Baheth

السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله. وبعد - 00:00:00ضَ

فاسأل الله سبحانه وتعالى ان يسددنا واياكم لكل خير وينفع بنا وبكم حيثما كنا وكنتم وان يمن علينا وعليكم في هذا الصباح وكل الصباح بالعلم النافع والعمل الصالح والرزق الطيب المبارك - 00:00:20ضَ

ما زلنا مع كلام الرجل الموفق المبارك ابن القيم رحمة الله عليه وما زال يتكلم عن بعض الامور التي يلقاها العبد ويستغلها الشيطان في وقوع الانسان في فخ الزنوب والمعاصي - 00:00:41ضَ

فيتكلمن انه ان الانسان المصر على الذنوب والمصر على البعد عن طريق اعلام الغيوب من الاشكالات اللي بيقع فيها ان هو كلما اصر على الزنب كلما مكن عدوه من اسلحة - 00:01:15ضَ

تضره وتحاصره فالانسان كلما وقع في الزنب كانه ادى الشيطان واعطى الشيطان الاسلحة اللي يؤزي بها وحكى لنا ابن القيم رحمة الله عليه ازاي ان الشيطان بيؤز اتباعه ازا. وازاي بيحط له بيضع لهم الخطة اللي تحاصر القلب - 00:01:47ضَ

فمن ضمن الحاجات ومن ضمن الخطة اللي بيقولها يقول ثم امنعوا صغر الاذن يعني الشيطان بيقول لاتباعه ازاي يتعاملوا مع الانسان بيقول له هم ايه؟ ثم امنعوا ثغر الاذن ان يدخل منه - 00:02:12ضَ

ما يفسد عليكم الامر. تاني يقول امنعوا الشيطان بيقول لاتباعه حصر الانسان الصالح ده وامنعوا ثغر الاذن ان يدخل منه ما يفسد عليكم الامر فاجتهدوا الا يدخل منه الا الباطل. بيقول لهم خليكم ايه؟ مركزين - 00:02:38ضَ

وقفوا على بوابة الودن. بوابة الازن وتعمله ايه مع الازن دي؟ ما تخليش يدخل فيها ما يفسد عليكم الامر. ايه اللي هيفسد عليكم الامر مجلس من مجالس العلم مجلس وعظ مجلس تزكير - 00:03:02ضَ

فيجي الشيطان يقول لهم ايه اوعوا تدخل ابدا او تسمحوا بدخول ابدا هذه الاذن شيء ينفعه فركز كده شوف ودنه اخبارها ايه؟ هل بيحضر يسمع درس طب هو دلوقتي هيقدر يسمع درس شوش عليه والغوا - 00:03:21ضَ

سبحان الله! لا تسمعوا لهذا القرآن والغوا فيه. ده كلام الذين كفروا كان ده احد ادوارهم احد ادوارهم ده هم كانوا مركزين جدا ان الناس ما تسمعش الوحي كان ده من ضمن الحاجات اللي الشيطان مخلي الكفار كتير - 00:03:45ضَ

يقعوا فيه ليه عشان هو عارف كويس جدا لو هم سمعوا الكلام ده وسمعوا الوحي لا هيبقى فيه مشكلة كبيرة جدا طب ايه هي المشكلة؟ ان الاذن ستسمع الوحي طب الحل - 00:04:06ضَ

وقال الذين كفروا لا تسمعوا لهذا القرآن والغوث لعلكم تغلبون فخلي بالكم طيب مجاهد بيقول لنا في الاية ديت لما القرآن اعجز الكفار ومش عارفين يقفوا قدامه وان القرآن الجمال ده مش عارفين يردوا عليه - 00:04:26ضَ

قال مجاهد قالوا ايه لانفسهم والغوا فيه؟ اي ايه؟ بالمكاء والتصفيق والتخليط يا ربي بالبكاء والتسويق عادي نسقفوا ويسفروا ويغنوا والضحاك بيقول لنا اكثروا الكلام ليختلط عليه ما يقول. اعمل شوشرة اعمل شوشرة كده - 00:04:54ضَ

عارفين لما بتلاقي بعض البرامج الليلية وعاملين استضافة لحد وبتاع مش تشويش ما عشان ما يعرفش ايه يقول. واول ما يحسوا كده ان هو خلاص قال كلام جميل وممكن يأسر في السامعين. آآ ومعنا مداخلة من آآ النرويج اللي - 00:05:19ضَ

استازة مايسة اتفضلي يا استازة مايسة قولي استازة مايسة تروح مدخلاك في حتة تانية خالص ومش عارف ايه والغوا فيه سبحان الله فده كانت الوصية اللي بينهم وبين بعض اللغو ده اللي هو الكلام الساقط الذي لا فائدة فيه - 00:05:38ضَ

هو عاوز يعمل تشويش. عارفين كده اما الازاعة بيحصل فيها تشويش فما بتلقطش. هو عاوز ان قلبك لا يلتقط كلام محمد ولا كلام الوحي والغوث سبحان الله! ولزلك آآ فكان - 00:05:59ضَ

العرب او الكفار يعني كان احيانا اه يجيبوا بعض الجاريات تغني ليه؟ ما هم مش عاوزين اه حد يسمع كلام الوحي لان لو سمعوا كلام الوحي ده هيبقى فيه خطر شديد جدا جدا - 00:06:23ضَ

يقول لك لا كده احنا كده الدنيا هتروح هتروح منهم ولزلك كان احيانا يجيبوا الجري وكان اه بعضهم كان بيسافر مخصوص يتعلم نسأل الله العفو والعافية الغناء حتى يفسد حتى يفسد - 00:06:50ضَ

سبحان الله على المؤمنين السماع ولزلك واستفزز من استطعت منهم بصوتك مجاهد يقول الغناء والمزامير خلي فيه شوشرة. عشان كده لما قرأ ابن مسعود ومن الناس من يشتري لهو الحديث - 00:07:22ضَ

قال الغناء والله الذي لا اله الا هو يرددها ثلاث مرات. يحلف ويقول ان الغناء ينبت النفاق في القلب سبحان الله ده ابن مسعود للنبي صلى الله عليه وسلم اوصاك. لو انت بتحبه - 00:07:42ضَ

واكيد طبعا يمتلئ قلبك حبا له كان يقول عليكم بوصايا ابن ام عبد ما حدثكم به فصدقوه هو اللي قايل لنا كده كان النضر بن الحارس ده واحد من الناس التقال - 00:08:02ضَ

راح اشترى كتب الاعاجم اصل هو طبعا آآ هو عاوز علوم انسانية وعلوم اجتماعية وعلوم آآ هندية واي حاجة فيها هي واقوم بعيد عن الوحي اه هو كده سبحان الله القلب اذا خرب - 00:08:17ضَ

تجده لا يقع ولا يلتقط الا هذا واحد يدخل معرض الكتاب زاده في معرض الكتاب كل الكتب البعيدة عن الوحي روايات بعيدة عن الوحي كتب وكل شوية تلاقي وصايا. يا شيخ عاوزين كتب في النفسية. عاوزين كتب في الاجتماع في العلاقات - 00:08:33ضَ

في الاسر في مش عارف ايه الكلام ده كله آآ لو دليتهم على كتاب حسوا ان الكتاب ده بتاع حد من اهل الاستقامة ما يروحوش له اه دليتهم على كتاب حد مرتبط بالوحي ما يروحوش له - 00:08:56ضَ

سبحان الله! في ناس كده اذا ذكر الذين من دونه اذا هم يستبشرون. هو عاوز حاجة عليها ختم الغربية. حاجة مكتوبة بعيون زرقاء فالنضر بن الحارس ده اشترى كتب العالم - 00:09:17ضَ

بتاعة رستم اسفنديار وكان يجلس بمكة فاذا قالت قريش ان محمد قال كذا ضحك منهم وهحدسهم باحاديس ملوك الفرس ويقول لهم بقى حديسي هذا احسن من احاديس محمد وكان بيشتري المغنيات - 00:09:36ضَ

ولا يظفر باحد يريد الاسلام الا انطلق به الى آآ جارية يقول لها ايه بقى اطعميه واسقيه وغنيه هذا خير مما يدعوك اليه محمد من الصلاة والصيام وان تقاتل بين يديه - 00:09:57ضَ

يا عم سبك بقى اصل ابوك بصوا يا جماعة هو الشيطان واحد خلي بالكم الشيطان واحد ومداخلش الانسان واحدة. ولزلك دايما ودي نقطة مهمة جدا جدا جدا آآ في فهم الوحي وفهم التطور - 00:10:20ضَ

الاسلام يا جماعة آآ بيغير الانسان وبيدي له مفاتيح التغيير الاسلام ما بيتحكمش في حضارتك. يعني الاسلام مش جاي يقول لك ايه تركب ايه وما تركبش ايه لأ هو الاسلام بيديك اسس تنفع في كل الحياة - 00:10:37ضَ

والله انت بقى في بيت في ناطحات السحاب بقيت في الصحراء الاسلام لا يتدخل انت تبقى في الناطحات او في الخيم لان الحاجات عالم الافكار عالم التفكير عالم الافكار وعالم النفوس هو واحد - 00:10:59ضَ

النقطة دي مهمة جدا. ارجو بس ربنا يلهمني التوفيق واعرف اعبر عنها عالم الافكار وعلم النفوس هو واحد. والارواح واحد فمداخل العطب ومداخل الفلاح واحدة الشيطان طريقه واحد واخدين بال حضراتكم الشيطان هو طريق واحد - 00:11:17ضَ

فزمان كان بيطلع لك النضر ابن الحارس ويزبط الناس بالاغاني والكلام ده كله. طب اليومين دول ما هو كان زمان ما كانش فيه مواقع تواصل ما كانش فيه شاشات ما كانش فيه كزا ما كانش فيه موبايلات ما كانش فيه كزا - 00:11:41ضَ

الشيطان مش فارق معاه انت في ايدك موبايل ولا في ايدك كتاب لاسفنديار ولا جنبك جارية هو عارف الانسان هنخش له منين بقى؟ ندخل له ازاي واخدين بالكم؟ ايه نقاط الضعف؟ فنقاط الضعف في التفكير ونقاط الضعف في الروح - 00:11:55ضَ

والحاجات اللي تقوي الروح او تضعف الروح هي واحدة مهما اختلف الزمان والمكان هي حاجات واحدة ماشي؟ تروح بقى تسكن في امريكا تسكن في بلجيكا تسكن في مزيكا في الاخر خالص اي ايكا الشيطان معك فيها. هو عارف كويس قوي - 00:12:18ضَ

وعارف الموضوع فين النقطة دي مهمة جدا جدا جدا كان النضر بن الحارس اول ما يعرف ان في واحد هيسلم ما يسيبوش يروح باعت له واحدة مغنية؟ اه المغنية دي ممكن تروح تغني فين؟ في الميدان - 00:12:36ضَ

والنهاردة ممكن تجيلك على ايه في تيك توك ممكن تجيلك في مقطع ممكن تجيلك حاجة عالفيس المهم هيبعتهالك ويقول لك اكليك هير خلاص وممكن وهو وهي بتغني يجيب لك واحد ملتحي. بتتريق عليه - 00:13:00ضَ

او يجيب لك ناس مقطع بيتريق على حد من النقاب بس هو مين اللي عمل ده؟ ما هو النضر ابن الحارس باعت لك المقطع ده حقيقة مش النضر ابن الحارس الشيطان - 00:13:17ضَ

استعمل النضر ابن الحارس في القديم. واستعمل مين النهاردة برضو ندر صغير كده استعمله اليومين دول كلهم جنود الشيطان وانت المستهدف فمش هيفرق معه ان يبعتها لك تغني في قاعة وانت تروح او ان هي تيجي يعمل لك حفلة تخرج في الجامعة - 00:13:28ضَ

هو خلي بالك ما الناضر ابن الحارس برضو هو اللي حاطط السيستم هتلاقي كده نضر ابن الحارس بيقول لك ازاي نحتفل بالايه نتخرج ازاي وهيجيب لك واحدة برضو في المسرح وهيجيب لك مش عارف ايه هتروح الساحل هتلاقي النضر - 00:13:55ضَ

من الحارس. هتفتح مواقع التواصل هتلاقي الناظر ابن الحارس. نفس الفكرة ليه؟ لان الحقيقة هي مش ما لهاش علاقة بالندر. هي لها علاقة بمين بمن ابى السجود لابيك ويتمنى السعير لك - 00:14:09ضَ

اللي درسك كويس قوي واللي ربنا سبحانه وتعالى حزرك منه ومكنك ازاي تتحصن منه فكان النضر بيشتري المغنيات مجرد ما يعرف ان في حد هيسلم بعت له واحدة قال لها ايه - 00:14:29ضَ

اطعميه واسقيه وغنيه كانه بيروح حاصريه خليه وبعدين بقى قولي له هذا خير مما يدعوك اليه محمد من الصلاة والصيام وان تقاتل بين يديه شوف بقى تروح تقاتل بقى وبتاع والبسي الحجاب وبتاع طب والقصة ديت مين اللي هيعملها ومش عارف السبسبة دي مين اللي هيعملها والرقص ده واللبس - 00:14:45ضَ

ده والهزار ده والضحك ده وبعدين سيبكم منه وبعدين انت اللي محضرك النهارده عفكرة هو انه يعني اصلا الدرس ده مش بتاعك. فهو بيتكلم مع الناس التقيلة قوي. وبيتكلم مع الناس طلبة العلم. انت مش طلبة علم على فكرة. انت حاضرة ليه الدرس ده - 00:15:10ضَ

شو الكلام لابن القيم تقيل ازاي؟ مش هتفهميني على فكرة صعب صعب صعب قومي قومي قومي سبحان الله! فاذا وراك اه وزلك اهل التفسير يقولوا ان هذه الاية بتاعت والغوا فيه - 00:15:26ضَ

او من الناس من يشتري انها نزلت في احاديس قريش وتلاهيهم بامر الاسلام وخوضهم في الباطل لازم ان يشوش عليك ولزلك يا جماعة الناس الرايقة الصادقة اللي ما بيضلوش يعافر مع نفسه - 00:15:43ضَ

هو عارف كويس قوي قوي ان الغناء كلام الرحمن وكلام الشيطان لا يجتمعان في قلب متبع للعدنان مستحيل مستحيل يقول لك ايه انا بقرأ وردي وبسمع اغاني هو انت بتضحك على نفسك - 00:16:08ضَ

الشيطان وصلك مرحلة انك وانت بتفتح المصحف عما تقرأ السطور دي انك بتقرأ وردك بقى انت بتقرأ كلام قراءة الورد دي حاجة تانية رح سل الناس اللي جربت يعني ايه ورد - 00:16:34ضَ

ورد دي يعني سقيا الروح بيقوم يحس ان قلبه زي واحدة كده والدتها عاملة كباب حلة والحلل متبهدلة وبقايا بقى للاكل والسمنة وكده فتروحي عاملة ايه رشة ميه كده ايه من بره فتقول هي على فكرة يا امي غسلتها هتيجي والدتها تبص يا بنتي فينا الغسيل - 00:16:50ضَ

لكن في فرق اللي بتستعمل بقى مزيل الدهون وتستعمل الصابون وتستعمل مش عارف ايه والمنزفات دي ووالدتها تخش تلاقيها حاجة حاجة تانية خالص واوعى تكون فاكر ان لحسة الماية دي اللي انت بتعملها - 00:17:14ضَ

آآ ان ديت آآ قراءة ولاء الاغاني عاملة الجلخ بتاع ايه؟ بقايا السمنة ده عاملة لك الطبقة دي فما فيش لمعان هتعرف امتى بقى تعال اعمل بقى اكل على الصينية اللي انت قلبتها دي - 00:17:32ضَ

وعلى الحلل اللي انت ايه ضحكت على نفسك فيها. ولا قدم للناس تلاقي الناس مش عاوزة تاكل قرفانة وانت مش عارفهم قرفانين ليه مش فيجي يقول لك ما اصل الناس دي مش نضيفة - 00:17:52ضَ

وبعدين بقى طب لو كلت وغامرت وقفلت عينك وقفلت انفك وما شمتش اي حاجة بطنك هتدربك ليه يقول لك يا عم ده ده واكل آآ لحمة ضاني من شهر مكال عليها على البتاع ده عشر مرات وكل مرة ايه بيشطف كده بالميه - 00:18:08ضَ

ده حتى ما حطش حتى تراب ودعك وكده وشايل الحاجة هو ده ده لو انا سلمت اصلا انك بتقرأ وردك وبتقرأ قرآن مستحيل مستحيل كلام الوحي لو دخل القلب لابد انه يطرد منه كل ما سواه - 00:18:31ضَ

القلب ما يستحملش ما يستحملش انه يشوف النور ويطفيه لان الفطر فطرت على كده. فطرت انك ما تعرفش تمشي في الضلمة فقلبك ده ضلمة ينوره الوحي ويطفئه امسال الغناء فما ينفعش - 00:18:52ضَ

ولزلك يا جماعة اصل الغناء ده برضو هو مش معصية على فكرة بمعنى مش مستهترة حرام لأ اقصد مش معصية يعني ما فيش واحد يقول لك انا بعمل كل حاجة بس عندي بس مشكلة في الغناء لا انت عندك مشاكل كتير منها الغناء - 00:19:16ضَ

لا والله انا ما بعملش اي زنب الا الغناء. يا حبيب قلبي الغناء ده عرض لامراض جوة الغناء ده ده سكة زي واحد مسلا يقول لك ايه اه هو اما بيجي يشرب مية بيدخل على قهوة ايه؟ قهوة ناس بيشربوا حشيش - 00:19:32ضَ

وكل ما هو ماشي فنا بقول له ايه يعني مسلا كنت عطشان هعمل ايه والله يعني ابتليت وانا ماشي في الطريق فاضطريت انزل فبشرب مية دايما كل عمال اجي اشرب مية بشرب من القهوة دي فانا بقول له ايه الموضوع دلوقتي مش في الصحبة الوحشة - 00:19:51ضَ

هو واضح ان انت في طريق في حشاشين كتير واخدين بالكم واضح ان انت في طريق مليان ناس مش كويسة عشان كل اما بتعطش بتلاقي يعني يعني مسلا يا اخي مرة ما فيش مرة عطشت لقيت جامع فنزلت شربت منه - 00:20:06ضَ

مش مرة عطشت كده لقيت سوبر ماركت نزلت اشتريت مية لأ كله عما يعطش فيلاقي ايه اللي يمين وشمال وقهوة وناس قاعدين بيشربوا بانجو فيروح شارب معهم. يشرب مية. يقول لهم بس معلش ما عندكم ماية هو ما بيشربش البانجو والحشيش. بس عاوز ايه؟ ماية - 00:20:25ضَ

فاحنا بنيجي نقول له ايه القصة مش مجرد شرب الماية ولا انك دخلت في المكان الوحش ده ؟ لأه هو واضح ان حضرتك ماشي في طريق مش سالك وواضح انك محتاج تغير الطريق - 00:20:40ضَ

واخدين بالكم القصص دي مهمة قوي ادراكها نرجع لكلام ابن القيم انا هعمل لكم ايه بقى وابدأ نقيم اللي اللي بيسحبنا السحبة الجامدة دي فابن القيم رحمة الله عليه بيقول ان الشيطان يتكلم مع جنود ازاي؟ ايوة يوقفه الانسان - 00:20:58ضَ

فبيقول ان يبدأ يقول له احفزه امنعوا ثغر الازن ان يدخل ان يدخل منه ما يفسد عليكم الامر فاجتهدوا الا يدخل منه الا الباطل ايه هو الباطل؟ الباطل غناء. ايه هو الباطل؟ ان يسمع ناس مخالفة. اهل بدعة - 00:21:26ضَ

اعظم اللي يسمعني يقول لك اصل انا بحب النبي. طيب بتعمل ايه بقى؟ اعظم اللي يسمع ناس ناس كلها نسأل الله العفو والعافية ما فيش واحد منهم يعني انا سبحان الله وقع في ايدي مقطع. واحد بيتكلم على النبي صلى الله عليه وسلم. وكل اللي حواليه الله الله الله ومش عارف ايه تحس ان زي ما متكهربين كلهم - 00:21:48ضَ

ادور على حديس واحد صحيح احس ان هو بيحضر من من كتب ابن الجوزي للموضوعات يا عم انت بتجيب الكلام ده منين يا جماعة اليس منكم رجل رشيد؟ يا جماعة اللي قاعدين دول - 00:22:10ضَ

يا جماعة الخير يا ابني شغل الدماغ اللي ربنا اداها لك دي سبحان الله والقعدة حلوة وطالما احنا قاعدين والعمة خضرا وقاعدين في فيلا خضرا والدنيا جميلة ودين مندوع منزوع الدسم اصل بصوا يا جماعة في ناس بتحب الدين اللي ما فيهوش تكاليف - 00:22:27ضَ

الدين اللي مش يقول لي حرام وحلال. الدين اللي ما هيطلعش فيه فلوس ما ادفعش فيه آآ يعني مجاهدة للنفوس في ناس بتستمتع بالدين ده على فكرة في ناس كتير - 00:22:49ضَ

بيبقى نفسهم في دين اا منزوع الدسم عاوزين عاوزين اسد مقطقط عاوزين قطة ما بتخربش واخدين بالكم؟ فهو ايه بقى؟ هو حاجة ما فيهاش دفع. ادفع ايه عادي جدا ما فيهاش اي حاجة تخليني ادفع فاتورة - 00:23:06ضَ

بس ايه؟ ما فيش مشكلة مش انت عاوز اسلام يا عم نديك اسلام نديك اسلام منزوعك منه كل ما آآ يجعله آآ عزيز اسلام ما بيخربش. اسلام مرضي عنه على فكرة في اسلام مرضي عنه - 00:23:29ضَ

هم مش قالوا للنبي صلى الله عليه وسلم يا محمد احنا عاوزين نتفق اتفاق. تعبد الهنا سنة الهتنا سنة ونعبد الهك سنة. احنا ما عندناش مشكلة على فكرة. احنا ممكن نشتغل معك سنة - 00:23:53ضَ

وابو جهل يصلي ويطوف والدنيا تبقى روقان يعني واخدين بالكم؟ فدي عروض اتعرضت على النبي صلى الله عليه وسلم واخدين بالكم فما عندهمش مشكلة خالص خالص انك ايه وعلى فكرة - 00:24:07ضَ

في ناس كتير اما بتتكلم في مدرسة مشهورة جدا وهتلاقوها ممكن لها في كل اماكن بينزلوها وفي كل دول العالم ويتكلموا على النبي صلى الله عليه وسلم ومعارض وكل حاجة بشرط - 00:24:31ضَ

يكلم لك على محمد الجميل محمد المحبة محمد الانسان ده كان محمد المجاهد محمد الامر بالمعروف محمد المعتز بربه محمد المتبرأ من الشرك واهله لا ما يعرضلكش المنهج الصورة دي - 00:24:47ضَ

واخدين بالكم في ناس عندها كان زمان في ناس ما بتعرفش محمد الا محمد الغزوات. صلى الله عليه وسلم محمد الغزواته القتال وكده فتروح ناس ردة عليهم يعمل لك ايه؟ محمد الانسان. شف النبي صلى الله عليه وسلم مع القطة. شف النبي مع الجمل. شف النبي مع الفقراء. طب ما تشوف النبي صلى الله عليه وسلم مع الشرك - 00:25:14ضَ

وتشوف النبي صلى الله عليه وسلم في الامر بالمعروف وتشوف النبي صلى الله عليه وسلم بتحكيم شرع الله واقامة حدود الله واقامة الشريعة لا لا لا لأ عاوزين محمد الانسان - 00:25:35ضَ

اه على فكرة فالغضب ما عندهمش مشكلة مع محمد الانسان ما عندهم مشكلة مع محمد عبدي آآ ذي الاكرام محمد عبدي الجميل وعبدالمحسن ما عندهمش مشكلة مع محمد ده لكن عندهم محمد مين؟ عندهم مشكلة مع محمد - 00:25:48ضَ

عبدالقهار محمد عبدالعزيز محمد عبدالحكم محمد اللي بيقول الاله الخلق والامر محمد اللي بيقول ومن لم يحكم بما انزل الله مش عاوزين الكلام ده يسمعوه عن محمد واخدين بالكم؟ هو عايزين ايه - 00:26:08ضَ

آآ الكلام البسيط الهادي زي ما في كتير من النساء عاوزين يسمعوا عن محمد مين محمد اللي بيتكلم آآ اتقوا الله في النساء محمد صلى الله عليه وسلم اللي بيتكلم فين؟ رفقا بالقوارير - 00:26:31ضَ

لكن محمد نزلت عليه ايات القوامة محمد صلى الله عليه وسلم اللي نزلت عليه ايات التعدد هو في واحد قال لك لكن محمد التعدد لأ غالبا ده يكون راجل او اخت غير متزوجة - 00:26:52ضَ

فاه تلاقي ان ناس كتير اه عشان كده يا جماعة المنهجية العضين دي التفكير العضيني ده ده تفكير ذمه الله سبحانه وتعالى ده ده تفكير مرعب التفكير ده اللي بيقطع ياخد من الدين على ما هواه لا ما يريد مولاه. هو عاوز الدين اللي هو ايه؟ آآ - 00:27:16ضَ

آآ نقطعها جعلوا القرآن عضين عضين دي يعني بياخد بمزاجه ويسيب بمزاجه تحت حتة ويسيب حتة كان الرد ايه؟ ايه الاية اللي بعد عضين جعلوا القرآن عضين فوربك لنسألنهم اجمعين - 00:27:42ضَ

عما كانوا يعملون طب اعمل ايه؟ اسكت فاصدع بما تؤمر شف عشان كده ادخلوا في الايه؟ في السلم كافة يعني ادخل في الاسلام كله ولزلك لن يستقيم عبد حتى يحيط بهذا الدين من جميع جوانبه - 00:28:01ضَ

مش شرط تقدر انا ممكن في حاجات تفوتني بس اهم حاجة تكون مؤمن بجميع جوانبه وان الدين يكون انت التصور الشامل عندك الكلام ده مهم جدا عشان في مدرسة بتقول لك ان دي قشور - 00:28:27ضَ

يجي يقول لك النقاب ده قشور الحجاب ده قشور اللحية دي قشور السنة دي قشور وهل محمد ياتي بالقشور ثم هل انت تقبل ان تشتري شيئا يعني لو قلنا سلمنا جدلا - 00:28:45ضَ

آآ الموز له قشر صح والبرتقال له قشر والاكياس اللي انت بتشتريها كيس الشوكولاتة ولا كيس الحاجات دي لها ايه؟ لها ايه؟ لها اكل لها ايه؟ حاجات ينفع تشتري الموز بدون قشر - 00:29:04ضَ

تروح كده تقول لواحد بعد ازنك آآ كيلو الموز بكام يقول لك بخمستاشر فيروح وازنه لك كده ويروح شايل القشر كده ويروح حاططه لك في كفة كده ويقول لك ايه - 00:29:21ضَ

بتاع فيك تقول له انت بتعمل ايه؟ يقول لك ايه يا عم الحاج. انا مش هديك الموز هتعمل ايه بالقشرة؟ انت كده كده هترميها ما انت بعد ما هترميها هتوسخ البيئة ومش البيئة فانا بساعدك وبعدين يا سيدي انت زعلان ليه - 00:29:30ضَ

ده انا كترت لك في ليه في باللباب ما انا اما شلت القشور زودت لك الوزن هتقول له ايه تقول له الله عليك دعني اقبل ما بين عينيك. يا لك من تاجر امين - 00:29:44ضَ

نسأل الله ان يكثر من سوادك ولا هتقول له يكسر بالسين من سوادك صح فالنقطة دي مهمة جدا وهل الحكيم سبحانه وتعالى العليم الخبير؟ يشرع القشور يشرع ما ليس له - 00:30:02ضَ

آآ قيمة انت تحسبه هينا وهو عند الله عزيم طالما الرب العالي امر يبقى هذا الامر علي عشان كده انا بقول سبحان ربي الاعلى وكل ما يأتي منه اعلى بتعامل كده - 00:30:23ضَ

انك تقول سبحان ربي العظيم الركوع او تقول سبحان الله تلاتة وتلاتين مرة التشريع ده ان غابت عنك الحكمة لابد انك تدرك ان سم تشريع اعلى في الموضوع ده بعض الناس يقول لك ايه طب ليه ما نقولش اربعة وتلاتين او خمسة وتلاتين او ستة وتلاتين - 00:30:47ضَ

اديك مسال يتضح به الحال ان شاء الله. لو رحت لدكتور واقول لك انت هتاخد الجرعة دي تاخد تلات حبوب في الفطار والعشاء بس فانت قلت ايه بقول لك ايه يا امي انا حاسس انها تعبان شوية ما تديني سبعة - 00:31:13ضَ

سبعة بالليل سبعة الصبح وعشرة بالليل. ايه اللي هيحصل لك ايه اللي ممكن يحصل اكيد بتاخد علبة الدوا ولا الكحة فشربت معلقة الصبح ومعلقة بالليل فقلت ايه اللهم بدأت اتحسن طب ما اشرب الازازة - 00:31:31ضَ

ويروح شارب نص الازازة قل لك ده رخيصة يا عم هتفرق معنا ايه؟ ايه اللي يحصل له اه يقول لك لانه خالف امر الحكيم يقصده الطبيب لان الطبيب فاهم وهي عارف حالك - 00:31:52ضَ

فاداك اللي يجيب معك فالازكار احنا بنتعبد ليها ان العدد ده مطلوب ما فيهوش نتش ما تجيش كده تقول لي والله انا شايف انت من امتى بتشوف اصل؟ تلاقي الشطارة - 00:32:06ضَ

مع الامور الشرعية خلاص انتهى هنا تقف تقف عند العدد ده تقف عند العدد ده. انا مرة في واحد من الايام كنت مرة بصلي وفي ناس كده انتم عارفين في شخصيات كده عم بتقابلك في الشارع ينكشك - 00:32:22ضَ

مجرد ما يشوفك انك من اهل الاستقامة كده خاصة لو من قرايبك ولا بتاع يشوفوكي منتقبة كده وبتاع تلاقي عمك كده يروح ايه اه يخربش فيك حبة كده عارفين اه - 00:32:38ضَ

اه خلونا نجاوب السؤال ده لان السؤال ده بينتشر عند ليه؟ عند بعض الناس اللي احنا جبنا لمحنا لهم. هل الصلاة على النبي تغني عن باقي التسابيح لو كانت تغني لكان اول من - 00:32:53ضَ

اه ظفر بها محمد واصحابه صلى الله عليه وسلم خير الهدي هدي محمد صلى الله عليه وسلم. يا جماعة احنا مش هنروح لربنا بدماغنا او انت عاوز تروح لربنا بدماغك انت - 00:33:07ضَ

الله سبحانه وتعالى قال لك الطريق منين؟ انت تقول له بس في طريق كده انا عاوز ايه؟ هاجي لك منه طريق انا عارف الجنة الجنة ممكن اخشها من ورا. يا حبيبي الجنة الطريق اهو. لا لا انا هعمل هعمل لقطة جديدة. هعمل نفق انا من تحت - 00:33:21ضَ

اه ينزل بقى يمكن تلاقي الدرك الاسفل اه عارفين اه اه وكان له سمر فقال لصاحبه وهو يحاوره قال له ايه ها قال له ايه قال له انا اكثر منك مالا صح؟ - 00:33:37ضَ

قال له انا اكثر منك مالا واعز نفر يا عيني الراجل فاقد الجنتين ده ابتلي براجل صاحب للجنتين فاقد الجزاء عادي اتنين قاعدين مع بعض انت تخيل كده ان في اتنين قاعدين مع بعض في امان الله اصحاب راكبين العربية بياكلوا في مطعم - 00:34:00ضَ

وهم بيتكلموا كده راح قايل له ايه؟ على فكرة انا اكثر منك مالا واعز نفرا. ايه يا عم وحد ربك ايه اللي حصل احنا كنا قاعدين بنهزر وبنتكلم وماشيين مع بعض - 00:34:18ضَ

او انت ايه اللي سخنك كده انت في حد ضايقك على فكرة انا اكسر منك مالا واعز نفرا غريب قوي الشخصيات دي. في شخصيات كده كتير. فالمهم في واحد في يوم من الايام - 00:34:27ضَ

شافني مرة قال لي ايه اول ما شافني وانا بقول الازكار كده في المسجد فقال لي ما شاء الله انت فلان ابن فلان قلت له اه قال لي ما شاء الله انت ملتزم وبتاع اه - 00:34:42ضَ

اه ما حكم قول سيدنا في الازان يا عمي الاختبارات بتاعة الجماعة يا هندي يا رب احنا بنقول الازكار الله يهديك فانا بقول له آآ انت تقصد يعني على النبي صلى الله عليه وسلم؟ قال لي اه. قلت له طبعا سيد الكل - 00:35:00ضَ

فراح ضاحك كده قال لي يعني عادي اللي انا اقولها في الازان وقلت له وانت عاوز تقولها فين فقال لي هقولها اشهد ان سيدنا محمد رسول الله. الله اكبر الله اكبر الله اكبر الله اكبر اشهد ان لا اله الا الله اشهد ان سيدنا محمد - 00:35:21ضَ

قلت له طب ما نمسك الاولى الاول قال لي ايه ليقولوا لنا؟ نقول له نتكلم عن ربنا قال لي ازاي؟ قلت له احنا هنقول ايه؟ اشهد ان لا اله الا - 00:35:40ضَ

قال لي الله قلت له لا مش هنقول الله هنقول الله الملك القدوس السلام المؤمن المهيمن العزيز. قلت له الاسماء قلت له ايه المشكلة ابص لك يعني لا ما ينفعش. قلت له ليه؟ مش ربنا هو الملك والقدوس والسلام والمؤمن والمهيمن والعزيز والجبار - 00:35:50ضَ

فقال لي لا قلت له وليه نقول اشهد وبعدين ليه بنقول سيدنا ما نقول واشهد ان اولنا حاجة اشهد واوقن واعلم ان محمد سيدنا وعزيمنا وامامنا وقدوتنا قلت له ان شاء الله بقى ممكن نخلص الازان ده على بعد السنة الجاية - 00:36:11ضَ

عقبال ما الضهر يازن نكون دخلنا في العشاء بدال ما يضحك وبتاع وقال لي بس برضو سيدنا ما فيهاش حاجة هي عنزة ولو طارت واخدين بالكم فهي في شخصيات كده - 00:36:33ضَ

في شخصيات هو اه سبحان الله! الشيطان يروح داخل له في حتة كده يقول له لازم تزود ليه هو محمد صلى الله عليه وسلم فاته حاجة من الدين انت حط التاتش بتاعك - 00:36:49ضَ

محمد صلى الله عليه وسلم لما بلغ الدين مش يعني كان ما زبطش موضوع سيدنا دي كانت هتقربنا آآ في الازان. فهو ما قالهاش فانت زود زود وابو بكر وعمر وكده كان عندهم ايه - 00:37:05ضَ

برضو ايه الحتة دي ما كانتش مزبوطة زودها انت عشان كده الناس اللي بتزود دي مشكلتها فين حتى لو ادعى ان نيته صالحة. لو نيته صالحة لقدم محمد وهدي محمد في قلبه على كلامه - 00:37:19ضَ

الراجل الناس ديت لازم يتعبدوا الى الله سبحانه وتعالى وكلنا كمسلمين نتعبد كالبلايات اي حاجة تيجي في قلبك او تيجي في عقلك من الحاجات ديت بتقول كده لنفسك لو كان خيرا لسبقنا لسبقونا اليه - 00:37:37ضَ

لو كان خيرا لسبقونا اليه شوفوا انا قاعد امال اتكلم فين وفي ناس مشغولة امال تسألني اسئلة تانية ليه بيسألوني اسئلة تانية هيعرفوا دلوقتي واحنا بنقرأ كلام ابن القيم. ايه السبب بالزبط - 00:37:56ضَ

يقول ابن القيم ان الشيطان يقول ايه لاتباعه سم امنعوا ثغر الاذن ان يدخل منه ما يفسد عليكم الامر فاجتهدوا الا يدخل منه الا الباطل. الباطل بدعة. الباطل آآ آآ كلام تشويش على الحق. كلام دنيوي او متهوكون فيها يا ابن الخطاب - 00:38:14ضَ

عارفين الجملة دي؟ النبي صلى الله عليه وسلم لقى ابن عمر ابن الخطاب بيقرأ في كتب اهله ابن الخطاب انت ايه اللي وانت واقع فيه ده؟ زي النهاردة كده اه ما لا ما تمسكيش حاجة فيها شر - 00:38:38ضَ

حتى تلاقي في واحدة او واحد ربنا من عليه بالم جميل خلاص؟ تلاقيه مش وراه اللي قاعد امال يكتب ايه؟ روايات وبتاع. يا ابني انت فين من الوحي انت فين ابن الوحي؟ لماذا صرفت عن الوحي - 00:38:49ضَ

ما تشوف الكبار اللي كان معهم قلم سيال زي ابن القيم وكده. ما هو ابن القيم تشوفوا الكلام العزب بتاعه بس حطه فين حاجة تجيبك في الوحي انت ليه بلاش تستسمر موهبتك فيما يريده الناس هو ده الناس عاوزة كده - 00:39:06ضَ

آآ اليومين دول كله بيألف يعني ليه ما الفش؟ بييجي المعرض وما قال له ما نزلش كتابين وتلاتة وخلاص؟ اه يلا بسم الله بعض الناس يبقى فاكر عشان هو متحدس كويس ولا بيقول كلمتين ولا فتح له في الالقاء - 00:39:26ضَ

ولا يوتيوبر وبتاع يبقى لازم كل معارض ينزل كتب. وغلابة بقى كتير شباب كتير من اللي تحت التلاتين منبهر ويروح يشتري الكتاب ويعمل له اعلان وبتاع ولا توقيع وغلابة ان هزا العلم دين - 00:39:41ضَ

فانزروا عمن تأخذون دينكم لا تعزموا من لا يستحق التعظيم آآ فيقول ابن القيم فاجتهدوا الا يدخل منه الا الباطل. فانه خفيف على النفس. ابن القيم بيحكي لنا ان الشيطان بيقول ايه لاتباعه - 00:40:01ضَ

يا جماعة الباطل خفيف على النفس تستحليه وتستجمله وتخيروا اعذب الالفاظ واسحرها للالباب. الجماعة الدكاترة الجماعة اللي بيعملوا دواء صيادلة. يقول لك ايه؟ دواء الاطفال عاوزين نحط مكسبات طعم عليه نحط كده معين. ليه؟ عشان الواحد لما ييجي ياخد الدواء ما يحس بطعم مسكر لكن هو من جواه مر - 00:40:21ضَ

واول ما يدخل بقى الانزيمات بقى تحلل الحاجات دي ويبدأ يدخل ينسى الفراولة ويحصل الفرو جوة بقى سبحان الله يقول وبرضو نفس الكلام ولو قال لك علمانية ولو قال لك احنا ضد الوحي ما مش حلو اومال ايه؟ حط الكوتينج بتاعها - 00:40:46ضَ

احنا كده بنطالب بحقوق مش عارف ايه احنا بنعمل كزا. اديها واحدة بقى ايه؟ تغطية كده وتخيروا اعذب الالفاظ واسحرها للالباب وامزجوه بما تهوى النفوس مزجا هي النفوس بتحب كده - 00:41:03ضَ

والقوا الكلمة ادي له كده الطعم لعله ايه؟ يقع ويكون طعم لك بعد كده والقوا الكلمة فان رأيتم منه اصغاء اليها فزوجوه باخواتها. يعني خليه كده يسمع اول لقطة. لقيته كده بيهتز - 00:41:20ضَ

ادي له اللي بعدها ما تسيبوش اضرب على الحديد وهو سخن ابعت رسالة لا لاقاتها كده يكتب الان وبعدين يمتنع يكتب الان وبعدين يمتنع يكتب الان ويمتعن يلا خبط قبل ما زوجها ييجي الحق اخبط كمان واحدة - 00:41:39ضَ

فزجوه باخواتها وكلما صادفتم منه استحسان شيء فالهجوم فالهجوه له بذكره واياكم ان يدخل من هذا الثغر من هذا الثغر شيء من كلام الله او كلام رسوله او كلام النصحاء صلى الله عليه وسلم - 00:41:58ضَ

بيقول كلما صادفتم منه استحسان شيء اول ما تلاقيه كده بدأ يحب بحاجة وبتاع اه من الحاجات دي ولعها بقى فالهجوه له بذكره. واياكم شف التنبيه. اوعوا يدخل شيء من صغر كلام الله. طب هنعمل ايه؟ ده لازم يصلي الجمعة - 00:42:24ضَ

نصلي الجمعة ونخليه ينزل متأخر قل له الشيخ بيطول وخلي بالك اللي هيخطب النهاردة ده فلان الملتحي. ده بيطول جدا. واولا مش من وعلى فكرة مش معه رخصة. مش معه ازن انه يخطب - 00:42:44ضَ

لا ما تنزلش تصلي دلوقتي. اقول لك انزل على الاقامة يا عم بنزل عالاقامة يا عمي امك اصلا بتقول لك هتعيش وانت ايه رح هات العيش يلا رح هات عيش - 00:42:58ضَ

واياكم ان يدخل من هذا الثغر شيء من كلام الله. او كلام رسول الله او كلام النصحاء طب فان غلبتم على ذلك لو الكلام ده اغلبكم وسمع ودخل من ذلك شيء كان راكب تاكس فسمع العجمي بيقرأ سورة النمل - 00:43:08ضَ

فحولوا بينه وبين فهمه وتدبره. اوعى يفهم اوعوا تخلوه يبدأ يتفكر اشغله خلاص خليه يرن عليه خلي مش عارف مين هيج عليه الدنيا تحول بينه وبين فهمه وتدبره وتفكره فيه والعظة به - 00:43:32ضَ

طب ازاي هنعمل ايه؟ قال لك بادخال ضده علي وهو قاعد يسمع كده العجمي بتاع تلاقي واحد حمو بيكا عند الاشارة ايه توكتوك داخل في ودنه مش صوت السماعة لأ سبحان الله احيانا تحس يا جماعة في واحد كده تحس ان هو مشغل سماعات في العربية بتاعته - 00:43:55ضَ

عشان يحقق قول الله ليفجر امامه هو مش عاوز يبقى المعصية على قده. لأ عاوز الشارع كله يضرب يقول اما بادخال ضده عليه او بتهويل ذلك وتعظيمه. يا عم ده عادية خالص انت فهمت ايه يعني - 00:44:16ضَ

وافهامه ان هذا امر قد حيل بين النفوس وبين فلا سبيل لها اليه فمسلا ييجي يقرأ يسمع مسلا في قليل من الليل ما يهجعون. يوه احنا فين ولا مسلا يكنس مع عباد الرحمن يبيتون لربهم. يا عم انت فين وهم فين - 00:44:39ضَ

يا عم الموضوع ده كبير الاية دي بتتكلم على اوبيدة بن الجراح انت انت ابن الجراح انت اسمك انت عندك عيل اسمه عبيدة اصلا ما عندكش حد اسمه عبيدة وبعدين الاية ديت مش بتاعتك - 00:45:00ضَ

الهاتف دي بتاعة مين؟ بتاعة اسماء بنتنا ابي بكر هي دي اللي كانت تقف هي وعائشة رضي الله عنها هم اللي يقرأوا الايات دي انت هتدنك وقفة كده تقولي فمن الله علينا وقنا عذاب السماء. لأ دي بتاعة ناس بتقيم الليل - 00:45:16ضَ

طب ما انا هقيم الليل انت فين؟ ده هم كانوا بيقيموا من الساعة تسعة بيقيموا تسعة واول ما الفجر يأزن يعيطوا ان المواعيد ما لحقت مش لحية تتغدى في وتغدي روحها - 00:45:32ضَ

فيبدأ يفهموا ان هذا امر قد حيل بين النفوس وبين فلا سبيل لها اليه انسى تنفق في سبيل الله. اه حبيبي الاية دي بتاعة ابو بكر طب اه طب ما انت عاوز تقلد اه هتقلد ابو بكر ازاي؟ انت انت شفت النبي - 00:45:48ضَ

ابو بكر ده حبيبي كان ليل نهار مع النبي انت بقى هتعملها ازاي مش هتقدر هتعرف تعمل زي عبدالرحمن بن عوف مش هتعرف. عبدالرحمن بن عوف اصلا كان تاجر وبيعرف يتاجر. انت عارف اصلا قواعد الاستسمار بتاعة عبدالرحمن بن عوف - 00:46:06ضَ

ما انت آآ اهم حاجة عندك الجامع. مش في دماغك الدنيا وعمرانها. مش ربنا قال لك آآ جعل في الارض خليفة. انت نايم انت. واستعماركم فيها هتعمل ايه في العمران - 00:46:21ضَ

ها اه انت مشغول جدا قاعد عمال تراجع سورة الرحمن. طب وعمران البلد اامن للامة الغرقى مين هيحمي الامة من لليتامى! طب ما يا عم ما انا اليتامى انا هاروح اعمل حاجة لليتامى. لأ ما رح ادرس علم الفلك. ده هينفع اليتامى. صدقني زي ما باقول لك كده. ليه يمكن تلاقي - 00:46:31ضَ

في كوكب من الكواكب ان في كوكب امن تاخد العيال دي وتطلع فوق فدايما ايه يجيبه في الحتة ديت طيب لو لقاك سرحان ومركز جدا جدا اذا يشتتك يقول لك اسأل الشيخ وقل له هو ابن القيم فاهم الكلام ده ازاي؟ ابن القيم ده فاهم الكلام ازاي؟ يبدأ يجاوبك ويسيب كلامي - 00:46:52ضَ

بس هو مش هيعمل كده وافهم ان هذا امر قد حيل بين النفوس وبينه. فلا سبيل لها اليه وهو حمل ثقيل عليها لا تشتغل به يا عم ده تقيل قوي. على فكرة بقى اقول لك على حاجة الدرس ده اصلا تقيل - 00:47:18ضَ

واستطراده اتقل واهمها بص يا عم الشئ ما ما تكبرهاش على نفسك. استعز بالله من الشيطان الرجيم وخلاص. وسيبك من الكلام ده وهو حمل سقيل عليها لا تشتغل به ونحو ذلك - 00:47:37ضَ

عرفتي بقى ليه هو كل شوية يقول لك وسواس قهري؟ لا وسواس قهري ولا حاجة. شفت الكلام اللي هو بيبقى هو ده اللي بيحصل لي في الوضوء والصلاة بس هو ده اللي بيحصل لي - 00:47:54ضَ

خلي بالك انت ما لكيش دعوة بالكلام ده الكلام ده ايه؟ هو ده بيتكلم معناه احنا كده كده اصلا الحمد لله احنا في منزلة تانية. اللهم لك الحمد احنا بنتوضى بالنص ساعة - 00:48:03ضَ

وبنقرأ الفاتحة ساعة الا ربع احنا ما لناش دعوة بالكلام اللي هو بيقوله هو بيتكلم مع مين؟ مع اللي ما بيصلوش احنا الدنيا رايقة معنا خلاص انت صليت الفجر؟ لا طبعا. احنا مكملين - 00:48:13ضَ

اللي هو الفجر اللي بتصلى ده هو هو انت فاكرة ان انت صليت صح؟ انت عارفة اصلا في التشهد انت نسيتي تقولي ايه؟ الطيبات لأ انا قلتها قلتيها امتى انتي قلتي الطيبة - 00:48:27ضَ

مش قلت الطيبات نسيت الالف والتاء وطلعت آآ حرف كزا مكان كزا انصحك سيبي الدرس قومي اسمعي قومي صلي قومي صلي على فكرة وقت الشروق هيفوتك على فكرة فاتك عارفة فاتك ليه؟ لان هو لو احبك - 00:48:38ضَ

طب ما جعلك تدركي الحاجات دي كلها طب وبعدين معك؟ لا ما فيش اي حاجة. انا وراك لغاية ما ايه؟ اورطك سبحان الله وهو حمل ثقيل عليها لا تشتغل به ونحو ذلك - 00:48:54ضَ

واما بارخاصه على النفوس وان الاشتغال ينبغي ان يكون بما هو اعلى عند الناس واعز عليهم واما بارخاصه على النفوس. وان الاشتغال يا عم الحاج درس ايه اللي جاي تقول عليه - 00:49:13ضَ

ولا انفاق ايه يعني؟ ارخاصي على النفوس على فكرة انك تدعي للفقير احسن ما تدي له فلوس في ايده مش ممكن لو اديته فلوس في ايده يشرب بها سجاير ولو شربت بها سجاير يدمنها ولو ادمنها تبقى انت اللي اعنته عليها - 00:49:30ضَ

ولو انت اعنته عليها تيجي يوم القيامة تحمل اوزاره لكن عما تدعي له بالهداية والرزق الحلال هو ده الخير فارخاصه على النفوس وان الاشتغال ينبغي ان يكون بما هو اعلى عند الناس. واعز عليهم - 00:49:46ضَ

انا استفدت ايه يا عم انا قرأت الصفحتين او تلاتة او الاربع صفحات او نص جزء كل يوم قبل ما انزل الشغل استفدت ايه؟ ضيعت مزاكرتك وضيعت الطب وضيعت الهندسة واديكي داخلة ما فيش خالص - 00:50:07ضَ

واما بارخاصها على النفوس وان الاشتغال ينبغي ان يكون بما هو اعلى عند الناس واعز عليهم كان في حد من اقاربي يمزح معي عمالين قاعد مع الشباب كده في المسجد بعد الفجر - 00:50:25ضَ

قل لي يا ابني يا ابني الشباب دول بعد الدرس في واحد منهم هيديك جنيه تجيب به بسكوت لابنك في حد فيجي في الاخر خالص هيجي في يوم من الايام - 00:50:41ضَ

يديك حاجة فانا اضحك فهو يا ابني انشغل بالحاجة اللي هتعود عليك الناس دي مش هتنفع مش هتنفعك بنشغل باللي اعز عليك واغرب سبحان الله! يقول وان الاشتغال ينبغي ان يكون بما هو اعلى عند الناس. واعز عليهم واغرب عندهم - 00:50:50ضَ

وزبونه القابلون له اكثر. واما الحق فهو مهجور. احنا فين؟ واللي بيلبسوا الحجاب فين على فكرة انت الوحيدة اللي في اعدادي دلوقتي محجبة انت الوحيدة وعلى فكرة هي لابسة اهي اصلا عاملة اشارب ومنزلة منها قصتين - 00:51:16ضَ

والشيطان داخل يقول لها ايه كمان كمان مش عاجبه اللقطة دي شوفي كل زمايلك وبعدين انت اسمك ايه؟ جنى كيف جنى؟ جنى دي يعني ايه جنى الجنتين صح؟ لأ هي دنا - 00:51:34ضَ

وجنا دي يعني الجنة جانا ديت يعني الجنان. جانا ديت يعني الجنان مش الجنان فاذا انه يسحبها يسحبها يسحبها يسحبها وبعدين انت اصلا انت رقيقة القلب. وانت بتحبي ربنا وانت وانت وانت - 00:51:49ضَ

فمش هتيجي من الحاجة دي وبعدين تهدلني انك غريبة انت هتدنك الغريبة وسطيهم على فكرة الكلام ده بينفر على فكرة مش حاجة كويسة تبقى اسمك فاطمة وانت الوحيدة المحجبة اصلا اسمك اصلا غريب وسطيهم - 00:52:11ضَ

خلاص؟ لان الجيل بتاعك كله ما عدش فيه فاطمة فانت الزيت وبسمة فاطمة في واحدة اسمها عائشة وعلى فكرة مش في المحافظة بتاعتك. في محافظة تانية ورزان مدايقة جدا جدا من اسلوبك - 00:52:29ضَ

وبتقول ان كانت كل البنات هتلتزموا كلهم كانوا هيلبسوا النقاب امبارح. كلهم كانوا لابسين كت وبشعرهم وكانوا هيلبسوا النقاب امبارح. لولا شافوك وانت داخلة بتقولي السلام عليكم ورحمة الله وبركاته - 00:52:42ضَ

ومش عجبوكي ان منهم واحد عمل مع واحدة ضحكت واتريقت عليك فانت اتضايقت هم بقى الموقف ده خلوهم ينفروا من دين الله فبطلي بقى تنفري الناس عن دين الله وربنا رب قلوب على فكرة - 00:52:54ضَ

والله محبة ومش كل حاجة الصلاة. اهم حاجة الصلة طالما صلتك بالله عالية خلاص حتى لو ما صليتيش وعلى فكرة الجنة دي مش بتاعت باباكي ومامتك. الجنة دي بتاعة ربنا. بتاعتنا كلنا - 00:53:08ضَ

فبيقول لك ايه ؟ ان الشيطان يبدأ يقول لهم ايه ؟ واما الحق فهو مهجور وقائله معرض نفسه للعداوة خلي بالك بقى انت ممكن ما تخشيش الامتحان عشان انت منتقبة - 00:53:25ضَ

على فكرة انت ممكن اصلا يمنعوك من التعيين عشان لحيتك طب يا سيدي هزبها انا مش بقول لك احلقها هزبها طب انت عاجبك اصلا على فكرة الاحناف بيقولوا كزا على فكرة المالكية بيقولوا كزا اه انت من الناس اللي اتعلموا على ايد الشيخ بتاع الرأي الواحد - 00:53:41ضَ

لك الله دايما يا اخي انا بدعي لك في السحر ان ربنا يجبر قلبك اللي كسروه بالمزاهب الفقهية القديمة وحملوك على الايه؟ على الكلام الواحد ده خفف لحيتك على فكرة في بنات كتير كانوا هيلتزموا - 00:53:59ضَ

وحبوا الدين لكن لما شافوا الشعارات ديت المتفرقة في شعرك قلبهم انقبض لما شافوا شعر لحيتك بعضه ملفوف كده قالوا ياه لأ صعب قوي دين ربنا يكون كده بقى ربنا اسمه الجميل - 00:54:14ضَ

وربنا المحسن واللي اتقن كل شيء يا اخي ربنا يا اخي علمنا الاتقان في صنعته يا اخي هز بلحيتك. مش كده يروح المسكين ايه؟ مدخل المقص وبعدين الشيطان يقول له ايوا كده - 00:54:30ضَ

بعتيه دلوقتي دون القبضة؟ اه اه حتة صغيرة على فكرة فيه شعرة كده وراء وراء وراء خالص عند الودن دي. لا عنده الودن دي طويلة شوية. يروح واخدها من الودن فيروح مقصرها. يقول له ايه ده! ده بتاعة الودن دي اسرت عن الباقي - 00:54:46ضَ

لأ هات الباقي كله والتجربة الشيطان بيقول لاصحابه التجربة علمتنا لو المقص دخل في اللحية هيجيب اخرها بس الموضوع موضوع وقت خطوة خطوة احنا مش عاوزينه يحلقها كامل باقي حلقها جامد لأ يا جماعة احنا مش عاوزين الفجور ده اهدوا - 00:54:59ضَ

تدرج تدرج على فكرة انت بتلمح وفي قول فعلا بيقول كده. يا عم احنا بس خلينا نتكلم عن الشيطان مش جبنا سيرته خالص يقول واما الحق الشيطان يقول له واما الحق فهو مهجور. وقائله معرض نفسه للعداوة. معرض نفسه للعداوة - 00:55:18ضَ

والرابح بين الناس اولى بالايثار ونحو ذلك فتدخلون الباطل عليه في كل قالب يقبله ويخف عليه وتخرجون له الحق في كل قالب يكره ويثقل عليه. عاوزين نطلعهم من الحق. ازاي مش هتفرق؟ بصوا يا جماعة الشيطان ده - 00:55:42ضَ

عامل يعني واحد راكب عربية آآ عربية تريل العربية الكبيرة دي عارفين العربيات بس اللي بتشيل كونتينر اللي هي الضخمة دي وانت مسكين معك عربية صغيرة كده فيت ايطالي المضغوطة الصغننة دي - 00:56:04ضَ

هو بقى العربية دي مش هتفرق يوقعك يمين يوقعك في الترعة يوقعك شمال تنزل في الصحرا اهم حاجة يوقعك من على الطريق مش هيفرق يخبطك يمين ولا شمال وممكن على طول يخبطك واحدة قدام تلبس في النفق - 00:56:22ضَ

مش فارق معك المهم انك تسيب السكة فهو بيقول ايه فتدخل فتدخلون الباطل عليه في كل قالب يقبله ويخف عليه ادي له القالب اللي يحف عليه. هو يقول لك اصل ده اخ وطالب علم. خش له لأ قل له تعال تعال نشوف تعال تعال نشوف ابن حزم بيقول ايه. هات المحلى هات المحلى - 00:56:37ضَ

ونفتح الكتاب ونقعد اديها احنا احنا طلبة علم خلاص انت آآ منتقبة؟ اه بس احنا احنا هنسمع غير للمنتقبات لا طبعا عاوزين منتقبة ومعها قراءات كمان خلاص ويا سلام بقى لو معها الدين وبتدي اربع سنين. بس ارشق هنا - 00:57:01ضَ

هات الكلام ده ده ده اللي يجيبك اه نخش في الباب ده احنا مش هنتعبك هنجيب لك اصل الشيطان يا جماعة عنده الكل ده قصة برصيص العابد لما ازن الامام احمد او ابن كثير في البداية والنهاية كان بيحكي اللي برصيص العابد ده اللي راح له مين - 00:57:22ضَ

شيطان متخصص بطلبة العلم والعباد مع صواعق رئيسية ملفات اللي بيجيب بتاع الادمان واحد واللي بيجيب الاخت واحد تاني. ما هو مش هيروح لده. هو بتاع الاخت يبقى هيخش لك بالسبحة - 00:57:42ضَ

واللحية ومش اتكلم معك لا يخش لك بلحية عادي جدا وتتنقط ماية وهي هتخش لك بنقابي عمرك ما شفتيه. نقاب ايراني ايه! يعني حجاب ايراني متين يقول ابن القيم فتدخلون الباطل عليه في كل قالب يقبله ويخف عليه. وتخرجون له الحق - 00:58:00ضَ

بكل قالب يكرهه ويثقل عليه واذا شئت ان تعرف ذلك فانظر الى اخوانهم من شياطين الانس كيف يخرجون الامر بالمعروف والنهي عن المنكر في قالب كثرة الفضول وتتبع عثرات الناس - 00:58:25ضَ

يا اخي اتق الله خليك في نفسك يا اخي انتم عارفين الجماعة دول واحد بيعمل منكر في الشارع فتنصحه بنصيحة كويسة فتلاقي واحد يقول لك يا اخي اتق الله خليك في نفسك - 00:58:42ضَ

اصلا اللي قال لك اتق الله خليك في نفسك هو ما كانش في نفسه. وهو ما اتقاش الله وسكت. جاي برضو يتكلم معي. طب ما تخليك انت برضو في نفسك وتسكت وتسيبني - 00:58:55ضَ

لأ ، هو الشيطان ملبسه التناقض. ويبقى شكلهم وحش جدا. يعني لو شاف نفسه في مراية او واحد جاب له المقطع اللي قبله والمقطع اللي بعده هتلاقي يعني هتلاقيه مسلا لو واحد جاب له كده يوم في حياة ايه؟ في حياة واحد ايه - 00:59:05ضَ

آآ آآ من الناس الطيبة دي هيلاقيه امبارح بيتخانق جدا على اللي ساب كيس الزبالة. جنب البيت بتاعه. او راكن العربية مكانه. وقاعد واتخانق وبتاع ودوشة وبتاع. فتيجي تقول له يا اخي اتق - 00:59:20ضَ

قال لا مش كده يعني ايه المشكلة يعني يا اخي شيل الحاجة دي وتلاقيه هو اللي بيشير وبيتكلم لما فيه اخت ولا اخ من اهل الاستقامة وقع في معصية. مسكوا واحد مسلا في الصعيد ولا واحد في البحري ولا واحد في قبلي ولا - 00:59:33ضَ

لواحد برة البلد الطاهرة المباركة دي آآ سرق فلوس الناس. يقول لك شف هم كلهم كده. وانا قلت خلي بالكم ما تدوش فلوسكم لاي جمعية والكلام ده كله. انت بتلاقي واحدة بقى - 00:59:51ضَ

يعني ايه كاسية عارية وقعت في زنب يا اخي استروا على الناس يا اخي. يا اخي لعلها ابرك عند الله من الف لحية والف نقاب تلاقيه يمسك الخطاب ده مع ناس والخطاب التاني تشريح سلخوكم بالسنة حداد - 01:00:05ضَ

عشان تعرف ان هي مش قيمة عنده هي دي مش قيمة هو ده غل وحقد على آآ اهل الاسلام. انا لا لا او اهل الاستقامة خلينا اكون اكثر دقة على اهل الاستقامة غل وحقد - 01:00:23ضَ

تشوف واحدة منتقبة عملت حاجة تتكلم بطريقة دبح فبتلاقي واحدة آآ يعني لابسة فوق الركبة عملت غلط. يا جماعة استروها وما حدش مش عارف ايه والكلام ده كله والقصة دي كلها - 01:00:41ضَ

نسأل الله العفو والعافية يقول وان شئت كيف يخرجون الامر بالمعروف والنهي عن المنكر في قالب كثرة الفضول وتتبع عثرات الناس والتعرض من البلاء لما لا يطيقه يا اخي انت تعرض نفسك للبلاء ليه ؟ يا اخي يمكن مش عارف ايه. والقاء الفتن بين الناس. ويخرجون اتباع السنة ووصف الرب بما وصف به نفسه ووصف به - 01:01:00ضَ

رسول في قالب التشبيه. نسأل الله العفو والعافية. يعني الجماعة اللي بيقعوا بقى فين؟ في موضوع الاسماء والصفات. وان هم الناس اللي ممكن يلبسه على الناس امر آآ اسماء الله وصفاته. وازاي نفهم الاسماء والصفات - 01:01:27ضَ

خلونا نقف هنا ونكتفي بما قاله ابن القيم اسأل الله سبحانه وتعالى ان يسددنا واياكم لكل خير وينفع بنا وبكم حيثما كنا وكنتم بعض الناس هيجي يقول لك طب وبعدين واخرتها واحنا رايحين فين؟ والله الامر بسيط. ده امر يسير جدا - 01:01:48ضَ

جدا الموضوع بسيط خالص ايسر آآ هو ده شف الشيطان ده ربنا مكنه من الحاجات دي كلها. ومكنك انك ازاي تقفل الباب ده عليه بس احنا بنحكيه ده نقول لك ايه؟ ازاي الشيطان بيدخل البيت وازاي يسرق وازاي يعمل ولو دخل المطبخ هياكل الحاجة اللي جوة وهيفتح التلاجة وهيفتح - 01:02:09ضَ

طب ممكن مش عارف يازي كزا وممكن يعمل لك آآ يحط سم في الاكل ويحط مش عارف ايه والكلام ده كله ولو دخل فتح الخزنة هيعمل كزا امال احكي لك كل اللي الشيطان ممكن يعمله او الحرامي اللي ممكن يعمله جوة لو دخل البيت - 01:02:32ضَ

طب وتقول لي والحل؟ اقول لك ايه؟ اقفل بواب الحديد بس البوابة الحديد لو قفلتها الموضوع انتهى لكن انا بقول لك ايه عمال باب الحديد بيتفتح والحرامي بيدخل باقول لك الشيطان هيعمل ايه جوة بقى - 01:02:50ضَ

او الحرامي هيعمل ايه جوة هيعمل ايه في اوضة النوم وهيعمل ايه في الفلوس وهيعمل ايه في الكتب وهيعمل ايه في المطبخ وهيعمل ايه في كزا وهيعمل ايه في كزا وهيعمل ايه في كزا وهيعمل ايه في كزا - 01:03:08ضَ

ايه هو باب الحديد طيب مجملا ولسه فيه تفاصيل مجملا هو ازكارك الاذكار بقلب حاضر بس بس ازكار الصباح والمساء تركز فيها واستعازتك ووردك باللي ايه؟ بالقرآن تركز في الابواب دي - 01:03:19ضَ

بهدوء تام ان شاء الله بازن الله هتلاقي الجرعة ديت مع الوقت الموضوع انتهى انتهى يعني انتهى لكن طول ما الابواب دي سايب الباب مفتوح سايب الباب مفتوح باب الجنينة مفتوح. وباب الفيلا مفتوح وفاتح لي الشبابيك وفاتح لي كل مش عارف ايه. والتكييفات - 01:03:43ضَ

لها شباب بتاعتها كمان مفتوحة. وآآ ابواب الاوض كلها مفتوحة. وتيجي تقول لي ده الدنيا جوة بقت فوضى مع ايه اللي فوضها وايه اللي ضيعها؟ الابواب مفتوحة ربنا يسترنا واياكم. واسأل الله سبحانه وتعالى ان يرزقنا واياكم حسن العمل وحسن الخلق وحسن الختام. وجزاكم الله خيرا - 01:04:07ضَ