بسم الله الرحمن الرحيم الحمد لله رب العالمين والصلاة والسلام على اشرف الانبياء والمرسلين نبينا محمد وعلى اله وصحبه ومن اتبع هداه الى يوم الدين الحديث الثاني عشر عن ابي هريرة رضي الله عنه - 00:00:00

عن النبي صلى الله عليه وسلم قال من حسن اسلام المرء تركه ما لا يعنيه قال حديث حسن رواه الترمذي وغيره قال هذا الحديث خرجه الترمذي وابن ماجة من رواية الاوزاعي عن قرة بن عبدالرحمن - 00:00:17

عن الزهري عن ابي سلمة عن ابي هريرة وقال الترمذي غريب وحسنه الشيخ المصنف رحمه الله هو الامام النووي رحمه الله. وقال ابن عبدالبر هذا الحديث محفوظ عن الزهري بهذا الاسناد - 00:00:40

من رواية الثقات وهذا موافق لتحسين الشيخ له واما اكثر الائمة فقالوا ليس هو بمحفوظ بهذا الاسناد وانما هو محفوظ عن الزهري عن علي ابن حسين عن النبي صلى الله عليه وسلم مرسلا. يعني ملخص الكلام - 00:01:00

ان هذا الحديث مختلف في صحته ففي وجه ان هو حسن حسن وفي وجه تاني ان هو آآ مرسل يعني ضعيف وممن قال انه لا يصح الا عن علي ابن حسين مرسلا الامام احمد ويحيى ابن معين والبخاري والدارقطني - 00:01:18

والصحيح فيه المرسل ماشي. فيعني الارسال علة من علل الحديث يعني ايه؟ يعني ايه حديث مرسل؟ الحديث المرسل يعني ان ان التابعي يروي عن النبي صلى الله عليه وسلم مباشرة بلا واسطة - 00:01:45

يعني مسلا حد من التابعين زي هنا في الحديث عن علي بن حسين عن النبي صلى الله عليه وسلم وعلي بن حسين علي ابن حسين اه هيروي عن النبي عليه الصلاة والسلام من غير واسطاه ازاي - 00:02:06

عن علي بن حسين عن النبي يبقى ده حديث مرسل هنا في صحابي هنا سقط مش موجود والمرسل قسم من اقسام ايه من اقسام الحديس الضعيف هنا في انقطاع في السند - 00:02:22

ماشي. المهم ما علينا لكن الامام النووي رحمه الله آآ قال حديث حسن رواه الترمذي وآآ رواه الترمذي وغيره لكن معنى الحديس طبعا صحيح قال وهذا قال ابن رجب وهذا الحديث - 00:02:37

اصل عظيم من اصول الادب ومعناه ان من حسن اسلامه ترك ما لا يعنيه من قول وفعل واقتصر على ما يعنيه من الاقوال والافعال. ركزوا بقى يا شباب صلوا على النبي عليه الصلاة والسلام - 00:02:55

ابن رجب رحمه الله بيقول ان الحديس ده اصل عظيم من اصول الادب اللي هو ايه؟ من حسن اسلام المرء تركه ما لا يعنيه ففي حاجة اسمها ايه؟ ان الاسلام - 00:03:16

يقول لك مسلا ايه فلان اسلم وحسن اسلامه يعني ايه حسن اسلامه؟ في واحد اه اسلم بس لسه اسلامه ايه باجي اتحسن شوية فالنبي عليه الصلاة والسلام بيشير الى هذا المعنى - 00:03:33

من حسن اسلام المرء انت اخبار الاسلام بتاعك ايه يعني هل الاسلام بتاعي حسن جميل انا بحسنه في حاجات لما انا اعملها دي علامة ان الاسلام بتاعي حسن وفي حاجات لما انا اعملها - 00:03:49

هي سبب ان الاسلام بتاعي يتحسن يعني في حاجات لما تشوف كده من بعيد تلاقي الانسان منشغل بما يعنيه وبيترك ما لا يعنيه تقول ده الاسلام بتاعه حسن يعني واحد التزم - 00:04:09

هضرب لكم مسال. واحد استقام على على طريق الله سبحانه وتعالى. كان بيعمل حاجات حرام وبعدين تاب الى الله سبحانه وتعالى يقول لك ايه ان التوبة بتاعته حسنة الاسلام بتاعه بقى حسن. ليه - 00:04:28

بعد لما تاب بقى منشغل بما يعنيه هنشرح دلوقتي يعني ايه ما يعنيه لكن بقى مشغول بان هو يتزكى مشغول ان هو يحفظ قرآن. مشغول ان هو يصلي في جماعة. مش شاغل نفسه بالخناقات. مش شاغل نفسه بالامور التافهة. مش شاغل نفسه - 00:04:42

بتتبع الاخبار مش شاغل نفسه بشيء لا ينفع في امر الدنيا ولا في امر الاخرة فده لما تشوف كده تقول الالتزام بتاعه الاستقامة بتاعته حسنة فاهمين الفكرة فابن رجب بيقول ايه؟ معناه ان من حسن اسلامه - 00:05:03

يبقى انا افتكر المعنى ده انا التدين بتاعي عامل ازاي؟ الاسلام بتاعي عامل ازاي معناه ان من حسن اسلامه ترك ما لا يعنيه من قول وفعل. ده ده منطوق الحديس - 00:05:22

المنطوق يعني ايه يعني ظاهر الكلام من حسن اسلام المرء تركه ما لا يعنيه طيب مفهوم الحديس ايه او يعني بالعكس طيب من حسن اسلام المرء ان هو ينشغل يعمل - 00:05:39

ويهتم بما يعنيه يعني الحديس فيه حاجتين يا جماعة حاجة زاهرة واضحة اللي هي المنطوق وحاجة انت بتفهمها المنطوق اللي هو ايه؟ ان النبي عليه الصلاة والسلام يقول من حسن اسلام المرء - 00:05:57

تركه ما لا يعنيه الترك ان انت هتسيب الحاجات التي لا تعنيك طيب وفي حاجة تانية انا هعملها بقى طب ما انا هسيب اللي لا يعنيني واقعد بقى كده خلاص فاضي - 00:06:16

ما انا هعمل الامور المهمة واضح كده؟ فبيقول ايه ابن رجب؟ معناه ان من حسن اسلامه فعلامة ان انا اسلامي حسن قال من حسن اسلامه ترك ما لا يعنيه من قول وفعل - 00:06:29

واقتصر على ما يعنيه من الاقوال والافعال عارف عارفين مسلا يقول لك ايه في ناس كده هو ما بيتكلمش كتير وفي شاب من ساعة لما دخل الطريق التدين وهو شاغل نفسه بالخناقات - 00:06:52

والشيخ فلان بيرد على الشيخ فلان وخناقة فلان مع فلان وحتى اهتماماته في التعلم اه اه هو عايش معارك وهمية زي ما دكتور احمد بيقول يعني واحمد عبدالمنعم هو عايش معارك وهمية وشاغل نفسه بامور - 00:07:08

آآ هي مش هتنفعه. هو مسلا ايه يسمع مسلا قصة زي قصة مسلا اصحاب الكهف وهو مشغول بايه مشغول هما هو هو اسمائهم ايه هي البلد اللي كانوا عايشين فيها اسمها ايه - 00:07:26

هو الكلب ده نوعه ايه هو بيسمع القصص او بيسمع الايات والاسئلة حتى اللي بيسألها هو شاغل نفسه بامور لا تعنيه والنبي عليه الصلاة والسلام بيعلمنا المعنى ده ان من حسن اسلام المرء تركه ما لا يعنيه - 00:07:39

احرص على ما ينفعك وتلاقي واحد تاني في المقابل هو آآ ما شاء الله اول لما دخل في الطريق بدأ يركز انا محتاج ان انا احفز قرآن انا محتاج ان انا اشوف شيخ يعلمني التجويد - 00:07:56

انا محتاج ان انا اقرأ كتاب مفيد نافع ومش شاغل نفسه بالخناقات. مش شاغل نفسه آآ ان هو يبتعد عن الطريق اللي هو ماشي فيه باي مشتتات. مركز ده انت لما تشوف كده تقول دي علامة على حسن الاسلام - 00:08:11

واضح ولما الاقي نفسي شاغل نفسي بالامور التي لا تعنيني لا من الاقوال ولا من الافعال يبقى انا هنا في مشكلة عندي. انا محتاج احسن اسلامي فابن رجب رحمه الله بيقول ايه - 00:08:33

ومعناه ان من حسن اسلامه ترك ما لا يعنيه من قول وفعل واقتصر على ما يعنيه من الاقوال والافعال طيب ايه اللي يعنيه بقى يعني ايه ايه اللي يعنيك؟ يعني ايه من حسن اسلام المرء تركه ما لا يعنيه - 00:08:51

طيب خلينا نقول ايه اللي يعنيني؟ يعني ايه الحاجة اللي مهمة بالنسبة لك الحاجة المهمة بالنسبة لي ان انا افهم ان انا هنا في الدنيا اه في اه امتحان في بلاء - 00:09:17

وان انا يعنيني ان انا انجح في الاختبار ده صح ولا غلط يعني انت هنا في امتحان فايه اكتر حاجة تعنيك ان انا ان انا افوز ان انا انجو ان انا انجح في الاختبار - 00:09:30

اختبار العبودية ان انا ادخل الجنة وانجو من النار فمن زحزح عن النار وادخل الجنة فقد فاز فده يعنيني طيب اي حاجة توصل للغاية دي يبقى هي ايه يبقى تعنيني - 00:09:48

واضح يا رجالة؟ مصحصحين ولا انتم نايمين ولا ايه كلام واضح ولا الكلام صعب ولا ايه واضح يعني ايه اللي انت دلوقتي لما انا اسألك لما انا اسألك يا فلان او يا فلانة ايه اللي يعنيك في الدنيا دي - 00:10:09

والله يعنيني ان انا انجح في الاختبار انجو من النار وافوز بالجنة طيب اللي هيوصل اللي هيوصل للغاية ده يبقى ده كله داخل ايه في ان انا احرص على الشيء النافع. الشيء اللي يعنيني - 00:10:30

اي حاجة تانية بقى برة هنقسمهم دلوقتي بس اي حاجة تانية برة مش مش بتوصل للغاية بتاعتي يبقى ده لا يعنيني فلانة بتقول مش عارف كزا ايوة ده يعنيني اه فلان مش عارف عنده مشكلة في كزا. ده ده ده - 00:10:51

اه داخل معايا في في الطريق بتاعي في الخطة بتاعتي لا يعنيني خلاص علشان اسلامي يكون حسن انا اترك ما لا يعنيه فبيقول ايه بقى قال ومعنى يعنيه ان تتعلق عنايته به - 00:11:11

ويكون من مقصده ومطلوبه. يعني حاجة القصد الغاية. حاجة انا باطلبها انا عايز انجح في الجامعة واجيب تقدير علشان اتعين فيعنيني هنا ايه القصد والغاية ان انا ده المقصد بتاعي ان انا اتعين في الجامعة - 00:11:32

ده المطلوب فاي شيء يوصلني من الطرق الصحيحة اي شيء يوصلني للغاية دي ده يعنيني فيعنيني بقى ايه ان انا ازاكر ان انا احضر بدري ان انا اهتم الكتابة ان انا اسأل لو انا مش فاهمني حاجة ان انا - 00:11:56

آآ اكون انسان مؤدب وملتزم ومش عارف ايه. كل ده يعنيني اشتري كتاب مهم هينفعني في الباب. كل ده يعنيني واضح الفكرة يا شباب فيقول ايه ان تتعلق عنايته به ويكون من مقصده ومطلوبه - 00:12:17

والعناية شدة الاهتمام بالشيء يقال عناه يعنيه اذا اهتم به وطلبه فبيقول بقى ايه؟ ركزوا بقى واذا حسن الاسلام اقتضى ترك ما لا يعني من المحرمات طيب ايه اللي لا يعنيني - 00:12:35

الامر اللي لا ينفع في الدنيا ولا في الاخرة. بس اللي لا ينفع لا طبعا الامر اللي يضر من باب اولى يعني ازا كان انا الحاجة اللي بعيدة عن المقصد بتاعي - 00:12:57

لا لا تنفعني انا اصلا ايه؟ هتركها اقوم اعمل الحاجة اللي تضرني فده معنى كلام ابن رجب بيقول ايه؟ واذا حسن الاسلام اقتضى يعني مقتضى ان انت اسلامك حسن. ينفع واحد اسلامه حسن - 00:13:11

وما بيصليش ينفع واحدة اسلامها حسن ومش محجبة ينفع واحد اسلامه حسن وبياكل مصر على اكل الحرام واللي مصرة على التعامل بالربا ينفع واحد اسلامه حسن ومصر على الزنا ينفع واحدة اسلامها حسن وبتصاحب ولاد وبتنزل وبتخرج - 00:13:28

ده هنا ايه؟ من باب اولى لو انا عايز احسن اسلامي لو انا عايز احسن اسلامي يبقى ده يقتضي ان انا اترك ما لا يعني من المحرمات والمشتبهات والمكروهات وفضول المباحات التي - 00:13:49

لا يحتاج اليها تاني يعني هو قسم دلوقتي الكلام قال انا ايه اللي لا يعنيني؟ رقم واحد الحرام فعلامة حسن الاسلام عدم الاصرار على الحرام طيب ايه كمان المشتبهات ده هيجي معنا قبل كده - 00:14:10

اه او جه معنا قبل كده في حديث في من اتقى الشبهات ده من حسن الاسلام وايه كمان المكروهات المكروه يعني شيء هو الانسان لو اجتنبه يثاب لو سبت الحاجة دي حاجة مكروهة فانا مش هعملها فاخد حسنات - 00:14:38

عشان تركت المكروه ده زي المستحب لو عملت المستحب اخد حسنات فيبقى من حسن الاسلام ان يقول لك ده ده مكروه. يقول لك مكروه يعني مش حرام؟ طب ما فيش مشكلة ان انا اعمله. لا. من حسن اسلام المرء تركه ما لا يعنيه - 00:15:02

فالمكروهات تدخل في ايه؟ ما لا يعنينا وفضول المباحات التي لا يحتاج اليها ما هو قسم الحرام شبهات المكروهات فضول المباحات يعني ايه؟ يعني فضول زيادة في الاكل الزيادة في الشرب - 00:15:21

الزيادة في النوم الزيادة في الهزار والدحك والخروج والفسح ده ماشي شيء جميل ان الانسان ياكل ويشرب. لكن يكون ايه يقتصد لكن ده ممكن الافراط في المباحات يوصل الانسان يوصل انسان للحرام - 00:15:44

ماشي زي ما محمد بيقول هنا فضول الكلام ما هو ده هيجي بعد كده هو بيتكلم بقى ايه؟ واكثر ما يراد بترك ما لا يعني حفظ اللسان من لغو الكلام. يعني احنا سايبينها دي لايه؟ لبعدين لان هو اصلا - 00:16:10

بادي الرأي المتبادر للذهن لما تسمع من حسن اسلام المرء تركه ما لا يعنيه. انت تقول ايه؟ يبقى انا مش هتكلم في حاجة انا ما ليش فيها ده اللي انت بتفهمه - 00:16:26

فهنا احنا بس بنقسم مهم ان التقسيمة دي تبقى في دماغك. يبقى ايه اللي يعنيني؟ اللي يعنيني ان انا اعمل الواجبات والمستحبات ايه اللي لا يعنيني الحرام والمشتبهات والمكروهات وفضول المباحات - 00:16:38

التي لا يحتاج اليها وانت لما كل يوم بيخرج كل يوم بيتفسح كل يوم اه اه جلسة هزار وضحك ومش عارف طب هتعمل اللي يعانيك امتى يعني الحاجات دي احيانا مع النية الصالحة - 00:16:56

مع النية الصالحة هي مفيدة للانسان. يبقى تدخل فيما يعنيك. يعني انت دلوقتي مخنوق ومتضايق وعايز تغير جو علشان استراحة محارب كده وتجدد نشاطك وايه وترجع ايه آآ ترجع تقبل على على العبادة وعلى الطاعة - 00:17:12

اه انت مسلا ايه بتسيس نفسك فانا والله ايه هجيب اكلة حلوة انا بحبها علشان انا بجاهد نفسي في باب تاني فانا بديها حاجة واخد قدامها حاجة. فمسايسة النفس ارفه عن نفسي شوية اخرج خروجة حلوة - 00:17:31

ده لو انا خدت فيه نية يبقى يدخل فيما يعنيني طيب لو هو حياته كلها قاعد بيلعب بلاي ستيشن حياته كلها قاعد بيتفرج على ماتشات الكورة طيب ده ده شيء - 00:17:48

انت بتعمله مسلا علشان انا هقعد مسلا شوية ماتش مسلا ومش دي العادة مش على طول وبعدين بعد كده بقى هرجع بقى اشوف حياتي بقى العادية وانطلق مسلا في في العبادة في الحفظ في العمل الصالح في الكلام ده. لا انا ما بعملش حاجة غير ان انا بتفرج على الاستوديو قبل الماتش. الاستوديو التحليلي - 00:18:02

والماتش والاستوديو التحليلي بعد الماتش وارجع اشوف الهاشتاجات والكوميكس اللي نازلة واتفرج على الاجوان تاني اللي انا شفتها في الماتش انت كده منشغل بما لا يعنيك هو ده تبع المقصد - 00:18:22

هو ده داخل في الغاية هو انت يا ابني هتتسأل يوم القيامة عن عن اسماء لعيبة ليفربول ولا اسماء آآ لاعيبة ارسنال ولا من اشترى من ولا اللعيب ده بيتباع بكام - 00:18:37

وتلاقي شاب من الشباب حافظ اسماء اللعيبة مش حافز اسماء اللعيبة ده حافز الكروت بتاعة بيلعب فيفا التوم التيم مسلا حافز تقديرات يقول لك ده البيس بتاعه كزا والشوت باور مش عارف كزا - 00:18:48

انت يا ابني ده يعنيك مش هتتكلم ان انت ما ترفهش عن نفسك وما تلعبش. بس لو انت هترفه عن نفسك حتى العب رياضة يعني الرياضة تنتفع بها. جسمك يبقى كويس نفسيتك تبقى احسن. تخرج الطاقة اللي عندك - 00:19:03

احرص على ما ينفعك فاهمين يا جماعة الحديس داخل في كل ده بحيس داخل في كل ده نفس الكلام نفس الكلام البنت انت قاعدة بتابعي اخبار الموضة ومش عارف ده يعنيكي - 00:19:19

يعني معلش انت في الاخر يعني هتقلعي حجابك يعني عشان تلبسي زي البنت اللي انت بتابعيها هتنزلي في الشارع حاطة الميك اب ده عشان يعني بتابعيها ليه لا يعنيك ده ده مش ده معي في الهدف ده هيدخلني الجنة - 00:19:35

هيكون سبب في نجاته من النار يبقى معايا داخل معايا يعنيني ده بيبعدني عن الطريق يبقى ده لا يعنيني قطعا ده بيعطلني لا يعنيني ده بيشغلني عن الطريق هي حاجات مباحة مسلا يعني مش بتكلم على حاجة حرام لكن - 00:19:49

مش هتفرق مش هتزودني لا تعنيني يبقى خلاص انا ايه من حسن اسلام المرء تركه ما لا يعنيه مش معنى الحديث ان الانسان خلاص بقى هيترك المباحات يعني اي حاجة مباح مسلا قاعد مع مع ناس لأ - 00:20:08

احنا قلنا في البداية خالص حديس الاعمال بالنيات ان انت اصلا لما تبقى تكون شاطر كده ومؤمن اه فاهم هتحتسب نوايا في المباحات بتاعتك وانت داخل تنام وانت بتاكل وانت بتغتسل كل ده تحتسب فيه نوايا وانت يعني حتى بيقولوا ايه؟ التطيب - 00:20:26

انت بتشتري مسلا برفيوم مسلا عطر فممكن انسان يحتسب نية صالحة يقول مثلا ان من السنة مستحب مستحب ان انا اتعطر في يوم الجمعة النبي عليه الصلاة والسلام قال يمس من الطيب. كويس - 00:20:45

وان انا اتطيب مسلا قبل ان انا ايه قبل قبل الاحرام والنبي عليه الصلاة والسلام كان بيعمل كده فاخد نية وانا بشتري العطر. فيبقى شراء العطر بالنسبة لي مستحب فهمتوا الفكرة - 00:21:05

فاهمين الفكرة دي مش معنى الكلام ان خلاص انا هسيب بقى كل المباحات واقول ده لا يعنيني لا احتسب نوايا صالحة في المباحات لكن الفضول المباحات اللي هيمنعني تطول المباحات ايه اللي هيمنعني عن - 00:21:22

الطريق بتاعي وعن المقصد وعن المطلب والغاية يبقى لأ يبقى ده لا يعنيه لا يعنيني ان انا اقعد اقضي يوميا ساعتين من عمري من حياتي بتفرج على ماتش كورة لا يعنيني - 00:21:39

مش بقول انا مش دلوقتي مش بقول ان ده حاجة حرام. احنا بنتكلم عن ايه؟ مقام تاني من حسن اسلام المرء من حسن اسلام المرء واضح الفرق ده يا شباب صح - 00:21:55

بيقول بقى ايه تاني؟ واذا حسن الاسلام اقتضى ترك ما لا يعني من المحرمات والمشتبهات والمكروهات وفضول المباحات التي لا يحتاج اليه فان هذا كله لا يعني المسلم اذا كمل اسلامه وبلغ الى درجة الاحسان - 00:22:09

اذا كمل الاسلام وبلغ الى بلغ وصل الى درجة الاحسان يبقى كل ده ايه؟ لا يعنيني. عمرك شفت حد من اهل العلم من المشايخ اللي لهم شأن في العلم وفي الدعوة وفي تعليم الناس وفي نشر الخير - 00:22:30

مشغول مسلا بمتابعة التفاهات يعني يفكر كده في اي حد. هل تتصور مسلا ان ابن رجب رحمه الله كان مسلا قاعد كده بيقعد على الناصية كده وقاعد يتابع اخبار الناس - 00:22:46

وفلانة عملت كزا وفلان قال كزا وفلان مش عارف. تتصور كده؟ كان هيوصل للي هو فيه ده تصور ان شف حد من الائمة حد من الائمة البخاري مسلم اي حد من الائمة شوف اي حد من اللي انت شايفه قدامك من - 00:22:59

المشهور بالعلم ونفع الناس وصلاح والعبادة هتلاقي ان هتلاقي ايه ان السمة المشتركة ان هو بيترك ما لا يعنيه هتلاقي في خروجات معينة مش بيخرجها هتلاقي فيه حاجات معينة ما بيعملهاش - 00:23:14

مش مقضي وقته في في تفاهات فبيقول ازا كمل اسلامه وبلغ الى درجات الاحسان. قال واكثر ما يراد بترك ما لا يعني حفظ اللسان من لغو الكلام اخوات بقى تركز معنا شوية - 00:23:38

لا يعنيك خالص آآ شنطة صاحبتك شكلها عامل ازاي؟ ولا هي لبسها ايه؟ ولا هي قالت ايه؟ ولا عملت ايه؟ ده لا يعنيك اسكتي شوية بقى احفظي اللسان ده اكثر ما يراد بترك اول لما تفتكري - 00:23:58

هتيجي تتكلمي افتكري من حسن اسلام المرء تركه ما لا يعنيه ده مش شغلي ما ليش دعوة واكثر ما يراد بترك ما لا يعني حفظ اللسان من لغو الكلام قال عمر بن عبدالعزيز رحمه الله من عد كلامه من عمله قل كلامه الا فيما يعنيه - 00:24:15

ركزوا بس في الايه؟ في الكلام ده معلش خلي الاسئلة في الاخر من عد كلامه من عمله قل كلامه الا فيما يعنيه. يعني ايه من عد كلامه من عمله يعني ايه من عد كلامه من عمله قل كلامه الا فيما يعنيه - 00:24:40

انا اسألك سؤال هل انت بتحتسب الكلام بتاعك من من العمل يعني يعني انت فعلا فعلا مركز ان الكلمة اللي انت بتقولها دي ده عمل عمل يعني ايه؟ يعني عمل بيكتب - 00:25:05

ما يلفظ من قول الا لديه رقيب عتيد ان ان شف حتى حديث هيجي معنا حديث معاذ رضي الله عنه ثم قال يا رسول الله يا نبي الله وانا لمؤاخذون بما نتكلم به. لما قال كف عليك هذا. فقال فقلت يا نبي الله وانا لمؤاخذون بما نتكلم به - 00:25:23

سيدنا عمر ابن عبدالعزيز رحمه الله بيقول من عد كلامه من عمله من اعتبر حسب الكلام من العمل قل كلامه الا فيما يعنيه لا يتكلم الا فيما يرجو ثوابه هتسكت بقى - 00:25:43

الحاجة دي هتعنيني هتجيب لي حسنات هتدخلني الجنة هتنجيني من النار؟ اقول الحياة دي غلط شتيمة غيبة نميمة كزب بهتان اه اه سخرية من الناس استهزاء كل ده لا يعنيه - 00:26:02

وهو كما قال فان كثيرا من الناس شف ان رجب بيعلق بقى بيقول ايه وهو كما قال رحمه الله فان كثيرا من الناس لا يعد كلامه من عمله هو بيتكلم وخلاص - 00:26:17

فيجازف فيه ولا يتحرك. اتكلم وخلاص. ان ان العبد ليتكلم بالكلمة لا يلقي لها بالا ما يتبين فيها. بيقولوا خلاص اتكلم قال وقد نفى الله الخير عن كثير مما يتناجى به الناس فيما بينهم - 00:26:33

فقال تعالى لا خير في كثير من نجواهم الا من امر بصدقة. يعني كتير كلام الناس لا خير فيه اغلب كلام الناس لا خير فيه. لا خير في كثير من نجواه - 00:26:54

الا من امر بصدقة او معروف او اصلاح بين الناس هو ده الخير يامر بالمعروف ينهى عن المنكر يصلح بين الناس يأمر بصدقة يحض الناس على على الصدقات قال عمر بن قيس - 00:27:09

الملائي مر رجل بلقمان والناس عنده لقمان الحكيم فقال الست عبد بني فلان يعني انت الناس ملمومة حواليه وبتسمع اه تسمع اه كلامه فقال له انت مش كنت عبد عند بني فلان؟ الست عبد بني فلان؟ قال بلى - 00:27:28

قال الذي كنت ترى عند جبل كذا وكذا قال له انت اللي كنت بترعى الابل او ترعى الغنم عند جبل كزا وكزا قال بلى قال فما بلغ بك ما ارى. ازاي وصلت للدرجة دي - 00:27:50

قال صدق الحديث وطول السكوت عما لا يعنيه صدق الحديث وطول السكوت عما لا يعنيني قال ودخلوا على بعض الصحابة في مرضه ووجهه يتهلل فرحان فسألوه سبب تهلل وجهه فقال ما من عمل اوثق عندي من خصلتين - 00:28:05

كنت لا اتكلم فيما لا يعنيني وكان قلبي سليما للمسلمين هنا بقى في تعليق مهم جدا للشيخ طريفي تحت علشان ايه ممكن واحد ايه زي ما كانت الاخت سألت قبل كده - 00:28:33

قال طيب خلاص انا اي منكر حواليا انا ما ليش دعوة دع الخلق للخالق وممكن واحد يستدل علي بالحديس ده يقول لي من حسن اسلام المرء تركه ما لا يعنيه - 00:28:49

نقول له لا ان ما يعنيني يدخل في الواجبات والمستحبات ومن الواجبات والمستحبات الامر بالمعروف والنهي عن المنكر والنصح لكل مسلم فان انا اقوم بالدعوة الى الله وانصح كنتم خير امة اخرجت للناس. تأمرون بالمعروف وتنهون عن المنكر - 00:29:01

بل بالعكس ترك الدعوة والنصح والامر بالمعروف والنهي عن المنكر ده مش من حسن اسلام المرء فهي بيقول تحت الشيخ بيقول ايه؟ وان من اعظم ما يعني الانسان الامر بالمعروف والنهي عن المنكر - 00:29:23

والاصلاح والاصلاح هو توجيه الناس وليس لاحد ان يأخذ بعموم حديس الباب. ياخد بالحديث ويقول لك خلاص بقى ويخرج منه الاصلاح ويعطل بذلك النصوص المتواترة في الحث على ذلك وانما المراد بحديث الباب - 00:29:40

ترك فضول القول والنظر والفعل مما ليس بخاصة الانسان واضح كده هذا وصلى الله على نبينا محمد وعلى اله وصحبه. والحمد لله رب العالمين. وجزاكم الله خيرا - 00:30:00