الاسلاميين وكان فيه الناس اللي هم - 00:22:08ضَ

نشأوا من ايام الشيخ امين الحسيني فقال لك الله احنا هنسيب الشعب الفلسطيني فصائل مقاومة فجم قبلها بسنتين قبل سنة سبعة وستين قبل عدوان سبعة وستين بسنتين. وانشأوا وانا مش عايز اتهم الكلام ده بقى انا دلوقتي في وضع ما اقدرش اتهم حد الحقيقة - 00:22:30ضَ

طب ده جت صدفة سبحان الله يعني قدر كده جاي دلوقتي. ما فيش حاجة ولا قصديش حاجة ابدا. خمسة وستين استغفر الله العزيم يا رب. خمسة وستين قبل الله يفتح عليك - 00:22:50ضَ

مين اللي قال؟ اه. فقبلها بسنتين اتنين بس بدل ما يسيبوا اللي عايز يقاوم يقاوم. راحوا انشأوا منظمة صمت التحرير الفلسطينية وبعدها عملوا لها مؤتمر اول شف اسمع كده اسمع لو سمحت الدرر اللي انا بقولها لك دي - 00:23:10ضَ

اول مؤتمر قمة عربي. يعني ايه؟ يعني قبل كده العرب ما كانوش بيتقابلوا اساسا. ما كانوش بيقعدوا ما كانوش بيجتمعوا طب اجتمعوا ليه في اول مؤتمر قمة عربي اجتمعوا بعدها اعلنوا اعتبار منظمة التحرير - 00:23:30ضَ

الفلسطينية هي هي الممثل. الشرعي والوحيد. امال انا مين؟ سيادتك مين انت ولا حاجة انت مش شرعي. انت مش شرعي ولا وده الوحيد. اي حد تاني برة فاصبحت المشروعية المقاومة مع ناس والعرب اجتمعوا لهم وخلص على كده عشان الباقي. فانا عايز اقول - 00:23:54ضَ

انا مقدر ما ما قاله لي الطلبة السوريون انه فعلا ان تقوم ان يقوم الجامعة العربية والامين العام والامين المساعد واللجان والوفود والسفراء كده كل ده بدور لابد ان يكون دورا مطابقا لامال الشعوب. مش يبقى - 00:24:23ضَ

دور آآ بهذه الصورة اللي اللي وبعدين وفد الجامعة العربية فعلا هناك محاصر محاصر بمعنى ولما ذهب لم تكن عنده حرية الحركة بمزاجه. ولزلك الانفجار اللي حصل النهاردة في سوريا واللي حصل قبل كده هي خلاص بقت لعبة مع مع - 00:24:56ضَ

يعني موجودة انتم ثوار وعائزين حق الوطن واحنا حكومة ووحشين مش هنسيب الموضوع ثوار بحق الوطن وحكومة لا هيبقى فيه اطراف تانية هي في بلطجية في شبيحة في انفجارات في يعني نعمل دوشة يقوم الناس اللي في البيوت واللي في الشوارع يقولوا ايه اللي عاملين مشاكل دول ما تسكتوا بقى عايزين - 00:25:16ضَ

ايه ده! انتم ما لكم عاملين كده مش خلاص يبقى ايه بنحاصر الثورة. خلاص بقت حكاية مستمرة في كل مكان. فاخواني يعني انا حبيت اقول لكم الكلام ده لسببين السبب الاول ان تعرفوا ان مكر الليل والنهار ان هو مش هيحيطك دايما بطريقة سهلة انك تعمل - 00:25:36ضَ

في حاجة يضربك؟ لا ممكن يضرب بعيد. ممكن يعمل حاجات اخرى عشان حد يقول لك فين الفتن؟ فين عايزين نلم الدور واقفل الموضوع وسوي كزا. والحاجة التانية عشان تعرفوا ان الهيئات حتى العربية - 00:25:56ضَ

حتى العربية لا يختار لها ولا يلي امورها الا برضه من انا لا اتهمهم الحقيقة لاني ما اعرفهمش. بس يعني انه يبقى يعني يعني ان يعد الانسان بحيث ما تقول كلمة حق يا اخي. ما بنشوف ناس في منظمات بتستقيل احيانا. انما بالمنظر - 00:26:16ضَ

ده نظام وعلى فكرة يعني شف انا عايز اقول لكم حاجة من ضمن الحاجات عشان برضو الكلام الايرانيين مثلا. الايرانيين مستميتين في الدفاع عن النظام السوري. مستميتين في الدفاع عن بشار الاسد. ليه؟ ليه كده - 00:26:36ضَ

يا اخي انت مش في حاجة اسمها حقوق انسان؟ لأ هي مسألة ولزلك الانظمة دي لازم ننظر اليها ان انا بيجي لي احيانا هعلق فورا على الحكاية دي بيجي لي ناس كتير بيعاتبوني من حضراتكم يقول لك خلي بالك ان الكلام دلوقتي محسوب عليك - 00:26:56ضَ

ما تقولش كزا عن امريكا والورقة اللي بعدها ما تقولش كزا عن ايران وماذا. انا هاقول كل حاجة عن كل الناس. الله هافضل امين طول عمري واجي الوقتي بمناسبة الموضوع ياه زي الاخوة اللي بيبعت لي رسائل جزاهم الله خيرا والله - 00:27:16ضَ

في مرة من المرات مسكت الورقة كده قبلتها قبلتها من كتر يعني شعوري باخلاص كاتبة. بيقول لي ان الجماعة بتوع التليفزيون بيحاولوا يحاصروك في اسئلة حول مسلا هتعمل ايه في الخمرة - 00:27:36ضَ

فالاخ مشكورا بيكتب لي اقتراحات ازاي اطلع من السؤال؟ فيقوم يقول لي ايه؟ يقول لي قول ان ده دور البرلمان وليس دور الرئيس طب ما هو ده سهل فعلا. انا اقدر ازحلق اسئلة المايوهات بالزات. انا خايف - 00:27:55ضَ

في المنافس بتاعي يدوا له رمز المايوه في الانتخابات. ويبقى ويبقى اللي عايز النايوه ينتخبه واللي مش عايز النايوه علما بان انا ودي معلومة جديدة بالنسبة لي انا بطل سباحة قديم. فانتم ما تعرفوش طبعا الكلام ده. فالمايوهات بالنسبة لي - 00:28:15ضَ

حاجة مهمة برضو بس كنت بنزل بس عشان ما زهنكم ما يروحش بعيد كت بنزل الحقيقة ببدلة كاملة تقريبا نعم؟ دقيقة ان شاء الله الايه ده؟ بالنسبة لي ان شاء الله. آآ كريم يا رب امين. فانا عايز اقول فاذن ايوة فسهل - 00:28:35ضَ

تسيب السؤال. يعني مسلا هو ممكن طب والسياحة والكلام زي كده؟ اقول له هو انت متصور ان انا استطيع ان يسن قانون اه رئيس الجمهورية هو الذي يقرره انني ضد الطغيان والانفراد بالحكم والمش عارف ايه والبرلمان - 00:29:05ضَ

ويخلص السؤال واخش في موضوع تاني. انما يا اخواني في فرق بين ان السؤال ده توجه لك دلوقتي وبين يتوجه لك بعد اربع خمس تشهر. لما يتوجه دلوقتي يتوجه والباطل - 00:29:25ضَ

عالي عليك. بيقول لك السياحة والبلد وانت والعلمانية انت عايز تطبق الشريعة ولا ايه؟ لما تهرب منه يفضل الباطل عالي. انما لما تخرشم الباطل في مناخيره بنية. ويحسوا انه صغير وتقول له كده تحاصره انت تقول له امال انت عايزنا - 00:29:45ضَ

ارتكب محرمات عايزنا ناكل من حرام عايزنا نشرب من حرام عايزنا نعيش في حرام زي الست المحترمة اللي نقلوا لي آآ مداخلتي الله يكرمها بيقولوا انها كلمته قالت له انت عايز يبقى عندك اوضة فيها شقة فيها خمس ست اوض. تقعد في اربع اوض منهم كويس وتأجر اوضة البيت - 00:30:09ضَ

اعارة عشان تكسب ولا ايه ؟ رائع حلو جدا الكلام الحقيقة. ازا كان طبعا مش عارف ازا كان دقيق بالزبط قالت كده انما ازا كان رائع فعلا اسمها داليا كمان دا داليا دا اسم غالي علينا كمان. ها - 00:30:29ضَ

اه يعني فرائع جدا. فلازم لازم تجعل الباطل يرتد حقيرا محاصرا. لازم اعرف المزيع التلفزيوني مكانك مكانك لا لا لا لا رايح فين؟ انا النهاردة اللي عايز يتكلم اسيبه يتكلم. واللي عايز يعمل دوشة يعمل دوشة. وكل حاجة ان شاء الله. فييجي بقى يقول لك ايه - 00:30:49ضَ

فلازم لأ لازم الباطل يشعر آآ لازم الجماعة المزيع التليفزيوني اللي بيقول لك انا عايز وانا واقف افرض واحد واخد واخد واحدة صاحبتي ورايح في كازينو وقاعد بها في الضلمة وماسك ايديها هتقول لي لأ لازم يحس انه انه بيقول كلام - 00:31:19ضَ

انه مجرم انه بيعمل فجور فاذا بعد اربع خمس تشهر ما تصاغر الباطل واستحيا. وشعر انه لا يستطيع ان يقف امام عزة المطالبة بشرع الله. وان الشعب لا يقبل ان يعيش وسامحوني - 00:31:39ضَ

في ثمن اثناء النساء واذا ما شعر الناس انهم يستقذرون الباطل. ساعتها ممكن بقى تبتدي تقول لهم منهم ان احنا مش هنعمل ده فورا ولا بسرعة ومع الوقت وازاي بقية الكلام الحلو اللي في المقترحات. انما عايزني اهرب من السؤال والباطل هو اللي - 00:32:04ضَ

عالي وانا اللي تحت مستحيل. الاول اقلب الميزان ويعرف الناس ان الشعب المصري شعب طاهر نظيف نقي غير متدنس بدنس يتمنى الطهر ويتمنى ارضاء الله وانه شعب انحيازه محسوم مش متوزع مش لخمسين في المية هيدوا للاسلام وخمسين في المية للفجور. فاذا ما وضح هذا الحزم ممكن تقول تكلمه عن الرفق - 00:32:27ضَ

وما الى ذلك. ولذلك انا يعني آآ ما فيش مانع اني اهرب من بعض الاسئلة. ولكن اهرب منها بعد ان يعود الباطل صغيرا وخلي وخلي اللي ضدنا يفضلوا ضدنا. بس يفضل ضدنا وهم عارفين انتم عارفين هم متضايقين ليه الوقتي من نتايج الانتخابات؟ مع ان انا قلت لكم انا مش - 00:33:01ضَ

انا ما اضمنش ولا واحد من اللي نجحوا في الانتخابات ولا نفسي. حتى لو انا كنت دخلت ونجحت انا مش عايز اتورط في ضمان احد. لكن هم ليه متضايقين لانه يقول لك بقى بعد كل اللي عملناه ده كله كل اللي عملناه ده احنا معنا التليفزيونات كلها والجرايد كلها - 00:33:21ضَ

والشائعات كلها وبرضو الشعب المصري انتخب الناس دول ده معنى كده ان احنا مش موجودين ولا حاجة احنا فهم مدايقين ان هو شعر انه اصبح غير موجود. وعليهم ان يعلموا. انهم غير موجودين فعلا - 00:33:41ضَ

الا بمقدار يفكروا زي ما هم عايزين بس بمقدار ان يقروا لربهم بانه الله. احنا مش عايزين اكتر من كده يا رب اللي تقول عليه ما حدش مننا يقدر يخالفك فيه. وبعد كده يفكروا يسموا نفسهم عارف لو سموا نفسهم العلمانيين - 00:34:01ضَ

حطهم على دماغي. ولو سموا نفسهم الليبراليين احطهم على دماغي. ما عنديش مانع. كل اللي مطلوب منهم انه يقول لي انا لا اعاند الله. انا مش مش هعمل حاجة معروف انها حرام. ويبقى زي ما هو وانا ما بقاش احسن منه - 00:34:21ضَ

انما اذا ما ابوا هذا لازم يعرفوا انهم مش موجودين. مش موجودين يعني ايه؟ مش موجودين في الشعب. مش تبعنا. مش مصر كده ومش مصر بس مش ناسيج نسيج الشعب المصري مش كده. يا راجل ده هم اتغاظوا لما وجدوا التصويت في المدن السياحية - 00:34:37ضَ

تحية للاسلاميين. قال لك يا نهار اسود ده احنا بنخوف البلد كلها من ان ده حاجة جايبة فيعني ابشروا ان شاء الله وبعدين والله يا اخواني اقسم لكم بالله العلي العظيم والله لا نرى لانفسنا انا على الاقل خليني عشان القسم لا ارى لنفسي - 00:34:57ضَ

فضلا على واحد منهم ابدا من مخالفينا دول يمكن دلوقتي بعد كل ده طيب لا لا ده موضوع تاني خلاص ماشي. آآ فلا نرى لا يرى الانسان لنفسه واحدا على واحد منهم حتى مخالفين اشد المخالفين. علماني ليبرالي مش عارف ايه - 00:35:17ضَ

يساري يميني فوقي تحتي مش موضوعنا. انما بس الا بس في المنهج نفسه. وبعدين هم بيحاولوا يلومه على الناس يقول لك اللي هيصوت لمش عارف مين هيروح الجنة واللي هيصوت لمين هيروح النار. طب طبعا. الله - 00:35:46ضَ

هو انت بتقول اللي هيصوت لحسن هيروح الجنة واللي هيصوت لحسين هيروح النار عشان حسن وحسين! انتم اللي طول عمركم بتقولوا لنا ان تصويت في الانتخابات بناء على البرامج فاللي برنامجه انه يا جماعة نحن مع مع ما يوصل الى الجنة وضد ما يوصل الى النار هو ده - 00:36:06ضَ

شيء طبيعي الحلال. انما انت هات لي واحد بيقول لك انا مع الحرام. ازاي يبقى حلال تنتخبه؟ ازا كان واحد بيقول لك انا على الحرام فتقول له لأ لا يجوز. هو مش مطلوب منه يتغير في حاجة غير ان هو يقول انا مع الحلال وضد الحرام. دي حاجة عادية جدا - 00:36:29ضَ

حاجة منطقية بسيطة جدا مش اذا انتخبت فلان يبقى تخش الجنة ما فيش ولا بني ادم قال له ازا انتخبت فلان يخش الجنة وازا انتخبت فلانة هتخش النار. هو بيقول له ازا انتخبت البرنامج الذي يتبنى انك لا ترتكب المحرمات فهذه - 00:36:49ضَ

قربة الى الله. واذا ارتكبت البرنامج الذي لا يأبه بالحرام فهذا حرام. دي حاجة غلط حاجة وحشة ما هي كده. هو كده وما حدش تاني يقدر يقول كده. دي شيء في منتهى العجب. واحد قصاده واحد يميني - 00:37:09ضَ

واحد يساري اذا ما انتخبت اليسارية فانت يساري. واذا ما انتخبت اليمينية فانت لست بيساري. حكم طبيعي ازا ما وافقت على تحرير الوطن من اسرائيل فانت وطني. ازا ما اشتغلت عميلا - 00:37:29ضَ

اسرائيل فانت عميل. طبيعي. دي امور طبيعية انك بتقرر البرنامج اللي انت منحاز له فانت بتقول له انا منحاز برنامج اللي يطهر بلدي من الحرام بس. انما لا حازم احسن من حسن ولا حسن احسن من مصطفى ولا مصطفى ما ليش دعوة بالاشخاص - 00:37:49ضَ

كلمك على البرنامج وانتم اللي بتقولوا لنا انتخبوا بناء على البرامج مش بناء على الافراد. فكلام منطقي وجميل وحلو ما فيش فيه اي شيء ولا عوج ولا حاجة ابدا خالص ابدا. شيء طبيعي جدا. واحد مسلا اضرب لك برضه مثل واحد قال لك ومين دول - 00:38:09ضَ

مين ده اللي هيدوا له اصواتهم؟ المرأة لن تعطي صوتها لمن يخل بحقوقها. ليه؟ لانه ضد حقوق المرأة فالمرأة مش هتدي له اصواتها. فمن كان ضد حقوق الشرع فاهل الشرع مش هيدوا له اصواتهم. فيها غرابة دي حاجة سبحان الله - 00:38:29ضَ

وهم اللي بيقولوا كده ما حدش تاني بيقولها. انما هم علشان يخلوها مرفوضة يعملوا ايه؟ يدوا لها قدسية شوية. يقول لك ده هم ما عاملين وضع خاص لانفسهم وهذا غير صحيح وغير موجود بالمرة. الواقعة التانية اللي حصلت في - 00:38:49ضَ

آآ في الاسبوع اللي فات اللي هو الراجل بتاع المجلس الاستشاري الموضوع ده يا جماعة من اخطر ما يكون اللي حصل وانا عايز الحقيقة استرجع حاجة قديمة شوية. في يوم من الايام واحنا - 00:39:09ضَ

ولا بنا ولا علينا كده. كان انور السادات بيخطب فلقيناه بيقول وكانت فيه واقعة نادرة نداعي ياسر عرفات يحضر جلسة مجلس الشعب دي. وياسر عرفات ما بيحضرش. ما فيش حد اجانب بيحضره. ده هو مرة ازن جعفر - 00:39:39ضَ

القذافي كانوا حضروا لما رئيس مات او رئيس بيحلف اليمين انما ما فيش حد اجنبي بيحضر انما جاب ياسر عرفات وخلاه يحضر جوة قاعة مجلس شعب وقعد في الصف الاول علشان هيقول حاجة حب يتصور ان ياسر عرفات سامعها وشايفها. هو انور السادات ده كان مش حاجة بسيطة يعني - 00:39:59ضَ

فوقف وقعد يتكلم وقال انا انا عايز احل القضية الفلسطينية والقضية العربية وعايز واه الحقيقة الحقيقة الحقيقة كلنا معه. كله وهو بيقول كلنا حاسين ساعتها انه يا سلام عايزين كده فعلا ومش عارف ايه. ما بتكلمش - 00:40:19ضَ

اسلاميا انا بكلمك سياسيا يعني. لحد ما جه قال انا مستعد اروح اخر مكان في العالم. لو ده يحل القضية الفلسطينية وانت حاسس بقى انه خلاص هيموت يا عيني من يعني الحماس ومش قادر. قضية قال مستعد اروح لبيتهم للكنيست زاته - 00:40:39ضَ

لو ده يحل القضية فانت في كل الناس خدت الموضوع على ان ايه كلمة خرجت والسلام. كلمة خرجت والسلام. وتاني يوم وتالت يوم ورابع يوم لو تروحوا دار الكتب طبعا التقنيات الحديثة يمكن دلوقتي كمان تلاقوها على النت - 00:40:59ضَ

تلاقوا بقى التحليلات دي طلعت فجأة دي ما طلعتش فجأة بعد شوية لقينا رئيس وزراء اسرائيل راح باعت له دعوة طب يا ريس اتفضل احنا بندعوك للمجيء الى الكنيست زاته اللي انت قلته ده. فقاموا المصريين الغلابة - 00:41:19ضَ

مساكين وانا منهم كلنا افتكروا انه يا عيني السادات فلتت منه كلمة فبيجي لكن الوحش بيصطاد في الماية العكرة وراح باعت له الدعوة قال له تعال احضر ايه احضر تعال تعال الكنيست. وطلع الموضوع زي ما انتم شفتم ده ده استراتيجية العمر ده - 00:41:39ضَ

طلع موضوع مترتب اربعة وعشرين قيراط. فالكلمة اللي تظهر على انها افلتت ما عدش ينفع نتعامل معها تعامل انه فوت. لانها بتربي حاجة وحاجة وحاجة وهكذا زي بالزبط زي ما افلت من جورج بوش كزا مرة وهو بيقول نعلنها حرب صليبية هنعمل - 00:42:09ضَ

نسوي كذا ذا. تعال بقى عمنا الاخ مش هذكر اسمه ولا حاجة. انما لانه ما اعرفش قالها ازاي انما طلع المتحدث الرسمي باسم المجلس الاستشاري وراح قايل مش انتم مصممين تعملوا رئيس جمهورية طب احنا هنلغي الرئاسة نفسها. قالها ازاي؟ ما قالهاش بالشكل ده كده. قال احنا هنحول الرئاسة من شخص - 00:42:37ضَ

الى منزومة واحد كده ومعه شوية مساعدين وشوية آآ مستشارين وتبقى دي مؤسسة الرئاسة لو تصدر رأي حاجة مؤسسية. مين يا فندم سيادتك اللي بتتكلم؟ مين حضرتك؟ يعني بتقول كده بمناسبة ايه؟ ده انت مجلس يشير - 00:43:07ضَ

على مجلس ليس له اختصاص دستوري بهذا. يعني يعني مجلس استشاري يشير على مجلس عسكري مش دي مش دي شغلته بتقول كده ليه ؟ الحقيقة انا بيني وبينكم نتيجة الاخوة اللي مخوفينا قلت ياه سيب - 00:43:27ضَ

موضوع سيبوا شوية اما نشوف هيحصل ايه. فات فعلا اربعة وعشرين ساعة زائد تلات اربع ساعات. حوالي تمانية وعشرين استنى حد بقى مسلا من رئيس المجلس الاستشاري ده يقول لأ. انه يتراجع ان المتحدث الرسمي يقول - 00:43:47ضَ

لا اقصد كذا لا سابوا الموضوع ما هو ما حدش علق خلي الكلمة تترمي وتكبر. فلما لقيت الحكاية دي عملت اتصالات الحقيقة ببعض الفضلاء يا اخواننا يعني لو سمحتم في الكلام ده هتعمله ازاي؟ لحد ما لقيت ان الموضوع الحقيقة ايه - 00:44:07ضَ

وهي البذرة هتكبر فطلعت البيان اللي انتم حضراتكم يمكن وصل الى سمعكم اللي هو انه ان انا بدل ما كنت منتزر من غير ما اقول البيان كل اللي بيقوله ان انا منتزر يعني ببلغ الناس ان انا منتزر. يعني في فرق اول - 00:44:27ضَ

اول يوم كنت منتزر بيني وبين نفسي. تاني يوم منتزر واعلنت انني منتظر. فما حدش يزعل من البيان ان البيان ده ده منتهى الحكمة والعقل والاستكانة اهو والضعف وما فيش ولا زعلانين من حد قلنا يا جماعة لعل الرجل قد - 00:44:47ضَ

اخطأ واحنا استنينا يوم وخلوا بالكم ان دي جريمة نكراء لو هترتكب وفي مسيرة كزا. فلو سمحتم احنا مستنيين فمن فضل الله عز وجل انه برضه مشكورين كتر الف خيرهم واحنا يعني الحقيقة سعداء جدا - 00:45:07ضَ

ويعني في منتهى السعادة طلع فعلا بيان بانه لأه اه رئيس المجلس الاستشاري وفي نفس اليوم بالليل اتنين من اعضاء وجم في برامج تليفزيونية وقالوا لأ ده يعني رأيه هو وسبق لسان منه او هو اللي قال كده من عند نفسه - 00:45:27ضَ

ولكن ما فيش الكلام ده وبعدين صدر بعد كده القانون بان هو قانون اجرائي. انا عايز اقول لحضراتكم انه ما يجري لا يصلح ان احنا نبتعد في اول يوم تاني يوم تالت يوم لحد ما يكبر ونستناه لما يبقى كبير. مش هينفع ده منهج مش هينفع. ولزلك انتقل - 00:45:47ضَ

فورا الى اللي بدأ يتقال طبعا كلنا قلقين من يوم خمسة وعشرين يناير. لكن لما تيجي النهاردة تسمع ان حصل قبض يا رب يطلع غلط. انما انا بالله من يسمع ان هناك قبض على اربع شباب بتهمة - 00:46:07ضَ

من التهم هي نفس التهمة التي كانت تستخدم. وانهم بيتعزبوا وان هم حصل معهم كزا وكزا لا شك انني لا اعفي من المسؤولية من يعني يعني علينا ان نقول يعني قولوا لنا حقوق الانسان - 00:46:27ضَ

وقولوا لنا فورا مش قولوا لنا على التراخي. لانه الفترة القادمة يخشى فيها من استرخاص ومات الناس لحد ما نرجع لنفس النظام القديم مرة تانية. وخصوصا ان هي متصاحبة مع وجود النزول الامني. فنزول - 00:46:47ضَ

الدور الامني مقترنا بضرب سياسيين او اعتقالهم او تعذيبهم او ما الى ذلك بيعطي جو الحقيقة ولذلك انا برغم ما يظهر علي من انني احاول اهو اني اكون آآ يعني في منتهى لكن انا في الحقيقة بقول - 00:47:07ضَ

كل هذا كلام لن لن يقبل ولن يمر ولن نسكت لانه لا يمكن اللي يحصل تعزيب زمان ويحصل تعزيب دلوقتي لازم تقول لي فيه ناس اتهموك بان في اربع شباب هم واحد الف وبه وجيم ودال اتعزبوا. هات الف وبه وجيم ودال وبين - 00:47:27ضَ

هم ما تعذبوش انما تسيب الامر معلق لا اعفي من المسئولية من يسمع هذا الخبر ولا يشترك عليه بما فيها الاحزاب الكبيرة اللي نجحت في الانتخابات عليها ان تطالب ببيان وجه الحق في هذه الشائعة. انما لا تترك - 00:47:55ضَ

وزي ما لم يترك البيان اللي صدر وهكذا لازم نبقى وقافين علشان تستقيم المرحلة القادمة وعايزكم انا بدأت الاحز ان في درجة استرخاء حصلت لما جت الرئاسة وتسليم السلطة سنة بدري ده الرئاسة وتسليم - 00:48:15ضَ

السلطة دي فاضل عليها ست اشهر. ست اشهر يعني لو ما كانتش الواحد عينيه في وسط راسه طول الست اشهر دول هو احنا اللي اللي فاتوا ما هو كانوا ست اشهر. هو اللي حصل ده كله ما هو كان ست اشهر. فانت ما تتصورش ده الست اشهر دول يا اخواني كما قلت - 00:48:35ضَ

ولو سمحتم تبنوا هذا بقدر ما يعني يعني ما نحن معا حالة رباط حالة مرابطة حالة ما فيهاش ما فيهاش مش حالة خدر لأ حالة انتباه حالة الة استعداد حالة واذا استنفرتم فانفروا. حالة واذا حركتم فتحركوا. انما مش حالة - 00:48:55ضَ

احنا نتمنى ان تكون بالغة الهدوء بالغة الاستقامة بالغة الجمال بالغة الكرم نتمنى ان ندعو لهم وان يدعوا لنا نتمنى نتمنى نتمنى كل ده لكن نتمنى هذا ونحن منتبهون زي هو انت - 00:49:25ضَ

حضرتك بالليل شايف ان انت يعني العمارة انا بضرب مثل بعمارة في زهني الحقيقة عمارة لها بوابة تحت البوابة ما شاء الله حديد راكبة وبيقفلوها بالليل وكل حاجة. اسألك سؤال بقى. العشر - 00:49:45ضَ

الشرشق اللي في العمارة دول بيقفلوا باب الشقة بتاعهم ليه؟ هم جيرانهم حرامية؟ ما انت قافل البوابة تحت يبقى ما فيش حد يقدر يوصل باب شقتك غير الجيران. قصدك ايه؟ الجيران حرامية؟ فاهمين مثل ولا لأ؟ انا قافل باب البوابة تحت - 00:50:05ضَ

حديد وكل واقف له تمام وعندي حارس كمان. سب بقى باب الشقة والا ده دي تهمة لجارك انه حرامي. ما حدش ابدا قال كده فنفس الحكاية كل الناس فضلاء يا سيدي وكرماء على عينينا وراسنا. بس على الانسان الا ان ان يحزم امره. من حقه هذا - 00:50:25ضَ

فالمسألة واضحة ما فيش فيها ايه؟ لبس ولذلك غير مقبول. اطلاقا ما قاله المتحدث الرسمي للمجلس الاستشاري وغير مقبول التراجع عنه عليه ان يستقيل فورا. ان يستقيل فورا بانه تعرض لما يدل على انه لا يفهم دوره. عليه ان يستقيل فورا. وعلينا ان نعلم - 00:50:47ضَ

ان ده مؤشر اول خدنا بالنا منه. خدنا بالنا منه. ومش مستعدين لان اب ولا على سبيل الاتفاق. وانا سألت سؤال من قبل لا يزال قائما. لما قالوا ان احنا هنقدم - 00:51:17ضَ

انتخابات مجلس الشورى بدري عشان يبقى فيه والله يا اخواني انا عايزكم تفكروا معي لاحسن انا ساعات احس ان انا ذهني ده يمكن يكون بيفكر بطريقة مختلفة ولا حاجة. مجلس الشورى ده كان متأخر. جابوه بدري ليه؟ علشان يلحقوا عشان - 00:51:37ضَ

فلقوا ان انتخابات الرئاسة جت بدري عايزين يخلصوا الدستور قبل الرئاسة فجايبين مجلس الشورى عشان طب جبتوه بدري وهيخلص في شهر فبراير. هيبقى فاضل مارس ابريل مايو يونيه اربع شهور - 00:51:57ضَ

عرفك ان الدستور هيخلص في شهر او شهرين او تلاتة؟ ايش عرفك؟ هو انت اللي هتحطه؟ لأ. اومال مين اللي هيحط ده لجنة تأسيسية مين اللجنة التأسيسية لسة مش معروفة مين اللي هيختارها البرلمان مين البرلمان كان لسة مش معروف - 00:52:13ضَ

الله! يعني برلمان لسة ما انتخبش هيختار لجنة تأسيسية لسة ما اتعرفتش هيحطوا الدستور. انت ضامن منين ان هم هيخلصوا بسرعة قطعا هم مش متفقين يعني. مش عارف ازاي ونفس المسألة في محاكمة حسني مبارك كان انتخابات الرئاسة لسة قدامها مدة طويلة - 00:52:33ضَ

كل ما يهدا الوجدان العام والدنيا تهدا والناس تنام كويس. ففي الوقت ده كانت الجلسة بتتأجل بالاسبوعين تلاتة جت بقى الانتخابات بدري واصبح لازم بسوء الانتخابات هتقرأ هييجي نظام رئيس جديد هييجي حاجة فوجئنا بان نفس القاضي انا مش عارف - 00:53:03ضَ

راجل يعني ما فيش حاجة يعني بس بيأجل من يوم ليوم. في اسبوعين تلاتة اسبوعين تلاتة انا محامي بقى فانا عايز اقول ايه يا اخوانا؟ انا ليه باقول لكم الكلام ده؟ والله يشهد الله انا اتمنى ان الكلام ده كله ما كنتش اقوله - 00:53:27ضَ

بس انا بصراحة بقيت خايف عليكم انتم من المؤثرات ان بعض الناس بقوا يفتكروا ان واحنا كده بنقول كلام انه خلوا بالكم وانتبهوا ان احنا بنقول كلام فيه تزايد. بعض الاخوة ممكن يتصوروا ان ليه ما نساعدش على انه هنساعد على تخدير الناس - 00:53:47ضَ

انا بس بشرح لكم الكلام ده علشان تعرفوا انه فعلا هناك ما يبرر درجة الانتباه التي نطالب بها آآ نعم في احد نعم في احدى الاخوات آآ مشكورة الحقيقة مش عارف ازا كنت آآ - 00:54:07ضَ

اذكر اسمها الاول على الاقل آآ سماح اشكرها شكرا جزيلا على هذه الرسالة لما فيها من آآ خبر هام ويعني جزاه الله خيرا. وصلتني وبارك الله فيها. مسألة بقى تعيين تلاتين عضو في مجلس الشعب - 00:54:38ضَ

الموضوع ده يا اخواني ايضا في موضوع فيه شيء. دلوقتي انا موافق ان يعينوا تلاتين عضو في مجلس بس ما يبقلهمش حق التصويت. يبقى لهم حق ان يشيروا. هو والقانون او الدستور كان بيقول ان مجلس الشعب ينجح منه مسلا تلتمية وستين كان ساعتها ورئيس الجمهورية يعين عشرة. لرئيس - 00:54:58ضَ

الجمهورية عين عشرة ليه نواب عن الامة؟ قالوا معلش اصل الانتخابات جايز تيجي ما فيهاش ولا متخصص واحد مسلا في في مسلا في كيميا او مسلا في الصناعة وانا متخصص في الاقتصاد ولا فبرضو ما فيش مانع يطعم بالكفاءات. جايز تيجي ما فيهاش ولا واحد - 00:55:28ضَ

مسيحي فيقوم يحط مسيحيين. جايز تيجي ما فيهاش ولا امرأة يقوم يحط امرأة. جايز ما فيهاش ولا شاب يقوم يحط شاب زي بعضه يا جماعة حطوا قالوا زي بعضه. لما جه مجلس الشورى ما اديلوش الحق الحقيقة ان هو يعين عشرة. ادوا له حق في انه يعين تلت اعضاء المجلس - 00:55:48ضَ

فاصبح في الشورى الشعب ينتخب تلتين والريس ينتخب والريس لوحده يختار ترت مع ان ده هيبقى مفيد بالنسبة لبعض الرؤساء القادمين. انما زي بعضه. تلت. فالوقت انت لما تحط لتدعيم الكفاءات. انا في رأيي ان التصويت يبقى تصويت بقى لمين؟ للمنتخبين بس. لان برضه انت المسألة ممكن - 00:56:10ضَ

تفرق على التلاتين دول ممكن يقلبوا كفة في المجلس الجديد ده يعمل شغل. يعمل شغل كويس اوي يعني فعشان كده انا بقول انه هتقعد تزودها من عشرة لتلاتين وتزود اكتر. لأ في الحقيقة الكلام ده غير اه - 00:56:41ضَ

نعم؟ هم مزودينها هم لسه ما اصدروش انما هم يريدون زيادة النواب المعينين الى تلاتين في اللي جاي اللي هم بيعملوه دلوقتي ده علشان المجلس العسكري يقدر يعوض نقص يعني يعدل الميزان. يقول لك بقى الاسلاميين كتير مسلا يقوموا يعدلهم حاجة - 00:57:01ضَ

يعني جيت تلاتين واحد كويسين برضه هم طبعا من ضمن الحاجات اللي قالوها برضو علشان شباب الثورة ما نجحوش في الانتخابات فبالتالي عايزين نجيب مجموعة من شباب الثورة. وانا الحقيقة موافق على هذا. نعم؟ شباب الثورة هم عارفينهم - 00:57:21ضَ

فهيجيبوا شباب الثورة. غير دستوري ومخالف الدستوري وكل حاجة. انما انا بكلمك عن طبعا ما هو انا ضد. ما انا هحكي لك اهو انا بس هقول لك. فانا مبدئيا ممكن اوافق - 00:57:41ضَ

على التلاتين واحد على الا يكون لهم تصويت يساهموا في المناقشات بس انما اللي يعطي صوته هو اللي الشعب اختاره. مش اللي جاي منزه هل من عال على مجلس الشعب - 00:58:01ضَ

فيبقى انا كده انتفعت بارائهم دون ان يكون لهم في التصويت اثر يقلب الموازين. لكن كمان في جانب تاني كل ما تسمعوا يا اخواني اقتراح حتى لو وجيه حتى لو اقتراح وجيه. بس يؤدي الى - 00:58:15ضَ

فتح الكلام حوالين اعلان دستوري جديد لازم تسدوا الباب ده فورا. لان اول ما تيجي نقطة اعلان دستوري جديد يبقى اعرف ان فيه شيء معين ورا الموضوع ده. وعايز اقول لكم حاجة - 00:58:35ضَ

اعترف بها اعترافا واضحا كلمة الشريعة الاسلامية هي المصدر او مبادئ الشريعة الاسلامية هي المصدر الرئيسي للتشريع كانت قبلها مش هي المصدر كانت هي مصدر كانت مصدر رئيسي. الالف واللام دول كلهم اللي هم خلوها لمصدر الرئيسي وخلى احكام دستورية تصدر - 00:58:55ضَ

بابطال القوانين ضد الشريعة ده كل ده كان مجرد تمن مدفوع. تمن ليه الدستور كان بيقول ان رئيس يقعد مدتين اتنين بس. وكان فاضل على نهاية المدة التانية سنة واحدة بس - 00:59:18ضَ

فكان لازم تتفتح المدة علشان الريس يقعد سبعتاشر مدة. فقالوا طب والشعب تبقى شكلها وحش اوي. قال لك لأ قبلها بقى باربع خمس شهور خلي موضوع الشريعة يسخن ويوجوج. في اذهان - 00:59:38ضَ

هل الناس في اذهان الناس وتقولوا الشريعة فيقولوا طب احنا هنعمل استفتاء دستوري حوالين الموضوعة وفي الحالة دي واحد يقول لأ وكمان بقى اللي عمل الكلام ده الله يكرمه يا رب حطه لنا كمان شوية مدد كده. وفعلا طلع من يطالب ساعتها بورقة رسمية - 00:59:58ضَ

باعتبار الرئيس انور السادات سادس الخلفاء الراشدين. رسمي طلب رسمي اتقدم عندي الطلب ده طلب رسمي قدم لمجلس الشعب. باعتباره سادس الخلفاء الراشدين. فقالوا طب بلاش ادي له ست مدد بس وخلاص. فادو له نعم؟ السابع اه ان شاء الله ده - 01:00:21ضَ

فانا عايز اقول اي حد يكلمكم عن الاعلان الدستوري اعرفوا انه ما يظهر شيء واحنا مش فمش عايزين نفتح مجلس الشعب خلص الحمد لله ربنا يوفق بقى يشتغلوا في الكلام ده. اخواني الكرام في بعض الرسائل بتأتيني انتم - 01:00:51ضَ

لا تتصورون مدى ما نحن عليه من وئام وتقارب وتحاب نحن والمشايخ والدعاة الكرام جدا. الاخوة فاكرين نتيجة نص ساعة جت في التليفزيون مرة ان في مشكلة ما فيش مشكلة خالص. فيه ود وحب وعاطفة دافقة واتصالات لا تنقطع - 01:01:11ضَ

ما فيش حاجة خالص بالعكس يعني يعني انا بس لولا انه ما يصحش اقول لكم كمان في ايه وايه وايه يعني ما شاء الله فلأ يعني مسألة اوعوا حد يتصور ان فيه حتى شيء آآ دي حاجة تلفزيونية وعشان قفلنا الباب على الكلام ده قلنا - 01:01:40ضَ

ما حدش بقى خلاص هيتكلم تاني. الناس تصورت لأ ما فيش حاجة خالص بالعكس على اكرم ما يكون. ارجوكم اعرفوا اقول لك حاجة اكتر من كده اقسم لكم بالله ان الذي اقول هذا صدق مش مش كلام فعلا ما فيش حاجة - 01:02:00ضَ

انما اول ما الحكاية تقرب من التليفزيون يحصل فيها مشكلة. يعني ما اروحش مسلا زي الاخوة طالبين مني اروح بعض برامج لأول ما البرنامج يبقى من النوع اللي هيناقش القضية دي لأ ما نروحش. احنا احنا هو احنا صغيرين احنا كبار. كبار على الاقل - 01:02:19ضَ

يعني يعني آآ المفروض عايزين نبقى كبار يا اخي فلأ المسألة لا تخص الا الناحية الاعلامية. لحزة واحدة بقى عشان ايه نخلص نفس الحكاية في اختيار اعضاء اللجنة التأسيسية ما تفهمش بيقول لك برضه المجلس الاستشاري طلع مرة كده - 01:02:39ضَ

حاجة للاختبار ان هم بيشوفوا المقاييس. انتم ما لكم حاجة غريبة جدا والله. وانا آآ انا معلش اعاتب بشدة اللي سايبينهم يطلعوا التصريحات دي. لازم يقولوا لهم انتم ما لكم؟ لازم يصغروهم - 01:03:03ضَ

ما فيش حد يفتئ على حق الشعب وحق الدستور وتسيبه. ما ينفعش. الاخ الكريم الدكتور محمود آآ كلامك آآ كلامك رائع جدا بس خلي بال حضرتك من نقطة مهمة كل كلامك الحقيقة يعني - 01:03:18ضَ

فكلام حضرتك الحقيقة في كل الاوراق والرسائل بس انا عايز حضرتك تكون عارف ان احنا بنوزن مليون حاجة قصاد بعض يعني احنا بنوزن حاجات كتير نقول عايزين كزا وكزا ونشيل كزا ونحط كزا فالوزنة مش هخليك تتكلم - 01:03:38ضَ

عشان بس ما تتهيأش ولا حاجة. فانا عايز اقول لحضرتك ولزلك اعلان بعض الحاجات دي يحتاج الى فطنة انا عارف ان انت حضرتك يعني تراعي هذه النقاط وقلت لي انا بس انا حتى خايف ان انا اخلي الموضوع - 01:04:02ضَ

آآ يعني اثار جانبية. ازا كنت مصمم على ان انت تتكلم هخلي حضرتك تتكلم النهاردة بس فكر شوية وبعد شوية هسألك انما انا فضل الا تتكلم آآ رعاية لعدم وجود ايه؟ اصله يقول كلام عزيم اوي. كلام - 01:04:22ضَ

هايل صح جد كلام هايل. بس اول ما يقول الكلام ده في ناس كده معينين هيسيبوا كل حاجة وهو الكلام الهايل ده هو زي الاخ مصطفى كان بيصلي بالناس. قلت له ما تصليش بالناس ابدا بعد كده. في المقر عندي على الاقل صلي في حتة تانية - 01:04:42ضَ

لانه بيصلي على الناس صلي على بيصلي بالناس قصدي. ويعني جزاه الله خيرا طيب اه فيه نقطة لأ دي خلينا نبقى نقولها اه اما الاخ الكريم وانا هحاول برضو اشوف اسمه عزة. دي برضو اختي الحقيقة الاخوات ما شاء الله عليهم الحقيقة والله - 01:05:02ضَ

والذي طلع عمرو مش عزة. اه عمرو عمرو اه. فجزاك الله خيرا يا اخ عمرو الحقيقة الورقة اللي حضرتك جبتها لي كويسة بس انا ما اعرفش علاقتك ايه ولقيت انا مكتوب - 01:05:32ضَ

اسم اتنين من المشايخ الذين اعرفهم انا كاتبهم بايدي على الورقة بتاعتك مش عارف ايه علاقتك. يعني انت هل انا كتبتهم لسبب ولا ايه الحكاية فانما الورق موجود ويعني له دخل في النسق العمل الاداري الحمد لله. ودي بقى - 01:05:52ضَ

نقولها على النت ان شاء الله. طيب يا اخواني قبل ان ابدأ في الاستماع وطبعا الاسئلة اللي بتجي لي دي انا زي ما بتشوفوا كده بقراها وبرد عليها في المرة القادمة. قبل ما انهي هذه الكلمات - 01:06:12ضَ

اه نوعين من التنبيهات. النوع الاول اي حد عايز مني اي حاجة تاني اي حد عايز مني اي حاجة مشكورا هيكتبها في ورقة. فيها اسم ورقم تليفوني تيفونو ومعها ايه هي الحاجة دي ؟ فيه واحد ساعات يكلمني في موضوع ويروح كاتب لي اسمه ورقم تليفونه في ورقة ويديه لي - 01:06:32ضَ

ان انا لازم افتكر ان ده هو اللي كلمني فطلع الاقي معي مسلا حوالي مسلا متين ورقة مش مكتوب فيها المتين موضوع اصلا تفتكروا ازاي؟ فلو سمحتم الورقة دي الحاجة الوحيدة اللي بعملها ان انا ما بعملش فيها حاجة خلاص ما لهاش مين ده؟ واحد مسلا اسمه حسن وده تليفونه. ايه حسن ده؟ عايز ايه - 01:07:02ضَ

فلو سمحتم يكتب لي عايز بقى يشرفني بالزيارة. عايز انا اروح له زيارة عايز محاضرة عايز مؤتمر حاجة تنفع مشروع انتخابي عنده جانب كيميائي او زراعي. عنده شيء كزا عنده كزا. الحاجة التانية علشان - 01:07:22ضَ

فيها الاسم والتليفون والموضوع رأس الموضوع موجزا. اي حد عنده شيء من الدراسات او الابحاث او الاقتراحات او الرؤى او وجهات بيقدموا لي مكتوب لا يمكن اتذكر واحد يقول لي مسلا عندي مشروع في الصحراء انا باشكر الاخ بتاع منخفض القطارة. اخيرا جا لي بحث رقمه ارقامه كويسة. قريبة من الدقة - 01:07:42ضَ

بشكره جدا في اي حد عنده بحث لو سمحت بيقدموا كتابة مش ممكن هقعد اسمعه. الاخوة اللي جايين من دول هبدأ بهم طبعا لانهم جايين من سفر. فارجو الا نزاحمهم. فيما يتصل بمن سبق انه كتب لي ورقة - 01:08:07ضَ

ولسه لم ارد عليه واحد قال لي مؤتمر وانا لسة ما كلمتوش. او قال لي مش عارف عايزين نعمل ايه ولسه ما طبعا هو اللي بيكلموه المسئولين عن الادارة يعني. ده مش معناه ان الورقة ضاعت. لا الورقة بازن الله ان شاء الله ما بتضيعش ولا رصاصة ورق. انما معناه انه لسه - 01:08:27ضَ

الاوان لم يأن لسة ما جاش الوقت. المواعيد خلال هذا الاسبوع بتنزل على الصفحة بتاعة الاخوة على انترنت ولكن اه طبعا من النقاط لحزة خلاص خلصنا فلو سمحتم. اللي احنا عندنا يوم الاتنين بعد بكرة - 01:08:47ضَ

فان شاء الله اسكندرية. بازن الله تعالى للاخوة لا اسكندرية بالليل الساعة سبعة ونص سيدي بشر ها؟ المكان؟ شارع ايه؟ محمد نجيب. اه شارع محمد نجيب في سيدي بشر شارع بحري انتم كلكم من اسكندرية ولا ايه؟ لا لا لا محمد نجيب بحري - 01:09:07ضَ

سيدي بشر سيدي بشر بحر. سيدي بشر بحري شارع محمد نجيب. في اسكندرية ان شاء الله بازن الله تعالى. ادوق ايه بعد بكرة ان شاء الله انما الاخوة اللي اصحاب بقية المؤتمرات مواعيدها. على كل حال هو الخميس - 01:09:37ضَ

في حدائق حلوان والحد اللي بعده في المرج حاجة زي كده اه وهينزل على كل حال تباعا بازن الله تبارك وتعالى. والله المستعان. ايها الاخوة اه تبقى لي نقطة الحقيقة - 01:09:57ضَ

اه نعم. اه ده خلاص ان شاء الله فده بازن الله تبارك وتعالى اصبح واضح. وما يتعلق ببقية الاعلانات هتنزل تباعا بازن الله طبعا احنا الضهر في اسكندرية دي بس دي في الجامعة. انما ان شاء الله بالليل ده في سيدي بشر آآ ده في مؤتمر وهو مؤتمر عام ومفتوح - 01:10:17ضَ

ونسأل الله عز وجل التيسير والاخوة الصحفيين انا والله اسف لتأخري جدا في تحديد المواعيد لكن ان شاء الله الاسبوع ده نحاول نحدد لهم بعض المواعيد الاخرى الاسرع شوية بازن الله تعالى. ايها الاخوة اكتفي بهذا القدر ونلتقي في الاسبوع القادم ان شاء الله - 01:10:47ضَ

الله لكم والسلام عليكم ورحمة الله وبركاته امتنا وخير زمان هو دمعة - 01:11:07ضَ