بسم الله الرحمن الرحيم. الحمد لله رب العالمين والصلاة والسلام على نبينا محمد وعلى آله وصحبه ومن اتبع هداه الى يوم الدين الحديث الثاني والثلاثون عن ابي سعيد الخدري رضي الله عنه - 00:00:00

ان النبي صلى الله عليه وسلم قال لا ضرر ولا ضرار قال النووي رحمه الله حديث حسن رواه ابن ماجة فالدار قطني وغيرهما مسندا ورواه مالك في الموطأ عن عمرو ابن يحيى عن ابيه عن النبي صلى الله عليه وسلم مرسلا - 00:00:19

فاسقط ابا سعيد وله طرق يقوى بعضها ببعض ويقول ان الحديث روي رواه ابن ماجة مسندا متصلا يعني ورواه مالك في الموطأ رحمه الله عن عمرو ابن يحيى عن ابيه عن النبي صلى الله عليه وسلم مرسلا - 00:00:41

فاسقط ابا سعيد. يعني اسقط الصحابي رضي الله عنه ابو سعيد الخدري قال وله طرق يقوى بعضها ببعض وله طرق يقوى بعضها ببعضه وذكروا في في الشرح ويعني سنأتي ان شاء الله لكلام ابن رجب رحمه الله - 00:01:04

قالوا قالوا علمنا النبي صلى الله عليه وسلم امور الدين كافة واوضحها لنا ووضع لنا اسس الحياة الصحيحة التي يسودها العدل ويتحمل فيها كل فرد تبعات عمله دون ضرر لغيره. وفي هذا الحديث - 00:01:26

قاعدة عظيمة من قواعد الدين حيث يقول النبي صلى الله عليه وسلم لا ضرر ولا ضرار اي ليس لاحد ان يضر صاحبه بوجه ليس لاحد ان يضر صاحبه بوجه والفرق بين الضرر والضرار - 00:01:48

ان الضرر يحصل بدون قصد وانه اذا تبين لمن وقع منه الضار رفعه يعني هم دلوقتي العلماء فرقوا بين الضرر والضرار فبعض اهل العلم قال ان الضرر يحصل بدون قصد - 00:02:10

وانه اذا تبين لمن وقع منه الضرر رفعه يعني مسلا انت عندك مسلا التكييف مسلا جهاز او اي حاجة مسلا تكييف بينزل مية مش عارف مش واخد بالك فالمية دي بتنزل - 00:02:34

انت ما تعرفش فالميه دي بتنزل فبتؤدي الى اذى او نزلت على شيء مسلا على حاجة تانية مسلا جهاز او ملابس الناس مسلا غسيل ناشرين ولا حاجة فادى الى ضرر - 00:02:49

انت ما تعرفش فده ده بيلحقوه بالقسم الاول لا ضرر فاول لما قالوا لي خلي بالك عشان بس ايه احنا بنتضرر من الحاجة الفلانية دي فخلاص بيرفع الضرر على طول - 00:03:03

ماشي قلا وقالوا والفرق بين الضرر والضرار ان الضرر يحصل بدون قصد وانه اذا تبين لمن وقع منه الضرر رفعه يعني اول لما يعرف خلاص يرفع هذا الضرر قال والضرار يكون بقصد - 00:03:19

ويرضى به اذا تحقق لا هو متعمد وراضي بيه وعارف ان هو بيأزي فلان لكن هو ايه ما فيش مشكلة عنده وقيل الضرر ابتداء الفعل والضرار الجزاء عليه يبقى نركز. القول الاول قالوا الضرر - 00:03:39

هذا يكون بقصد ولا بغير قصد قالوا الضرر بغير قصد ولما الشخص يعلم بيرفع على طول الضرر ده وقالوا الضرار هو اللي بيكون بقصد عن عمد وقيل الضرر ابتداء الفعل - 00:04:03

يعني واحد يبتدي عايز يأذي فلان يضر فلان اضرار بيكون ايه الجزاء عليه هو التاني بقى مش هيسكت هو مسلا عمل له مش عارف عمل له ايه في العربية بتاعته آآ جرح له العربية هو هيقوم جاي في اليوم اللي بعده قوم - 00:04:26

يقطعوا له الكاوتش فتقومي ده يرد خلاص بقى الضرر هو ابتداء الفعل والضرار الجزاء قال والاول الحاق مفسدة بالغير مطلقا والثاني الحاقها بهما على وجه المقابلة والاعتداء بالمثل وقيل هما بمعنى - 00:04:46

والقول التالت ان هم بنفس المعنى وتكريرها للتأكيد لا ضرر ولا ضرار. وقيل غير ذلك. وعلى كل ايا كان فهو نهي عن الاضرار بالغير لا يجوز لك لا يجوز لك ان انت تؤذي الناس. تتعمد ايذاء الناس - 00:05:09

اما بالقول او بالفعل او بالامور اللي هي المادية الممتلكات لا ضرر ولا ضرار يعني انت جيت مسلا عايز ايه عايز تركن فجيت في مكان لقيت جراج خاص ممنوع الوقوف - 00:05:34

فيقوم جاي واقف يركن عربيته ويمشي وما يسيبش رقم تليفونه ولا يعمل اي حاجة وخلاص تيجي الناس عايزين يدخلوا الجراج عايزين يخرجوا من الجراج عايزين يطلعوا عربيات وراهم مصالح مش مهم بقى - 00:05:53

فده هو عمل ايه؟ هو اضر بالناس اذى الناس فالنبي عليه الصلاة والسلام نهى عن عن ان الانسان يتعمد ان هو يؤذي غيره فقال على كل فهو نهي عن الاضرار بالغير - 00:06:08

والنبي عليه الصلاة والسلام ضرب امثلة ثم قال صلى الله عليه وسلم وللرجل ان يضع خشبه في حائط جاره وهذا امر من النبي صلى الله عليه وسلم للارشاد الى التعاون بين الجيران - 00:06:26

والمعاملة بالتسامح في بعض الامور ومنها الا يمنع جار جاره من وضع الخشب الذي ينتفع به فوق جداره. يعني لو مسلا جارك هينتفع بحاجة. مثلا حد من الجيران عايز يعزل مسلا آآ الحيطة بتاعته - 00:06:42

فاحتاج ان هو هيطلع مسلا على السطح عندك على سطح البيت وهيعمل مسلا شيء هيبقى حائط مسلا بينك وبينه انت مش متضرر بحاجة. يعني ده مش هيأثر عليك لكن هو هينتفع - 00:07:00

وبعدين تقول له لأ معلش ما تعملش كده طب هو انت هيعود عليك ما فيش اي ضرر ولا حاجة يقولوا له لا معلش ما تطلعش عندي على سطح البيت ولا تعمل مسلا ولا تعلي الجدار ده شوية علشان تعمل عزل عشان الحرارة لأ انا ما ليش دعوة. اتصرف - 00:07:14

طب يا عم هتصرف ازاي ما انا لازم اعمله من عندك لازم اطلع من عندك. لا ما ليش دعوة فالنبي عليه الصلاة والسلام قال ان ان الجيران يكون بينهم ايه - 00:07:31

منهم التعاون لو في حاجة في مصلحة الجار هيعمل مسلا حيط حاجة في الحيطة مسلا او هيعلق حاجة او هيعمل مش عارف ايه وده مش هيعود علي بالضرر او شيء متحمل - 00:07:41

وهيبقى فيه مصلحة للجار ما تسيبه يا عم يعملها ماشي فما معنى؟ قال وللرجل ان يضع خشبه في حائط جاره فيقول مسلا ايه؟ ان كان الجدار ليس من حق واضع الخشبة - 00:07:54

ولا له فيه شركة ولكن من حق الجيران ان ينفع بعضهم بعضا دون الحاق ضرر بأي من الطرفين هو ذكره بقى ايه يعني في في يعني في الامر ده امور مسائل منها مسلا الاراضي مسلا اللي هي المشتركة بين الناس الطرق - 00:08:11

آآ وكذلك زي ما قلنا المثال مسلا لو في بيتين لازقين في بعض وبينهم جدار اه واحد مسلا ممكن يعمل حاجة في الجدار بتاعه يكون يترتب عليها اثر ضرر بالجار - 00:08:34

وهكزا فالنبي عليه الصلاة والسلام ذكر هذه القاعدة دي قاعدة عامة النهي عن الضرر والاضرار خصوصا مع خصوصا مع الجار فذكر ذكر بعدها يعني آآ ابن رجب هنا عندنا في الشرح بقى - 00:08:49

ماشي حتى الان الامور واضحة قوله صلى الله عليه وسلم لا ضرر ولا ضرار قال ابن رجب رحمه الله اختلفوا هل بين اللفظتين اعني الضرر والضرار فرق ام لا فمنهم من قال هما بمعنى واحد. على وجه التأكيد - 00:09:09

والمشهور والمشهور ان بينهما فرقا ثم قيل الضرر ان يدخل على غيره ضررا بما ينتفع هو به. يبقى ده تقسيم تاني يعني بيقول الضرر هو هيدخل عليه ضرر وانا هنتفع من ادخال الضرر ده عليك - 00:09:29

زي مسلا المسال اللي احنا بنقوله مسلا هبني مسلا حاجة او هيعمل حاجة في الجدار انا هنتفع لكن هضرك وقيل والضرار ان يدخل على غيره ضررا بما لا منفعة له به - 00:09:55

يعني الاول اضرك علشان انا ايه؟ استفيد. التاني لا انا عايز اضرك وخلاص ما ليش اي مصلحة بس بس اهم حاجة ان ايه ان انت تضر دي المصلحة بتاعتي قال ان يدخل على غيره ضررا بما لا منفعة له به - 00:10:13

كمن من منع ما لا يضره هو يعني زي المثال مسلا اللي كنا بنقوله هو لا يتضرر مثلا بشيء والشخص التاني هيتضرر يقول له مسلا عايز آآ مسلا بعد ازنك ممكن مسلا ايه آآ انا محتاج وانا بروي الارض مسلا اسمح لي بس ان انا - 00:10:33

اعمل يقولوا لا مش هسمح لك طب بس هدخل اعمل لا مش هينفع طب ليه انت كده هتضرني ما ليش دعوة ما تضر فهنا ايه هو ادخل الضرر على غيره - 00:10:51

وهو نفسه لا يتضرر كمن من منع ما لا يضره ممكن اخد؟ لا ما تاخدهاش. طب انا لو ما خدتهاش هتضر مش مشكلة ما ليش دعوة قال ويتضرر به الممنوع - 00:11:08

يتضرر به يعني بمنعه الممنوع قال ورجح هذا القول طائفة منهم ابن عبدالبر وابن الصلاح رحمهما الله عز وجل وقيل الضرر ان يضر بمن لا يضره والضرار ان يضر بمن قد اضر به على وجه غير جائز. يعني - 00:11:23

الضرر ان انت تضر انسان هو ما عملكش حاجة يعني هو عايز يأزيه هو مؤزي وخلاص شخص ما عملكش حاجة فانت تروح تأذيه من غير اي سبب واضطرار ان يضر بمن قد اضر به. يعني واحد اه هو غلط فيك. بس غلطة كده - 00:11:44

انت انت ايه جيت تردها فرديتها قد كده كبرتها على وجه غير جائز وعلى كل حال فالنبي صلى الله عليه وسلم انما نفى الضرر والضرار بغير حق فاما ادخال الضرر على احد بحق - 00:12:07

اما لكونه تعدى حدود الله او كونه ظلم غيره فهذا غير مراد قطعا. وانما المراد الحاق الضرر بغير حق ماشي فهموني يعني مسلا واحد سرق ماشي القاضي هيحكم عليه مثلا اذا توفرت الشروط وانتفت الموانع في حكم عليه بالقطع - 00:12:31

طب ما القطع ده فيه ضرر ايوه هو هنا الشريعة بتراعي المصالح هو فيه مصالح اكبر من مفسدة ان الشخص ده يقع عليه مفسدة ان ايده تقطع. هو نفسه هيقع لمصالح وكذلك المجتمع - 00:13:04

فهنا خلاص القاعدة هنا فيها استثناء واحد مسلا اذى الناس قاعد يبلطج ويضرب ويعمل ومش عارف ايه وما حدش فلقى يقوم مسلا ايه يقوموا ماسكينه اه اه مسلا يضربوه علقة محترمة - 00:13:21

هو اوقعوا عليه ضرر ليه؟ علشان فيه مصلحة لان هو ازى الناس واضر بالناس لكن لا يتجاوزون الحد او مسلا يوقع عليه غرامة او عقوبة تعزير تأديب وهكذا ماشي؟ فبيقول هنا ابن رجب فاما ادخال الضرر على احد بحق - 00:13:36

اما لكونه تعدى حدود الله زي مسلا السارق والزاني وقاطع الطريق او كونه او او مسلا قاتل يعني او كونه ظلم غيره فهذا غير مراد قطعا. وانما المراد الحاق الضرر بغير بغير - 00:13:59

التعزير هو زي نوع تأديب كده التعزيب نوع تأديب يعني يعني مسلا ايه فلان مسلا عمل حاجة والحاجة دي مش عليها حد فيقول لك مسلا هنأدبه او هو مسلا عليه عليه آآ ديون وبيماطل - 00:14:16

ومش عايز يسدد مسلا الديون اللي عليه وده كان سبب في ضرر الناس التانيين اللي هم لهم فلوس فيجي مسلا قاضي ممكن يحكم بشيء مسلا ايه؟ تأديب تأديب له تعزير - 00:14:35

يحكم عليه مسلا بجزء من المال او كده عقوبة ليه تأديبا قال ومما يدخل في عموم قوله صلى الله عليه وسلم لا ضرر ان الله لم يكلف عباده فعل ما يضرهم البتة. وده امر تاني اوسع - 00:14:51

بمعنى ايه؟ ان ربنا سبحانه وتعالى لما شرع هذا الشرع وهو العليم الحكيم الخبير اللطيف وتعالى الرحيم لا يشرع شرعا ولا يأمر بامر فيه ايه فيه ضرر على الناس فسبحانه وتعالى لم يكلف عباده فعل ما يضرهم البتة - 00:15:13

فان ما يأمرهم به هو عين صلاح دينهم ودنياهم وما نهاهم عنه هو عين فساد دينهم ودنياهم. يعني لما ربنا سبحانه وتعالى يأمر الانسان بالصدقة او بالزكاء خذ من اموالهم صدقة تطهرهم وتزكيهم. يبقى يبقى هنا الصدقة دي ده مصلحة - 00:15:40

تطهير لك وتزكية واعانة للفقير. الصلاة كذلك الحج والعمرة والصيام. كل دي الاوامر الشرعية في مصالح العبد هو عين صلاح دينهم ودنياهم. وما نهاهم عنه هو عين فساد دينهم ودنياهم. لما ينهى عن الربا سبحانه وتعالى ان في ظلم - 00:16:00

في ظلم وتجمع رؤوس الاموال عند بعض الناس وفي مظلمة حرب فاذنوا بحرب من الله ورسوله او مثلا ينهى سبحانه وتعالى عن شرب الخمر وتشوف دلوقتي الابحاس اللي بتترتب على اثر شرب الخمر. اما مسلا من الامراض - 00:16:25

او الحوادث بسبب ان اللي يسوق وهو سكران او اللي ممكن يقتل وهو سكران او اللي مسلا يضرب زوجته دربا يعني وهو في الغرب. وهو سكران وممكن الانسان يقتل اولاده ويفعل اي شيء - 00:16:46

يكسر حاجة مسلا من ممتلكات الناس فربنا سبحانه وتعالى نهى عن شيء وفيه مفسدة شيء يفسد الدنيا والاخرة ما نهاهم عنه هو عين فساد دينهم ودنياهم. قال لا ضرر ولا ضرار - 00:17:05

لكنه لم يأمر عباده بشيء هو ضار لهم في ابدانهم ايضا ولهذا اسقط الطهارة بالماء عن المريض واحد تعبان ولو لو حط مية على دماغه زي الراجل اللي كان عنده فتحة في دماغه اه دماغه مفتوحة - 00:17:20

وفي جرح فلو اغتسل ممكن يموت فلما استفتى قالوا له لا يعني ما فيش رخصة لازم تغتسل. فاغتسل فمات. فالنبي عليه الصلاة والسلام قال قتلوه قتلهم الله فهنا الشرع اه اه رخص - 00:17:37

لو في حاجة ضرر هتقع عليك لا خلاص يتيمم واسقط الصيام عن المريض والمسافر فهي قاعدة شرعية فيها التخفيف وان ربنا سبحانه وتعالى لا يأمر بشيء الا في الا ويكون هذا شيء فيه النفع - 00:17:57

والخير قال وفي المسند عن ابن عباس رضي الله عنهما قال قيل لرسول الله صلى الله عليه وسلم اي الاديان احب الى الله؟ قال الحنيف السمحة ومن حديث عائشة عن النبي صلى الله عليه وسلم قال اني ارسلت بحنيفية سمحة - 00:18:16

ومن هذا المعنى ما في الصحيحين عن انس ان النبي صلى الله عليه وسلم رأى رجلا يمشي قيل انه نذر ان يحج ماشيا فقال ان الله لغني عن مشيه فليركب - 00:18:40

وفي رواية ان الله لغني عن تعذيب هذا نفسه ان الله لغني عن تعذيب هذا نفسه. فالشاهد الشاهد المستفاد من الحديث ان الانسان لا يتعمد ان يلحق الضرر بالناس. ما تبقاش مؤذي. المسلم من سلم المسلمون من لسانه ويده. لا تؤذي الناس - 00:18:57

بلسانك ولا بيدك لا تتعمد ايذاء الناس يعني لا تتعمد ان انت تضر بانسان او اه اما بقى ضرر في الدنيا او ضرر في الدين او ان انت تظلم انسان تأكل حقه لا تتعمد - 00:19:21

لا ضرر ولا ضرار زي ما انت ما تحبش ان حد يتعمد ان هو يؤذيك وان هو يعني يضر بك انت ما تحبش ده فكذلك لا تؤذي الناس المسلم من سلم المسلمون من لسانه ويده - 00:19:38

من كان يؤمن بالله واليوم الاخر فليقل خيرا او ليصمت لا ضرر ولا ضرار. فلا ينبغي ان الزوج يتعمد ان هو اه اه كما قال الله عز وجل ضرارا لتعتدوا - 00:19:55

هو دلوقتي اه اه مثلا عايز يطلقها وعليه حقوق في عمل ايه هو يفضل بقى يطلع عينيها ويأذيها بالكلام وبالافعال ويظلمها اه وفي الاخر يقول لها خلاص لو عايزة تخلصي بقى من العزاب الاليم ده - 00:20:14

خلاص ابريني متنازلة عن كل حقوقك تبقى الست المسكينة هي عايزة تعمل ايه؟ عايزة تخلص من من الالم ومن العزاب فتتنازل فربنا سبحانه وتعالى نهى عن الضرر قال ولا تمسكوهن ضرارا لتعتدوا - 00:20:34

يعني انت ماسكها ما طلقتهاش علشان مش عايز تديها الحقوق وتتعمد ان انت تذلها وان انت تهينها وان انت تضر بها ده غلط يعني حرام ظلم وكذلك العكس كذلك العكس - 00:20:52

ان المرأة آآ تتعامل لان الاتجاهين موجودين في الواقع. المرأة آآ تتعامل بسوء خلق وسوء عشرة. مش عايزة تسمع كلامه وتتعامل بندية ويتكبر ولا تحترم الرجل. وكل ما يقول لها على حاجة تقول له لا. اعملي كذا لا - 00:21:11

اه وتمنع تمنع حق الرجل في الفراش وبعدين لما ييجي هو خلاص يعني يقول لها طب استني طب انت مش عايزة تعيشي خلاص ما تعيشيش يعني اما تكوني اه مطيعة نعيش بما يرضي الله عز وجل. مش عايزة تعيشي خلاص. هي بتضغط عليه - 00:21:33

علشان مسلا تكون هي مسلا عايزة تتجوز جوازة تانية او عندها طموحات مسلا هي بتتعارض مع اه فكرة الزواج هي عايزة تنطلق وعايزة تعيش ومش عارف وشايفة ان الزواج قيد - 00:21:53

او مسئولية فهي خلاص للاسف بعض النساء آآ هي عاشت في فترة البيت وهي في البيت طبيعة حياة معينة يعني هي عايشة مسلا واخدة راحتها بتنزل بتخرج بتروح بتيجي عايزة مسلا تشتغل عايزة تعمل حاجة فتيجي تنتقل من - 00:22:06

الحياة لحياة الكلام ده للرجل والمرأة فهي خلاص دلوقتي انت كنت مسلا طالب وبعدين بقيت آآ زوج ففي مسؤوليات في زوجة ممكن تتعب عندها مشاكل عندها احتياجات نفسية في اولاد فانت دلوقتي بقيت مسئول فما ينفعش تتعامل - 00:22:26

ان انا لسة في الجامعة اللي هو ايه؟ انا اتجوزت بس عايز اعيش حياتي زي ما انا زي واحد كان رايح متقدم لواحدة قال لها بصي انا الاساس عندي رقم واحد قاعدة القهوة - 00:22:48

وبحب العب بلاي ستيشن وبصحى متأخر فهو هو عايز مش عايز ينتقل عن الحياة اللي هي ايه انا زي ما انا هتجوز اه عايز اتجوز عشان اعف نفسي واخد الجانب اللي هو جانب الشهوة - 00:23:01

لكن تحمل المسؤوليات اللي بعدها لأ فانا عايز ابقى زي ما انا وانت تقبليني على وضعي كزلك النساء هي عاشت هي مثلا بتخرج بطريقة معينة اهلها كانوا مديينها مثلا حرية حاجات معينة او هي ما كنش عليها الضغوطات والمسئوليات ما فيش مش مطلوب - 00:23:19

مسلا ان هي تحضر حاجة لزوجها او ان هي تساعده في حاجة او ان هي تأكل الاولاد. او ان هي تصحي وتلبس وتغير وتعمل. فمش مستحمل مش مستحملة المسئوليات دي مش متعودة عليها - 00:23:37

فلما تنتقل من الحياة وده بتشوفه كتير في الخطوبة. كتير من الشباب يحكي ان هو في الرؤية هي كأن البنت مش عايزة تتنازل عن الحياة اللي هي فيها حرية هي مش قادرة تفهم ان هي تنتقل من كونها بنت - 00:23:50

في بيت والدها عندها بعض الحريات هتنتقل لبيت تاني فيه راجل مختلف عنده تصورات مختلفة فيه واجبات وفيه حقوق وفيه مسؤوليات فهي عايزة تفضل لأ انت هتيجي بقى تقول لي بقى انزلي حتى تلاقيها من البداية في الرؤية عايزة تسستم كده ايه الولد - 00:24:06

تقول له خلي بالك انا بخرج خروجاتي مع صاحباتي عادي وعندي مش عارف كزا عادي وعايز اشتغل عادي والاكل بتاع البيت احنا هنعمل فيه ايه؟ انت من النوع اللي بيحب بيطبخ ولا من النوع اللي بيساعد ولا ما بيساعدش - 00:24:27

احنا دلوقتي مش بنتكلم على ان الرجل يساعد او لا او ان هو لو شاف زوجته مسلا تعبانة هذا من حسن ايه؟ من حسن العشرة الراجل المحترم لما يشوف زوجته مسلا تعبانة او مرهقة او مش عارف ايه يخفف عنها - 00:24:43

يتحمل عنها يشيل مسلا الاولاد شوية لو هي تعبانة مريضة اه مسلا لسه مسلا لسه في حمل مسلا او لسه مخلفة او مش عارف او في اوقات مسلا وهن وتعب يتحمل - 00:24:58

ما فيش مشكلة. او يجيب لها مسلا واحدة تساعدها لو هو فيه سعة لكن من البداية المشكلة هنا فين؟ ان البنت من البداية مش عايزة تنتقل فكرة ان انا بنت - 00:25:10

بخرج براحتي بروح براحتي في الجامعة بعمل آآ اشتغل زي ما انا عايزة. ليه؟ لان انا بقيت زوجة فهي بصة لحياة الحرية مش معنى كده ان الزواج ده سجن مش معنى كده - 00:25:25

بس خلينا خلينا بس الايه الاخوات يعني ما تستعجليش في السؤال. مش معنى مش معنى كده ان الزواج نوع قيد لكن الحياة بتتغير يعني لازم طبيعة الحياة تتغير زي ما هو مش مقبول من الرجل ان انت كل يوم خارج كل يوم بيلعب ماتش كورة كل يوم قاعد في البلاي ستيشن كل يوم - 00:25:45

يعني عايش لنفسه فزوجته عندها احتياجات اولاده عندهم احتياجات عايزين يقعدوا معه فهو عايش قاعد حياته كده. هل ده هيبقى مقبول بالنسبة للبنت ان هي تعيش مع واحد آآ ليل نهار عايش لنفسه بس - 00:26:07

ده هيبقى غير مقبول طب انت اولادك محتاجينك في التربية محتاجين مساعدة محتاجين ان انت انا عندي احتياجات نفسية محتاج ان انت تهتم بامور البيت لو حاجة آآ حاجة في البيت بازت ولا محتاجين آآ سباك محتاجين حد بتاع كهربا محتاجين حد مش عارف ايه هو مش موجود اصلا - 00:26:24

ومش باب ايه يعني هو مش متحمي مش عايز يتحمل مسئولية فده مش مقبول ده مش مقبول. كزلك ايه كذلك من المرأة لا هي من البداية بتسستم اوضاع معينة. مش المعنى ان هو بعد الجواز هيمنعها بقى عن رؤية اصحابها او ان هي ما تخرجش او ان هي ما يبقاش لها وقت خاص بها. مش ده المعنى - 00:26:42

انا مش بتكلم عن ده يعني ارجو ان انتم تكونوا مستوعبين الكلام اللي انا بتكلم فيه. او اللي لامس شيء من المشكلة دي يبقى فاهم ان احنا بنتكلم عن فكرة - 00:27:02

ان انا لي اسلوب حياة معين فانت اللي هتعود نفسك عليه مش ان انا دلوقتي في مرحلة وهنتقل لمرحلة تانية فالمرحلة التانية دي في مسئوليات وفي واجبات فهي خلاص عايزة تعيش الحياة دي - 00:27:14

طب انت اتجوزتي ليه لما انت لما انت مش مش عايزة تتحملي مسئولية انت يعني انت دخلت علشان تضري بالراجل ده طب ما هو الراجل ده عنده احتياجات. هو انا انا يعني آآ يعني آآ ما دام راجل تزوج يبقى هو له احتياجات نفسية وله آآ له احتياجات عاطفية - 00:27:27

فيا وفيه مسؤوليات في البيت امال مين اللي هيربي الولاد فانت عايزة تنطلقي وخلاص بقى اي حد بقى بيشوف اي حد يربيها فهنا فاهمين آآ فاهمين الكلام ده فكرة انا مش ملزمة. فكرة انا مش علي واجب. طيب هو نفس الكلام بقى تخيلي لو راجل كده من اللي - 00:27:48

قال لك آآ معلش انا مش ملزم ان انا آآ اشوف مسلا لو لقيت شغل احسن بمرتب احسن هيحسن مستوى حياتنا. انا مش ملزم ان انا اعمل كزا. ومش ملزم ان انا اصحى بدري ومش - 00:28:07

مش ملزم ان انا اه لو انت مسلا اه تعبانة اوديكي المستشفى مش ملزم ان انا مسلا اه غير ان انا انفق عليك النفقة الواجبة اجيب لك مسلا كسوة في الشتاوة كسوة - 00:28:17

الصيف لو هي يعني هي ما بتمشيش كده احنا محناش داخلين خناقة ما حناش داخلين حرب يعني تعامل ان انا داخل من البداية اه متحفز ومتوقع الاسوأ وسيء الظن. وهو لازم بقى اتغدى به قبل ما يتعشى به - 00:28:27

ولازم اكون قوية وابقى ماسكة نفسي كده وباشتغل علشان هو لو انا احتجت حاجة اعرف اجيبها لنفسي وما يبقاش هو اللي متحكم في التعامل ده يعني ده تعامل مش صح - 00:28:45

ايصلح في بعض مع بعض الرجال يصلح ماشي هو ممكن خلاص هو الراجل بقى هيعيش حياته كده وخلاص. لكن لو لو عايزة تعيشي مع رجل بمعنى ان هو رجل عنده قوامة وله كلمة وهو اللي بيقود - 00:28:59

الكلام ده لو عايزة تعيشي مع كده هو لا يصلح معه الكلام ده عشان تبقي فاهمة فكتير من البنات انا تعجبت يعني كتير من البنات شاب مسلا يروح رؤية الولد ما شاء الله ربنا يبارك - 00:29:12

آآ يعني آآ مستوى اجتماعي كويس مستوى مادي كويس آآ عنده شقته عنده عربية بيشتغل يعني ظروفه الاجتماعية كويسة وآآ رياضي وعلى قدر من التدين ويعني شكله مقبول. كويس فالبنت ما عندهاش اي مشاكل في ده. فتبتدي في الرؤية البنت تبتدي تنخور - 00:29:24

انت من النوع اللي بيساعد في البيت يعني ايه يعني بتسألي السؤال ده ليه يعني تسألي السؤال ليه من يعني من البداية هو الراجل راجل آآ شايفين ان هو على خلق وعلى دين وزروفه الاجتماعية كويسة - 00:29:48

اه انت من النوع اللي بيساعد؟ طب بالنسبة لاكل البيت انت رأيك فيه ايه قال لها يعني ايه رأيي فيه ايه يعني يعني يعني يعني انت بالنسبة لك يعني الموضوع ده حاجة ايوة بالنسبة لي ان انا عايز اكل يعني انا انا بشتغل - 00:30:06

يعني تخيلي لو الراجل جه قعد انت بالنسبة لك الشغل ده حاجة اساسية. ايه رأيك ان انا هقعد في البيت وانت انزلي اشتغلي وتصرفي علي هيبقى ده بالنسبة لك شيء مقبول هي نفس وقع الكلمة على على اذن الرجل - 00:30:20

لما يجي يقول له مسلا ايه آآ بالنسبة للتربية. يعني حد من الشباب بيحكي لي ان بتقول له انا عايزة آآ مسلا ايه ان انا انا بشتغل وبروح من كزا لكزا فقال لها طيب يعني - 00:30:32

يعني انا مش حابب ان انت تشتغلي وان شاء الله انا مش هقصر معك في حاجة والحاجات اللي انت محتاجاها بازن الله يعني يجي لك زيها وزيادة. لكن انا مش انا يعني مش محتاج ان انت تشتغلي لان ده هيأسر - 00:30:44

علي انا كرجل لي احتياجات في البيت وعايز البيت يكون مستقر ارجع بيتي الاقي البيت مسلا نضيف الاقي في اكل حاجة اكلها انا بشتغل وبشقى وبرجع علشان الاقي في استقرار في البيت - 00:30:57

فقالت له لا ما اصل انا عايزة اشتغل بردو انا عايزة احقق زاتي. فقال لها طيب لما نخلف آآ قالت له خلاص يعني هنسيب الاولاد مسلا عند والدتي او والدتك؟ قال لها خلاص طب افرضي ان احنا سافرنا رحنا مكان آآ بعيد مسلا عن عن بيت الاهل - 00:31:12

بيت والدتي ووالدتك وما حدش هيشيل اولادي. قالت له خلاص نجيب واحدة نجيب يعني آآ مربية او ودادة يعني حاجة زي كده. آآ تقعد مع العيال. عشان في الوقت اللي انا هنزل فيه الشغل - 00:31:27

قال لها طب ما انا اتجوز الدادة يعني طب ما انا يعني انا ما دام ما دام هي ما دام انت ما عندكيش وقت تربي ولادك وعندك يعني ترتيبة الاولويات رقم واحد الشغل. رقم واحد الترتيبة دي جت منين - 00:31:40

يعني فكرة ان رقم واحد ان انا احقق زاتي وان يكون عندي مش عارف ايه. طيب ماشي طب ليه؟ اصل الرجالة كلهم مش عارف طب ليه كلهم ليه كلهم خلاص ما فيش رجالة دلوقتي بتتحمل مسئولية وبتشيل وبتشتغل - 00:31:54

فاهمين يا شباب انا بتكلم في ايه فتلاقي البنت بتبتدي تنخور كده. انت ايه رأيك في مش عارف هي شوية قضايا بتسمعها من صاحباتها آآ يعني اللي هو زي ما عمر رضي الله عنه يقول عدوات انفسهم - 00:32:11

اه هي تلاقي صاحبتها مطلقة. ما قدرتش ان هي تنجح في حياتها الزوجية. مش علشان مسلا في خلاف او لا هي هي هي افسدت البيت بسبب تصوراتها وبسبب افكارها وكزا - 00:32:26

فتيجي ايه شايفة صاحبتها مسلا بيتقدم لها حد او بيتخطب فعايزة ايه تديها بقى الخبرات بتاعتها دخلت على جروب بنات اللي هو اغلبه مثلا مطلقات واغلبه آآ آآ متبنين الفكر آآ النسوي - 00:32:41

خلاص وانا باخد بقى دول ايه؟ دول المصدر بتاعي طيب لما لما آآ لما تقعد مع الراجل وتبتدي تنكش بقى في الحاجات دي في الرؤية هو يعني لما الاقي واحدة بتقول لي انت اخبارك ايه في - 00:32:58

بطبخ ولا في شغل البيت بتساعد من النوع اللي بتساعد طب آآ معلش انا عايز اجرب ان انا اشتغل طب انت ما بتشتغليش هتشتغلي ليه طب آآ انت دلوقتي هتشتغلي هتنزلي من كزا لكزا - 00:33:13

احنا مش بنتكلم دلوقتي عن اللي محتاجة الشغل او اللي بقى فيه احتياج في البيت فالشغل بقى ضرورة فبتحاول تشوف شغل مثلا يتناسب مع دينها ومع اخلاقها ومع حياءها وان هي كتر خيرها مشكورة بتسعى آآ بتجمع بين حق الزوج وحق الاولاد وهي محتاجة ان هي تشتغل - 00:33:27

علشان تحط فلوس في البيت علشان يقدروا يعيشوا مسلا يعني مش بنتكلم عن ده هل هي مضطرة للشغل وبتتعفف وبتختار شغلانة تتناسب معها وما فيش فيها مسألة يعني بقى ايه شيء من الامور المحرمة - 00:33:47

اول تعامل مع الرجال تعامل لا يليق او الكلام ده. مش بنتكلم عن دي يعني بتكلم عن صورة انت مش محتاجة واصلا مش قدامك مسلا فرصة شغل ليه ليه في خطوبة ولا في الرؤية الشرعية تقولوا له لا انا عايز اشتغل - 00:34:02

لما هو بيقول لك انا يعني حابب ان انت ما تشتغليش وانا اكفيكي طب ما يفرض افرض هيطلع بخيل طب ما تسألي عليه طب ما دي حاجة تعرف فدي حاجة تعرف من قبل لما يتقدم لنا اصلا - 00:34:18

ليه افترض ان هو بخيل طب ما احنا هنشوف ما نسأل عليه اسأل الناس اللي تعرفه نسأل الوسيط نشوف والدي يروح ويسأل عنه في المسجد ويسأل عنه آآ اصحابه ويسأل عنه الشيخ فلان ويسأل عنه آآ يبذل مجهود. طب ما نعرف يا جماعة - 00:34:33

يا جماعة فلان ده كريم ولا بخيل ففكرة افتراض سوء النية وان انا اكون تصوراتي من الواقع اللي حواليا والافكار اللي حواليا واجنب بقى مسألة حسن الظن بالله الاخذ بالاسباب - 00:34:49

ان الانسان يبزل وحتى ان انا لو في شيء من التقصير او النقص ان انا اصبر عليه وان انا احاول مع الوقت ان ان شاء الله الامور تتغير وبازن الله - 00:35:06

يبقى يبقى الحياة بتمشي كده لكن بنت ترفض مثلا عريس وهو متقدم لها وهو عنده المناسبات عنده ظروفه ما شاء الله ربنا يبارك تمام وهي معجبة به عشان شوية افكار - 00:35:16

طب ما طب ما تتحملي مسئولية المشكلة بقى فين اللي دخلنا في الكلام ده ان انا اكمل ان انا ادخل وانا مش عايز اغير نفسي ولا اكون زوجة ولا فاهمة يعني ايه زواج ولا فاهمة يعني ايه تحمل مسئولية وكذلك الرجل - 00:35:29

وانا عايشة معك بقى انا هطلع عينك بقى انكد عليك وامنع امنع امنع الحق الواجب ومش عايزة لا عايزة اتحمل مسئولية تربية ولاد ولا عايزة ومش عارف ايه خلاص والحياة تبقى كلها نكد - 00:35:47

ولو لو مش عاجبك خلاص طلقني واديني حقوقي فيبقى الراجل هو مش قادر ان هو مسلا يدفع القايمة او مش قادر ان هو ما عهوش فيبقى الراجل بين ان هو لا هو سعيد في البيت يتزوج علشان يتزوج - 00:36:00

كان السكن ويلاقي واحدة مسلا يطلب منها طلب فيه المعروف آآ مش هتعمل له محاضرة يا حبيبتي ممكن معلش تعملي كوباية شاي. وليه ليه انا اللي اعمل لك كوباية شاي - 00:36:15

انت آآ انت صغير انت مامتك في البيت ما علمتكش ازاي تعمل نفسك شاي حبيبتي معلش انا بس محتاج بس افطر محتاج اتعشى لا يا حبيبي قم اعمل نفسك انت ابوهم زي الشحط اهو قم عندك الحاجة. وقم اعمل نفسك - 00:36:25

يعني في الزمة ده ده تعامل اهي دي يعني اه يعني اه دي حياة ده شيء يرضي ربنا سبحانه وتعالى ها يعني اه اه احنا دلوقتي يعني اللي دخلنا في الباب ده فكرة تعمد الضرر سواء انت زوج او زوجة لا تدعمها زي ما ربنا - 00:36:40

وتعالى قال ولا تمسكوهن ضرارا لتعتدوا. نفس الكلام لا تتعمدي ان انت تضري به بالزوج بالافكار السامة اللي في بتبس في عقول النساء وتتعمدي ان انت تسيء اليه من غير داعي من غير سبب. يعني لو لو جيتي تبصي على حاجات ايه يعني ايه المشكلة؟ ان انا احاول ان انا ارضي زوجي. يعني ايه - 00:37:02

فكرة ايه الازمة في كده؟ يا جماعة خدوها قاعدة يعني اي راجل سوي طبيعي يعني انسان ما عندوش مشاكل عقلية او هو مريض نفسي او هو شر آآ يعني آآ جواه شر انسان - 00:37:27

تنسوي طبيعي محترم طيب ابن ناس ومتربي وعلى دين وخلق لو زوجته احسنت اليه هو ان شاء الله يعني لو هو طبيعي ان شاء الله هيحسن اليها هو ده ده الاصل - 00:37:42

يعني ما فيش راجل سوي طبيعي صاحي من النوم كده عايز يعمل مشاكل مع مراته فيعني آآ مش عارف ايه اللي دخلنا في الباب ده على كل على كل قال النبي صلى الله عليه وسلم لا ضرر ولا ضرار. من البداية كل انسان آآ يعمل بالقاعدة دي في نفسه ومع - 00:37:54

اخواني لا تتعمد ان انت تلحق الضرر بالناس ماشي يا شباب واضح هذا وصلى الله على نبينا محمد وعلى اله وصحبه والحمد لله رب العالمين - 00:38:17