السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله. وبعد فاسأل الله سبحانه وتعالى - 00:00:00

ان يزينا واياكم بزينة الايمان. وان ينفع بنا وبكم حيثما كنا وكنتم. ويجعلني واياكم ممن رضي بالله ربا وبالاسلام وبمحمد صلى الله عليه وسلم. نبيا ورسولا واسأله سبحانه وتعالى في هذا الصباح وكل صباح - 00:00:22

ان يرزقني واياكم العلم النافع والعمل الصالح والرزق الطيب المبارك وان يجعل القرآن ربيع قلوبنا ونور صدورنا وجلاء احزاننا وذهاب همومنا وان يشرح صدورنا وان يصلح بالنا وان يعطينا واياكم سؤلنا - 00:00:43

في عفو وعافية وامن وامان ما زال الحديث حول كتاب الرجل المبارك رحمة الله عليه ابي عبدالله ابن القيم وكان يتكلم عن الامور المحبوبة فكان بيقول اذا رأينا الشخص يحب ما يحبه الرب - 00:01:01

ويكره ما يكرهه وكلما كان الشيء احب الى الرب كان احب اليه واثر عنده وكلما كان ابغض الى الرب كان ابغض اليه وابعد منه علمنا ان فيه من موالاة الرب - 00:01:30

بحسب ذلك يعني بيقول ان في ميزان عادل في ميزان ومؤشر مهم جدا. لو عاوز تحسب نفسك وتشوف. هل انت بتحب اللي ربنا بيحبه ولا لأ ؟ يا ولا بتكره اللي ربنا بيحبه - 00:01:46

فده مؤشر زاتي. ودي من الحاجات المهمة جدا جدا جدا بل الانسان على نفسه بصيرة ان الانسان يكون على نفسه مراقب ودايما مستبصر بتبصير الله اليه انك دايما اه مم تراجع نفسك - 00:02:04

وتشوف فعلا انت فين من من الحاجة ديت من الحاجات الجميلة في التزكية انك تضع مؤشر المؤشر ده يساعدك في الحاجة اللي انت عاوز تعرف هو ده زي كما قال النبي والاثم ما حاك في الصدر - 00:02:26

في حاجة كده بتحك في صدرك وكاره ان الناس تطلع عليها. وكاره ان الناس تعرفها. في فرق بين حاجة حلال انت عاملها وسر والكلام ده كله وانت كاره مش حابب الناس - 00:02:46

تعرف ده والاعتبارات انبهر بيك خاصة او في فرق انك بتعمل حاجة مش عارف هي حلال ولا حرام احدى المؤشرات انك يحك في صدرك وتكره ان يطلع للناس بس الاهم حاجة ايه؟ انك تكون اصلا - 00:02:59

من الناس اللي صدرها طيب. وتكون من آآ من اهل الاستقامة. لكن مش واحد يكون بعيد عن ربنا سبحانه وتعالى. يقول لك لا والله ما حك في صدري حاجة تجاه الموضوع ده - 00:03:15

والله انا بخرج انا وهي ونقف في الجامعة ولا عمر الموضوع ده دخل على قلبي حاجة. فانا حاسس ان هي حلال يعني. لأ طبعا مش ايه؟ مش اي صدر اه ولا اي ناس لان يقول لك عادي جدا ده كل الناس اللي حواليا كده لأ. الناس هنا يعني اهل الصلاح واهل التوفيق واهل العلم - 00:03:25

واهل السداد كما في حديث النبي صلى الله عليه وسلم انتم شهداء الله في ارضه. اللي يشهد له الناس ان هو من ان شاء الله يكون من اهل الجنة فهزا يرجى لي - 00:03:43

كما قال النبي وجبت وجبت. ثم قال في الحديث انتم شهداء الله في الارض. ففي حد مات وبعدين لقينا الصالحين واهل الاستقامة واهل توفيق واهل الخير يثنوا عليه خيرا ويتكلمون عنهم خير. ويشهدون جنازته. فهذا ان شاء الله من المؤشر اللي يرجى فيه - 00:03:57

كما قال النبي صلى الله عليه وسلم وجبت وجبت وده برضو يدينا ملمح مهم جدا. انك تاخد بالك من شهادة اخيك اخوك اللي انت قاعد تتكلم عليه وصدرك آآ يعني يعتلج فيه ما يعتلج. وانك كان دايما محتقن تجاه اهل الخير والكلام ده - 00:04:17

دول شهادتهم معتبرة شهدتهم معتبرة فبلاش تهمش يعني ايه مم رأي اخيك المسلم فيك ويكفي ان في الجنازة واحنا بنصلي على الجنازة وبندعي للميت. الميت ممكن ما تكونش تعرف لو دخلت تصلي في مسجد فيدوبك صليت الضهر لقيت واحد بيقول يا جماعة في صلاة جنازة ان شاء - 00:04:36

الله بعد تلات دقايق فانت قلت بالمرة كده ايه اصلي الجنازة ازا انت ما تعرفش مين اللي هيصلي عليه. كل اللي تعرفه ان ده راجل مسلم دخل المسجد. وحمل على الاعناق - 00:05:02

عشان يغادر تلك الارض ويكون اخر حاجة بينه وبين المسلمين الصلاة ديت يجي يصلي واحنا بنصلي بنقول ايه؟ اللهم لا تحرمنا اجره ولا تفتنا بعده ياه يعني انت بتقول ان انت طالب ان ربنا سبحانه وتعالى لا يفتنك بعد هذا الرجل. اللي انت ما تعرفوش. فكأن كان وجوده في الحياة وجود - 00:05:15

في الحياة ربما يكون كان سبب ان عامل نصاب وعامل وزنة ان العزاب ما ينزلش علينا وان هو كان امان وامانة لنا وكان بتوفيق الله حماية لك. وكان عافية لك - 00:05:45

ان الرب جل وعلا يشرع لنا صلاة الجنازة ويعلمنا النبي صلى الله عليه وسلم ان احنا ندعي كده لبعض وانا ما اعرفكش وانت ما تعرفش ما تعرفنيش وتقول كده. ده ان دل على شيء يدل على ايه - 00:06:00

ان احنا مهم جدا نكون يعني قلوبنا صافية تجاه المسلمين عروضنا تكون بتحسن الزن بالمسلمين. فمن ظهر منه الخير زننا به الخير وده دايما اللي يكون وده طريقة آآ نظرتك للامور - 00:06:14

ابن القيم بيقول ان الانسان اذا رأى من نفسه هو بقى بيراجع نفسه. يشوف هو بيحب اللي ربنا بيحبه ولا لا. يعني هل ويمكن اتكلمت معكم قبل كده رفع الآذان وان الناس تسمع - 00:06:33

في صلاة الفجر كده الصلاة خير من النوم. الصلاة خير من النوم. وانت نايم وتسمع مؤزن يؤزن الازان ده هل هذا مما يحبه الرب جل وعلا؟ اه فهل انت بتحب اللي ربنا بيحبه ولا لا؟ سمت المسلمات وهم ماشيين كده في الطرقات وماشيين - 00:06:49

في الجامعات وماشيين في كل ان يعني الحياة ملح الحياة وانت شايفهم كده متأزي ومتضايق ايه البنت ديت وهضمها تتريق على نقابها وتتريق على وتتريق على سمت هزا الاخ. وتتريق على - 00:07:09

هذه الظاهرة اللهم ان هذا كان هدي النبي صلى الله عليه وسلم. هذا كان هدي زوجات رسوله الرسول صلى الله عليه وسلم. بنات النبي صلى الله عليه وسلم كانوا كده. طب - 00:07:24

ليه بتتريق؟ انت ليه كاره ده؟ والله وبالله وتالله ما كرهت هذا الا لشيء في قلبك تجاه اشياء شرعها الله سبحانه وتعالى ما تقوليش بقى اصل انا مش عارف ايه. واحد بيكره النفقة في في زات الله. واحد بيكره الصدقات. في حين عنده اهم حاجة عنده. ان الارض - 00:07:35

بتاعته تكتر ان آآ العمارة بتاعته تزيد ان عربياته تزيد ان رصيده يزيد. طب ورصيد اخرتك ان شاء الله رصيد اخرتك انك قاعد بتحسبها بالجنيه في الدنيا وتحسب هنا قد ايه وهنا قد ايه وفي كل معاملة تدنك ايه تشوف تقدر ده بالفلوس - 00:07:55

بالعماير وتقدر ده بما ملك من الدنيا انت لو كده كنت عارف قارون كنت هتقول عليه كلام كبير اوي انت لو صاحبت الصحابة تقريبا ما كانش حد هيدخل بيتك الا ايه الاغنياء منهم بس - 00:08:14

كنت هتتعامل مع هؤلاء تتعامل لو النهاردة كنت مع النبي صلى الله عليه وسلم وكنت هتقول للنبي صلى الله عليه وسلم مش عاوز اقعد مع بلال مش عاوز اقعد مع ابن مسعود مش عاوز اقعد - 00:08:28

ثم هؤلاء انا عائز اقعد مع من؟ مع اصحابي الصحابة يا رسول الله اللي لهم مجتمع خاص كده خلي بالكم خلي بالكم انكم تتفاجئوا يوم القيامة انك فاكر انك داخل بقى ان قلبك سليم لا - 00:08:38

لم يكن سليم تجاه ما شرعه الله سبحانه وتعالى. النبي صلى الله عليه وسلم لما اظن في حديث ابي الدرداء رضي الله عنه آآ كان في يوم من الايام قاعد - 00:08:56

فكان ابو الدرداء بيحكي ان النبي صلى الله عليه وسلم في يوم من الايام اه ان في واحد مر عليهم في المسجد ان شاء الله يكون هو بالدردق يعني مر عليهم واحد في المسجد فقال اه - 00:09:09

النبي اللي بيقول فقال للرجل عنده جالس ما رأيك في هذا؟ انت ايه رأيك في في ده وابو زهر ان شاء الله. قال له ما رأيك في هذا؟ قال رجل من اشراف الناس. ده ده واحد من عيلة القوم يا رسول الله - 00:09:24

ده واحد ما شاء الله عليه وده بقى يا سلام عليه لو راح يخطب بقى بنتي ولا بنت عمتي ولا بنت خالي ولا بنت اخويا ولا بتاع والكلام ده. هذا من اشراف الناس. هو ظاهرا - 00:09:38

معياري انا خلي بالك الراجل اللي قال ده كان واحد مسلم ولا كافر؟ هو في واحد مر على النبي. فالنبي قال للي جالس عنده قال له ايه رأيك في ده - 00:09:49

الراجل ده اللي اتسأل وان النبي سأله كان كافر ولا مسلم؟ كان مسلم صحابي يعني كايه كصحابي يعني فاهم كويس صح لكن شوفوا النبي صلى الله عليه وسلم هيصحح له يقول له ايه - 00:10:02

فقال له النبي صلى الله عليه وسلم ماذا تقول في هذا؟ او ما رأيك في هذا؟ قال له رجل من اشراف الناس هذا والله حري ان خطب ان ينكح. ده ده اول ما يروح لاي بنت تتمناه - 00:10:15

وان شفع ان يشفع انا بس يقول اي حاجة يقول. فسكت النبي صلى الله عليه وسلم هذا سكوت المربي هذا سكوت المربي مش كل حاجة تعلق عليها لكن دون وبعد كده ايه هعلقك - 00:10:32

ثم مر رجل بعد ذلك فقال له النبي صلى الله عليه وسلم ما رأيك في هذا؟ طب ايه رأيك في هذا؟ قال يا رسول الله هذا رجل من فقراء المسلمين. ده واحد من ده غلبان ده على قده. هذا حري ان خطب الا ينكح وان شفع الا يشفع - 00:10:51

وان قال الا يسمع قوله يا الله فقال النبي لهذا الصحابي هذا خير من ملء الارض مثل هذا احنا دلوقتي عرفنا الحديس صح احنا عرفنا الحديس كان النبي قاعد في المجلس وكان ابو زر موجود قال له يا ابا ذر ارفع بصرك فانزر ارفع رجل تراه في المسجد - 00:11:13

وكان النبي يعرف هزا الرجل فنظرت فاذا رجل جالس عليه حلة واحد كده مديني عليه ابهة وكده قال له هو ده ده اشرف واحد في القاعدين وقلت هذا. قال يا ابا ذر ارفع بصرك فانظر اوضع رجل تراه في المسجد - 00:11:47

طب شف لي واحد اوضع واحد قال فنظرت فاذا رجل ضعيف عليه اخلاق. يعني لبس كده عادي فقال وقلت هذا فقال النبي صلى الله عليه وسلم والذي نفسي بيده وهذه من الاقسام النبي صلى الله عليه وسلم يقسم على شيء ده حاجة كبيرة قوي محتاج انك تركز فيها - 00:12:05

قال النبي والذي نفسي بيده فهذا افضل عند الله افضل عند الله يوم القيامة من قراب الارض مسل هزا يا الله مع الجمال بالله عليكم انت لما تسمعوا الحديس ده ايه اللي بتطلعوا منه - 00:12:35

يلا قولوا لي طلعتم ايه لما سمعتم الحديس ده ان الاسلام بيثني على الفقر ان الفاقد ده حاجة كويسة؟ لأ طبعا. مش ده المراد ايه اللي خرجته مني ان معاييرنا يا جماعة مختلفة - 00:12:59

معاييرنا مختلفة المعيار ده انت محتاج تراجع نفسك فيه اصل انت ممكن تبقى شايف ان انت والله العزيم الحمد لله انا معياري لله اقسم بالله الولد اللي اتقدم لبنتي ده ولا انا رحت اخطب البنت دي انا رحت اخطبها - 00:13:16

لله والله يا عم انت انت شايف ان البنت غنية. وان البنت ديت من علية القوم. وان البنت دي لها ارصدة قد كده. وان البنت دي مش عارف رئيس جامعة ايه ؟ وان البنت دي مامتها مشهورة جدا واصلا شغالة في الخليج. تيجي تقول لي انا رايح لله. يا حاج خلي بالك - 00:13:32

فكل واحد مننا يراجع بينه وبين نفسه بقى المعايير بتاعته اللي انت بتقوله مش هينفعك اللي هينفعك اللي انت عايش عليه ما دينك ما تقول في الرجل الذي بعث فيكم - 00:13:53

ما من ربك؟ مش من الرب آآ الصح من من الرسول اللي ايه؟ الصح. ما الدين الصح والحق؟ لا لا هو مش هيسألك عن الحق. هو يعرف الحق هو عاوز الدين اللي انت عشت عليه - 00:14:10

واخدين بالكم؟ الدين اللي انت عشت عليه ومت عليه وكنت مشغول به. دينك كانت الارض بتاعتك دينك كان اهم حاجة الماديات وتحسبها. دينك مع تعس عبد الدرهم. فيه ناس بتعبد الدرهم. ده كلام مين؟ كلام النبي صلى الله عليه وسلم. بس انا الحمد لله ما ليش - 00:14:25

القصة ديت هتعرف في قبرك وخلاص انت سنك خلاص كبر مش واخد بالك انك اقتربت وشمس عمرك تغيب من الاخطار ان كلما زاد عمرك كلما زاد تلبيسك على نفسك. اه ضمان تلبس على نفسك وتضحك على نفسك - 00:14:42

وهنا النبي صلى الله عليه وسلم في حديث ابي ذر والحديس الاخر اللي هو هذا خير من ملء الارض من مثل هذا ده بيقول لنا ايه؟ بيدينا معايير مختلفة تماما - 00:14:59

المعايير دي زي البنت اللي كانت بتقول اللهم لا تجعل ابني مسل هذه آآ وقاعدين يضربوا بنت كده يقول لها سرقت. زعلان اذا اديت فعلت وفعلت والبنت تقسم وهي مظلومة - 00:15:13

ففي واحدة شايلة ابن رضيع والنبي بيحكي لنا ان تلاتة اتكلموا في المهد منهم ولد كان صغير مامته شايلاه فالولد ده شايف بنت قاعدة بيبهدلوها وبتاع بنت كده مسكينة وامها قالت ام الولد ده قالت اللهم لا تجعل ابني مسلها - 00:15:26

فانطق الله الولد وهو رضيع قال اللهم اجعلني مسلها. يا الله يا الله النيوكو يكون يعني ان الولد ده ما يكونش يكون في نفس البنت دي تقي ويكون من اهل الايه - 00:15:45

البعد عن السرقة والبعد عن الفواحش والكلام ده كله. مهما اتهمه الناس ولما شافوا واحد عليه ابهة وبتاع والناس قاعدين يوسعوا له الطريق وعدي يا باشا واطلع يا باشا ومش عارف ايه. قالت اللهم اجعل ابني مسلها. فالولد راح ترك سدي امها - 00:16:02

وقال اللهم اجعلني مثله. يا سلام بالله عليكم الحاجات ديت بتخليك ايه بقى انك تهدى. اهدى تواضع كده واهدى الله يكرمك الوضع في معاييرك تواضع في حكمك على الناس. اهدى - 00:16:17

الوضع ده نعمة من الله سبحانه وتعالى في حديس يعني اظن ان كتير مننا ما يعرفوش. نعرف احاديس كتير في التواضع. بس في حديس اه اه كتير مننا ممكن لا ينتبه اليه - 00:16:32

يقول النبي صلى الله عليه وسلم يقول الله سبحانه وتعالى تبارك وتعالى من تواضع لي هكذا وجعل يزيد باطن كفه الى الارض وادناه. النبي صلى الله عليه وسلم شاور بكف الارض كده على اما انت تقول فلان ده قد كده وتقول ده هو يعني ايه صغير - 00:16:49

النبي صلى الله عليه وسلم بيشاور ببطن ايده للارض. وقاعد عمال يقللها. يقول من تواضع لي هكزا وجعل يزيد باطن كفه الى الارض وادناه رفعته رفعته هكذا. وجعل باطن الكف الى السماء ورفعها نحو السماء - 00:17:08

يعني النبي بيقول لنا ان ربنا سبحانه وتعالى يقول اللي يتواضع له كده ارفعه كده سبحان الله هو كده سجود مع اقتراب. السجود بيجيب اقتراب. سجود الجسد يدي اقتراب القلب وسجود القلب يعطي ايضا رفعة - 00:17:26

ولزلك لا تجد انسانا من اهل الرفعة مرفوع في القلوب. والناس تهتف بحبه الا وهذا مؤشر من المؤشرات القوية جدا جدا على ان هذا عبد متواضع والتواضع يا جماعة ما بيترسمش. التواضع ما بيتعملش. يقول لك فلان ده هيروح يعمل دور تواضع. لا يا جماعة. التواضع ده - 00:17:42

زي العطسة كده. ما تعرفش تقلدها. هي لوحدها موجودة. هو زي لون البشرة كده واخدين بالكم بيبان في كل تفاصيلك بيبان في كل التفاصيل بتاعتك. بيبان حتى والناس بتزعلك. بتبان جدا والناس بتضغطك. بيبان جدا وانت ماشي في الشارع. بيبان جدا وانت فرحان وانت - 00:18:06

وانت في كل حاجة الانسان ده متواضع بيبان وهو واخد جايزة وبيبان والناس تثني عليه. فالتواضع ده آآ حاجة اه يعني توفيق من الله سبحانه وتعالى. وبالمناسبة بالمناسبة التواضع ازا تمكنت منه - 00:18:25

فسيد انك غير متواضع. وانك مقصر فيه اللي بيقول لك الحمد لله انا متواضع اعرف ان هو ايه مسكين لسه واخدين بالكم؟ لأ لسة لكن هو يقول ايه؟ ارجو من الله. بحاول والله. بحاول اكون متواضع. ربنا يلهمني السداد. والله ربنا يعيني عليه. لكن الواحد مقصر - 00:18:48

خالص. انا متواضع الله المستعان. تلاقيه كده فعلا من جواه مش قدام الناس كده وبيدي كلمة فبيزبط القعدة لأ ابن القيم بيدينا ميزان عادل قوي فبنسميه هو الميزان العادل. ده ميزان مؤشر - 00:19:13

ليه؟ لان في ناس كتير قوي عندهم تشويش في في ابواب كتيرة قوي. آآ مسلا على سبيل المسال واحد بيدرس فقه مسلا ولا عقيدة ولا اي حاجة فيجي واحد يعلمه حاجة وبعدين يقول له سبحان الله المشايخ علمونا غلط - 00:19:29

والتفاصيل دي كلها. واخدين بالكم؟ فيه سؤال جميل. هل التواضع له علاقة باللبس والماركات وكده التواضع في القلب وله اثر في الخارج التواضع في القلب وله اثر في الخارج. انك تلبس لبس نضيف ده لا ينافي التواضع. ولكن السؤال الصح - 00:19:47

لو في يوم من الايام مامتك يا فاسدة التيشيرت بتاع اللي عليه المركب او القميص اللي عليه بتاع الماركة او البنطلون بتاع الماركة. واللي موجود الليل بنطلون العادي البنطلون بتاع باتا والحاجات البسيطة الشعبية ديت. تنزل تصلي به - 00:20:07

وتنزل تقابل به الناس ولا لأ هنا المحك هنا المحك. لا لا مش هينفع اطلع. لا لا مش هينفع اعمل كزا. لا لا مش هعمل كزا. عندي انا فمن كده. واخدين بالكم - 00:20:24

وبعدين بقى معلش يعني هو انت ما بتلبسش الا ماركات يعني كل لبسك كده عندك مشكلة وعندك مشكلة كبيرة مش صغيرة مش مرتبطة بقى بالتواضع وعدمه لأ ده مرتبطة بنظرتك للحياة - 00:20:37

وبالمناسبة اللي زيك اه مش هيدفع فاتورة ابدا فاتورة الكبد بتاعة الحياة مش هيبقى جاهز لها واخدين بالكم؟ هنيجي نتكلم في مقاطعة في يوم من الايام؟ لا طبعا ليه؟ مع العلامات الصح تبقى على تيشيرتة جديدة حاجة من اه من مؤشرات دخول الجنة - 00:20:50

ما ينفعش انا اتنازل عنها. طب والشنطة اللي على كتفي والحزاء اللي على رجلي. حاجات كتير قوي مش هتعرف تدفعيه. شوفوا لازم الدنيا لازم الدنيا تكون في رجلك مش هقول لك بقى تكون في ايدك - 00:21:08

وفي جيبك ما تكونش في قلبك. فضلا انها تكون في قلبك. لازم تبقى في رجلك. ورجلك يعني رجلك. رجلك يعني ايه؟ عادي جدا بتقلع حذائك وتسيبه برة الجامع واخدين بالكم - 00:21:22

كل حاجة مش هتدخل معك قبرك. اه لازم تبقى هشة في حياتك كل حاجة لم تدخل معك قبرك اه سبها على هامش الحياة هامش الحياة هامش الحياة. ده انا قاعدة بادور بقى لي شهرين على نوع معين من الليد عشان الاوضة بتاعتي باحب كده تنور - 00:21:34

بالليل نور مش عارف ايه والنور ده يدخل ايه والبنفسجي يدخل في المش عارف الاصفاريكا والاصفاريكا يهدي على الابيض ايه يا حاج انت هنا يا ربي عليك وبقى مش عارف ايه تفاصيل تفاصيل تفاصيل - 00:21:54

من عشق او من مد عينيه لتفاصيل الدنيا بهتت لديه مفاصل الاخرة فضلا عن تفاصيلها مشغول بتفاصيل الدنيا هو القلب ده ما يستحملش القلب ده ربنا خلقه ان ياخد مجملات الدنيا ومفاصل الدنيا وتفاصيل الاخرة. هو قلبه كده - 00:22:10

ايه اللي يخلي الصحابة رضي الله عنهم يختلفوا مع بعض يرفعوا السيوف على بعض مسجد النبي. يعني انا قلت لك دلوقتي فيه اخوة في الحي اللي انت ساكن فيه. الناس المؤدبة المحترمة دي. امبارح ضربوا بعض او او مسلا - 00:22:34

السيوف على بعض او رفعوا العصيان على بعض وهم بيصلوا في مسجد آآ التقوى قل لي يا نهار ابيض وعاملين لي فيها مشايخ طب ايه رأيك بقى ان هم عملوا كده وهم في مسجد النبي في المدينة؟ يا نهار ابيض! طب ايه رأيك بقى ان هم عملوا كده والنبي موجود - 00:22:51

لا اله الا الله. ده الصحابة عملوا كده الصحابة حصل منهم موقف كده اه مرة في يوم من الايام الانصار حصل بينهم فتنة. والاوس والخزرج رفعوا ايه السيوف على بعض. هدأهم النبي ما زال يهدئهم - 00:23:09

لغاية ما الدنيا ايه هديت. السؤال بقى من ساعة المشهد ده. المشهد ده مسلا نقول حصل دلوقتي بعده بنص ساعة في حد بيبص للتاني منفسن ولا في حد شايلها في قلبه ويقول له انا مش مش ناسي لك يوم ما رفعت السيف كده وتبص لي ويتبرأ لي. وتعلي صوتك علي - 00:23:23

في حد منهم ولو في حديس موضوع كان قاعد عمال اني زعلان من اخوه السيدة عائشة رضي الله عنها لما كسرت الطبق بتاع اختها اختها دي عاتبتها ولو في اي مشهد بعد كده. تيجي تقعد في اي مشهد في يوم من الايام ما بيقعدش جنب عائشة. واخدة جنبي كده انا بحب اقعد جنب ايه؟ آآ جنب زينب مش هاجي - 00:23:43

ناحيتك انا هقعد جنب حفصة كان ده موجود؟ لأ طب ليه ما كانش موجود لان هم لما عملوا الموقف ده بطبيعة طبيعة بشرية ان هي كسرت الطبق ده كانت طبيعة بشرية. طب لما الموضوع ده ما وقفش معها ليه - 00:24:03

مشغولة. الناس دي يا جماعة مشغولة بتفاصيل الاخرة. عندها هم مشغولة عندها وردها وعندها بيتها وعندها احسان للزوج وعندها عشرة بالمعروف وعندها احسان جوار وعندها صلاة وعندها وعندها. فعشان هي مركزة وماشية - 00:24:18

فالدنيا ماشية خلاص الحياة ماشية يعني احنا مش واقفين يعني مش هنقف احنا عشان كده لما كانت الاخرة موجودة وفي مشروع شاغلهم تفاصيل الاخرة شغلاهم. يروح البيت بقى عبدالله بن روحاحة بدل ما يقول لها ياه! مش قادر. تقول له مالك - 00:24:33

موقف النهاردة حصل خطير والله العزيم من عيلتي رايح الجامع وفكر وهاصلي وهو عند اهل الصفة ورا كده ما عنتش اصلي قدام. ليه يا حبيب قلبي في ايه؟ اصلنا رفعنا السيوف - 00:24:49

النهاردة وبص لي كده وبرق لي ومش عارف ايه ده لو كان هو مشغول بكده لكن هو عمل ايه راح رايح قال لها ايه ؟ قعد يعيط قلت له مالك بتعيط ليه - 00:24:59

ايه اللي مخليك تعيط قال لها زكرت الصراط انا افتكرت في يوم القيامة الصراط وانا باعدي عليه خلي بالك يا جماعة خلي بالكم يا جماعة ده واحد نايم مع زوجته - 00:25:12

خلاص يعني في انس الليل وهزا وقت فيه السكينة فيه المودة فيه الرحمة فذهب ابناءاته بتعيط بتقول له مالك في ايه؟ بتعيط ليه قال لها زكرت الاخرة ابتكرت المشهد طب ايه اللي ايه اللي يضايقك في كده؟ انا زكرت الصراط. يعني الصراط - 00:25:26

يعني انت معايا زكرت الصراط هنا وحشة للدرجة دي! هو انا بذكر بالنار! طبعا هم مش في الحتة دي فهي بتقول له ايه؟ طيب ايه يعني قال لها زكرت الصراط فخفت طب خاف ليه؟ قال لها لان الله سبحانه وتعالى اخبرنا اننا سنرد عليه. وان منكم الا واردها - 00:25:45

ولم يخبرنا اننا سننجو ثم ننجي الذين اتقوا. مش كلكم هتعدوا. فانا خايف لو ما اكونش منهم طب الموضوع ده يمكن كان خاص به هو بس لأ طلحة برضو قاعد مع زوجته - 00:26:06

نايم برضو قاعد يتقلب كده مش جاي له نوم. عارفين القلق والارق ايه في ايه؟ انت في حاجة مضايقاك مننا؟ انا حاسة انك متغير وده جمال ان الزوجة تبقى حاسة به بزوجها. تحس كده بطريقة نومه بطريقة رده بسمته. فيه حاجة فيك - 00:26:21

خلاص ماشي الزوج بقى قاعد يتقلب وبتاع وينام على البلاط وينام في الصلاة وبتاع وهي ولا هنا ولا حاسة اصلا ولا انا في المشهد اصلا عادي جدا والله لو نمت في البلكونة ولا حاسة بك - 00:26:43

المهم هي قالت له ايه انت في حاجة مضايقاك فهو قال لها اه ما فيش. جا لي من فتحت علي الدنيا في فلوس معي هات له فلوس اه على طول سهلة جدا ما تجيب لي بقى الله يكرمك ما تجيب لي دهب من الطايف. وتجيب لي بستان في اليمن. انا من زمان نفسي اركب بنت لابونا - 00:26:57

او هتلهم لاجة سبحان الله بيقول لها فتحت علي الدنيا. انا معي فلوس مش عارف اعمل فيها ايه ورزقت مال وكتير قوي علينا. احنا يكفينا الستر زي ما ابو زر كده كان كل شوية عمر يدخل عليه - 00:27:16

هيلاقي نفسه ان البيت بتاعه متواضع يقول له احنا عالم اوسع عليك فيهزه كده يقول له الا تزكر حديس حدثناه الصادق انا وانت يا عمر قال لنا يوما انما انا والدنيا كمثل راكب استظل تحت ظل شجرة ثم راح وتركها - 00:27:33

ان انا ان انا مع الدنيا زي واحد مسافر شاف شجرة راح تحتها كده واقال نام شوية سم راح وتركها سابها ومشي فماذا فعلنا بعدها يا عمر؟ لقد غيرتنا الدنيا فبكى عمر - 00:27:58

عمر راح معيط فقال له ان لي بيتا كلما جاء لي متاع هنا ارسلته هناك. انا لي بيت اصل انا هنل واحد ساكن في المنصورة وهينقل التجمع والرحاب فكل شوية اما بتيجي له حاجة بيودي على الرحاب - 00:28:16

فهو بيقول له انا لي بيت تاني فبابعت عليه الناس دي كانت سالكة. فهو ابو طلحة بيقول لها البيت بتاعنا مستور يعني. فانا جاي لي فلوس كتير اعمل ايه وبتاع. قالت له سهلة - 00:28:33

نطلع ده يلا نقسمها دلوقتي في اهلك فلانة وفلانة وفلانة وام محمد وام خالد وام عطية وابو عبدالله عبدالرحمن. وندي الناس دي. فقال لها فرجت عني فرج الله عنك وراح مقسم التقسيمة وناموا - 00:28:45

طب هم اتعلموا الكلام ده منين ؟ اتعلموا من سيدهم صلى الله عليه وسلم صلى الله عليه وسلم فلما كان بينام عائشة نايم يا عائشة فيقول لها ايه يا عائشة داريني اتعبد مع ربي - 00:29:01

اتعبد لربي. انا عاوز اقوم اصلي وسبحان الله هو يعني الوقت ده وقت الليل ده الانس مع الزوجة. فالنبي صلى الله عليه وسلم بيقول لها انا نفسي اقوم الليلة نفسي اقوم الليل. طب هم ليه هنا واحنا في حتة تانية - 00:29:19

عفكرة احنا سهل جدا نكون معهم. سهل جدا ننافسهم. هم لا صعبوا علينا الامتحان ولا حاجة. لا لا احنا اللي مش عاوزين نروح نمتحن اصلا. احنا مش عاوزين نخش المدرسة. احنا اصلا في مدرسة تانية - 00:29:37

فهو الموضوع الامتحان سهل. جدا بتوفيق من الله سهل. الجنة اقرب لاحدكم من شراك نعله. الموضوع سهل بس هي الفكرة فين الفكرة اللي انت دخلت جامعة تانية ودخلت مدرسة تانية - 00:29:49

انت داخل مدرسة تانية واخدين بالكم القصة ديت عاملة لنا انك عاملة لك التشويش انت يعني عارف آآ اللي بيقرط على كوتش العربية كم واحد في الشارع في الحي؟ ومش عارف كم واحد بيحفظ قرآن - 00:30:04

عارف كم واحد بيبيع فواحة؟ ما تعرفش كم واحد انت عارفة كم واحدة بتعمل الخرز بتاع مش عارف ايه اللي من جلدي عارفاها انت اللي بيعمل الكلام ده. انت عارف يعني - 00:30:21

المقبض بتاع الباب نوعه ايه وبتاع ايه وتفاصيله ايه ما تعرفش احاديث رسول الله صلى الله عليه وسلم في الطهارة وتيجي تقول ايه هو انا ليه كده ؟ لأ من البداية خالص قالها للي اشرف منك وان للصدر اللي شرحه - 00:30:33

لا تمدن عينك. ما تخليش عينك ممدودة. ليه؟ هو النبي كان هيمد عينه في الحرام؟ لأ ما متعنا به متعنا به يعني حاجة مباحة صلى الله عليه وسلم. ومع زلك ربنا بيقول له ايه؟ ما تمدش عينك. طول ما انت قاعدة تتابعي الصفحات وبتابعي الماركات وبتابعي الحاجات دي كلها. انت فاكرة ايه يعني؟ اصل القلب ده - 00:30:51

هو هو مساحة زي السبورة كده ورقة فانت قاعد اومال ليه بصيت على العربية دي ؟ العربية دي راحت واخدة صورة وراحت طبعها على الصفحة وبعدين بصيت على العمارة الجميلة دي مش على العمارة بقى انت شايف الباب شايف الباب لقى الحتة الكيرف اللي جوة ده لأ شايف الحتة الدهبي اللي ورا الحتة اللي ايه الخضرا دي تحفة - 00:31:14

وشايف بقى اما يبقى في شجرة كده ياه فالحتت ديت عاملة معك ايه ؟ قاعد عمال تلون في الصفحة. تلون في الصفحة. تلون في الصفحة. هنروح نجيب السجاد عشان آآ مروة بتتجوز. اه نعمل ايه بقى في السجادة - 00:31:33

لأ شفت السجن شفت النقط البني دي اه طب شفت النقط بقى الفزدقي طب شفت النقط بقى اللي هي على الناحية التانية دي شفت الحتة البيضا بقول لك ايه المكان ده وحش ما تيجي - 00:31:46

بكرة نروح بقى المكان التاني. طيب يلا. وبعده نروح المكان الرابع. وبعده نروح المكان التاسع. بقى لنا اتناشر يوم بندور على السجادة. ليه؟ احنا عاوزين سجادة بقى اصل تليق على لون - 00:31:56

الترابي اللي هيدخل به العريس. وتليق على ايه؟ على الفستان اللي هتلبسه حماتي. وتليق مش عارف على لون الفانيه اللي انا عاملاه في البلكونة اللي في الضهر بتاع مش عارف ايه - 00:32:06

انت عارف كل التفاصيل دي؟ اه ما هو ده امال يطبع في قلبك فتيجي تقول ايه ؟ ما انا مش عارف انا مش عارفة ليه مش في القيام والقرآن والصدقات وصلاح البال والسكينة مش مش جايب معي ليه ؟ تيجي فين ؟ - 00:32:19

الصفحة اتملت. هتيجي فين الحاجات دي ما فيش طب السكينة عاوزة تخش. خلاص يلا بتتحط فين؟ الصفحة خلصانة مليتها الصفحة خلصانة يعني واحدة بتتجوز تروح تجيب لي فستان بقد كده وتقول لك ده هو ايه ده ساعتين تلاتة يعني انت بتعملي ايه - 00:32:32

واحدة بقى تفعص بقى في فستان بخمسين وستين الف عشان هتلبسوا تلات ساعات. وتضحك على نفسها وتقول ان شاء الله هسيبه بعد كده صدقة جارية يا جارية الله يهدينا ويهديك - 00:32:51

يا ريتي انت لو صادقة في الصدقة الجارية هاتي الخمسين الف وانفقيهم عادي جدا على ايتام عندك قرايبك في البلد نفسهم يتجوزوا مش عارفين. اتحركي حركيهم ويا ريتها بقى هتعمل صدقة جارية. خلاص عبير هتيجي تاخد فستان من مروة بعد كده. قعدت تقول لها لا لا لا صعابير تخينة هتقطع الفستان - 00:33:03

آآ طب آآ هتيجي ندى اصل انا ندى طويلة وهتضيع الفستان. مش عارف مين اصل مش بيحافظوا على الحاجة والدنيا بقى تروح في حتة تانية خالص وبتاع. وبعدين هتسألي على المال ده اه من اين وفينا وفيما - 00:33:23

وفي الاخر خالص ايه انت مسميه نفسك ايه ام الحسين ليه ؟ اصل والله العزيم بتزكر دايما ان انا شبه فاطمة بنت النبي صلى الله عليه وسلم في حياتها كده - 00:33:37

هي لله هي لله لا للوهم ولا للجاه الله المستعان. ربنا يعافينا ويعافيكم من كل سوء. المهم كل واحد معه صحيفته يملاها بما يسره بين يدي الله. وما حدش بقى ايه - 00:33:46

مشكلة حد لا تمدن عينيك التفاصيل الكتيرة هو فعشان كده ايه الدنيا اه ما تنشغلش بها وبتفاصيلها وتيجي تقول مم انا مش مركز ما انت التفاصيل الاخرة التفاصيل دي انت لو قلت لك احكي لي على التفاصيل الاخرة احكي لي على تفاصيل - 00:34:02

حياة اه آآ شعيب عليه السلام تعرف ايه عن آآ عن زوجة ابراهيم الاولى احكي لي عنها في القرآن واحكي لي عن حياتها واحكي لي عن تفاصيلها. الادعية اللي دعا بها ايوب. وحياة سيدنا ايوب. والعلماء قالوا عنه - 00:34:26

تفاصيل الانبياء عايش معهم. تفاصيل ابو بكر الصديق. تفاصيل عمر رضي الله عنه. تفاصيل الارقم ابن الارقم اللي مش معروف له القصة ده. الراجل اللي اوى البيت الدعوة في الاول مات امتى وعاش امتى؟ مصعب ابن عمير كان عايش ازاي وكان بيحب ايه؟ وكان ام سلمة كانت نفسها في ايه؟ روميساء وما ادراك ما الروميساء؟ ما هم دول - 00:34:46

يا جماعة الناس اللي انا ايه رايح لهم في العمر الخالد مش هم دول اللي انت عاوز تصاحبهم بالله عليك الناس اللي عاوزة تنتقل ديت لمدينة تانية وسكن تاني ولا عاوز يعرف الناس ولا يعرف اشخاصهم. عارف بس في المجمل - 00:35:06

كده فخلي بالكم يا جماعة. خلي بالكم من الميزان العادل ده. الميزان ده ربنا وضعه في قلبك. ارجع واقول واحد بيدرس فقه ولا بيدرس كزا. فاتضح لي بعد وهو بيدرس. واحد يقول له انا - 00:35:22

المشايخ ضحكوا علينا والمشايخ آآ خلونا نمشي على آآ مزهب معين وفيه مزاهب تانية بتقول كزا والصحابة مش عارف ايه طيب في مؤشر خفي؟ اه ايه هو المؤشر؟ تقف مع نفسك كده بايدك بقى سيبك من الايه من اي حاجة تانية. مؤشر بسيط خالص - 00:35:38

انت بعد ما عرفت الحاجة الجديدة ديت عبادتك مع ربنا زادت ولا قلت؟ حبك لله زاد ولا قل حبك للنبي وتعظيمك للصحابة زاد ولا قل واخدين بالكم الحاجات دي مؤشرات قرآنك زاد ولا قل - 00:35:58

خلواتك مع الله زادت ولا قلت؟ معيار بسيط معيار بسيط واحدة كانت لابسة النقاب. وبعدين بقى اصل الحبوب في وشي والحرارة والدكتور وبتاع وما بشوفش والقصة وبتاع وعلى فكرة وقالوا لنا - 00:36:19

والدنيا والنقاب طلع مستحب. وانا اصلا لابساه ان هو مستحب مش واجب جميل يا ستي انت عاوزة تعرفي بينك وبين نفسك ان دي حيلة ولا فعلا حاجة حقيقية؟ وان ده انطلاقة انطلاق فعلا حقيقي مش مجرد انك بتدوري على مخرج وسلم طوارئ - 00:36:34

بعد ما اخدت القرار الجديد ده طاعتك لله سبحانه وتعالى زادت؟ ام قال لك؟ حبك للصحابيات زاد ولا قل تعظيمك لله زاد ولا قل؟ خلواتك زادت ولا قلت؟ حيائك زاد ولا قل؟ غض بصرك زاد ولا قل - 00:36:53

شغفك ان الناس تبص لك وتهتم بك وتسني عليك. زاد ولا قل والمفترض طبعا انت عارفة يكون ايه. قل ولا زاد. الحاجات دي الحاجات دي مؤشر يساعدك جدا جدا. انا كنت فاكر ان الصلاة وشدوا علينا وقالوا ان الصلاة في المسجد جماعة واجب وفرض عليك. يا اخي - 00:37:12

المشايخ دول الله يهديهم. شف يا شيخ رحت درست في الفقه لقيت ان الموضوع مش واجب يا اخي ضحكوا علينا وشدوا علينا منهم لله منهم لله. طيب يا سيدي سيبك من الليل علموك امبارح واللي علموك النهاردة. انت بينك وبين نفسك - 00:37:32

الصلاة بدأت تعظم في قلبك ام لا آآ نفقاتك آآ علاقتك بالله بتزيد ولا بتقل اه طيب لما عرفت كده بدأت تحافظ على الصلاة في المسجد اكتر من باب ان ديت حاجة مستحبة مش واجبة زي الناس اللي ضحكوا عليك في الاول. وان هي مستحبة لان - 00:37:50

ان الله يحبها ولا ما عادش فارق معك؟ لان النبي يحبها صلى الله عليه وسلم بقى فارق معك اوي انك تنزل تصلي وتروح لما تبشر المشائين الى في الزلمات بالنور التاني الى يوم القيامة. لما عرفت ان كل درجة وانت رايح المسجد كل خطوة بترتفع بها درجة وتكفر عنها - 00:38:08

بطيئة. لما عرفت الحاجات ديت بدأت تتشجع اكتر على الصلاة في المسجد. بس بتنطلق ان هي مستحب ولا ولا الموضوع بدأ ايه؟ يؤسر جدا جدا عليك. خشوعك زاد ولا قل - 00:38:28

الحاجات دي اساعدك اوي اوي اوي اوي اوي. انك تعرف بينك وبين نفسك هل انت بتدور على حاجة عشان تهرب ودي حيلة نفسية يا اخواننا ان دي فعلا بينك وبين نفسك - 00:38:42

ان ديت ايه ان ده فعلا كان مخرج فقهي من ضبط ريحني انا بعلق على كلمة ميزان عادل. فمن رحمة الله سبحانه وتعالى ان بيجعلك ويجعلك انك عندك ميزان ربنا اعطاك عقل - 00:39:00

واعتق قلب عشان تبقى ايه بينك وبين نفسك يساعدك انت فعلا الحاجات ديت قربتك اكتر من ربنا ولا لا واخدين بالكم القصص دي لما بتزيد معك والفكرة دي تزيد معك ان شاء الله هتلاقي فيه صلاح بال. فهو ابن القيم بيقول لك - 00:39:19

فتمسك بهذا الاصل تمسك بهذا الاصل غاية التمسك في نفسك وفي غيرك يعني بيقول لك ركز في الميزان اللي مش فاهم مفهوم الاستحباب. عم اقول لك ان ديت مستحبة وليست واجبان مستحبة. يعني احنا اللي حبيناها يعني - 00:39:39

يعني المشاية كده قال لك ايه؟ والله احنا بنحب كزا. موضوع السواك ده احنا بنحبه ولا عاوز يقول لك مستحب يعني ايه؟ يعني ان الله يحبها والنبي يحبها ولكن رفقا منه سبحانه وتعالى لم يوجبها عليه - 00:39:59

ما يفرضهاش عليك طب انا لو بحب ربنا المفترض هاعمل ايه ؟ احب العبادة دي واحاول ايه اجتهد ان انا اعملها. ليه؟ يا ربي من حبك لم توجبه علي. اه بس عشان انت بتحبها اه انا هحبها يا رب. وهحاول اعملها - 00:40:12

واخدين بالكم؟ المعنى ده مهم جدا في الحاجات المستحبة يقول ابن القيم فتمسك بهذا الاصل غاية التمسك في نفسك. وفي غيرك الولاية عبارة عن موافقة الولي الحميد في محابه ومساخطه. وشوف الكلام يقول لك موافقة الولي - 00:40:30

موافقة الولي ابن الهيتولاك. الله ولي. الله اكبر من الايات الجميلة وكل القرآن جميل لكن مما يهيجك على فعل الطاعة ان وليي الله الذي نزل الكتاب وهو يتولى الصالحين ياه على - 00:40:51

ان شاء الله في اسماء الحسنى ربنا يلهمنا ونتكلم عن الولي يوم من الايام الولاية عبارة عن موافقة الولي الحميد. في محابه ومساخطه. ربنا بيحب ايه؟ كزا. خلاص انا احبه - 00:41:17

حبيب حبيبي حبيبي وعدو حبيبي عدوي ده الميزان اللي يحبه ربنا انا احبه واللي يبغضه انا ابغضه وبيقول لي ان الولاية الحقيقية بقى بالموافقة ليست بكثرة صوم ولا صلاة ولا تمزق ولا رياضة - 00:41:31

وبدأ يتكلم بقى المحبوب لغير قسمين اما ان في حاجة انت بتتلزز يتلزز ما يلتز المحب ادراكه وحصوله او ما يتألم منه. لكن يحتمله لارضائه الى محبوب. انت بتعمل حاجة عشان هي جميلة او ان هي فيها ارهاق بس مقالها جميل - 00:41:55

زي المزاكرة. واحد عاوز يطلع من الاوائل فقعد يزاكر. عاوز يجيب مجموع فقعد يزاكر وحارم نفسه من اللهو. حارم نفسه من اللعب وحارب نفسه من انه يخرج مع زمايله. ويتغدى برة ويفطأ ويضيع وقت - 00:42:15

حارم نفسه من اشياء ظاهرا فيها سعادة وتحمل الحاجات اللي فيها الالم ده ، ليه ؟ لان مردودها بعد كده مفيد جدا. كتب عليكم القتال وهو كره لكم القتال شديد عليه. لكن في النهاية ما قالوا خير. ليه ؟ لان ربنا بيحب الشهادة - 00:42:32

ويتخذ منكم شهداء طب ربنا الشهداء دول هييجوا منين لو ما فيش ناس بتبغض الدين وبتكره الدين وبتحارب المسلمين. الشهادة دي مش هتيجي فربنا سبحانه وتعالى في عبادة بيحبها. ايه هي العبادة ديت - 00:42:51

العبادة ديت انك في واحد بيطلع الجنيه لله وواحد بيطلع نص جنيه فيه واحد بيطلع مليون جنيه فيه واحد بيطلع ميت الف هم درجات عند الله ودول كلهم معهم نفس الفلوس. يعني واحد مع كلهم في ناس معهم مليار جنيه. عشرة معهم مليار. ده طلع جنيه وده طلع الف وده طلع ميت الف وده طلع - 00:43:05

الو نفس الكنز المالي عندهم ونفس الايه المستوى. ده غني وده غني وده غني وده غني. بس ده طلع قد ايه وده طلع قد ايه وده طلع ايه. في واحد بقى مش هيطلع - 00:43:26

البس واحد مستعد انه ينفق ماله ونفسه اه ربنا بيحب كده. طب ده هييجي ازاي عشان ينفق نفسه ان وقته بزله لله سبحانه وتعالى. ونفسه بازلها لله. فهييجي من الشهادة - 00:43:37

واخدين بالكم؟ حب الشهادة ده يطلع؟ اه ده بقى ده هييجي منين؟ فعشان كده ربنا بيقدر شيء فيه شر من وجهة نزر المخلوق ده كان عمليا فيه كل الخير فيه كل الخير - 00:43:52

ما انا هعرفك متواضع ازاي وانت قاعد وقافل على نفسك ما انت لازم تحتك بالناس صح؟ ففي حاجات هتظهر في مشهد اهو. يعني ايه فكرة انك العفو على الناس والعفو عند المقدرة دي حاجة جميلة اوي. طب عشان اعفو يبقى في حد زلمني فهيبان - 00:44:07

هؤلاء ان في يكون شر موجود. واخدين بالكم ما انا هشوفك ازاي كويس وانت آآ لا تختبر. لأ هتلاقي بنات ماشية بشعرها وبنات بتقول لك هيت لك سواء بلسانها اللسان المقال او - 00:44:24

الحال وانت تقول معاذ الله. هنا اقول ياه على الشاب العفيف ده اما الاقيكي ان الاولاد الاولاد بيحاولوا يعاكسوكي يحاولوا يتكلموا معك يحاولوا يقربوا منك وانت تقولي اعوذ بالرحمن منك - 00:44:41

اقول لك ما شاء الله عليها فلولا ان ده موجود وان ده الحاجات دي ما كانش هيظهر جمال هؤلاء. واخدين بالكم لم نرى جمال يا ابن ادم المقتول ونثني عليه خيرا ونحبه الا بعدما رأينا آآ الشر الذي في - 00:44:54

ابن ادم القاتل واخدين بالكم كل جمال فيك لانك تركت شر لم ترتكبيه؟ فالناس اثنوا على الخير الذي فيك. فالشرور اللي حواليك او تجنبت شر فالشرور اللي حواليك ده كان سبب اظهار جمالك - 00:45:16

اظهار الجمال اللي فيك واخدين بالكم؟ يعني ايه ننتج برة وكل الناس بتسني على برك وكل الناس بتقول عليك كزا لان باباك ومامتك مش مساعدينك على البر بس انت الله اكبر عليك - 00:45:40

فلولا هذا ما ظهر نبلك وما ظهر جمالك ايه اللي مخليني الناس كلها تثني عليك انت في النفقات؟ لان كل اللي حواليك بخيل ومانع ما له. وانت اللي قاعد كزا فلولا بخلهم ما ظهر جمالك - 00:45:52

فاراد الله ان يصطفيك. واراد الله ان يخرج اجمل ما فيك الكلام ده مهم قوي انك تفهم بقى ليه ربنا خلق الشر؟ لولا الشر اللي موجود في فلسطين ما زهرت الخير الذي في الامة اللي انت شايفه دلوقتي. خير من - 00:46:06

اللي حواليك المتعاطف معهم. وخيره في اللي بيساعد. وخير فيهم هم اللي قاعدين لا يترك دينه. ولا يبيع ارضه. لولا هذا الامر ما زهر هزا الجمال واخدين بالكم؟ ما زهر دلوقتي آآ في شباب جيل طالع كل الجيل تقريبا اللي عنده خمسة وعشرين سنة فيما تحت تقريبا قضية القدس وفلسطين ما - 00:46:21

شايفها طيب لولا تقدير هذا الشر وظهر هذا لم يكن هيظهر هذا الخير. فان ربنا يستعمل ناس انه يكونوا هم السبب ان الخير ده يطلع في القلب ويكون يطلع في سبب ميزانه كزا فبيطلع بقى كل اللي بيموتوا دلوقتي والشهداء اللي ربنا احسبهم الله يحاسبهم ولا نزكي على الله احد. كل اللي - 00:46:44

يموتوا دول كانوا يجوا يوم القيامة اه سبب ان هم عملوا كزا حاجة من ضمن من ضمن القايمة بتاعتهم اللي هم عملوها زودوا ايمان المسلمين وارجع كثير من المسلمين. واظهر الله بهم المنافقين. تخيل كده انك تيجي في صحيفة يجي في صحيفة هؤلاء ان انت كشفت المنافقين - 00:47:05

انا يا رب اه انا يا رب لأ ده انا ما عملتش اي حاجة آآ ده ولاد اليهودية دخلوا علي وموتوني. وما لحقتش ده هدموا علي البيت انا واسرتي يقول لك بهذا الفعل استعملتك في ان تكشف انت المنافقين. وان يحيي الله سبحانه وتعالى بك الجهاد في الامة. وان - 00:47:27

عز الله سبحانه وتعالى بك الاسلام. انا؟ ايوة انت لولا تقدير الشر ما كنت انت اتيت ما كل هذه الخيرات كانت احيينا معاني الشهادة وان ناس كتير بدأت تحب الشهادة تبزل في سبيل اعلاء كلمة الله - 00:47:47

لولا هذا الشر الزاهر ما كان هذا الخير للباطن واخدين بالكم؟ لا يسأل عما يفعل وهم يسألون ان شاء الله هنتكلم في اللي في الملمح ده في اوقات تانية يعني - 00:48:05

آآ لولا وجود ابليس آآ ما ظهر منا ايه الخير النفيس اللي بيطلع من قلبك وقدام الناس وتزهر نفاستك الجمال بتاعك زهر امتى ؟ زهر لما شفنا كده حبينا الملايكة لما عرفنا الشياطين - 00:48:22

واخدين بالكم بنحب الرحماء لما شفنا الزالمين بضدها تتميز الاشياء تتميز الاشياء فدي حاجة فطرية بامتياز. حاجة فطرية بامتياز. ان الخير بطبيعته. انت مش هتعرفه الا بوجود شر انت تعرف ان ده خير ازاي؟ يعني احنا دلوقتي لو كلنا اتولدنا كالاتي اتولدنا في الاتي - 00:48:44

ان كلنا آآ بنهين اطفالنا ونساءنا كده انت اتولدت في مجتمع اه بيهين المرأة وبيهين الولد اي امرأة تقابلها اه اضربها بالعصاية. واي ولد تقابله اضربه على راسه. انت من يوم ما اتولدت هي دي الحياة - 00:49:08

فاحنا هنشوف مين الخير مين اللي بيعمل الخير اللي بيضرب اللي بيضرب جامد طب لو طلع واحد مننا بقى في يوم من الايام بدأ ايه ما يعملش كده ويحافز على بناته ويحافز على ولاده ويسني عليهم ويعمل ويعمل ويعمل ويعمل ويعمل هيبان بقى ان فيه - 00:49:29

تميز واخدين بالكم؟ فلولا الشر ده ما لك زهر ايه ما ظهر هذا الجمال وهذه الفخامة. اتمنى اكون سددت في توصيل المعنى ده واسأل الله ان يجعل ما له خير - 00:49:44

يقول والنفوس تحب الراحة والدعوة والرفاهية. النفوس كده. النفوس بتحب الراحة وبتاع والكلام ده كله. كان احد السلف كان في واحد يعني بينام كتير بيحب النوم بقى وبينام كتير اوي - 00:50:01

اه شيخ كل شوية يصحيه يعني. يا ابني فوق يا ابني فوق يا ابني. فقال له كلمة جميلة. قال له فوق يا عم. اه تعبان وعاوز انام كما اظن انها في وقت اعتكاف يعني. وخلاص احنا مقبلين على التهجد فبيقول له عاوز انام مش قادر. قال له هتنام كتير في قبرك. قم - 00:50:15

الاخ سامع الجملة ديت كانه كأن ثعبان قرصه قام على طول واتعدل قال له يا عم هتنام كتير في قبرك حرك النفوس بتحب الراحة والرحرحة والرفاهية قاعد مع يقول وذلك شر لها لافضائه الى فوات المحبوب - 00:50:34

الدنيا يا جماعة الدنيا دار عمل. ما هي دار شهوات. دار مسؤوليات مش دار الشهوات اللي ايه اللي يعني انك قاعد بقى للشهوة كده لأ هي دار مسئوليات شغل عشان دانينا آآ ليل نهارنا الا الاكل والشرب والحب وخلاص - 00:50:55

لأ يا جماعة في في شغل في اخرة قم صل قم حلال. قم آآ انفع امتك بحاجة. اديك شايف النهارده اهو بجرة قلم عملوا ايه في وفجروا التليفونات اللي كانت مع الناس وبهدلوا القياسات دي. ليه؟ قوة - 00:51:14

ده جزء من باب ايه؟ طيب ربنا سبحانه وتعالى بيقول لك اهو اعدوا وانت نايم قاعد عمال تلعب قاعد ماسك الدراع بتاع البلاي ستيشن وتقول له ايه اللعبة دي مش عارف احملها منين؟ لا وبابا ماسك الدراع - 00:51:37

تاني وماما بتقول وطوا صوتكم يا جماعة. اعمل لكم شاي وتيجي تقول اللهم انصر ولادي اللهم انصر اللهم ارزقنا صلاة في بيت المقدس قبل الممات. والعيال يقولوا امين وهم ماسكين الدراع - 00:51:47

ان شاء الله هنرزق. بس بعد ما الجيل ده يتغير او يمشي اه اه نبقى فاهمين كويس قوي انك وبتحرك النفوس النفوس تحب الايه؟ تحب الراحة. تحب الدهب وبيقول ابن القيم ده شر لافضائها الى فوات هذا المحبوب - 00:51:58

يقول فالعاقل لا ينظر الى لذة المحبوب العاجل فيؤثرها والم المكروه العاجل فيرغب عنه فان ذلك قد يكون شرا له بل قد يجلب عليه غاية الالم ويفوته اعظم اللذة بل عقلاء الدنيا تحملون المشاق المكروهة لما يعقبهم. لما يعقبهم من اللزة. ايه اللي مخلي ابنك يسافر ابها ويشتغل وفاتح وقاعد في الصيدلية بالاتناشر ساعة - 00:52:20

ليتحمل المشاق المكروهة وبعيد عن مراته اللي لسة متجوزة. وبعيد عن بيته وبقى له ايه بقى ؟ يا عيني مسكين من تالتة سانوي وقاعد امال يسرح وهتجوز. وان شاء الله هجيب عربية وهركنها في الحتة دي. وقاعد عمال يزبط الجراج اللي هيركن فيه العربية. وان شاء الله هسكن في الحتة - 00:52:44

البلكونة بتاعتي هيبقى يدخلها الشمس. انا عاوز مكان مفتوح. لانها سنة اجوز واخت ملتزمة فعاوزها تبقى واخدة راحتها في البلكونة وما حدش يشوفها. ها سرحان يا عيني المسكين في الحتة - 00:53:05

من تالتة سانوي دخل تانية جامعة وهو تايه مش عارف يقول الازكار من الايه من المنازر والدنيا ماشية ماشية يا عيني اتخرج خد له سنتين جيش يعني كان بيعد فيه رمال الصحراء. خلص طلع من الجيش اتبهدل. فين؟ اطلع عند الاستازة ليلى الدور التالت عشان تخلص ورقة مش عارف ايه وهنا مش عارف ايه - 00:53:15

تكليف جلوي في اسيوط ومن اسيوط راح بني سويف ومن بني سويف نزل على البورسعيد كل ده خلاص وبعدين بقى في الاخر خلاص راح لايه لبنت عمته صلى استخارة وبعدين بدأ بسم الله وعقد القران بتاعه. يلا يا ابن الحلال يلا ان شاء الله واتجوز وقعد له شهر وبعدين جا له شغل فين - 00:53:38

في ابها يطلع على ابها ليه المشقة دي عمل ايه اقتات مال حلال الدنيا يا شيخ الدنيا هعمل ايه عشان اخد تمن تلاف ريال اصرف اربعة وارجع اربعة اربعة واربعة في مخي اضربهم في اربعتاشر والدنيا تروق - 00:53:59

فبيقول لك عقلاء الدنيا يتحملون المشاق المكروهة لما يعقبهم من اللذة بعدها وان كانت منقطعة. دي لزة منقطعة. في الاخر خالص دي هيقول لك ادعوا له يا جماعة مات في ابها - 00:54:17

وامور اربعة فيقول الامور دي اما مكروهي بيوصل لمكروه يعني حاجة شديدة وبتوصل لحرام واحد قعد يسافر بتاع عشان يشتري مخدرات وبتاع وهي اصلا ايه هتوديه لمشكلة كبيرة اوي ومكروه يوصل لمحبوب زي الدنيا شتا والدنيا برد شديد قوي ونازل يصلي الفجر في البرد واسباغ الوضوء على المكاره او القتال - 00:54:31

وهو كره له فمكروه بس هيوصل لمحبوب هيوصل لجنة عرضها السماوات والارض. صلاة فجر في الشتا توصل لانشراح صدر لا يعلمه ان الذي خلق الصدر وشرع الفجر محبوب يوصل لمحبوب زي طاعة - 00:54:56

ما واحد بيحب ان يضع اللقمة في في زوجته ده حاجة بيحبها وبيحب يلعب مع ولاده دي حاجة بيحبها. وما قالها حب ليه؟ لان يا رب انت اعطيتني زينة الحياة الدنيا ووهبت لي هذه الزرية. فانا يا رب - 00:55:12

سأري منك اثر آآ شكر النعمة. اثر شكر النعمة. فده محبوب بيؤدي الى محبوب. انا بحب اركب عربيتي والف بها. فدي محبوبة ده هيوصل لمحبوب اه اخدها والف على قرايبي صلة الارحام وهاخد لهم وجبات كل يوم خميس كده واجيب هدايا مش عارف للايتام وهعدي على المسنين وبتاع وهروح - 00:55:28

انت عارف في واحد كده من زمايلي من الاخوة اللي اتعرفت عليهم في الله في محافظة تانية انا هاسافر له واخدين بالكم؟ اه ده كله ومحبوب يوصل لمكروه الشهوة واحد عائز يقضي شهوته في حرام ولا بتاع واحد قاعد عمال يبص ويطلق بصره فده محبوب بس هيوصل لك ايه؟ لمكروه مكروه فين؟ مكروه في القلب ومكروه في قبرك - 00:55:48

ومكروه في اخرتك ان لم تتب دي كلها مكروهات. نسأل الله ان يسترنا واياكم. يقول فالمحبوب الموصل الى المحبوب قد اجتمع فيه داعي الفعل من وجهين. والمكروه اللي هيوصل لمكروه اجتمع فيه داع الترك من وجهين. يعني بيقول لك المفترض الحاجة اللي انت بتحبها - 00:56:12

وبتؤدي لحاجة محبوبة انت المفترض يعني ايه دي تدفعك ولزلك ده مهم اوي تشوف ايه الحاجات اللي انت بتحبيها. يعني مسلا مسلا في اخوات احنا احنا بنتكلم في واقع هي بتحب الخروج - 00:56:29

اما تتكلم هي بتحب تخرج. خلاص يبقى ده محبوب لها اه. طب ازاي نخليه يصل الى محبوب؟ نقول لها خلاص يا ستي. مش انت بتحبي الخروج؟ اه. هنعمل لك جدول صلة ارحام - 00:56:42

وجدول انك تروحي حاجات فيها طاعة. فيوم الخميس هتروحي لمستشفى الاورام. يوم الحد هتعدي على عمتك اللي في امبابة. يوم الاتنين هتعدي على دار القرآن وتراجعي وتحفظي معك القرآن يبقى عندك الحلقة بتاعتك اتنين وخميس. عندك يوم مش عارف ايه - 00:56:52

اعملي كزا يوم كزا تعملي كزا يوم كزا تروحي لباباكي يوم كزا تروحي لمامتك يوم كزا تروحي لكزا. فتعمل برنامج ليه خلاص هو انا من غصب فاترجم بقى. وانت ماشية اه هتعملي فيه سلسلة كده هتسمعيها بتاعة مش عارف مين تتابعي فيها السيرة. في كده قرآن - 00:57:12

كده اه تراجعي اللي انت ايه بتاع الكلام ده كله واخدين بالكم فانت لما تعمل كده يبقى هو قاعد اومال يسمع في العربية وقاعد يراجع وقاعد يعمل كزا والقصة دي كلها. وبعدين تحط لها مؤشر - 00:57:30

وكل مرة شف البنزين اللي انت هتدفعيه اه تطلعي عشرة في المية صدقة جارية بقى بتحبي تخرجي بالايه؟ بالمشاوير دي. اه دفعت النهاردة ميتين جنيه. اه يبقى فيه عشرين جنيه هتطلع لله النهاردة - 00:57:43

مرة في اتنين في تلاتة هتلاقي نفسها ايه خلاص. هي عملت ايه دلوقتي؟ بتزبط ابنك برده بيحب الخروج والسهر والكلام ده كله. طالما بيحب العربية اعمل له برنامج هو بيحب الحاجة دي اه وجه الحب ده خليه جسر لمحبوب اخر - 00:57:58

او جسر ان يقلل مكروهات تأزيه بعد كده اوعوا حد يطلع بقى ويقتطع مني حتة ويقول الشيخ محمد بيقول عادي جدا الاخوات تطلع برة ودناها خارجة ومش عارف ايه وما تقعدش في البيت ولا يرى القرار في البيت - 00:58:12

الكلام ده دي نفسية بقى هتكون ما صلتش الفجر اصلا خلاص ودول ناس هيكونوا يعني ايه جايين عكس اتجاه القبلة نرجع بقى بيقول ايه باقي القسمين وده بقى اللي آآ ده الاختبار بقى الحقيقي. باقي القسمين نتجاذبهما الداعيان وهما معترك البلاء والامتحان. نسأل - 00:58:27

الله العفو والعافية. يقول فالنفس تؤثر اقربهما جوارا منهما وهو العاجل والعقل والايمان يؤثران انفعهما وابقاهما يقول وها هنا محل الابتلاء شرعا وقدرا. ابن القيم ده متين اوي اوي عن ما يرضي في الشرع بالقدر كده. يقول لك ده الابتلاء الشرعي يعني في الاختبار الشرعي وقدرا. قد يقدر عليك كده. فداعي العقل والايمان ينادي كل - 00:58:48

لوقت حي على الفلاح بيقول لك اتحرك وعند الصباح يحمد القوم السرعة. يعني ايه هو السرى يعني السرعة زمان كان في آآ الاسواق السوق كان بيفتح بيتفتح بالفجر كانوا زمان وده بقى ربنا يلهمنا ويسددنا ان المحلات ترجع - 00:59:14

تخيلوا كده يا جماعة ان جميع المحلات وجميع مطالب الحياة بتفتح مع بعض الشروق يعني يوميا الساعة سبعة الصبح يوميا الساعة سبعة الصبح كل المحلات كل العيادات كل حاجة فاتحة - 00:59:35

واخدين بالكم؟ اه فانت تصحى عاوزة تروحي آآ تجيبي طلباتك اه بعد الساعة السابعة آآ زي كده في القرى السوق السوق كده هتلاقيه فيه حاجة كده واخدين بالكم؟ بحيس ان ايه؟ يجي على العصر فيه ناس هتقفل الضهر. انا اعرف مطعم عندنا في الزقازيق - 00:59:52

المطعم ده بيفتح الساعة كم؟ سبعة الصبح. بيقفل الساعة كم؟ اتناشر الضهر خلاص خلص ما خلاص انتهى. بس هو راجل وزوجته بيبيعوا سندوتشات. ييجي على الضهر خلص يقفل الدنيا والدنيا تمام وخلاص بقى يومهم بقى الجميل بقى. الموضوع خلص بقى - 01:00:11

فده رزقهم. هو ده ناس توفيق الله لهم كده اعرف دكتور اسنان عيادته بيفتحها بعد صلاة الفجر. يقعد الفجر في مسجده يخلص الشروق يفتح العيادة. يقفل على الضهر يجي على الضهر كده تكون انت لسة صاحي بقى ماما معلش ممكن كوباية شاي مع السندوتش ده. اه عشان انت تبدأ تشوف الحياة بقى. اه. ده بابا يكون راجع بقى. حياته بقى - 01:00:29

فيبدأ بقى من بعد الضهر يمارس حياته الطبيعية بقى سواء تتعلق بطب الاسنان كمزاكرة ولا اي حاجة عاوز يحصلها تتعلق بدينه مع اولاده صلة ارحام حياة بقى مراجعة القرآن عشان كده هو مع معه الاجابة - 01:00:52

هاي معاد قراءة العشر وعالم كبير قوي من علماء الامة قولي كتب قد كده وليه محاضرات قد كده وليه وليه بس هو عمل ايه ووفق وفق خلاص بورك لامتي انتهى بورك لامتي - 01:01:06

فكل واحد وتوفيق الله له ماشي وهو رزقه هييجي هييجي يعني. النهاردة تخيلوا كده اي دكتور يا جماعة من اللي انتم عارفينهم. اي دكتور. دكتور مشهور عندكم في الطب في الاطفال مشهور في الجراحة. مشهور في اي حاجة - 01:01:19

لو رحت العيادة قالوا لك انقلب المواعيد. بقى بيفتح الساعة سبعة الصبح للساعة اتناشر الضهر تتخيلوا اللي هيحصل له ده هيفقد الناس هيفقد والجمهور كله هيزبط عليه محلات الدهب لو بتقفل الضهر. في حد هيروح يشتري شبكة بعد الضهر؟ كله هيطلع يشتري في الوقت ده. واخدين بالكم؟ والحياة تبقى جميلة - 01:01:31

والمحلات بقى مش تتقفل بالليل واصلا كمان هيبقى متعة ده معك يعني مش محتاج انت بقى انوار بالليل ولا تكييفات ولا بتاع انت من الضهر كده من العصر كده من المغرب - 01:01:54

خلاص ورحمت الناس من الدوامات الليلية ورحمت الناس من مش عارف حياة جميلة حياة ان شاء الله يحصل يعني. المهم نرجع عشان ابن القيم بعد كده مش طلعنا كتير وكانوا زمان بقى الاسواق تبى الفجر. فانا عاوز اروح السوق - 01:02:04

معي بضاعة عاوز ابيعها في الاسواق انا متحرك من من محافظة لمحافظة من مكان لمكان طب انا هتحرك ازاي فانا لو اتحركت لو ما مشيتش بالليل هندخل السوق في نص الوقت ويكون خلاص الناس بعت حاجتها والناس اشترت ومشيت - 01:02:20

ييجي يعمل ايه؟ التجار يتحركوا يبدأوا يجوا بالليل يمشوا فلما بالليل يدنوهم يمشوا يمشوا يمشوا يمشوا يمشوا يمشوا اول ما ييجي الفجر يكونوا لحقوا وصلوا عند الصباح عند الصبح يحمد القوم - 01:02:38

المشيء بالليل الصورة ده يعني المشي بالليل واخدين بالكم فهم هيقولوا اللهم لك الحمد ان احنا مشينا بالليل عارفين اسري خلاص بقى اسري دي يعني امشي بالليل. فانت بقى ايه؟ اسري. فانت ماشي بالليل فبتحرك - 01:02:54

هو انبسط جدا ومشي جدا. فابن القيم بيقول لك عند الصباح اللي كانوا ماشيين هم دول اللي هيكسبوا واخدين بالكم؟ والناس نايمة. ماشي؟ اه ناس نايمة وفي ناس بتقيم الليل. في ناس نايمة وفي ناس بتقرأ قرآن. في ناس نايمة وفي ناس بتتصدق. هو انت فاكر الوقت اللي انت في الجامعة ده - 01:03:10

زميلك اللي قاعد جنبك ده نايم ؟ لا والله ما نايم. والله عنده تلاتة اربعة من العيلة بتاعته من الشارع بتاعه عندهم تلاتاشر سنة اربعتاشر سنة وهو متفق معهم يوم الخميس بيخرجهم فسح وبعد كده بيقعد معهم للفجر يوم ويوم يحفظهم قرآن وبعد كده انت اللي بتشوفه في الجامعة زيك زيه. بس هو ده شغال - 01:03:27

شغال وبيروح يزور قرايبه وبتاع ويتصدق وينفق شغال بس يوم القيامة عند الصباح بقى عند ييجي يوم القيامة هو هيحمد توفيق الله له في الوقت ده. وفي الممات يحمد العبد التقى - 01:03:47

اه هتتبسط. انت مقضياها النهاردة ومعك الباقة بتاعتك وقاعدة عمال تحملي وتخشي على مقاطع معينة وتكلميه وتضيعي وقتك ومش عارف ايه ومن ورا اسرتك ورا ابوك ومن ورا امك وتقولي اصل ان شاء الله هو ناوي يتجوزني وانت لسة في تانية سانوي ولسه في تالتة سانوي ولسه في تانية جامعة. او انت متجوزة واللي قاعدة بتتكلمي اصل انا مش عارف ايه والكلام - 01:04:04

نقول له قل لي القصص ديت نسأل الله العفو والعافية. يوم القيامة وفي الممات يحمد العبد التقى فان اشتد زلام ليل المحبة وتحكم سلطان الشهوة والارادة. قولي يا نفس اصبري - 01:04:24

فما هي الا ساعة سم تنقضي. ويذهب هذا كله ويزول. يا نفس يا نفس اصبري يا نفس ربنا يسددكم ويرزقكم التوفيق في الدارين. واسأل الله ان يمن علي وعليكم بحسن العمل وحسن الخلق وحسن الختام. اقول قولي هذا واستغفر الله لي ولكم - 01:04:40