السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله. وبعد - 00:00:00

فما زال حديثنا حول المتألق رحمة الله عليه تاريخ السبب ابن القيم في هذا الكتاب المبارك كتاب الوابل الصيد كان يتكلم اه رحمة الله عليه على استقامة القلب فقال ان استقامة القلب بشيئين - 00:00:21

احدهما ان تكون محبة الله تتقدم عنده على جميع المحبة والامر الثاني كان يتكلم على تعظيم الاوامر والنواهي وزكر فيها امور منها رعاية الاوقات والتفتيش في الاركان والواجبات وكمال العبادات - 00:00:48

كنا توقفنا عند قوله وهو يتكلم عن الصلاة ولو ان رجلا يعاني البيع والشراء يفوته في صفقة واحدة في بلده من غير سفر ولا مشقة السبعة وعشرون دينارا لاكل يدا يديه ندما - 00:01:14

واسفاه سبحان الله بيقول لو الانسان خسر سبعة وعشرين دينار يبدأ يندم ويحس بالاسف والكلام ده فكيف وكل ضعف مما تضاعف به صلاة الجماعة خير من الف والف الف وما شاء الله تعالى - 00:01:34

يقول فاذا فوت العبد عليه هذا الربح خسر قطعا يقول وكثير من العلماء يقول لا صلاة له وهو بارد القلب فارغ من هذه المصيبة غير مرتاع لها. يعني غير خائف يعني وفزع. فهذا من عدم تعظيم - 00:01:56

ولله في قلبه وده راجع لمسألة تكلمنا فيها مرارا وتكرارا وهي التصحر الايماني لان التسحر الايماني بيجعل المرء يفقد العدسة التي يرى من خلالها الاشياء اه القلب لم يعد يتدخل لينفخ الروح - 00:02:19

في كلمات على لسانه تقال لان اه ويمكن اتكلمنا في الموضوع ده كان نقاشنا كتير حول كثرة الباكين من خشية الله في المساجد وفي الحلقات وفي الاعتكافات والكلام ده. ثم صار الحال - 00:02:42

كما الكل يعلم حساسية الايمان ضعفت. حساسية الايمان والتقاط الميكروبات والاوبئة الداخلة لأ قلت جدا جدا شوفوا على سبيل المثال الهجر بعد الحجر بعدما حجر الناس عن الصلاة ثم فتحت المساجد - 00:03:04

انظروا الى الهجر الموجود الان لا تكتمل الصفوف في الصيف في الصلوات الخمس هذا لماذا؟ حساسية الايمان ويدل المرأة ويدل هذا ايضا على ان الانسان لو اخذ على الراحة والكسل فترة - 00:03:33

حتى لو كانت من غصب عنها يألف ويا ان يعني يعتاد هذا الامر. فتلاقيه بقى عادي لبى في سنة قبلية ولا في سنة بعدية الا ما رحم رب البرية تلاقي الانسان خلاص بقى الموضوع عنده - 00:03:52

ونجيب اعزار اه هتلاقي اعزار لكن سبحان الله من يأتي بعزر حقيقي لو كنت عند غيرك يا رسول الله والله لقد اوتيت جدلا سبحان الله! بيقول كده انه يقول لقد اوتيت جدلا كعب بن ما لك. فبيقولوا له انا لو كنت عند غيرك يا رسول الله - 00:04:14

لخرجت من عنده بعزر بقول له انا اقدر اجيب عزر يعني انا الباب ده مش يقف معي وربنا زكر ان في ناس كتير كانت بتعتزر يا جماعة في واحد مبتلى بالنساء - 00:04:37

واحد بيبتلى بالنساء خاصة بني الاصفر نساء بني الاصفر هل هم الروم يعني فالنبي صلى الله عليه وسلم لما اراد ان يجاهد وامر الجد ابن قيس ان يجاهد معه قال يا رسول الله - 00:04:53

اني اجد فتنة مع النساء فيا رسول الله اجعلني في حل لا اريد ان اخرج وهذا الرجل يقول ائذن لي ولا تفتني. الا في الفتنة سقطوا. ياه! الراجل ده عنده عذر يا جماعة. اليس كذلك - 00:05:07

بيقول لك معلش يا شيخ انا بافتن بالنساء حبيب قلبي انت مش عاوز تعتكف ليه؟ مش عاوز تصلي التراويح ليه؟ والله يا شيخ انا هقول لك بكل وضوح وبكل صراحة - 00:05:29

انا الاخوات بشوفهم في الجامع في التراويح وهم رايحين المسجد ولا هم جايين انا خلاص ما بركزش ده خالص ده زاهرا عزر صح لكن رب البرية ورب الصدور المطلع على ما مكنونات القلوب - 00:05:40

يعلم ان هذا العزر هو اه عزر تبريري آآ وليس عزر حقيقي ده تبرير وليس حقيقي الانسان بس بيبرر ان ده اسر ماشي زي برضو الناس اللي كانوا في الاحزاب - 00:06:01

ماذا قالوا؟ المدينة تحاصر مدينة في حصار شديد جدا ومع زلك بيقولوا ايه يا رسول الله احنا مش هنقدر ان بيوتنا عورة. يعني بيقول له اسوان انا خايف على بيتي وخايف على كزا وخايف عليها من الايه؟ من اليهود وخايف عليها من السراق وخايف عليها من كزا - 00:06:20

نسأل الله العفو والعافية وما هي بعورة طيب تكملة الاية دي؟ وما هي بعورة بعد وما هي بعورة. ماذا قال الرب جل وعلا مبينا عن مكنون هذا الفؤاد وعن الامور التي يعني - 00:06:46

تتستر خلف هذه القلوب. ان يريدون الا فرارا. ما يريدون الا هذا الامر يعني ما فيش احتمالات تانية ما فيش ادنى ادنى ادنى احتمال ياه صعبة قوي دي والله في ناس - 00:07:10

تركت النبي صلى الله عليه وسلم يجاهد فلما النبي صلى الله عليه وسلم عاتبهم انتم ليه ما كنتوش معنا واللي يعني سبحان الله. قالوا لنا يا رسول الله احنا هنقول كل حاجة وهنقول بوضوح - 00:07:32

سيقول لك المخلفون من الاعراب شغلتنا اموالنا واهلونا فاستغفر لنا شغلتنا اموالنا واهلون فاستغفر لنا. ايه الرد ده عزر اهو يا جماعة قل له معلش بس انا والله اللي شاغلني عن امور الاخرة الاولاد والعيال والشغل واكل العيش. هو ده والله اللي - 00:07:49

شاغلني انا عمري ما انشغل عنكم اصلا فماذا كان الرد الرد كان تشريحي كهذه القلوب قال الرب جل وعلا يقولون بالسنتهم ما ليس في قلوبهم. ياه ما ليس في قلوبهم. مش هو ده اللي في قلبهم - 00:08:19

دول بيقولوا اعزار واهية دول بيقولوا اعذار ليست حقيقية يعتذرون اليك هم بيعتذروا اول ما النبي صلى الله عليه وسلم يرجع لهم من الغزوة كانوا على طول جاهزين ما شاء الله عليهم - 00:08:43

ما شاء الله ديت يعني ايه استهزاء يعني. فكان دول على طول اول ما النبي يعود تلاقيه معه يعتذرون اليكم اذا رجعتم اليه. قل لا تعتذروا انتم بتعتزروا ليه؟ لن نؤمن لكم قد - 00:09:07

نبأنا الله من اخباركم فمهما اعتزرت لانك لازم تفتش هل ده عزر حقيقي ام عزر وهمي في بعض الناس بيربي ولادها دلوقتي ان الكورونا في المساجد في ناس بيربوا ولادها كده بيقول لهم بصوا احنا دروس هنروح دروس ما شاء الله عليك ايه دي بتنزلي ولادك دلوقتي اه عشان يا شيخة الدنيا شيح - 00:09:23

فيه دروس ولا ايه طب يعني معلش يعني هنتعلم في البيت يعني يضيع يعني حضراتكم عاوزين تقولوا لنا بقى نضيع اولادنا لا بقول لكم مش هتضيعوا انتم ضيعتوهم اصلا من ساعة ما خليتوهم في طول الفترة دي ما - 00:09:52

ما تنزلوش للاخرة لكن اول ما في دروس نزلوا انتم ضيعتوهم اصلا احنا بنقول لكم انتم عملتم فيهم ايه ماذا غرستم؟ وماذا افسدتم في قلوب هؤلاء يمنع الولد من المسجد. ليه؟ عشان الكورونا والكلام ده. لكن في المصيف - 00:10:04

ده ما شاء الله تلاقي مثنى وفرادى واكثر من ذلك كمان يعني لاقي جماعات وزمرا كله بيجتمع عادي جدا. لكن اول ما ييجي يعني سبحان الله الشغل الصبح ويروح او هي تروح شغلها وتخرج وتروح الهايبر وتخرج وتروح المدرسة وهو يخرج يروح الدروس - 00:10:22

وهو معدي على الجامع يقول لك لأ اصل انا خايف من عينيه من كورونا فده عزر هي دي اعزار فحساسية الايمان يا جماعة اما بتضعف بيطلع الكلام ده بقى حساسية الايمان - 00:10:45

الا فليتق الله كل والد ووالدة ان الله سيحاسبك حسابا خاصا عن اهلك حتى يسأل عن اهله خاصة انت هتتسأل على الولد ده وهتتسأل على البنت دي هتتسأل سؤال محترم عن دين هؤلاء ماذا فعلت - 00:11:03

مروا اولادكم. انت كنت فين؟ اه هم كانوا بيصلوا في البيت ما شاء الله. النهاردة المدارس هترجع وهيرجعوا ايه؟ ويقعدوا يومين وتلاتة وينزلوا المدرسة خلاص وانت خايف لسه على فكرة من كورونا وهتغامر عشان الدنيا - 00:11:30

وهتغامر ويروحوا المدارس وهتغامر وياخدوا دروس خاصة ويحصل احتكاكات ويحصل كزا ويحصل كزا ويحصل كزا في ناس وقفوا الشيخ بتاع تحفيز القرآن. ليه؟ عشان الكورونا احسنت بارك الله فيك عشان التباعد احسنت - 00:11:48

لكن تلاقيه مرجع مدرس الانجليزي مدرس العلوم مدرس الرياضة ومدرس فين الكورونا يا شيخ ما هو الكورونا بتيجي من تعليم المصحف اول ما نيجي نقول له يلا قل ورايا امين بس في كورونا. وقف. انتم الناس دي - 00:12:06

لابد يا جماعة نحن نتزوق مآلات هذا الامر ان الله لا يخدع هذه الامور ان نتزوق مآلاتها وكل واحد يبقى فاكر ان هو بيربي اولاده تربية اعتزاز بالدين وان الدين رقم واحد وهو ماشي على التراك ده - 00:12:24

ده ما يجيش في يوم من الايام يقول اه انا ولادي ربيتهم تربية اسلامية. لا لا ما لكش دعوة بالقصة ديت. انت وانت ربيتهم تربية يعني مسلا الدنيوية حلوة. اه ركز في النقطة دي. لكن بلاش نضحك - 00:12:46

على انفسنا ليه نخدع انفسنا يقول وكذلك اذا فاته اول الوقت الذي هو رضوان الله او فاته الصف الاول الذي يصلي الله وملائكته على ميامنه ولو يعلم العبد فضيلته لجالد - 00:12:59

ولكانت قرعة وكذلك فوت الجمع الكثير الذي تضاعف الصلاة بكثرته وقلته وكلما كثر الجم كان احب الى الله جل جلاله. وكلما ما بعدت الخطى كانت خطوة تحط خطيئة واخرى ترفع درجة - 00:13:18

وكذلك فوت الخشوع في الصلاة وحضور القلب فيها بين يدي الرب جل وعلا الذي هو روحها ولبها فصلاة بلا خشوع ولا حضور كبدن ميت كبدن كبدن ميت لا روح فيه - 00:13:38

افلا يستحي العبد ان يهدي الى مخلوق مثله عبدا ميتا او جارية ميتة فما ظن هذا العبد ان تقع تلك الهدية ممن قصد بها من ملك او امير او غيره - 00:13:55

يقول لك الصلاة اللي انت صليتها ديت صلاة الفجر لاخر صلاة انت صليتها دي تليق بمين يعني وبدأ يستطرد شوية في امر العبادات ويتكلم في هذا الامر يعني ربما يكون - 00:14:08

مش محتاجين نركز في الامر ده كتير هنعدي المقطع دوت بتاع الاستطراد ثم نقرأ في فصل صفحة ستة وعشرين يقول واما علامات تعظيم المناهي فالحرص على التباعد من مظانها واسبابها وما يدعو اليها - 00:14:27

ومجانبة كل وسيلة تقرب منها. كمن يهرب من الاماكن التي فيها الصور التي تقع بها الفتنة خشية الافتتان بها واما علامات تعظيم المناهي فالحرص على التباعد من مظانها واسبابها وما يدعو اليها - 00:14:51

ومجانبة كل وسيلة تقرب منها. كمن يهرب من الاماكن التي فيها الصور التي تقع بها الفتنة خشية الافتتان بها وان يدع رقم تلاتة ما لا بأس به حذرا مما به بأس - 00:15:12

يقول ان علامات تعظيم المناهي اول حاجة الحرص على التباعد من مزنه واسبابها وما يدعو اليها يقول لك انك تبعد على قدر اللي اه المتاح انك تبعد عن احتمال يكون فيه فتنة. يعني انت ماشي في الشارع - 00:15:29

الشارع ده حاليا ظاهرا كويس لكن لكن ان في ولاد واقفين في نهاية الشارع ده ممكن يعاكسوا ممكن يقولوا الفاظ مش كويسة وكده تلاقي اللي بيعزم اه وخايف على نفسه - 00:15:52

يعمل ايه يكون عنده حرص على التباعد من مظان المشكلة. من احتمالية ان ممكن تحصل مشكلة ربما يحدس حاجة صح ولزلك مسلا اه فيه فتاوى اه اه من ناحية الحلال والحرام المحض زاهرا كده - 00:16:10

آآ ده الموضوع ده ممكن يكون عادي ما فيهوش مشكلة. لكن التجربة بتقول ابعد زي اشهر حاجة الخطوبة بنقول لكل المخطوبين ممنوع ياخد رقمك عاوز يكلمك من تليفون حد من اخواتك - 00:16:32

طب مش كلهم مش موجودين خلاص من تليفون والدتك وممنوع يكون في تواصل بعد الساعة عشرة بالليل وما يكونش يومي خلاص ممنوع ياخد رقمك ممنوع تتواصله خاص على الموبايل طيب ليه وبتاع ده احنا عاوزين ده انا كنت ناوية اراجع معه صحيح مسلم وشرح النووي - 00:16:54

آآ بالليل ونراجع مع بعض وبتاع ده وقت المزاكرة بتاعي وكده الطريق كله مليان حوادس وكل اللي جاي في الاتجاه التاني بيقول لك ارجع في رادار على الطريق وكله ايه؟ ممسوك - 00:17:18

ليه في ايه وبتاع الدنيا كلها صعبة الاسعاف قاعد امال يحمل وما فيش مكان في العربية لو عندنا الف حالة عملت كده الالف دول مش عاوزين نقول نسبة قد ايه بس يعني ما تقلش عن خمسة وتسعين في المية تسعين في المية حصلت مشكلة - 00:17:34

حصلت مشاكل اقل مشكلة فيها اقل. مشكلة اقل مشكلة في الموضوع ده ان قلبها بيتعلق به فلما يحصل اي حاجة ويجوا ينفصلوا مش قادرة مش قادرة ايه اه انا مش عاوز اسيبه وهو مش عاوز يسيبني وندخل بقى فين - 00:17:56

محي صبيص زي ما بيقولوا آآ لكن ابتداء كده لمجرد واحدة هتكلم خطيبها عاوزين يسألوا آآ عموما اه والله بصي حضرتك من ناحية الكتب وانا قاعد كده وقفل على نفسي وبفتح كتب الفقهاء - 00:18:17

اقول لك جائز لكن من ناحية اللي انا راجل في الميدان هقول لحضرتك لا انا بقول لحضرتك الجائز ده واضح جدا ان هو بيستعمل النهاردة غلط زي ايه بالظبط في مشكلة ان الاولاد يلعبوا كورة في الشارع - 00:18:34

هل يحرم ان هم يلعبوا كورة في الشارع؟ عادي ما فيهوش مشكلة. لكن التجربة بتقول لنا الاولاد وهم بيلعبوا كورة. الكورة بتخبط في زجاج العربيات وبتخبط في كزا وبتخبط في كزا وبتخبط في كزا. فالتجربة بتقول لنا نمنع الباب ده - 00:18:52

وبيعملوا ازعاج للجيران وبيأزوا المرضى وبيعملوا كزا وبيعملوا كزا وبيعملوا كزا وتيجي المسكينة تتعلق وهي بقى كان قلبها بكر فتعلقت بانسان. فتبدأ بقى ايه تدخل في متاهات بينها وبينها. فعلامات تعظيم المناهي الحرص على التباعد من مظانها. مش منها من مظانها - 00:19:09

احتمالية يكون الموضوع ده واسبابها وما يدعو اليها قاعد يتفرج على قناة الجزيرة او اي قناة بسبب حجتي بيتابع البرنامج او بيتابع الاخبار. حبيب قلبي البنت اللي قاعدة بتتكلم ده وانت قاعد عمال تتفرج - 00:19:32

دي عليها كاسية عارية ساعات بتنزر لها ازاي دلوقتي دي من ضمن اسباب الفتنة لأ اصل انا لي نية انت حضرتك مش عارف نيتي؟ انا نيتي ايه بقى الاهتمام بامر المسلمين لان من لم يهتم بامر المسلمين كمل انت بقى يا شيخ - 00:19:49

ها مش فليس منهم حبيب قلبي اللي بيضيع امر نفسه. الاول اللي يهتم بالاسلام قبل ما يهتم بمسلمين اعرف الاول الاسلام قبل ما تبدأ تنشغل بالمسلمين واهتم بنفسك وانك تنجي نفسك. عموما ده مش حديس يعني ولا مهتم بامر المسلمين - 00:20:06

فالحرص عند الانسان ليس هذا معنى كلامي ترك الامر. لا يعني اظن يعني من السياق مفهوم عن اي شيء اتكلم. فالحرص على التباعد من مظانها واسبابها وما يدعو اليها اه ففي واحد تلاقيه اه مدمن مشاهدة الافلام الوساقية يا شيخ والله الافلام اللي هي الهادفة - 00:20:26

آآ وادي تتبع الاعلانات اللي في الجرايد وادي يتتبع مش عارف ايه واسبابها وما يدعو اليها ومجانبة كل وسيلة تقرب منها. كل وسيلة تقرب منها عاوز يخطبها فيكلمها يبعت لها على الخاص. سلام عليكم. وازاي حضرتك وانا معجب جدا جدا ببسطاتك ومعجب جدا بخطواتك ومعجب جميل جدا جدا - 00:20:50

كلامك مع المعيد ومعجب جدا بتاعه وهي تقول لها وتقول له شكرا جدا ده من زوق حضرتك انت بتعملي ايه ان شاء الله لأ مش عاوز اكسر قلبه قد تكسري قلبك بقى وتضيعيه - 00:21:14

ومجانبة كل وسيلة تقرب منها طيب هو هيعمل ايه يا شيخ؟ مش الصح ان هو يتواصل معي ان هو ياخد رقم والدي ووالدتك ووالدتي لأ هو الصح ان هو ما يتواصلش معك اصلا - 00:21:25

يبعد عن كل وسيلة تقربه من خطأك او مفترض ايه اللي يحصل مفترض اللي يحصل ان يشوف حد محرم ويحاول يتواصل معه ما عرفش يوصل للنقطة ديت يخلي والدته او والدة زي ما اخوة كتير بعض الناس بيحسسنا ان احنا بنطلب مسلا حاجة معجزة - 00:21:41

لأ عادي جدا شباب كتير وجامعات خاصة بياخد والدته جدا معاه او اخته او اي حد يعني من محارمه ويقول له انا هي ديت فلانة فتروح التانية تتكلم معها وتاخد التليفون. الامر بسيط يعني - 00:22:00

طب هو ايه المشكلة ان هو يتواصل مباشرة هنقول برضو من ناحية مجرد كده زاهرا كمسألة الامر يعدي لكن الواقع بيقول ايه اللي موجود في الواقع عارف كويس جدا الحاجات دي بتروح في حتة بعد كده - 00:22:16

او كثير منها لا اعمم طبعا ومجانبة كل وسيلة ومجانبة كل وسيلة تقرب منها. كمان يهرب من الاماكن التي فيها الصور التي تقع بها الفتنة خشية الافتتان بها وان يدع ما لا بأس به حذرا مما به البأس - 00:22:34

وده اللي بيسموه الورع وده ملاك الدين آآ موضوع الحتة دي آآ الامر ده خطير خطير خطير وان يدع ما لا بأس به حذرا مما به البأس اه بعض الناس دلوقتي بيقول لي طيب انت ليه ما تقولش الكلام ده وخلي الناس كلها تقول الكلام ده والكلام ده عشان الناس تعرف ان ده حرام. انا ما بقولش يا جماعة ان ده حرام. مجرد ان يقول لها - 00:22:54

هاتي تليفون والدك ان ده مش حرام انا بقول ان يدور على وسيلة اامن من هذا الباب انا لا احرم اهذا؟ ولكن اقول لكم ان هذا الامر بالتجربة بيؤدي الى ازمة. نرجع لموضوع ابن القيم يقول وان يدع ما لا بأس به - 00:23:29

حذرا مما به بأس وده يعني لعلي اتعرض له بشيء من التفصيل اما اليو او في لقاء اخر يعني هيجي معنا يعني يقول وان يجانب الفضول من المباحات. خشية الوقوع في المكروهات - 00:23:48

الفضول من المباحات زي فضول الاكل فضول النوم فضول الكلام لان الفضول ده اللي هو الشيء الزائد يعني كلام كتير زائد يعني في واحد كده يقدر يتكلم كتير يتكلم كتير ما انت الكلام كتير ده ممكن تغتاب - 00:24:06

الكلام الكتير ده ممكن تجيب سيرة حد. الكلام الكتير ده ممكن تبدأ الكلام الكتير ده يسحب من رصيد الازكار من الورد من الكلام اللي يتعلق الصلة والجيرة والحاجة ففي تضييع وقت - 00:24:22

الاكل الكتير انا سبحان الله يعني موضوع ان في بعض الشباب كده يقولوا يلا عشان ناكل يلا ما شاء الله جميل يلا عشان ناكل من متطلبات الحياة ومن احتياجات الانسان البشرية ان هو ياكل - 00:24:36

لكن احيانا ممكن يتناقشوا حوالي ساعة الا ربع هناكل ايه يا جمالك انت وهو ساعة الا ربع تتناقشوا انتم هتاكلوا ايه وبعد ما يتفقوا بقى خالص ويراجعوا القايمة بتاعة المطعم - 00:24:50

وابعديه معها ما اعرفش يعني كانوا عاملين معها جلسة تدارس ولا ايه؟ بعد ما يخلصوا الموضوع ده كله بقى اه وما ادراك ما المطعم يتلطع بقى حوالي يمكن ساعة ونص فتلاقي كده ايه دخلوا الساعة كم؟ يقول لك دخلوا هذا المكان الساعة تلاتة. للتو خرجوا خارجين الساعة ستة - 00:25:06

ياه انت انت عندك وقت ما شاء الله عليك. عندك وقت انك تاخد تلات ساعات عشان تتناول وجبة يعني للدرجة دي وقتك رخيص والله لو ديت مسلا تعملها مرة من باب انك اصلا الموضوع مش مجرد طعام ده مجرد بس اللي احنا خارجين مع زمايلنا وعاوزين ندخل السرور مش عارف ايه ومن باب يعني ساعة وساعة - 00:25:25

ماشي. لكن الموضوع ده تقريبا يوم ويوم الموضوع ده بيطول قوي الناس اللي في الجامعة الموضوع ده بيطول معهم قوي. يعني تيجي تشوف كده مقدار الوقت اللي بيضيع في الحتة دي - 00:25:56

وقت رهيب بس احنا مش هناخد بالنا دلوقتي احنا مش هنخرج مش هناخد بالنا دلوقتي. عارفين هناخد بالنا امتى وعن عمره فيما افناه وعن شبابه هناخد بالنا واحنا بنتسأل سؤالين خاصين بالعمر - 00:26:08

واحنا واقفين الموقف الصعب ننظر امامنا فلا نرى الا النار وتنزر يمينك وشمالك فلا ترى الا ما قدمت. وتلاقي نفسك بتتسأل في الوقت ده وفي المكان ده واللي بيسألك مين - 00:26:29

والمكان عامل ازاي؟ ساعتها هتبدأ تقول ايه؟ صح. كان في حد قال لي مرة يا ابني فوق يا ابني فق ويجي يقعد مع والدته نص ساعة. يقول مشغول يا امي، مشغول بايه بقى ؟ - 00:26:46

ما الذي شغلك عنها ما الذي شغلك عن ابيك ده انا مش هقول لك بقى تقعد مع والدك ووالدتك. يا عم روح اقعد مع جارك يا عم اهل جورفي اهو سبحان الله ما زال جبريل يوصيني بالجار. رح اتعرف على جيرانك اللي انت يعني مسئول عنهم دول - 00:27:00

وانك المفترض تعمل علاقة طيبة بهم يجي يقعد في الجامع يبص في الساعة اه مش طولنا كده يا شيخ بين الازان والاقامة مش عارف ايه نسأل الله السلامة ان يجانب الفضول من المباحات. وطبعا يدخل بقى المطاعم ويدخل الاماكن ديت بقى يا ترى هينكر ؟ لأ - 00:27:19

مش هينكر يا ترى بقى لأ يقول لك لا هو فيه حد هيدخل المنوفي ولا يدخل البرج ويعلق! ايه يا عم انت لسه في ناس بتتعامل مع الموضوع ده ان ده مش امر عفوا منكر. لأ - 00:27:39

ده نزام انت كده جاي من فلاحين ولا انت جاي من المدن انت هتتكلم في الحاجات دي ايه ده؟ انت مش عارف الحاجات دي سبحان الله! فيه ناس دي طريقة تفكيرها واخوة واخوات - 00:27:51

بيكون ده طريقة تفكيره حتى لو ما انتبهش. ييجي يدخل يقول لك ايه؟ تقول له آآ ازاي هدخل المكان ده؟ لا بس فيه موسيقى. يعني نبقى مسلا رايحين المعارض ولا حاجة - 00:28:04

الشباب آآ يقولوا تعال ناكل من مطعم كزا. فاما نيجي ندخل فبعض الشباب يقول له لا بس فيه موسيقى فتلاقي احيانا في عيون الناس ما معنى فيه موسيقى؟ تحس ان انت مسلا بتسأل سؤال - 00:28:14

في كتاب الصيد عند الاحناف مسلا حاجة صعبة قوي يعني حبيب قلبي فيه موسيقى انت سامع الدب ده كله الموضوع مزعج جدا فهو مش قادر ينتبه ليه لان هو عرض آآ نفسه لكسافة معينة آآ ما عدش واخد باله. ده القصص ديت - 00:28:27

تقول له بس في شاشة شغالة وفي حاجات بتتعرض مش كويسة. يقول لك بص احنا كده هندي له ضهرنا يعني تدي له ضهرك هو انا معلش يعني ما الذي يجبره يجبرني ان انا اقعد في المكان ده - 00:28:49

وبعدين المكان ده مليء باشكالات. فيه ناس آآ نسيت تلبس وفي شرب وسجاير وفي كزا وفي كزا وفي كزا وفي كزا وفي كزا وفي كزا ايه يا عم ده كله يا عم - 00:29:04

انا مش مش هقدر اتواجد في المكان ده. اهم حاجة انا لا يسرني ان انا اقبض وانا في المكان ده انا لا يسرني هذا ان يقول لك ايه هو كان رضي الله عنه في مطعم مليء بالمنكرات ومليء محاط بكزا وكزا ودخل يتناول الايه؟ الوجبة - 00:29:18

اه الحاجة دي خاصة انك عندك بديل. انك تطلب الاكل وتاخده معك الموضوع يعني مش حاجة عنيفة يعني اوي يعني بس زي ما قلت لكم الحاجات دي يا جماعة آآ اللي قلبه هو محافظ عليه هياخد باله من الحاجات دي. اصل زي الاوائل على الدفعة كده. الاوائل دايما بتلاقيهم محافظين على وقتهم - 00:29:38

الاول بيركز في الوقت بتاعه. ايه اللي بيطلع بقى اللي هو ايه ايه يعني اما تشيل مادتين. الله يعينه ده بقى يقول ان يجانب الفضول من المبيحات. خشية الوقوع في المكروهات - 00:30:02

حاول اللي بياكل كتير قاعد ياكل ياكل ياكل يقول لك نحن قوم ازا اكلنا لا نشبع لانه يحكوا لياكل بس هو بيفهم كلمة لا نشبع دي يعني ما ما يعني ايه ما بنسكتش يعني - 00:30:15

قاعد دايس دايس دايس دايس دايس. يا حبيب قلبي ما انت دلوقتي هتيجي تقول ايه لا اجد مسلكا مش قادر مش شايف قدامي طب ما انت ايه اللي وصلك انك تاكل لغاية ما ما تشوفش قدامك - 00:30:28

ايه اللي حصل التكرار الخلاق ما ياخدش باله بقى ان الحاجات ديت لا تأكل كثيرا لا تنام كثيرا فتمرض كثيرا. معنى كده ان احنا بقى يعني آآ الصح ان احنا ما ناكلش لا يا سيدي - 00:30:43

انا بقول لك كل وبالمناسبة يعني ما بقولكش كل مرة واتنين وتلاتة لو تقدر تاكل عشر مرات في اليوم كل عشر مرات في اليوم بس كون دايما الاكل اللي يدفعك للعمل - 00:30:59

مش اللي يعطلك عن العمل وكل واحد ادرى بدابته التي يحملها. جسده الحاجات ديت يا جماعة التكرار بيخليك تسرح. يعني الشيخ الحويني لما كان شاب وساكن بالقاهرة آآ يقول ان لما سكن في القاهرة - 00:31:11

كان سكنه امام المقابر فبيقول في البداية كان قلبي ينزعج. كل اما اشوف جنازة كده قلتها واتألم ومش عارف ايه مرة في يوم التاني في شهر في التاني وبتاع بعت عادي جدا ناس رايحة جاية المقابر وفي جنازة معدية ولا قلب آآ عاد يتحرك - 00:31:40

فقلت لابد ان اغير السكن وغير السكن لماذا؟ حتى يبقى للقبور الهيبة حتى يبقى لهذه الامر هيبة في القلب الامر ده مهم جدا الامر ده انك تحافز على قلبك. ده يا جماعة اما الانسان بيكون مركز على قلبه - 00:32:03

زي كده الاخ اللي بيلعب جيم ولا الاخت اللي عاملة ريجيم طبعا ما فيش حد بيعمل رجيم من النساء في الغالب يعني بس هو هي عندها مشروع استراتيجي الى الممات اسمه الريجيم يعني. يعني هو ايه؟ يعني عندهم ان الريجيم ده يعني نية يعني - 00:32:26

المهم تلاقي واحد عامل رجيم فما رضاش يتناول بعض الاطعمة خايف على ان دي هتؤثر على كزا آآ المفترض اللي مهتم بقلبه ينتبه للنقطة ديت. اللي بيكون مركز جدا على القلب بيكون منتبه لقلبه - 00:32:41

بيقول لا يا عم ده انا عارف يا عم انا عارف انا ادرى الناس بقلبي عندي خبرة بنفسي عارف ان ده بيشخبط في قلبي فالنقطة دي طالما بتشخبط وتتعبني انا مش هعملها. فالانسان اللي يكون بصير عارف ان لأ انا لابد ان الازان يبقى ليه مساحة في قلبي - 00:33:00

لازم الصلاة تبقى لها مساحة في القلب لازم اه الصلة تبقى ان لها مساحة في القلب. ولزلك تجده دايما في البر وفي الصلة آآ هو المبادر ما فيش حاجة اسمها اصل هم اللي غلطوا. حبيب قلبي انا مش في محكمة. مين الصح ومين الغلط - 00:33:19

انا داخل اختبار فلازم اجيب فيه عشرة من عشرة اصل امي اللي غلطت ما انا عارف ان امي اللي غلطت طب الحل ايه؟ ان هي تعتزر؟ اه. مش هتعتزر. طب الحل - 00:33:39

نستنى اللي هي هتعتزر انا مش هستنى انا لازم اجيب عشرة من عشرة في الاختبار ده اصلهم ما قصروا في ايه؟ وانت ما تعرفش والدتي ديت بتكرهني وكل يوم بتدعي علي وعاملة لي عمل وبتاع وبتطلع لي في النوم والدنيا تخنقني وبقوم من النوم مفزوعة عملت كل حاجة - 00:33:50

اه اقول لك برضو ده اختبار وحاولي تنجحي فيه ازاي؟ وحرام عليك انت مش بتحس بي؟ لا حاسس بك. طب تنصحني بايه؟ ده اختبار وحاولي تنجحي فيه برضو مش حاسس بيا مش هقدر اقول لك اي حاجة تانية غير النقطة دي - 00:34:06

ان ده اختبار حاول تنجح فيه وحاول تجيب اعلى درجة فيه ازاي عادي يعني في مدير في الشغل بيبقى رخم برضه يكون مزعج وكل حاجة وبتحاول ترضيه عشان الدنيا تمشي - 00:34:20

حاول ترضيها عشان الاخرة تمشي وان يجانب الفضول من المبيحات ويدعو اليها ويتهاون خشية الوقوع من ومجانبة من يجاهر بارتكابها ويحسنها. دي نقطة مهمة جدا من علامات تعظيم النهي ان تجتنب هؤلاء يا جماعة ان تجنب هؤلاء - 00:34:35

انت مش ملاحزة حاجة كده متغيرة معك في الجامعة بقى لها فترة انك بقى عندك الف عالي جدا انك تقفي مع البنات اللي لبسهم مش قد كده في الجامعة وصوتهم ما شاء الله في الضحك وواصل للمدرجات التانية والاولاد قاعدين بكل صيحة - 00:34:59

يلتفت اليه. طبعا انت واقفة انت ايه؟ احيانا بقى بتكوني واقفة وقفة المنتقبة الوقورة اللي تعلوها اسار الهيبة والوقار اللي هي ايه ما بتعملش ده بس هي واقفة في المكان ده اه وعارفة ان كل انزار الشباب تتجه - 00:35:18

تجاه هذه الاجساد اللي اللي لابسة اللبس ده والضحك ده كله وانت واقفة بقى بس عشان انت اخت مش عاوزة تزهري بالكلام ده. انت حطيتي نفسك في الموطن ده ليه - 00:35:34

طب انت موجودة للتأثير ولا اتأثرت انتبهي النقاط ديت خطيرة والنفس يا جماعة مش سهلة هتضحك عليك كتير وتحاول تقول لك عشان ندعوهم وبتاع والحقيقة انت بتبقى واقف لانك انت عارف ان المجموعة دي - 00:35:47

اه كل الولاد تقريبا بيبصوا عليهم فيعني ينال ينالنا بقى من الايه من من الخير جانب بقى ونصيب وكده. خلوا بالكم آآ او مجانبة من يجاهر بارتكابه. يجاهر تحت كلمة يجاهر ديت عشر خطوط - 00:36:07

ويحسنها ويدعو اليها ويتهاون بها. ولا يبالي ما ركب منها. فان مخالطة مسل هذا داعية الى سخط الله وغضبه ولا يخالطه ولا يخالطه ولا يخالطه الا من سقط من قلبه تعظيم الله تعالى - 00:36:30

يا رب سلم صعب قوي للكلمة ديت بس صعبة قوي لان انا اللي قلتها وعلشان ابن القيم اللي قالها. ابن القيم اللي قال انا ما ليش علاقة لست الا ناقلا - 00:36:51

لا يخالطه الا من سقط من قلبه تعظيم الله وحرمات الكلام ده ضروري انت مخالطه ليه لماذا تخالط هؤلاء آآ اجباري انت مخالطة خلاص راكب طائرة وده واحد عمل كزا والكلام ده كله - 00:37:08

في يوم من الايام كنت راكب الطائرة وجنبنا يعني حد كبير كده في السن فالمضيفة اه بتقول له حضرتك تاكل ايه وتشرب ايه وكده فقال لها انا قبل ما اكل كزا اشرب كزا انا لي آآ - 00:37:26

ونصيحة عاوز اقولها لحضرتك صدرك التاسع لها طبعا دايما المضيفات والناس ديت بيبقوا اصلا يعني ايه هدفه دايما الزبون ولازم يرضيه ولازم على قد ايه ما يقدر خاصة ان هو ايه اسير - 00:37:50

بتاعه يعني فطبعا اتفضل يا فندم ومش عارف ايه والكلام ده قال لها يعني هتقابلي ربنا صح فقالت له اه. قال لها تحبي تقابلي ربنا وانت باللبس ده فالبنت اتخطفت كده خاطفة وقالت له طيب وشكرا جدا ومش عارف ايه والكلام ده كله - 00:38:05

المهم يعني بعدها ان في حد بيكلمه يعني بيقول له انت حضرتك يعني احرجتها ومش احرجتها. طب هم كده كده هم الناس دي مش هتتغير وكده قال له الناس ديت هي مش اتغيرت ومش هتتغير طول ما احنا ساكتين - 00:38:25

لكن احنا بدنا ننصحها بالحسنى وبدون ما حد ينتبه وبدون ما نحرجها قدام حد والكلام ده هنكون هيكون ده اكبر واجب آآ من خلالنا لها يعني فعجبني جدا ان الراجل ده على قد ما هو فاهم كويس جدا وفاهم الدين وبتاع - 00:38:41

في يوم من الايام دخلت مع راجل سري جدا كنا في لقاء ورشة عمل كده فدخلنا مطعم فاول لما دخلناه كان مطعم مسمع جدا عندنا في القاهرة فالمطعم ده آآ - 00:39:03

كان الموسيقى انتم عارفين طبعا الموسيقى هادية خالص يعني يكاد يكون غير مسموعة فلما دخلنا وقعدنا كنا حوالي عشرة حداشر فمعزمنا قعد وهو ده انه وقف. بيقولوا له اتفضل اقعد وبتاع. قال لهم بس انا منتظر الشباب اللي ييجوا يعني. فجه واحد - 00:39:21

فاول ما جه قال له انت اسمك ايه طبعا هو شايف الهيبة بتاعة الناس اللي قاعدة والوضع وكده فهو الولد بيتعامل بود عالي قال له انا اسمي احمد قال له ياه - 00:39:45

انت احمد يعني مسلم. فالولد اتخض اول ما بيقول له احمد يعني مسلم فاتخض جدا من الجملة فقال له ياه احمد يعني مسلم فالولد قال له بص له كده بابتسامة فيها تعجب - 00:40:00

قال له انت يا احمد انت معرض قلبك لله للكمية دي كلها من التلوسات دي ازاي فهو الولد مش مش مستوعب قال له يا حبيب قلبي اللي انت بتسمعه ده بودنك ده - 00:40:15

ده يبهدل قلبك انت بتتحمله ازاي فسكت كده قال له نظام بقى المطعم ومش المطعم كده قال له لا احنا قد ما نقعد لازم تقفل الحاجة دي قال له انا لا احتمل لا يا قلبي قلبي لا يتحمل هذا الامر - 00:40:29

الولد سامح كده حاجة عجيبة يعني هو مش شايف حد يعني اللي لابس جلابية ولا لابس كزا ولا لحية قد كده وشايف بس حد كده عليه الوقار وبتاع والراجل بيقول له قلبي انا خايف على قلبي. قلبي ايه يا عم انت جاي تاكل سمك! ايه اللي خايف على قلبي دي - 00:40:46

قال له معلش انا مش هقدر. فهو بيتكلم معه جه اللي ماسك هؤلاء الشباب دول فقال له خير يا فندم وبتاع قال له انا الموسيقى بعد ازن حضرتك تقفلها قال له انا اسف جدا يا فندم ده ده نزام آآ المطعم ومش عارف قدام نقوله بقى ايه الموضوع مرتبط بايه وبتاع - 00:41:01

فقال له طيب ماشي قال له يلا يا شباب خلاص شف مكان تاني فهو لما جم يقوموا ان جه حد اكبر منهم بقى جه من تحت وجاي يجري يعني يبدو ان هو متابع الكاميرات تاني - 00:41:21

بقى جاي يجري وخير يا فندم وبتاع والكلام ده فقال له انا بقول لهم كزا كزا قالوا لي كزا قال له لا خالص يا فندم نقفلها لحضرتك فراح باصص للي قال له ده نظامه كده - 00:41:36

قال له عرفت ان الموضوع ممكن بس انت الفت المشكلة خلاص هتقول لربنا ايه لما تقول له يا رب انا كنت باسمع دول كلهم الحاجة ديت اه المهم وانا قاعد معه فبيقول لي انت عارف يا محمد - 00:41:48

احنا لو مش وقفنا لهؤلاء بالادب والنصح والكلام دول. الناس دي هتقف لنا يوم في يوم من الايام. بس هتقف لنا في يوم صعب هتقف لنا يوم القيامة وتمسك من ايه - 00:42:10

من رقابنا وقولوا يا رب الناس دي جت عندنا والناس دي ما سمعناش لهم صوت. الناس دول مش وعزونا. الناس دول لم يزكرونا. الناس دول مش وصونا. الناس دول ما خدوش موقف. الناس دول مش ربونا - 00:42:23

الناس دول كزا والناس دول كزا والناس دول كزا على فكرة انا ما كانش شاغلني آآ الموضوع يتقفل او ما يتقفلش اكتر ما اللي انا لازم اوصل للناس دي انكم يوم القيامة هتتسألوا - 00:42:37

احد اخواننا جاي من امريكا ونزل المطار ابنه تقريبا سبع سنوات او ست سنوات اه لا ازكر انزاكا سن وبقول وانا بختم الجوازات مرة واحدة ما لقتش الولد ادور عليه يمين شمال فوق تحت مش لاقيته - 00:42:55

فين كده طالع لي من البوكس بتاع الظابط عارفين انتم الظابط اللي بيعمل الجوازات بيبقى قاعد كده في صندوق كده كان بيقول مرة واحدة كده طلع لي وبقول لي راح الزابط واقف - 00:43:16

وقال لي ده ابنك قلت له اه قال لي ربنا يحفزه ويبارك لك فيه انت كنت فين وبتاع فهو زابط قال له قال له ده هو سامعني آآ كان فيه موسيقى شغالة في الموبايل واغاني - 00:43:31

آآ دخل وقال لي عمو انا ممكن اقول لحضرتك حاجة فقلت له اتفضل قال لي بعد ازن حضرتك لو تغير النغمة دي وتخليها حاجة غير الموسيقى وغير الاغاني. ان شاء الله يكون حاجة كويسة - 00:43:49

فانك يعني من البداية انك تربي الولد وتربي البنت على العمق ده ده ضروري جدا يا جماعة هو ده بقى اللي بيبقى عايش لدين وبدين ما تجيش تقول لي ان اه لا انا مهتم بالدين بيجي له محفظ قرآن وتقول لي قرآن كمان - 00:44:02

فتقول لي بيجي له محفظ آآ وشيخ وبييجي وبيعلمه. اه فين التعليم ده في الشارع ما هو الحاجات ديت لازم تسمع في الشارع ما انا مش بعلمه الحاجة دي عشان يجيب آآ - 00:44:22

الدرجة كويسة وخلاص. لأ احنا بنعلمه الكلام ده ونعلمه الادب برضه وهو بيدعو بنعلمه الادب يدعو ازاي مش بنقول له ادخل اتخانق وشد دول وايه وحرام واللي انت بتعمله لا بكل الرقي والادب ده والكلام ده. وده يعني يعني - 00:44:35

في السياق اللي انا بحكي مواقف ربما تكون من وجهة نزركم فيها اه صعوبة شوية ازاي والواحد يقول حاجة زي كده وبتاع لأ انت استعنتك بالله سبحانه وتعالى وانك تتكلم آآ الحاجة ديت انا يعني انا عن نفسي يعني ما رأيت شاب وشابة وواقفين في مكان - 00:44:52

نصحتهم على ما ازكر يعني لو مسلا فيه الف حالة انا ممكن تبقى حالة او اتنين الرد ردود ناشفة يعني لكن الباقي كله كان بكل هدوء وبكل آآ يعني سكينة كده يعتزر والموضوع ينتهي - 00:45:14

ففكرة ان الناس كلها بتتخانق وان الناس كلها كزا لأ هو ده بس يعني ده هاجز عند ده عند بعضنا عشان يريح نفسه مبرر جميل يعني الناس اه لأ الناس ما بتستجبش ، ده مبرر كويس - 00:45:31

آآ الموضوع محتاج آآ نية محتاج استعانة آآ برب العاصي دوت اللي بيعصي وربك انت الذي يطلق على قلبك اه يطلق في قلبك السكينة وعلى لسانك الكلام. وانك تستعين بالله سبحانه وتعالى يستخدم الاسلوب كويس. وان يا جماعة احنا عاوزين نعلم - 00:45:46

ناس بننصحهم مش هنعلم عليهم. انت مش داخل يعني تقول له بص بقى علمت عليك. لأ الموضوع مش كده الموضوع انك فعلا تريد انك مستحضر ان في يوم قيامة وان الراجل ده خلاص بيغرق وان الراجل ده ممكن سبحان الله يكون عاوز ينجو - 00:46:07

وان ممكن وممكن وممكن وممكن وممكن آآ كان في حد من آآ في دكتور ابن خالتي كان ركب مرة السيارة التاكسي. وانتم عارفين بقى زمان كان يشغلوا شريط الكاسيت ده. آآ ووضعه - 00:46:25

في اه التاكسي. فيا ابن خالتي واول ما ركب وبتاع يداعبه فبيقول له يعني لو تترك آآ سلام عليكم ممكن بعد ازن حضرتك الاغاني آآ تقفل الاغاني. فالراجل راح باصص له كده يروح مطلع شريط الكاسيت - 00:46:45

وراح راميه كان جنبهم بحر كده وراح راميه في البحر الوادي شريط الكاسيت اهو يا شيخ وارحميه فبيقول له بيقول لي انا قلت له ايه ده انت حضرتك يعني ايه اللي زعلك قوي كده وبتاع؟ قال له لا والله مش زعلان انا زعلان من نفسي - 00:47:03

قال له خير؟ قال له انت تالت واحد تكلمني. في اتنين قابلوك النهاردة من شوية. ركبوا جنبي برضه. كل واحد يقول لي كده. انا حاسس ان انا وحش اوي ليه كده - 00:47:18

طب واللي ريحت دماغي بقى ورحت راميه قلت سبحان الله! الراجل ده اللي كلمه رقم واحد رمى كلمة في قلبه هو ما اتغيرش التاني ضغط على الجملة ديت ما تغيرش. التالت ده بقى عامل زيي انتم عارفين موتو بتوزنوا كده - 00:47:27

بتجيبوا كيلو ملوخية ولا كيلو جرجير المهم يعني الجرجير بالربطة. المهم يعني اي حاجة كده فيها ايه او وزن خفيف اه فهو وهو جايب دلوقتي مسلا حوالي تسعمية وخمسين جرام بس الكفة لسة ما ضربتش. ضربت امتى ؟ مع الاخير ده - 00:47:45

احيانا بيكون اللي قدامك باقي له لمسة منك. هو خلاص اللي قبلك مهد الوضع يعني انت كلمت ولد وبنت كلمتهم وقلت لهم ما ينفعش انت ترضى لاختك كده ترضى كزا ترضى كزا هو زاهرا اشعرك ان هو مش هيتغير - 00:48:03

ويدوبك انت سبتهم هم كملوا تاني بس كلمتك ما زالت تلعب في قلبه جه واحد تاني كبير في السن قال له يا شباب شباب عيب فعمل ايه؟ عمل ان الحاجة دي زادت قوي تاني في قلبه - 00:48:20

لما فيه اخت بتنشر مسلا في البلكونة وبعدين هم شافوها كده وهي بتبص عليهم وبصت لهم بصة كده معناها كانه يعني ما يصحش دي تقريبا دبحته هو يقول لي اصل في واحدة بصت لي من البلكونة فانا تركت تركت الطريق ده واستقمت الحمد لله. حقيقتها كانت الاخت دي هي بس مجرد ان - 00:48:38

هيك كانت بتحط اخر جرام عشان الكفة ايه اه تسقل ولو مش في الانكار المنكر يا جماعة. بالطريقة الصحيحة وبطريقة الدعوة الى الله سبحانه وتعالى بالحسنى. لو ما فيش في الانكار ده الا حاجة انك - 00:49:04

تبقي على اثر المنكر في قلبه ما انت لما عديت عليه وقلت له اتق الله فهو كان واقف معها فبرضو مكمل بس النهاردة مكمل وفيه قلق في قلبه اللي بعدك قال له اتق الله لسة القلق في قلبه. طب لو انا عديته وسكت وسكت واللي بعدي عدى وسكت. واللي بعده عدى وسكت. ايه اللي هيحصل - 00:49:20

التلاتة دول هيطفوا المنكر ده من قلبه فيبدأ ايه؟ يبدأ ينتقل لمرحلة التلامس. هو كان واقف معها. يبدأ يحط ايده عليها شوية شوية شوية شوية الموضوع يبدأ يتطور يتطور يتطور. طيب التطور ده سببه ايه؟ ان ما فيش حد بيتكلم. الكلام احد - 00:49:44

الاهداف منه انك تبقي ان المنكر يظل حي في قلبك. الحاجة التانية انك توقفه عند الدرجة دي يعني اما وقد فعلت فخليك بقى في الحتة ديت. انا مش بقول له كده بس كلامي بيخليه في الحتة ديت. وكلام اللي بعدي هيخليه في الحتة دي - 00:50:02

عن كل الاستطراد ده بسبب الجملة ديت ربنا يعفو عنا ومجانبة من يجاهر بارتكابها ويحسنها ويدعو اليها ويتهاون بها ولا يبالي ما ركب منها فان مخالطة مسل هذا داعية الى سخط الله تعالى وغضبه ولا يخالطه الا من سقط من قلبه تعظيم الله - 00:50:20

وحرماته. نسأل الله ان يحفظنا ويحفظكم ويتقبل منا ومنكم صالح الاعمال ويرزقنا واياكم الصحبة الصالحة ويبهدنا واياكم عن الصحبة السيئة واسأل الله لي ولكم حسن العمل وحسن الخلق وحسن الختام. اقول قولي هذا واستغفر الله لي ولكم - 00:50:43

سلام عليكم ورحمة الله وبركاته - 00:51:01