Baheth

السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله وبعد فاسأل الله سبحانه وتعالى ان يزيدنا واياكم بزينة الايمان - 00:00:00ضَ

وان ينفع بينا وبكم حيثما كنا وكنتم طيب الله اوقاتكم ويسر الله اموركم واسأل الله سبحانه وتعالى ان يشرح صدوركم ويجعلني واياكم ممن رضي بالله ربا وبالاسلام دينا وبمحمد صلى الله عليه وسلم نبيا ورسولا - 00:00:24ضَ

واسأل الله سبحانه وتعالى ان يجعل في هذا المجلس العلم النافع والعمل الصالح والرزق الطيب المبارك ويزكرني واياكم في الملأ الاعلى ذكرا حسنا. وان ينزل في قلوبنا السكينة ويغشانا واياكم برحمته - 00:00:49ضَ

عودا اسأل الله ان يكون حميدا لكتاب الرجل المبارك ابن القيم رحمة الله عليه وهو يتكلم عن منازل الثائرين المشتاقين في كتابه الداء والدواء وكان ابن القيم بدأ يتكلم عن مفهوم التعبد - 00:01:11ضَ

ومفهوم الخلة مفهوم الشوق ودي منازل حساسة جدا. ومنازل يعني الفروق بينها وبين بعض اه ضئيلة جدا يعني فخلونا نقرأ كلامه لعل الله سبحانه وتعالى يبصرنا ويرزقنا واياكم التوفيق كان بيتكلم - 00:01:42ضَ

آآ في منزلة المشتاقين وبيقول واطيب العيش والذه على الاطلاق اطيب عيش والذ عيش على الاطلاق عيش المحبين المشتاقين المستأنسين بيقول حياتهم في حياتهم هي الحياة الطيبة في الحقيقة ولا حياة للعبد اطيب ولا انعم ولا اهنأ منها - 00:02:07ضَ

وهي الحياة الطيبة المذكورة في قوله تعالى من عمل صالحا من ذكر او انثى وهو مؤمن فلنحيينه حياة طيبة الله سبحانه وتعالى يقسم جل جلاله انه سيحييك ويحييكي حياة طيبة - 00:02:41ضَ

حياة طيبة في الدور السلاسة في الدنيا وفي القبر والسالسة في الدار الاخرة التلاتة دول ربنا سبحانه وتعالى بيقول لكم ويقسم ان انت هتعيش فيهم حياة طيبة. امتى من عمل صالحا - 00:03:08ضَ

وهو مؤمن مش شرطين دول هما شروط الحياة الطيبة والحياة الطيبة مش معناها الحياة السعيدة بالمفهوم التعيس بتاع كتير جدا من اهل الدنيا لان في ناس عندهم ان الحياة الطيبة هي الحياة السعيدة. طيب ايه هي بقى الحياة السعيدة؟ هي حياة المزرعة السعيدة - 00:03:37ضَ

الكلام ده. يعني هو عاوز الحياة السعيدة عنده هي الحياة المادية المحسوسة اللي عاوز يكون حياته كلها متع. حياة كلها آآ شايف ان الرزق آآ مال اه بس مش قادر يستوعب ابدا - 00:04:04ضَ

آآ في الرزق ده الا موضوع المال. وبالتالي هو ممكن ما يشوفش ان الرزق ده مسلا آآ صلاة فجر واخدين بالكم؟ فيه ناس كده؟ اه فيه ناس كده. فيه ناس ممكن ما يشوفش ان الرزق صلاة الفجر - 00:04:26ضَ

ان ان الرزق ده ان ربنا سبحانه وتعالى يمن عليك ويفتح عليك انك ترزق ان فهم الرزق اصلا فهم النهي هو الرزق ده لوحده رزق حسن الزن بالله رزق العبادة رزق - 00:04:44ضَ

واخدين بالكم ففي ناس كتير ممكن يكون عقله محصور في حاجة معينة وهو محصور فين؟ الحياة السعيدة هو عاوزها. هو عاوز الحياة السعيدة المتعة الدنيوية طالما ده ما جاش خلاص. يبقى هو مش فيه - 00:05:08ضَ

يشفي سعادة وده للاسف الشديد اللي بيدربك مفاهيم ناس كتير اوي اوي اوي لن تستطيع ان تستمتع بحياتك تستمتع بالدنيا وفي الدنيا الا ان رزقت الحياة الطيبة ولو رزقت الحياة الطيبة خلاص تقدر تستمتع بقى - 00:05:31ضَ

الحياة الطيبة دي انك ممكن تكون اه فقير وعايش حياة طيبة؟ اه ممكن تكون مريض وعايش حياة طيبة؟ اه ممكن تكون عندك قدر من البلاءات وعايش حياة طيبة؟ اه واخدين بالكم - 00:05:59ضَ

الحياة الطيبة هتلاقي فيها ان قلبك منشرح دايما مستسلم دايما للاسلام ولتقادير الرحمن سبحانه وتعالى. مستسلم استسلام شرعي وقدري شرع للنص وقدري لما قدره الرب عليه شرعي للنص وقدري لما قدره الله على النفس - 00:06:21ضَ

ده هو دي الحياة الطيبة. فديت يكون اعيش حياة داخلية ممكن يبقى العالم كله بيهايج والعالم كله متلخبط والعالم كله فوضى خارجه لكن كل الانس بداخله ولزلك السكينة والانس من المنازل الجميلة اللي ممكن نبقى نتكلم فيها واحنا سائرين كده. فالرب سبحانه وتعالى يقول فلنحيينه حياة طيبة - 00:06:45ضَ

كتير من البيوت الدنيا خربانة فيها. ليه ؟ الحياة الطيبة مش موجودة رغم ان معهم فلوس ومعهم عقارات ومعهم كل حاجة مش بتشوفوا ناس طالعين يصيفوا وهم بيصيفوا وقاعدين في اماكن جميلة. والدنيا روقان اوي. ويلا يا حاجة ويلا يا بنتي يلا يا حبيبي - 00:07:17ضَ

ولسانهم معوج وبيتكلموا تلت اربع لغات وماديات قد كده وكل واحد معه بطاقة يسحب بها زي اللي هو عاوزه كل واحد جايب عربيته وكل واحد معه اصحابه ويوميا خناقات في في المصيف - 00:07:47ضَ

ويوميا تقول لك انا اتطلقت واحنا في المصيف والتاني يقول لك انا كرهت المصيف معهم والتالت والرابع والخامس والعاشر وانت بقى طبعا شايف الصورة بتاعة الايه مواقع التواصل اللي هم رفعوها امبارح هم وهم مع بعض - 00:08:06ضَ

كنت حاسس ان الناس ديت في الفردوس الفردوس الارضي تعرفوا ناس كده ما دول معهم اهم مش دول معهم سعادة اه هم دول معهم اللزة الوهمية. اللزة الوقتية خليني اقولها بدقة اكتر - 00:08:27ضَ

مع لذة بس وقتية واخدين بالكم في فرق كتير قوي ان انا ارسم لك اسد على ورقة واقول لك انك شايف ايه تقول لي انا شايف اسد وفي فرق ان انت تبقى قدام في حديقة الحيوان وشايف اسد ايه الفرق بينهم هم الاتنين - 00:08:46ضَ

الاولى كانت رسمة اسد كانت صورة اسد صورة وهمية طب والتاني ؟ حاجة حقيقية السعادة كده برضو في لزة في سعادة مرسومة سعادة مرسومة كتير مننا بقى بيدور على السعادة المرسومة - 00:09:09ضَ

يا جماعة السعادة حصريا المتعة الداخلية دي حصريا ملك لله سبحانه وتعالى ولن يمكن الله منها اهل معصيته لن يمكن الله منها اهل المعصية. تاخده بقى اللزة الظاهرة اللزة الوقتية اه لكن تاخد السعادة القلبية. لأ - 00:09:37ضَ

ده اللي يتقال عليه انه لتمر علينا اوقات نقول استشعر كده ان فيه اتنين قاعدين مع بعض. فبيقولوا لبعض ايه؟ واحد منهم بيقول له انه لتمر علي اوقات اقول ان كان اهل الجنة فيما نحن فيه الان؟ انهم - 00:10:03ضَ

في عيش طيب انتم واخدين بالكم من العمق ده هم اتنين قاعدين مع بعض. اتنين طائعين فواحد يجي بيقول ايه بيقول للتاني انت تخيل لو اهل الجنة اللجوء في لو لو اللي عندي ده واللي عندنا ده ده دلوقتي هم في انهم لفي عيش طيب - 00:10:19ضَ

ده كده الجنة دي حاجة جميلة اوي لو المشاعر اللي جواهم وهم عايشين عيشة زي اللي جوة قلبنا دلوقتي هو ده يا سادة احد آآ يعني اثار النعيم المنسي اللي كلمتكم عنه في رمضان. وان شاء الله راجع له قريب - 00:10:42ضَ

النعيم المنسي النعيم المنسي ده على فكرة الكلام اللي انا بقوله لكم ده اه ناس كتير عايشينه كتير قوي عايشينه كتير كتير قوي قوي كمان نسعى عشان الحاجة ديت اه الدنيا بقى مش عارف مين حارب مين والاسعار راحت فين والاقتصاد جه منين القصة دي كلها - 00:11:03ضَ

دنيا هو ربنا سبحانه وتعالى لما خلقه وجابه الدنيا قال له انا جايبك اخرة انا جايبك آآ في مكان تبقى عايش فيه السعادة ربنا ما قلوش كده ربنا قال له - 00:11:27ضَ

في سعادة وفي جنة معنوية في في القلب وفي حياة طيبة انت في الدنيا هتاخدها دي اصلها في القلب واصلها في النفس واصلها في الروح اوليها اثار على الخارج ده في الدنيا العمر القليل قوي ده. بعد كده - 00:11:42ضَ

لو انت عشت الجنة دي اه انت هتنتقل لجنة خلد تمتع بها جسدك ظاهرا وباطنا واخدين بالكم؟ هو عايش الفكرة دي وهو عايش في الدنيا بالطريقة ديت واخدين بالكم العمق ده عما تستوعبه ترتاح - 00:12:08ضَ

وانا من الفين وخمسة الفين وستة بقعد كتير مع شباب واستشارات والله يا جماعة ما اعرف احد ولو بيكدب او كان بيهزر في جلسات الاستشارة او النقاش او يستشير كده - 00:12:33ضَ

انه يقول لي ان هو كان عايش سعادة حقيقية وهات بقى شف زن زن سوء ولا تسأل عن الخبر اسرح بدماغك بقى كل المعاصي اللي في دماغك اضربها في اسا عشرين - 00:12:56ضَ

آآ يعني ناس كتير بعيد قوي قوي يعني بعيد ابعد مما تتخيل اللي هي المعاصي اللي عمرها ما هتيجي على بال ناس كتير عملوا كل حاجة كل حاجة بمعنى كل حاجة - 00:13:09ضَ

وكانت تحت رجليهم كل الوسائل المادية. طب يا ابني انت ما استمتعتش ليه يا ابني انت ما عشتش الكلام ده ليه؟ ليه ما ما استمتعتش؟ لان ربنا قال ان الابرار لفي نعيم - 00:13:22ضَ

اي بسبب برهم هم في نعيم دائم. دنيوي واخروي وان الفجار لفي جحيم. في جحيم دنيوي واخروي بسبب فجرهم فانت معلش يعني افنجعل المسلمين كالمجرمين واحد همه كيف يرضي ربه؟ كيف يستسلم قضاء لربه؟ كيف يرضي الله سبحانه وتعالى - 00:13:37ضَ

ولزلك مفهوم الرضا ده اللي كان يهم الصحابة مش مفهوم السعادة مفهوم ايه؟ رضي الله عنهم. وانا عايش في الحياة الدنيوية عشان ارزق دي. ان ربنا يرضى عني. وايه كمان؟ بس هو يرضى عني. ما هو لو رضي عني هياخد كل - 00:14:01ضَ

حاجة هاخد الحياة الطيبة. هاخد المتعة هاخد بقى كل اللزات. عشان كده عمرو بن العاص دخل على النبي صلى الله عليه وسلم بيقول حاجة غريبة قوي احنا ممكن نستغربها بس آآ عمرو - 00:14:16ضَ

لو انتم اتأملتم هتلاقوا حاجة تانية خالص. عمرو بيقول للنبي صلى الله عليه وسلم يا رسول الله تعني استمتع بشبابي انت الجملة دي اما بتسمعها من الشباب الجملة دي بقت مخطوفة اللفظ ده لفظ الاستمتاع والمتعة لفظ مخطوف - 00:14:33ضَ

مسروق محبوس حبسة ضيقة جدا في نفوس كتير من الشباب والفتيات محبوس حبسة يعني هبقى في كده من التشويش عنه والتشويه هو بيقول له يا رسول الله دعني استمتع بشبابي - 00:14:55ضَ

يا سلام ده عاوز يستمتع. طب ايه بقى متعته بقى عاوز كان يقابل بنات مسلا في الطايف ولا يروح ناحية حضرموت ويقعد بقى ويقضيها قال له ايه كانت قصته؟ هو عاوز يختم القرآن كل ليلة وعاوز يصوم كل ليلة. فالنبي بيرشده لأ اهدا فبيقول له دعني استمتع بشبابي. فسبحان الله - 00:15:13ضَ

الله فالواحد اما يجي يتأمل بقى في العمق ده هي دي المتعة فامان فمتعناهم هي دي المتعة فلنحيينه حياة طيبة حياة طيبة انت مش راضية على كل بلاءاتك وقاعدة عمال تتخانقي مع طوب الارض - 00:15:33ضَ

وتتخانقي مع نفسك وناس كتير جدا ربنا يعافي المرضى وكل حاجة بس في ناس بتمرض نفسها وبتستدعي اكتئابات واشكالات ده كله بسبب المشاكسة ومع القضاء والقدر انه فكرة الخنقة اصل انا ما خدتش اصل انا اتأخرت في الجواز اصل انا ما خلفتش اصل انا نصيبي طلع وحش اصلا - 00:15:53ضَ

كل واحد مشغول ازاي في ناس كده عندها مهارة كيف انغص على نفسي. هو بيستمتع بالحتة دي كيف انغص على نفسي؟ ازاي انا انغص عليها؟ واخدين بالكم؟ فدايما عنده قدر من التعاسة - 00:16:19ضَ

آآ عشان كده احنا محتاجين ان انا ربنا سبحانه وتعالى يرزقني يرزقني. ويوفقني ازاي انا يكون هدفي ويكون ليل نهار انا عايش على فكرة ربنا يرزقني الحياة الطيبة يقول ليس المراد منها الحياة المشتركة بين المؤمنين والكفار والابرار والفجار من طيب مأكل وملبس ومشرب ومنكح بل ربما زاد اعداء الله على - 00:16:40ضَ

الاولياء في ذلك اضعافا مضاعفة لذلك عم عمر ابن الخطاب رضي الله عنه لما دخل على النبي صلى الله عليه وسلم والحصير علم في آآ ظهر رسول الله صلى الله عليه وسلم - 00:17:15ضَ

فهو داخل على النبي صلى الله عليه وسلم بيقول له يا رسول الله يعني انت نايم هنا وكسرى وقيصر يتنعمون في النعيم. قال له ايه بقى الا وفي هذا انت يا ابن الخطاب! هو انت هنا - 00:17:31ضَ

انت لسة في الحتة دي لا اله الا الله والله احنا محتاجين نقول لناس كتير في حياتنا ونقول لانفسنا. او في هزا انت يا فلان! انت هنا يا ابني العجيب النبي قال له جملة الجملة دي ريحت عمرو والصحابة عمر والصحابة - 00:17:46ضَ

والعجيب ان هي هي الجملة ديت عاملة تشويش على كتير مننا يعني النبي صلى الله عليه وسلم قال له ايه؟ اما ترضى ان تكون لهم الدنيا ولنا الاخرة. الجملة دي الجملة دي انت بتخاف تقولها دلوقتي - 00:18:07ضَ

انت كداعي تخاف تقولها والناس يفهموني غلط وانت اصلا اما بتقرأها برضو ما طب وليه ومش ليه واخدين بالكم اما ترضى يا عمر ان يكون تكون لهم الدنيا ولنا الاخرة؟ - 00:18:24ضَ

الجملة دي سبحان الله من بلسم الشفاء وان من قوانين وحسن سياستك والتعامل في الدنيا تتعامل مع الدنيا ازاي تتعامل زي ما النبي قال كده اما ترضى ان تكون لهم الدنيا ولنا الاخرة - 00:18:38ضَ

طيب هو ايه المراد؟ كأن النبي صلى الله عليه وسلم بيقول لعمر دي وسيلة يا عمر نحن لا نبحس فيها مش ضمن طموحنا يا عمر ان طموحي اخرة وانا ماشي في الاخرة اه جه الدنيا بقى على قدي قد ايه حجمها قد ايه اللي بيجي والدنيا ماشية - 00:18:52ضَ

واخدين بالكم؟ ده المراد مش المراد آآ ما لناش دعوة بالدنيا وخلينا في الجامع وقافلين على انفسنا لا لا لكن هي الفكرة فين؟ احنا لنا مشغولين بها لكن اللي بتصحى وتنام - 00:19:12ضَ

اه هي اهم حاجة عندها الدنيا واللي بيصحى وينام معاييره دنيا هو عاوز يخطب يخطب مين الشيطان ييجي يضحك عليه. يقول له احنا بتعود اخرة وطبعا آآ بابا العروسة عاوز اخرة. طيب جميل يا جماعة انتم الاتنين اخرة! الله اكبر! ده كده احنا هنعمل فرح اخرة بقى - 00:19:27ضَ

نفاجأ بايه بقى؟ نفاجيء بحاجة تانية خالص الولد عاوز عاوز واحدة جميلة زات نسب ومؤهل اجتماعي معين وآآ كل المعايير بتاعة الدنيا هو حاططها بورقة وقلم. الدنيا دنيا. يعني الدنيا دنيا راشقة - 00:19:46ضَ

طب عشان هو اخ وملتزم مش عاوز يضحك على نفسه. فيروح عامل ايه وطبعا لازم اهم حاجة الدين يا شيخ اهم حاجة الدين يا شيخ. اللي هو الدين الهون. ما احنا دي برضو من ضمن الحاجات المهمة قوي. الدين مين - 00:20:10ضَ

الدين الذي انزله الرب سبحانه وتعالى اهم حاجة التدين ده ولا التدين اللي انت فاهمه واللي ماما فاهماه واللي تيتة فهماه واللي تيتة اصل ممكن في ناس عندها ان التدين ده المشكلة ان هي تاكل مع مع اخواتك - 00:20:25ضَ

عارفين انتم الاخوات اللي تكون منتقبة مسلا واحد يتزوج اخت منتقبة فتلاقي ايه حماتها بقى وحماه ومش عارف ومين وياكلوا معه ايه ياكلوا مع بعض يا جماعة المادة متدينة يعني المفترض ده الف به يعني ده حاجات من سنة ما اخدناها في اولى تاني - 00:20:39ضَ

لأ آآ لا اللي فيها. وبعدين نطلع المصيف مع بعضنا واللي فيها. ايه ده مش بتسلم على البنات ليه؟ في ايه؟ لا لا ده على فكرة انتم هو تدين مين ده بقى - 00:20:57ضَ

ان شاء الله والعكس الناحية التانية الراجل يتقدم له حد فيقول له ايه نبص آآ المزاهر ديت ولا تشغلنا احنا اهم حاجة معدن الولد. واهم حاجة دين الولد. جميل لا كل معاني التدين الحقيقية موجودة - 00:21:08ضَ

وكل معاني الرجولة والمسؤولية والرشد موجود نسكت لأ آآ طبعا بنتنا آآ انتم عارفين انها دير صيدلة خلاص يبقى لازم اللي يتقدم يكون ايه؟ على الاقل معه حرف الدال لكن غير حرف الدال طب انا اعمل به ايه ده بقى ؟ لو جا لي الميم ده انا اعمله ايه ؟ لأ لازم حرف الدال - 00:21:30ضَ

فلازم دكتور عشان يناسب هدير ما تصحى من النوم تلاقي جنبها حرف غير الدال ده ممكن تموت فيها ممكن اصلا تفقد الجنة وخلي بالكم كل الكلام ده هي لله هي لله. احنا عاملين الكلام ده عشان الاخرة - 00:21:52ضَ

فهو بيدور على دكتور لبنته والدكتور ده لازم يكون عنده سكن مهم جدا جدا يكون ملك. ليه؟ انت عارف يا شيخ سكن الايجار ممكن البنت تدخل به النار مشهورة جدا معروفة لسكن الملك ده لأ الملك ده بيقرب من الفردوس الاعلى ده دليل ان هي حجزت مكان في الفردوس الاعلى - 00:22:07ضَ

لكن لما ترزق وتبتلى بواحد هيأجر لأ طب انا ايش ضمني ان هو هيكمل في النعيم ده فلازم يبقى عنده شقة ولازم يكون عنده سيارة ولازم يكون عنده شهادة كزا ولازم يكون ولازم يكون ولازم يكون ولازم يكون. الولد يا عيني عمل كل الكونات دي كلها - 00:22:30ضَ

افاجئ بيعي ده بالنسب ده طلع نسب وده ما فيش مش عارف ايه. طب الوضع الاجتماعي بتاعهم ده طلع الوضع الاجتماعي ده ما فيش كزا ده ضمانته ربة منزل. يا ربي - 00:22:50ضَ

واخدين بالكم؟ وادي حد اهو بيقول لك مش دكتور عشان يبقى مع الدكتورة ويشتغلوا في المستشفى ومين قال احنا اصلا احنا هننزلهم ونشتغل في المستشفى يعني هل ده غلط لو دخلت امومة واعية هتفهمي ده غلط ولا صح - 00:23:09ضَ

بصوا يا جماعة اوعى تسمح ان سمحت ان في حاجات تتسرق منك ان عقلك هو عقلك والتصور الحقيقي عن الدين والتصور الحقيقي عن الانوسة يتسرق منك خلاص يعني لو في حاجة هتتسرق منك ما تخليش انوستك تتسرق منك - 00:23:22ضَ

النقطة دي مهمة جدا ادراكها. زي ما زمان كان في وقت للانسى اليومين دول فيه وأد للانوسة في وأد للأنوسة الكلام ده هتعرفوه بالتفصيل لو دخلتم قوموا وعيان. ما دخلتوش اديكم استفدتم ان شاء الله. نرجع - 00:23:45ضَ

الفكرة فين؟ ان الحياة الطيبة دي النبي صلى الله عليه وسلم بيقول له اما ترضى ان تكون لهم الدنيا ولنا الاخرة يعني ايه لنا الاخرة؟ انا بصحى من النوم مشغول بالاخرة. مش هاصحى من النوم كل همي ايه؟ آآ دنيا دنيا بس انت عاوز شهادة ليه؟ معنا عشان آآ - 00:24:03ضَ

آآ عشان ايه؟ عشان انا اجيب سكن جديد. طب والسكن الجديد ليه؟ عشان اكون في وسط مجتمع سعيد. طب والمجتمع السعيد ده وسط ايه؟ عشان اتعلم فريد والتعليم الفريد ده عشان ايه؟ عشان عيالي يكونوا متميزين ويكونوا متميزين ليه؟ عشان يعرفوا يعيشوا في الدنيا وعشان يعرفوا يعيشوا في الدنيا ليه؟ عشان - 00:24:20ضَ

رحلة الاب للتعيس. واخدين بالكم؟ ادي ده المنزومة. ده واحد عايز صاحي ده الدنيا دنيا محض في واحد بقى تاني آآ بيبدأ ياخد ايه بيشتغل اه انا هاخد الشهادة ديت ليه - 00:24:40ضَ

الشهادات دي هتنفعني ان انا اعف وربنا يرزقني مال حلال يعيني والمال الحلال ده انا عارف ان انا هتسأل على الحاجة ديت يوم القيامة وتعيني على اخرتي تعيني على اللي انا انفق في سبيل الله تعيني ان انا اتزوج واعف نفسي - 00:24:58ضَ

دايما في اخرة في المشهد في اخرة في المشهد. ماشي؟ ايه المشكلة ان في الاسرة تاكل على السفرة مع بعض؟ الاسرة اللي هي مين؟ حضرتك بنتك وابنك ما هو لازم ياكلوا مع بعض ده بالعكس ده حاجة جميلة - 00:25:14ضَ

لكن النهاردة يعني ايه ان مرات ابنك المنتقبة تيجي تقعد مع ابنك اللي هو اخويا يعني آآ ويقعدوا على سفرة واحدة. ده اسمه ايه حضرتك؟ ده اللي انا اقصده اكيد حضرتك ما تقصديش كده يعني تسألي اكيد انت فهمتي الكلام غلط - 00:25:28ضَ

يا جماعة النهاردة بنتي اتجوزت واحد الواحد ده عنده اخ ليه تقعد هي معه وناكله مع بعض يقول ابن القيم وقد ضمن الله سبحانه وتعالى لكل من عمل صالحا ان يحييه حياة طيبة - 00:25:47ضَ

ان يحييه حياة طيبة. فهو صادق الوعد الذي لا يخلف عنها. طبعا الاخت اللي بتسأل بتقول هو لازم تكون منتقبة لا طبعا مش لازم تكون منتقبة. ده انا بس باكد - 00:26:07ضَ

ان في في الصورة ديت اشد واشد يعني لو اعترضنا بيحصل مشاكل ما فيش مشاكل اكبر ما فيش مشاكل هتقابلك اكبر من المشاكل اللي هتقابلك في قبرك فشوفي الهين اللي هتشيليها والهين اللي هتستحمليها والهين اللي هتضحي بها - 00:26:17ضَ

يقول ابن القيم فهو وقد ضمن الله سبحانه وتعالى لكل من عمل صالحا ان يحياه حياة طيبة فهو صادق الوعد الذي لا يخلف وعده واي حياة اطيب من حياة من اجتمعت همومه كلها - 00:26:38ضَ

وصارت هما واحدا في مرضات الله يا سلام على الكلام اللي هيخليني اقفل الايه الشات شوية كده عشان الناس اللي بدأت تسأل هو الطعمية هنجيبها منين والفول بيجي منين يكون بالزبدة ولا بيكون بالزيت الحار - 00:26:56ضَ

فاحنا خلينا بقى ايه مع الدواء والدواء. ابن القيم واي حياة اطيب من حياة من اجتمعت همومه كلها وصارت هما واحد في مرضاة الله يقول ولم شعث قلبه بالاقبال على الله. ولما شعث قلبه بالاقبال على الله. بيقول فيه حد اطيب من الناس ديت يا جماعة؟ فيه حد عايش حياة اطيب - 00:27:14ضَ

من واحد اجتمعت همومه كلها جمع الهم بتاعه كله. خلاه ايه؟ هم واحد. ايه هو الهم ده؟ قال مرضاة الله. وصارت هما واحدا في مرضات الله ولما شعث قلبه شعث القلب تشتت القلب. يصحى من النوم قلبه متشتت. لزلك كان بعض الصحابة - 00:27:43ضَ

يستعيذ بالله من شتات القلب. قالوا وما شتات القلب؟ قال ان يكون لي في كل واد مال شفتم هم شايفينها ازاي واحنا نقول لك ايه لأ حط فلوسك في كزا حاجة حط في الدولار وحط في الدهب وحط في العقارات وبعد ما تخلص في العقارات حط في الشاليهات الشاليهات برضو حلوة على فكرة - 00:28:03ضَ

شقى من برة خليج واوروبا والدنيا ايه جميلة وعادي جدا لو جبت بقروض ربوية ما فيش مشكلة هي كله لله ان شاء الله يعدي الدماغ بقى بتفكر بالعقلية دي فلكل وفي كل واد يكون له مال. طب ايه المشكلة شتات القلب؟ دي تابع ده ويتابع ده ويتابع ده ويتابع ده ويتابع ده. والقلب يا جماعة - 00:28:20ضَ

اتخلق ان له نافزة واحدة له شباك واحد الشباك ده لما بتوجهه لجهة السماء الدنيا بتبقى صافية والارض دي بيبقى ياخد بها تخاطيف. لكن اما شبابيك القلب كلها تحت بصة تحت. الشتات عالي اوي. فابن القيم بيقول لك ايه؟ في - 00:28:42ضَ

حياة اطيب من حياة واحد اجتمعت همومه كلها وصارت هما واحدا في مرضات الله. ولما شعث القلب بالاقبال على الله. واجتمعت ايراداته وافكاره التي كانت منقسمة بكل لواد منهما شعبة على الله - 00:29:02ضَ

فصار ذكر محبوبه الاعلى. يا سلام على الكلام الرايق فاول ما تصحى كده من النوم كده على الصبح كده تسمع الكلام الرايق ده تحس ان الكلام ده بيغسلك من جوة. كلام بينعشك - 00:29:19ضَ

يقول لك فصار ذكر محبوبه الاعلى وحبه والشوق للقائه والانس بقربه هو المستولي عليه ايه ده يا جماعة؟ حتى النقيب ده كان عاوزين كده نعمل له صفحة وهنزل وننزل له كل يوم كده ايه التويتة. حاجة كده آآ منجم - 00:29:33ضَ

هو بيقول انك تصحى من النوم تصحى كده اول ما تصحى من النوم يبقى كل همك كل شغلك زكر محبوب الاعلى اول ما يصحى من النوم يكون ايه اللي شاغله - 00:29:54ضَ

الحمد لله الذي احيانا بعد ما اماتنا يذكر ويشكر الرب جل وعلا العلي الذي احياه بعد موته ربنا احياني انا. اه انا اشكر ربنا سبحانه وتعالى يبقى ماشي رايح يصلي الفجر يبدأ يقول اللهم اجعل في قلبي نورا - 00:30:10ضَ

مشغول به بالقرب من ربنا مشغول بالنور اللهم اجعل في قلبي نورا وفي سمعي نورا وعن يميني نورا وعن شمالي انه قاعد مشغول بنشيد النور واخدين بالكم وبعدين ابنه بيقول له انا مكسل انزل اصلي يقول له يا ابني لأه يلا بشر المشائين في الظلم بالنور التام يوم - 00:30:32ضَ

يوم القيامة مشغول بالشوق للقائه لان الدنيا دي ربنا اعطاها لك عشان ابدأ اشتغل وتملى سيرة زاتية لك تشرفك عند اللقاء اللقاء مع الله سبحانه وتعالى فانت واخد فرصة الفرصة دي تملى بها صحيفة. الصحيفة دي يبقى ده اللقاء المشرف بين يدي الله سبحانه وتعالى - 00:30:59ضَ

هو ده اللقاء المشرف؟ ايوة هو ده اللقاء المشرف. ناس كتير يتلخبطوا لما ما بيعرفوش كده ناس كتير يقول لك ما اصلحنا وربنا خلقنا ونعيش حياتنا والكلام ده كله. لكن اول ما يعرف - 00:31:38ضَ

وربنا سبحانه وتعالى جابك ليه هنا انت جيت ليه الدنيا؟ يعني ايه ايمان والله الايمان ده هو اوله معرفة الله واخره لقاء مشرف مع الله لقاء مشرف مع الله. والقضية الكبرى للايمان ده انك تكون عبد - 00:31:52ضَ

لله سبحانه وتعالى شوفتوا بقى ببساطة لما تعرف ان المسلم يعني ايه اسلام؟ هو ده اسلام يعني طريق بدايته انك تعرف ربنا نهايته لقاء مشرف مع الله سبحانه وتعالى. ده المسلم الحقيقي - 00:32:15ضَ

انت تسألي نفسك النهاردة وانت تسأل نفسك النهاردة هل امبارح اليوم اللي عدى امبارح ده ده من من الايام التي تشرفك بين يدي الله احنا كده كده احنا اتفقنا ان في يوم احنا احنا هنقابل ربنا. ما منكم من احد ما منكم من احد الا وسيقابله الله وسيتركك - 00:32:30ضَ

مع الله سبحانه وتعالى ليس بيننا وبينه ترجمان. احنا ما فيش واحد مننا الا خلاص هيقف بين يدي الله ايوة انت يا اللي عندك ستاشر سنة يا اللي بتقولي ايه مش انا. الكلام ده الشيخ بيكلم الناس اللي حاضرة على البس بتاع التليجرام مش البس بتاع الزوم. لأ انت - 00:32:56ضَ

اه وانت يا حاج ياللي عامل نفسك مش واخد بالك وقاعد ايه ماسك الكوباية وبتشرب. انت حضرتك هتتسأل السؤال ده وانت يا نجم اللي عندك واحد وعشرين سنة. وعضمان ترتب الرحلة الطلعة الجاية دي رايحة فين - 00:33:17ضَ

اه لازم تبقى انت مدرك انك لك لقاء مع الله سبحانه وتعالى. اللقاء ده بقى هيكون مشرف ولا لا؟ طالع رحلة بعد اسبوعين رايح الساحل انا وزمايلي جميل ماما قاعدة اومال تشد علي تقول لي ما ينفعش تروحوا مع بعض ومش عارف ايه وانتم شباب يا ماما ده احنا كلنا مدرسة اسلامية يا ماما ده احنا كلنا ناس طيبة ده يا ماما احنا - 00:33:30ضَ

خدمة اليمامة ويا بابا وقبل ما انت تقولي له ينفع ولا ما ينفعش لازم انت تسأل نفسك سؤال الطلعة اللي جاية دي يوم اللقاء بينك وبين يدي الملك سبحانه وتعالى - 00:33:51ضَ

هل الطلعة دي هتكون من الحاجات اللي تشرفك بين يدي الله لبسك اللي انت قاعدة امالط كل شوية اتكلمي واتناقشي فيه. اللبس اللي انت نازلة به الجامعة اللبس اللي بيتقال عليه شيك ده - 00:34:07ضَ

ده هيشرفك بين يدي الله طريقة اللي انت بتتعامل بها مع زوجتك دي وطريقة الاعضال اللي انت قاعد ايه لا منك وزواج ولا منك طلاق ولا وخلاص هو بس اعضال كده وخلاص - 00:34:26ضَ

انت وانت مبسوط الباستا بتاعتك دي او انت مش مشغول ولا همك وقاعد ما ربنا هيغفر لي الطريقة ديت انت حاسس ان ده هيشرفك بين يدي الله الله المستعان. مين اللي هيبقى مشغول؟ ابن القيم بيقول فصار ذكر محبوبه الاعلى - 00:34:42ضَ

واحد لا يزكر الصابرين لا يزكر الله في الصباح والمساء. واحد ما بيقولش ازكار الصباح والمساء يا جماعة واحد لا يقرأ ورده هل ده من الناس اللي مشغولة بلقاء الله - 00:35:08ضَ

يعني ايه مش ايه الدليل ان هو مش مشغول؟ من اكبر الادلة انت ما قرأتش وردك النهاردة من اكبر الادلة انك في غفلة ولا تشتاق للقاء الله. ليه لان انا لو مشتاق للقائه - 00:35:19ضَ

اقرأ الورد عشان لو هقابل النهاردة ربنا سبحانه وتعالى وهاموت النهاردة يكون اخر يوم قابلته هكون مشتاق له اقول له يا رب انا كنت الان اليوم من ساعة كنت بقرأ كلامك - 00:35:35ضَ

طب لو انا هموت بكرة ما انا هقرأ ورد بكرة بس انا بقرأ مسلا العصر انا هقرأ العصر ونمت الضهر هكون رايح يا رب ده انا كان باقي ساعة قبل ما اجي كنت هقرأ وردي - 00:35:49ضَ

واخدين بالكم فده عنده شوق الى لقائه. طب والانس بقربه؟ عمرك ما هتعرف يا جماعة فيه معاني لن استطيع ان آآ يعني اكلمك عنها الا ان زادتها في اكلات كده ما اعرفش اوصفها لك. اداني اقول لك بص الناس بتستمتع بها وبتاع بقى في الاخر هقول لك بص المطعم ده بيبيع الاكل ده. رح كل اللي عندهم - 00:36:05ضَ

هو نفس الكلام القرب من ربنا فيه انس في انس كده عجيب انت بتحس بانس رهيب. وانت بتقول الازكار كده. ده انت بتصحى من النوم بيجي لك انس وحب لدرجة تقول اللهم ما اصبح بي من نعمة - 00:36:27ضَ

او باحد من خلقك فمنك وحدك لا شريك لك ربح انا جاي يا رب اشكرك على اي نعمة انا صاحي هي عندي سواء انا منتبه لها او غير منتبه. او موجود عند اي خلق - 00:36:46ضَ

طب وايه اللي حصل جوة قلب الانسان ده عشان يقول الزكر بالطريقة دي ومش واسكت اللهم اني اصبحت اشهدك واشهد حملة عرشك وملائكتك وجميع خلقك ايه يا عم في ايه اللي جوة؟ الاشهاد الاكبر. انا مش قادر انا مش قادر اصحى من النوم - 00:37:00ضَ

ولا اشهد الرب على جمال التوحيد اللي جوة قلبي ندى واحد بقى ده ده رايق بقى رح بقى الشغل بقى وراكب عربية باربعة مليون ولا فارق معها ليه؟ لان هو راجل بوصلته فوق مش تحت - 00:37:19ضَ

فصار ذكر محبوبه الاعلى وحبه والشوق للقائه والانس بقربه هو المستولي عليه. شف ابن القيم عنده اللفظ عامل ازاي؟ مستولي كأن حاجة واخدة القلب ده وعايناه الله اكبر وعليه تدور همومه وهمومه واراداته وقصوده. همه قعد متروس وعشان كده ما تلاقهوش ابدا ابدا - 00:37:33ضَ

الشخص ده قاعد في في الشغل والضهر يعدي وانه خلاص عدى عليه ساعة والساعة التانية دخلة والباشا ويقول لك اخر اخرة ايه يا عم انت ولا هي قاعدة في جمعية خيرية وبتقول لك اصل احنا لله ولله واختلاطات ويعني الدنيا لخبطة - 00:37:59ضَ

وتقول لك انا همي كده وهمك اخرة مستحيل مستحيل اقبال الدرجة ديت واللي بياخد منه فلوس الجمعيات قاعد بيلم فلوس زكا وبتاع ويقول لك انا من العاملين عليها. وقاعد يسحب يسحب ويسرسب من الفلوس ديت وبتاع. ده هم اخرة ده ده مركز - 00:38:20ضَ

في الاخرة ده عشان يبقى عنده الجرأة الرهيبة ديت على الحاجات دي كلها وعليه تدور همومه واراداته وقصوده بل خطرات قلبه. فان سكت سكت بالله. يا سلام يا سلام وان نطق نطق بالله. اتكلم اتكلم - 00:38:39ضَ

وان سمع فبه يسمع. وان ابصر فبه يبصر عارفة الدعاء آآ اه بك حاكمت اه بك حكمت لك خاصمت. انا خاصم يا رب لك انت. انا حاكم انا ما باخاصمش حد الا لك. وان ابصر فبه يبصر وبه - 00:38:58ضَ

وبه يمشي وبه يتحرك وبه بص وبه وله وبه استعان وله عبادة. وبه يسكن وبه يحيا وبه يموت وبه يبعث. كما في صحيح البخاري من الحديس شف بقى الحديس بقى ايه - 00:39:21ضَ

حديس المنجم الدهب يقول في الحديث القدسي يقول رب العلي سبحانه وتعالى ما تقرب الي عبدي بمثل اداء ما افترضت عليه يعني العبد لن يتقرب الى الله زي ما هيتقرب بالحاجات الواجبة - 00:39:36ضَ

ياللي بتصلي قيام ليل ومش لابسة الحجاب الشرعي المنضبط انت بتتقربي الى الله باشياء ليست الاجمل والاحب افهمي الدنيا كويس. مش معنى كده انك توقفي قيام ليل لا معنى كده انك - 00:39:56ضَ

سل الله في قيامك لليل ان تعاني وتلبسي الحجاب المنضبط ما تقرب الي عبدي بمثل اداء ما افترضت عليه ولا يزال ولا يزال دي اجمل لا يزال هتقابلك في حياتك - 00:40:15ضَ

ولا يزال عبدي يتقرب الي. دا مشغول بقى بايه؟ الي دي. هو الراجل بيصحى وينام فين الي؟ ماشي الصبح كده يقول هنفق فين؟ انا النهاردة هتصدق فين؟ انا فلوسي عاوز النهاردة كده ايه؟ انعش مالي عاوز كده ابخ بخة السعادة - 00:40:31ضَ

على مالي اعمل فيه ايه ؟ ومما رزقناهم ينفقون. ده دي من اوائل سورة البقرة. دي من اوائل سورة البقرة اول خمس ايات دي بتاعة الارشادات بتاعة اولى اول في الالتزام. اول حاجة تقابلك في اول فصل في المدرسة. لازم تتربى على المعاني دي اللي هي - 00:40:51ضَ

مما رزقناهم. مما رزقناهم ينفقون. المال مش مالي اصلا ربنا اللي اداه لي وطلب مني بعضه اه وينفقون مضارع يوميا بطلع كل يوم بطلع ولا يزال عبدي يتقرب الي بالنوافل حتى احبه. طب بالله عليك لو خدت حتى احبه اللي ما خدتوش - 00:41:10ضَ

يلا يا عم قل لي ايه اللي ما خدتوش ؟ ايه اللي انت ما خدتوش؟ حتى احبه. يحبك الغني الذي له ما في السماوات والارض. حتى احبه الصمد الذي تصمد اليه - 00:41:34ضَ

الخلائق بما فيهم الانبياء اشرف الخلق يصمدون اليه. انت الصمد بيحبك انت حتى احبه المهيمن المسيطر على هذا الكون اللي كلامه مهيمن على الكون كله الذي لا معقب لحكمه يحبك - 00:41:47ضَ

الجميل الودود يحبك ايه يا عم انت في حتة تانية خالص حتى احبه. فاذا احببته اذا احببته ايه بقى اللي هتاخده بقى؟ اذا احببته دي هتاخد ايه كنت مش باركت كنت سمعه الذي يسمع به - 00:42:07ضَ

يا جماعة انت خلاص جوارحك ما عادتش زي ما عادتش جوارحك بتاعة زمان. جوارحك خلاص بقى اتغيرت بقت حاجة جديدة خالص. كنت سمعه الذي اسمعوا به خلاص بقى تبقى قاعد على النت كده مشكور والله العظيم يا جماعة اقسم بالله فيه ناس - 00:42:28ضَ

الموبايل بتاعه واللاب بتاعه. معه بقى له خمس ست سنين. انا اعرف حالات كده كتير والله يا جماعة لو بحستم لو في حاجة لو عارفين السجل بتاع الموبايل او بتاع اللاب السجل اللي يقول لك انت عملت ايه؟ بحست عن ايه؟ دخلت صفحات عاملة ايه؟ بص - 00:42:48ضَ

بصيت على ايه الحاجات دي كلها والله اعرف خلقا اعرف ناس ما عنده حرف غلط بحس عنه حرف هو في حتة تانية. خلاص انت تيجي تقول له ده ما فيه مقاطع كده خل بالك بتطلع لك كده على مواقع التواصل وبتعمل لك واعلانات والكلام ده كله ما هو مصروف يا جماعة ده العبد المصروف - 00:43:12ضَ

صرفه الله لنصرف عنه السوء والفحشاء. ليه؟ اصله ده ده حد مختلف ده انسان مختلف وده ان شاء الله في برنامج الحسنى هيتضح الحاجات دي بتيجي ازاي. فاذا احببته كنت سمعه الذي يسمع به - 00:43:46ضَ

يبقى ماشي كده يبقى قاعدين تلاقيه كده والدنيا زحمة والدنيا ضغط ودرجة الحرارة تلاتة واربعين والناس بتلزق وما حدش طايق حد وعند الاشارة ومش عارف مين خابط توكتوك جارح عربية مين وبتاع والدنيا وبعدين هو يقول لك ايه - 00:44:05ضَ

يروح باصص لك كده يقول لك ايه والله نعيم تقول له ايه اللي نعيم انت فاكر بقى ان الحاجات اللي انا حاجيتها دي من نعيم يقول لك لأ سامع تقول له سامع مين؟ يقول لك ايه؟ سامع عبدالباسط - 00:44:22ضَ

وهو بيقرأ كده اواخر الانفال شوف شوف شوف الطلعة اللي هو طالعها دي. انت ترمي ودنك تلاقي ده في عربية ميكروباص ورا ورا ورا بعيد اوي. مشغل ولاقط. ايه يا عم انت فين اصل القلب - 00:44:35ضَ

ببتاع رادار القلب ده بيقفش حاجات معينة عارفين الرادار بيقفش السرعة والحزام والموبايلات والحاجات دي هو بقى راجل بقى لقيط ده ده بيلقط حاجات معينة وكنت سامعة. يسمع كده كلام حتى الكلام المشوش ما بيسمعوش. ولو سمعه ما بيلزقش في ودنه - 00:44:53ضَ

وبصره الذي يبصر به البصر العين رادار جميل رادار جميل ويده التي يبطش بها حركة ايده حركة رجله ورجله التي يمشي بها. ليه؟ خد يا جماعة الراجل ده ليه كده؟ خد حتى احبه. هو خد حتى احبه - 00:45:17ضَ

الله اكبر فبي يسمع وبي يبصر وبي يقطش وبي يبطش وبي يمشي طيب ده خد العطاءات ديت. هياخد ايه كمان بقى ولئن سألني لاعطينه ده يسأل ياخد ده يسأل ياخد - 00:45:42ضَ

وعلى فكرة يا جماعة ولو ما خدش الحاجة المحسوسة اللي بيطلبها حالا هو عارف انه خد اول حاجة خدها ايه الرضا عن الدعاء ان هو يدعي ربنا سبحانه وتعالى يا جماعة ده من اجمل العطايا ان يسمح لك تسأله - 00:46:11ضَ

ويسمح لك تسأله بنفسية المنكسر الطامع مش بنفسية اللي جاي لحقوق. لأ ده ما هو ده عطاء كبير اوي ولئن سألني لاعطينه ان شاء الله هتلاقوا التفسير ده في ايه وقربناه ناجيا قريبا بازن الله. ربنا يأسم به - 00:46:32ضَ

وخروجه. ولئن استعاذني لاعيذنه وما ترددت عن شيء انا فاعله ترددي عن قبض نفس عبدي المؤمن يكره الموت اي العبد يكره الموت واكره والرب جل وعلا يكره مساءته ولابد له منه - 00:46:54ضَ

ده حديس ده ده حديس ده ترفع له القبعة وتنحني له الرؤوس وكذلك كل احاديس التي نقلها رسول الله صلى الله عليه وسلم يقول ابن القيم فتضمن هذا الحديث الشريف الالهي - 00:47:13ضَ

الذي حرام على غليظ الطبع ابن القيم ده نجم كبير قوي بيقول ان الحديس ده حرام على غليظ الطبع كثيف القلب فهم معناه. والمراد به حرام دي زيه حرمنا عليه المراضع. بصوا يا جماعة ده مش هيفهمه - 00:47:31ضَ

مش هيفهم الشغل ده آآ حد ايه بقى قلبه غليظ وقلبه مليان جلخ وران ودنيا ما فيش بقى يقول حصر اسباب محبته في امرين. هم حاجتين اتنين فعل فرائض والتقرب اليه بالنوافل - 00:47:51ضَ

واخبر سبحانه ان اداء فرائضه احب ما تقرب به اليه المتقربون ثم بعدها النوافل. وان المحب لا يزال. شوفوا يا جماعة المحب بيعمل ايه؟ عشان لما تيجي تقول لي انا بحب ربنا اه هقول لك بقى. اللي بيحب ربنا - 00:48:11ضَ

بيعمل ايه؟ اهو ابن القيم بيديك وانا قلت لكم قبل كده ميزة ابن القيم ان هو بيديك ايه بيديك مؤشرات كده زي ما انت تروح للدكتور ويقول لك اعمل لي تحليل واعمل لي اشعة وبنقيم بيقول لك خد الاشعة وخد السكة كلها عشان تفوق قوي - 00:48:28ضَ

فبيقول لو ان المحب لا يزال يكثر من النوافل حتى يصير محبوبا لله. والله يا جماعة الكلام ده تقيل قوي كلام كلام ممخمخ كلام كده ينعشك. المحب شغال ما بيقفش زي ما اهل الدنيا شغالين ما بيقفوش يصحى من ايه يصحى من بعد الفجر يدوبه يفطر. آآ وبعدين يبدأ على طول يجهز - 00:48:44ضَ

جلابية ولا ايه اللبس بتاعه انزل يلا بسم الله. وينزل من الساعة تمانية ويلحق البصمة عشان ايه الجدية بقى جدية جدية. هو طالب بجدية حقيقية. ويلحق البصمة الساعة تمانية ويبصم - 00:49:10ضَ

وده انه قاعد على المكتب خلاص بقى ومش بيدنه ينفخ بقى وقاعد على المكتب وشغال على اللبوة اللي عنده عمال وبيحرك الدنيا ولا فاتح المحل بتاعه والدنيا ويشوف الايميلات بتاعته - 00:49:28ضَ

فين على الساعة اربعة بقى كده ايه يبدأ ايه وما ينفعش يرد على التليفونات بسهولة ما راجل جد جد ليه ما انا راجل بيحب سواء بيحب او هو المهم هو لو مش حابب شغله هو حابب الاسر من شغله - 00:49:41ضَ

اللي هو المال يعني. وان المحب لا يزال يكسر. فيه ناس بقى الناحية التانية بيصحى من النوم برضه؟ اه. مشغول. ما هو هو ممكن يكون العبد ده اللي شغال في الدنيا ده بس شغال - 00:49:58ضَ

ازاي اول ما ركب العربية هي اول ما خرج من بيته اول ما صحي قال ايه عاوز حاجة تقربه من حبيبه صح وبعدين لما خرج الذكر اللي بيقوله. وبعدين لما ركب العربية وبعدين وهو في الطريق بيسمع ايه؟ بدل بقى ما يسمع بقى اغاني ولا يسمع كزا ولا قاعد امال يتأمل في الجمال الطبيعي - 00:50:08ضَ

ماشي هو اللي قاعد شغال في السرحان اللا شيء ولا في قاعد بقى مشغل حاجة وقاعد امال يسمع ويركز ويشوف ويعدي يلاقي واحد فقير يدعي له بينه وبين نفسه كده لو راجل بعيد الناحية التانية - 00:50:27ضَ

واحد عربيته مش مساعداه يسأل الله سبحانه وتعالى انه ييسر له الوقت. راجل باع قعد امال يوزع طاقة من الحب اتفق على المسلمين ويجلب حسنات له وبتاع وقام يجي يركن ما يركنش في مكان مش بتاعه ولا يقفل على بيوت ناس ولا بيعمل كزا ولا يرمي الزبالة - 00:50:42ضَ

وهو ماشي قدام بيت حد انسان انسان كده جميل. انسان عارف ان كل خطوة هو عاوز يقرب اكتر مريض يرمي الحاجة من العربية يقول طب ما انت يوم القيامة اما تتسأل على الحاجة ديت هتعمل ايه يعني؟ ايه ده هو انا هتسأل؟ ايوا يا نجم مش قلنا المسلم بيقول ان صلاتي ونسكي - 00:51:02ضَ

يوم احييت ومماتي لله محياك لله وحياك لله انتم عارفين انتم للناس في بعض بلاد الله في بعض بلاد الله مش يعني في بلاد المسلمين لأ في بعض بلاد الله التانية - 00:51:20ضَ

تبقى نايم في امان الله كده وتسمع على الساعة واحدة الساعة عشرة بالليل الساعة واحدة بالليل اي حاجة كده اسمع كده خبطة كده تطلع تبص من البلكونة دي تلاقي بقى في واحد كده شاف الناس نايمة راح رامي ليه - 00:51:32ضَ

رامي كيس زبالة اهي من على اي ارض كده من فوق وبتاع. ده بيعمل ايه ده لو مستحضر ان فيه حاجات هيتسأل عنها يوم القيامة ده هيعمل الحركات دي مستحيل مدام فاتن وهي نازلة بتاخد الكيس بتاع المطبخ وتروحي عاملة فيها بقى ما شاء الله هي دي الوحيدة اللي زكية في الحي - 00:51:46ضَ

بص بيمين وشمال اه ليه لان هي هي مشغولة بمراقبة الخلق. هي لو كانت مشغولة بمراقبة الخالق مش هتبص يمين وشمال مين شايفها. واول ما تلاحز ان ما فيش حد في البلكونة - 00:52:09ضَ

تحرمي على طول الكيس وتجري وباقوا مخمرة ولابسة خمارها الجميل وبتاع ورايحة فين رايحة شغل تويسر على المسلمين رايحة فين يا حاجة رايحة ايسر عالمسلمين ادي الحاجة يقول ان المحب لا يزال يكثر من النوافل حتى يصير محبوبا لله - 00:52:19ضَ

فاذا صار محبوبا لله اوجبت محبة الله له محبة اخرى منه لله. فوق المحبة الاولى. ابن القيم بيقول لك ده بقى اسانسير الحب. هيجيب واحد التانية تدله على التاني وهكزا - 00:52:40ضَ

وشغلت هذه المحبة قلبه عن الفكرة والاهتمام بغير محبوبه يقول لك يا شيخ اطلعه ازاي من قلبي؟ واطلع الدنيا ازاي من قلبي؟ اصل احنا في غفلة. والله انشغل في في القرب من الله سبحانه وتعالى. شف ان هات هدي - 00:52:53ضَ

النبي صلى الله عليه وسلم في اليوم والليلة كان بيصلي النوافل كان الازكار عاملة ازاي كان هات الطاعات بتاعتك اعمل كده اعمل روشتة كده اسمها ميت يوم ميت عمل الصالح في اليوم والليلة - 00:53:10ضَ

غير الفرائض اعملهم اعمل روشتة كده لك اعمل قايمة ابتسامة في وجه اخيك. امر بالمعروف ونهي عن المنكر. آآ ازكار آآ آآ سقي زرع شف هتلاقي ميت حاجة تقدر تحطها في اليوم - 00:53:21ضَ

ويوميا بص على الورقة دي وحاول ايه تجري فيها وتشتغل عليها وتسمع عن الجنة والنار تحركك اوي الحاجات دي كلها يقول فشغلت هذه المحبة قلبه عن الفكرة والاهتمام بغير محبوبه. وملكت عليه روحا. ولم يبق فيها سعة لغير محبوبه البتة - 00:53:40ضَ

ناس كتير ممكن وهم بيسمعوني دلوقتي يقولوا لي يا شيخ والله ما في وقت للحاجات ديت ليه بقى ؟ اصل فيه وقت لحاجات تانية شغلاني تأكد يا نجم النجوم هيجي عليك وقت تتاخد من كل اللي شاغلك - 00:54:01ضَ

وتروح للحاجة اللي ما كانتش شاغلاك وتتحاسب على كل اللي ما كانش شاغلك ده عامل زي اللي رايح اسكندرية ولا رايح مطروح يصيف فمشغولي مشغول بالطريق. البنزينة قاعدة عمال يخلص - 00:54:15ضَ

واللمبة قاعدة امال تنور له وتدي له تنبيهات. خلي بالك باقي ستة كيلو وهالعربية هتفصل والباشا يقول لك ايه اصل انا لو نزلت عند اي محطة هتعطل هتتعطل طيب يعمل ايه بقى النجم؟ انت شايف ان هو اوحت زمانه في التفكير - 00:54:32ضَ

انه ماشي يلاقي نفسه على الاقليمي وقف. واول محطة قدامه تسعين كيلو بيعمل ايه بقى؟ انتم عارفين هيعمل ايه مشكلتك انك تبقى مش عاوز تمول لاخرتك وتفاجأ ان الدابة اتحبست ودخلت القبر - 00:54:50ضَ

يدخل قبره يلا بقى اصل انا كنت والله مش لاقي وقت اصل انا كنت عاوز اوصل بسرعة توصل ايه يقول لم يبق في قلبه اي في سعة لغير محبوبه البتة - 00:55:12ضَ

فصار ذكر محبوبه وحبه ومثله الاعلى مالكا لزمام قلبه مستوي مستوليا على روحه استيلاء المحب على محبه الصادق في محبته التي اجتمعت قوى حبه كلها له ولا ريب. هيبدأ بقى يتكلم بقى في حتة تانية خالص - 00:55:26ضَ

في تكملة الحديس ده. حاجة كده دهب. تنقله المرة الجاية ان شاء الله بازن الله نتكلم على الاسهاب اللي هيعمله الاستطراد لغاية ما يبدأ ينطلق ابن القيم وهو بيشرح الحديس ده الحديس ده يا جماعة من الاحاديس اللي كتير مقصر في فهمه والكتير مش عامله مشروع في حياته - 00:55:46ضَ

قلت لكم قبل كده انت محتاج ان يكون في مشروع في حياتك هدف من الاهداف اسمه حتى احبه عايشة شهادة انت عاوزة تطلعيها. زي ما عاوزة تاخدي شهادة آآ آآ مايستير ولا شهادة دكتوراة ولا شهادة مش عارف ان بي ايه ولا شهادة آآ - 00:56:08ضَ

بي ام بي ولا شهادة مش عارف ايه في الانجليزية في الانجليزي ولا شهادة ايه مش عارف التسويق ولا شهادة ايه في التصميم في شهادة انا عاوزك تطلعها شهادة ايه؟ حتى احبه - 00:56:24ضَ

يا جبريل اني احب فلان ده مشروعي عاوزه ابحس عليه لعل الله يرزقني اياه. مشروع اهل الله وخاصته مشروع الظل عندنا دلوقتي البقرة وال عمران مشروع ممكن اجيبه في التسعين يوم اللي جايين دول بتعوت ايه؟ الاجازة - 00:56:36ضَ

مشاريع كتير هتنفعك في وقت لا ينفع فيه مال ولا بنون لا مال ولبن مش هينفعك الا الحاجات ديت ربنا يحفزكم ويبارك فيكم ويسترنا واياكم واسأل الله سبحانه وتعالى ان يعافينا من كل سوء - 00:56:53ضَ

ويمن علي وعليكم بحسن العمل وحسن الخلق وحسن الختام. اقول قولي هذا واستغفر الله لي ولكم - 00:57:17ضَ