Baheth

انا قبل كده كنت بتسحر وصليت الفجر ونمت ولما صحيت لقيت بواقي الاكل في بقي فبلعتها فهل كده صيامي صحيح ولا لأ؟ آآ شف يا محمد المسألة دي لما اتكلم عنها الفقهاء آآ قالوا ان بقايا الطعام - 00:00:00ضَ

آآ بين آآ الاسنان نوعين. والكلام اللي هقوله ده ده كلام حد كبير جدا من ائمة الحنابلة وهو الامام ابن قدامة المقدسي رحمة الله عليه. بيقول ايه قال ان بقايا الطعام اللي بين الاسنان بالنسبة للصائم هي حاجة من اتنين. النوع الاولاني هو ما يذوب مع اللعاب ويتعسر على - 00:00:25ضَ

استخراجه آآ عارف لما بتاكل بسكوت كده والبسكوت بعضه بيبقى موجود بين الاسنان فده بيذوب اصلا مع اللعاب سواء انت حسيت به او ما هو بيذوب اصلا مع اللعاب فتبتلعه. فهم قالوا كده ما يصعب التحرز منه. ويذوب مع اللعاب ويصعب على الانسان - 00:00:45ضَ

اخراجه. فقالوا هذا مما عفا عنه الشرح. ده بقى الشرع عفا عنه وده النوع الاول يا محمد النوع التاني قالوا ان يكون لهذا الطعام مسلا جرم. زي ايه مسلا انت كنت بتاكل مسلا امبارح مسلا حلة محشي ودكر بط مسلا - 00:01:07ضَ

وفي ورك محشور جوة بين الاسنان هنا وجناح البطة محشور في الجهة هنا. والرقبة بقى محشورة هنا. ففعلا في بقايا لحم لحم جرم بين الاسنان فانت استخرجته وابتلعته فهذا على قول جماهير الفقهاء ان الصيام ده بطل. لان الانسان في هذه الحالة اكل طعاما ووصل هذا الطعام الى الجوف. فلابد - 00:01:26ضَ

يا محمد من البداية ان احنا نميز هو ايه بقايا الطعام اللي بين الاسنان؟ هل بقايا الطعام مما يذوب مع اللعاب ويصعب على الانسان الاحتراز منه ويتبلى عادي؟ ولا هو الطعام ده كان له جرم وسهل جدا ان انا اخرجه. ومع ذلك لأ ده انا اكلته وابتلعته. ففي الحالة الاولى ما يذوب مع اللعاب - 00:01:51ضَ

الصيام صحيح مليون في المية اما اذا كان بقايا الطعام اللي انت بتقصده هو عبارة عن طعام له جرم كلحم او نحو ذلك وانت ابتلعته عامدا ففي هذه الحالة على قول جماهير - 00:02:11ضَ

الفقهاء ان انت محتاج ان انت تعيد اليوم ده تاني اذا كان صيام فرض لان هذا الطعام ابطل الصيام. اه شكرا يا شعب - 00:02:23ضَ